Skip to main content

மணிரத்னம், விக்ரமிற்கு நோட்டீஸ்!

Published on 16/07/2022 | Edited on 16/07/2022

 

Notice to Mani Ratnam, Vikram!

 

இந்த ஆண்டின் பெரிதும் எதிர்பார்க்கப்படும் படங்களில் ஒன்றாக இருக்கிறது 'பொன்னியின் செல்வன்'. மணிரத்னம் இயக்கியுள்ள இப்படத்தில் கார்த்தி, ஜெயம் ரவி, விக்ரம், சரத்குமார், த்ரிஷா, ஐஸ்வர்யா ராய், அமிதாப்பச்சன், பிரபு, நிழல்கள் ரவி, ரகுமான், விக்ரம் பிரபு உள்ளிட்ட பலர் நடித்துள்ளனர். 'லைகா' நிறுவனம் தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். இரண்டு பாகங்களாக உருவாகியுள்ள இப்படத்தின் முதல் பாகம் தமிழ், இந்தி, தெலுங்கு, மலையாளம் ஆகிய மொழிகளில் செப்டம்பர் 30-ஆம் தேதி திரையரங்கில் வெளியாகவுள்ளது. சில தினங்களுக்கு முன்பு வெளியான இப்படத்தின் டீசர் படத்தின் மீதான எதிர்பார்ப்பை அதிகரித்தது.

 

இந்நிலையில் இப்படத்தின் இயக்குநர் மணிரத்னத்திற்கும், நடிகர்கள் விக்ரம், ஜெயம் ரவி ஆகியோருக்கு  செல்வம் என்ற நபர் நோட்டீஸ் அனுப்பியுள்ளார். 'பொன்னியின் செல்வன்' படத்தில் வரலாற்று உண்மைகள் மறைப்பு இருப்பதாகக்கூறி செல்வம் என்பவர் நோட்டீஸ் அனுப்பியுள்ளதாகவும், படத்தை வெளியிடும் முன் படத்தை தங்களிடம் போட்டுக் காட்ட வேண்டும் என்றும் அந்த நோட்டீஸ் குறிப்பிடப்பட்டுள்ளதாம்.

 

சார்ந்த செய்திகள்

 

Next Story

ஓசாகா திரைப்பட விழா; விருதுகளைக் குவித்த கமல், மணிரத்னம் படங்கள்

Published on 27/05/2024 | Edited on 27/05/2024
osaka tamil international award winners list

தமிழ்த் திரைப்படங்களை அங்கீகரிக்கும் வகையில் மற்றும் தமிழ்ப் படங்களை சர்வதேச பார்வையாளர்களுக்குக் கொண்டு செல்லும் விதமாக ஜப்பானில் ஓசாகா தமிழ் திரைப்பட விழா ஆண்டுதோறும் நடந்து வருகிறது. இதில் சிறந்த நடிகர், சிறந்த நடிகை, சிறந்த இயக்குநர், சிறந்த படம் எனப் பல்வேறு பிரிவுகளில் விருதுகள் வழங்கப்படுகிறது. அந்த வகையில் கடந்த 2022ஆம் ஆண்டு வெளியான தமிழ் திரைப்படங்களுக்கு விருதுகள் அறிவிக்கப்பட்டுள்ளன. இதில் கமல்ஹாசன் - லோகேஷ் கனகராஜ் கூட்டணியில் வெளியான விக்ரம் மற்றும் மணிரத்னம் இயக்கத்தில் வெளியான பொன்னியின் செல்வன் 1 ஆகிய இரு படங்களும் 8 விருதுகள் வென்றுள்ளன. 

