Skip to main content

மூளைச்சாவு அடைந்த பெண்ணின் உடல் உறுப்புகள் தானம்; மரியாதை செய்த மாவட்ட நிர்வாகம்

Published on 20/05/2024 | Edited on 20/05/2024
nn

வேலூரில் மூளைச்சாவு அடைந்த பெண்ணின் உடல் உறுப்புகள் தனமாக கொடுக்கப்பட்ட நிலையில் மாவட்ட நிர்வாகம் அவருக்கு அஞ்சலி செலுத்த முன் வந்துள்ளது.

வேலூர் மாவட்டம் குடியாத்தம் எழில் நகரைச் சேர்ந்தவர் சசிகுமார். அவரின் மனைவி சத்யா. இவருக்கு இரண்டு பிள்ளைகள். மகன் கல்லூரியில் முதலாமாண்டு படித்து வருகிறார். மகள் இந்தாண்டு 12 வது தேர்ச்சி பெற்றுள்ளார். 41 வயதான அவருக்கு அடிக்கடி தலைவலி வந்ததன் காரணமாக கடந்த 17 ஆம் தேதி வேலூர் சி.எம்.சி மருத்துவமனையில் அனுமதிக்கப்பட்டு சிகிச்சை பெற்று வந்தார்.

இந்நிலையில் மே 20 ஆம் தேதி காலை சிகிச்சை பலனின்றி சத்யாவிற்கு மூளைச்சாவு ஏற்பட்டது. இதுகுறித்து அவரது குடும்பத்தாரிடம் மருத்துவர்கள் தெரிவித்தனர். அவரது உடல் உறுப்புகளை தானம் செய்ய கேட்டபோது அவரது குடும்பத்தார் ஒப்புக்கொண்டனர்.  இதயம், லங்க்ஸ் சென்னை தனியார் மருத்துவமனைக்கும், கிட்னி சி.எம்.சி, நாராயணி மருத்துவமனைக்கும், லிவர், கண்கள் சி.எம்.சி மருத்துவமனைக்கு தரப்பட்டன.

தமிழ்நாடு அரசின் சார்பில் உடல் உறுப்பு தானம் செய்வதற்கு அரசின் சார்பில் மரியாதை செலுத்த வேண்டும் என முதலமைச்சர் மு.க.ஸ்டாலின்  உத்தரவிட்டுள்ளார். அதன்படி உடல் உறுப்பு தானம் செய்த அவருக்கு அஞ்சலி செலுத்த மாவட்ட நிர்வாகம் முன் வந்துள்ளது.

சார்ந்த செய்திகள்

 

Next Story

ஒரே நேரத்தில் 50 மருத்துவமனைகளுக்கு வெடிகுண்டு மிரட்டல்; போலீசார் விசாரணை

Published on 18/06/2024 | Edited on 18/06/2024
Bomb threat to 50 hospitals simultaneously; Police investigation

மும்பையில் 50 மருத்துவமனைகளுக்கு ஒரே நேரத்தில் வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியிருக்கிறது.

ஏற்கனவே இந்தியாவில் உள்ள 50 விமான நிலையங்களுக்கு வெடிகுண்டு மிரட்டல் விடுக்கப்பட்டிருந்தது. ஆனால் காவல்துறை விசாரணையில் அவை அனைத்தும் புரளி என தெரிய வந்தது. இந்தநிலையில் தற்போது மும்பையில் 50க்கும் மேற்பட்ட மருத்துவமனைகளுக்கு ஒரே நேரத்தில் மின்னஞ்சல் மூலம் வெடிகுண்டு மிரட்டல் விடுக்கப்பட்டுள்ளது. ஜஸ்லோக், ரஹேஜா, செவன் ஹில் உள்ளிட்ட மருத்துவமனைகளுக்கு ஈமெயிலில் வெடிகுண்டு மிரட்டல் வந்ததாக கூறப்படுகிறது. முதற்கட்ட தகவல் படி மருத்துவமனையின் படுக்கைகள், குளியலறைகளில் வெடிகுண்டு உள்ளதாக சைப்ரஸ் நாட்டிலிருந்து வெடிகுண்டு விரட்டில் வந்திருப்பதாகவும், மின்னஞ்சல் மூலம் வெடிகுண்டு மிரட்டல் விடுத்தவர் குறித்து விசாரித்து வருவதாகவும் மும்பை போலீசார் தெரிவித்துள்ளனர்.

Next Story

சாமி கும்பிடச் சென்ற பெண்ணை கடித்துக் குதறிய நாய்; மருத்துவமனையில் தீவிர சிகிச்சை! 

Published on 18/06/2024 | Edited on 18/06/2024
dog that bit the woman Sami went to worship

வேலூர் மாவட்டம் குடியாத்தம் அடுத்த கொண்ட சமுத்திரம் ஊராட்சிக்கு உட்பட்ட குறிஞ்சி நகர் பகுதியைச் சேர்ந்த கல்பனா( 48). அவர் அதே பகுதியில் உள்ள மாரியம்மன் கோவிலுக்கு சாமி கும்பிடுவதற்காகச் சென்றுள்ளார். அப்பொழுது கோயில் வளாகத்தில் படுத்திருந்த நாய் ஒன்று திடீரென கல்பனாவை ஓடிவந்து கடித்துள்ளது. இதில் அவர் அலறி  கூச்சலிட்டும் விடாமல் கை, கால் உள்ளிட்ட இடங்களில் நாய் கடித்துக் குதறியது. இவரின் அலறல் சத்தம் கேட்டு ஓடி வந்த அக்கம் பக்கத்தினர் நாயை துரத்தி விட்டனர்.

இதனையடுத்து 108 ஆம்புலன்ஸ் மூலம் குடியாத்தம் தலைமை அரசு மருத்துவமனைக்கு கல்பனாவை அனுப்பி வைத்தனர். மேலும் அங்கு கல்பனாவுக்கு மருத்துவர்கள் தீவிர சிகிச்சை அளித்து வருகின்றனர். கொண்டசமுத்திரம் ஊராட்சி பகுதியில் அதிக அளவிலான தெரு நாய்கள் சுற்றுவதாகவும் இதை கட்டுப்படுத்த ஊராட்சி மன்ற நிர்வாகம் மற்றும் அதிகாரிகள் உரிய நடவடிக்கை எடுக்க வேண்டும் என அப்பகுதி மக்கள் கோரிக்கை விடுக்கின்றனர்.

தமிழ்நாடு முழுவதுமே தெருநாய்கள் பொதுமக்களை குறிப்பாக சிறார்களை பெண்களையும் கடித்து குதறுவது தொடர் கதையாகவே இருந்து வருகிறது அரசு இதில் கவனம் செலுத்தி நாய்களுக்கு தடுப்பூசியும் குடும்ப கட்டுப்பாடு ஆபரேஷன் செய்ய வேண்டும் என பொதுமக்கள் கோரிக்கை வைக்கின்றனர்.