சிறந்த தமிழ் திரைப்படம் - விக்ரம் 
சிறந்த நடிகர் - கமல்ஹாசன் (விக்ரம்) 
சிறந்த நடிகை - கீர்த்தி சுரேஷ் (சாணிக் காயிதம்)
சிறந்த இசையமைப்பாளர் - அனிருத் (விக்ரம்)
சிறந்த ஒளிப்பதிவு - ரவி வர்மன் (பொன்னியின் செல்வன்-1)
சிறந்த இயக்குநர் - மணிரத்னம் (பொன்னியின் செல்வன்-1)
சிறந்த திரைக்கதை - ரத்னகுமார், லோகேஷ் கனகராஜ் (விக்ரம்)
சிறந்த புரொடக்ஷன் ஹவுஸ் - மெட்ராஸ் டாக்கீஸ், லைகா புரொடக்‌ஷன்ஸ் (பொன்னியின் செல்வன்-1)
சிறந்த நடன அமைப்பு - ஜானி மாஸ்டர் (அரபிக் குத்து - பீஸ்ட்)
சிறந்த துணை நடிகர் - ஃபகத் பாசில் (விக்ரம்) 
சிறந்த துணை நடிகை - ஐஸ்வர்யா ராய் (பொன்னியின் செல்வன்-1)
சிறந்த பொழுதுபோக்காளர் - பிரதீப் ரங்கநாதன் (லவ் டுடே)
சிறந்த வில்லன் - விஜய் சேதுபதி (விக்ரம்)
சிறந்த படத்தொகுப்பு - ஃபிலோமின் ராஜ் (விக்ரம்)
சிறந்த சண்டை அமைப்பு - அன்பறிவ் (விக்ரம்)
சிறந்த கலை அமைப்பு - தோட்டா தரணி (பொன்னியின் செல்வன் -1)
சிறந்த விஎஃபெக்ஸ் குழு - என்.ஒய் விஎஃபெட்க்ஸ் வாலா (பொன்னியின் செல்வன் -1)
சிறந்த ஒலி வடிவமைப்பு - ஆனந்த் சிருஷ்ணமூர்த்தி (பொன்னியின் செல்வன் -1)
சிறப்பு விருது -  லவ் டுடே

Next Story

ஆசிய திரைப்பட விருது; 4 பிரிவுகளில் 'பாரடைஸ்'!

Published on 14/01/2024 | Edited on 14/01/2024
 Asian Film Award; 'Paradise' in 4 sections!

நியூட்டன் சினிமா தயாரிப்பில் வெளியான பாரடைஸ் படம் ஆசிய திரைப்பட விருதுகளில் சிறந்த திரைப்படம், சிறந்த இயக்குநர், சிறந்த திரைக்கதை மற்றும் சிறந்த எடிட்டர் ஆகிய 4 பிரிவுகளில் பரிந்துரைகளைப் பெற்றுள்ளது.

நியூட்டன் சினிமாவின் பாரடைஸ் படம் மிகவும் மதிப்புமிக்க 17வது ஆசிய திரைப்பட விருதுகளில் நான்கு பிரிவுகளில் பரிந்துரைகளுடன் கௌரவிக்கப்பட்டுள்ளது. இந்தப் பரிந்துரைகளில் சிறந்த திரைப்படம், சிறந்த இயக்குநர் பிரசன்ன விதானகே, சிறந்த திரைக்கதை பிரசன்னா விதானகே மற்றும் அனுஷ்கா சேனநாயக்க மற்றும் சிறந்த எடிட்டிங் ஏ. ஸ்ரீகர் பிரசாத் ஆகியோர் இடம் பெற்றுள்ளனர்.  சினிமா சாதனைகள், கலாச்சார பன்முகத்தன்மை மற்றும் திறமைகளை சிறப்பித்துக் காட்டும் வகையில் புகழ்பெற்ற ஆசிய திரைப்பட விருதுகள் அகாடமியால் இந்த விருதுகள் வழங்கப்படுகின்றன. இந்த ஆசிய திரைப்பட விருதுக்கு ஒரு படம் பரிந்துரைக்கப்படுவது ஒரு படத்தின் வெற்றி மற்றும் தரத்தின் முக்கிய குறிகாட்டியாக கருதப்படுகிறது. முக்கிய பிரிவுகளில் பாரடைஸ் படம் பல விருதுகளுக்கு ஆசிய திரைப்பட விருதுகளில் பரிந்துரைக்கப்பட்டது படத்தின் தரம் மற்றும் தகுதியை அடிக்கோடிட்டுக் காட்டுகிறது.

இந்த நான்கு பரிந்துரைகளும் பாரடைஸுக்கு முக்கியத்துவம் வாய்ந்தவை, இது சர்வதேசத் திரைப்பட சமூகத்தில் படத்தின் தாக்கத்தையும் அதிர்வலையையும் நிரூபிக்கிறது. பாரடைஸ் படம் அக்டோபர் 2023ல் பூசன் சர்வதேசத் திரைப்பட விழாவில் சிறந்த திரைப்படம் (கிம் ஜிசோக்) விருதை வென்றது. நியூட்டன் சினிமா தயாரிப்பு நிறுவனத்திற்கு, சிறந்த திரைப்படத்திற்கான பரிந்துரை சிறப்பு முக்கியத்துவம் வாய்ந்தது. இந்த நியமனம், உலகளாவிய பார்வையாளர்களுடன் எதிரொலிக்கும் சினிமாவை ஆதரிப்பதற்கும் தயாரிப்பதற்கும் நிறுவனத்தின் அசைக்க முடியாத அர்ப்பணிப்பைக் குறிக்கிறது. இந்த படத்தின் இயக்குநர் பிரசன்ன விதானகே தனது அதீத திறமைக்காக அங்கீகரிக்கப்பட்டுள்ளார். ஐந்து NETPAC விருதுகள் உட்பட 30க்கும் மேற்பட்ட சர்வதேச விருதுகளை வென்றுள்ளார். இது அவரது அசாத்திய திறமைக்கு மற்றும் தொலைநோக்குப் பார்வைக்கு சான்றாகும்.

பிரசன்ன விதானகே மற்றும் அனுஷ்கா சேனாநாயக்க ஆகியோருக்கான சிறந்த திரைக்கதைக்கான பரிந்துரையானது, பாரடைஸ் திரைப்படத்தின் திரைக்கதைக்கு ஒரு சான்றாகும். இது படத்தின் வெற்றிக்கு அடித்தளமாக அமைந்தது.  பொன்னியின் செல்வன் மற்றும் RRR போன்ற குறிப்பிடத்தக்க படங்கள் உட்பட 600 படங்களுக்கு மேல் அனுபவம் வாய்ந்த எடிட்டரான A. ஸ்ரீகர் பிரசாத்தின் சிறந்த எடிட்டிங்கிற்காக பரிந்துரைக்கப்பட்டுள்ளது. இந்த படத்தில் அவரது பங்களிப்பு அதன் கதை மற்றும் காட்சி கதைச்சொல்லலை வடிவமைப்பு முக்கியமானது.

மணிரத்னம் மற்றும் மெட்ராஸ் டாக்கீஸ் வழங்கும், பாரடைஸ் படத்தில் ரோஷன் மேத்யூ, தர்ஷனா ராஜேந்திரன், ஷியாம் பெர்னாண்டோ மற்றும் மகேந்திர பெரேரா ஆகியோரின் சிறந்த நடிப்பைக் கொண்டுள்ளது. ராஜீவ் ரவியின் ஒளிப்பதிவு, கே இன் இசை, தபஸ் நாயக்கின் ஒலி வடிவமைப்பு ஆகியவற்றால் படத்தின் கலை ஆழம் மேலும் மெருகேற்றப்பட்டுள்ளது.   நியூட்டன் சினிமாவின் தலைமை நிர்வாக அதிகாரியான ஆன்டோ சிட்டிலப்பில்லி தனது உற்சாகத்தை வெளிப்படுத்தினார்: "இந்த பரிந்துரைகள் படத்தில் பணியாற்றிய அனைவருக்கும் பெருமை மற்றும் மகிழ்ச்சியின் தருணம். இது எங்கள் படத்திற்கான அங்கீகாரம் மட்டுமல்ல, எங்கள் குழுவின் கூட்டு மனப்பான்மை மற்றும் கடின உழைப்பின் கொண்டாட்டம்" என்று கூறினார். நியூட்டன் சினிமா, அதன் விநியோக பங்குதாரரான செஞ்சுரி ஃபிலிம்ஸுடன் இணைந்து, தயாரித்த இரண்டு படங்களை உலகளவில் திரையரங்குகளில் கொண்டு வருகிறது. பாரடைஸ் மார்ச் 2024ல் வெளியிடப்படும் மற்றும் பேமிலி பிப்ரவரி 2024ல் திரையரங்குகளில் வெளியிடப்பட உள்ளது.