Skip to main content

சாக்கடைக்கு அருகே அசைவ உணவு; கடைக்கு சீல் வைத்த அதிகாரிகள்

Published on 29/08/2023 | Edited on 29/08/2023

 

Non-vegetarian food near drains; sealed by officials

 

காரைக்குடியில் சாக்கடைக்கு அருகிலேயே வைத்து சுகாதாரமற்ற முறையில் உணவுகளைத் தயாரித்த கடைக்கு நோட்டீஸ் வழங்கிய உணவுப் பாதுகாப்புத்துறை அதிகாரிகள் ஃபிரிட்ஜில் வைத்த கெட்டுப்போன அசைவ உணவுகளைப் பறிமுதல் செய்தனர்.

 

காரைக்குடியில் வியாழக்கிழமை சந்தைப் பகுதி எதிரில் உள்ள படையப்பா எனும் அசைவ உணவகத்தில் சுகாதாரமற்ற முறையில் உணவுகள் தயாரிக்கப்படுவதாகவும் கெட்டுப்போன உணவுகள் விற்கப்படுவதாகவும் புகார் எழுந்தது. இதனையடுத்து உணவுப் பாதுகாப்புத்துறை அதிகாரிகள் திடீரென அந்த கடைக்குள் சோதனை நடத்தினர். சோதனையில் ஃபிரிட்ஜில் வைக்கப்பட்டிருந்த கெட்டுப்போன சிக்கன், நண்டு கிரேவி, நறுக்கி வைக்கப்பட்ட காய்கறிகள், சாதம் ஆகியவற்றைப் பறிமுதல் செய்து அகற்றினர். திறந்தவெளியில் சாக்கடைக்கு அருகே சமையல் செய்யப்படுவது தெரிந்து அதைச் சரி செய்ய வேண்டுமென ஐந்து நாட்களுக்குள் கால அவகாசம் வழங்கி உணவகத்தை மூடி சீல் வைத்து நோட்டீஸ் ஒட்டிச் சென்றனர்.

 

 

சார்ந்த செய்திகள்

 

Next Story

12 மாணவர்களுக்கு மஞ்சள் காமாலை; அச்சத்தில் வயலோகம் கிராமம்

Published on 11/07/2024 | Edited on 11/07/2024
 12 students with jaundice; Wayalogam village in fear

புதுக்கோட்டையில் ஒரே கிராமத்தைச் சேர்ந்த 12 பள்ளி மாணவர்களுக்கு மஞ்சள் காமாலை தொற்று ஏற்பட்டுள்ள நிலையில் வீடு வீடாகச் சென்று சுகாதாரப் பணியாளர்கள் ஆய்வு மேற்கொண்டு வருகின்றனர்.

புதுக்கோட்டை மாவட்டம் வயலோகம் கிராமத்தில் வசித்து வரும் 12 பள்ளி மாணவர்களுக்கு அடுத்தடுத்து மஞ்சள் காமாலை நோய் இருப்பது உறுதி செய்யப்பட்டது. இதில் ஒரு சிறுவன் உயிரிழந்ததாகத் தகவல்கள் வெளியான நிலையில், அந்த செய்தி வயலோகம் பகுதி கிராம மக்களுக்கு அதிர்ச்சியைக் கொடுத்துள்ளது. இதனைத் தொடர்ந்து பகுதியில் உள்ள அனைத்து வீடுகளிலும் சுகாதாரத்துறை அதிகாரிகள் ஆய்வு மேற்கொண்டு வருகின்றனர்.

குடிநீர் தொட்டியின் சுகாதாரமின்மையால் தொற்று ஏற்பட்டுள்ளதாக தகவல்கள் பரவ, ஊராட்சி நிர்வாகம் சார்பில் சம்பந்தப்பட்ட குடிநீர் தொட்டியில் இருந்து தண்ணீரை நிறுத்தி விட்டு வாகனத்தில் கொண்டுவரப்படும் தண்ணீர் டேங்க் மூலம் குடிநீர் சேவை வழங்கப்பட்டு வருகிறது. சுகாதாரத்துறை சார்பில் மருத்துவ முகாம் அமைக்கப்பட்டுள்ளது. உடனடியாக  நடவடிக்கைகள் மேற்கொள்ளப்பட வேண்டும் என வயலோகம் கிராம மக்கள் கோரிக்கை வைத்து வருகின்றனர்.

Next Story

'பஞ்சுமிட்டாயை அடுத்து பானி பூரியால் புற்றுநோய்'-ரெய்டுக்கு தயாராகும் உணவு பாதுகாப்புத்துறை

Published on 03/07/2024 | Edited on 03/07/2024
'Panipuri after panchamitai' - Food security department prepares for raid


அண்மையில் பஞ்சுமிட்டாயில் இடம்பெற்றுள்ள செயற்கை நிறமி புற்றுநோயை உருவாக்கும் கூறுகளைக் கொண்டது என கண்டறியப்பட்ட நிலையில் அவை தடை செய்யப்பட்டுள்ளது. இதன் தொடர்ச்சியாக பல்வேறு இடங்களில் உணவு பாதுகாப்புத்துறை அதிகாரிகள் சோதனை மேற்கொண்டு வருகின்றனர். இந்நிலையில் கர்நாடகாவில் புற்றுநோய்க்கு வழிவகுக்கும் செயற்கை நிறமிகள் பானி பூரி மசாலாவில் கலக்கப்படுவதாக தகவல்கள் வெளியான நிலையில் தீவிர சோதனைகள் நடைபெற்று வருகிறது.

அந்த வகையில் தமிழகத்திலும் சோதனையை தீவிரப்படுத்த உணவு பாதுகாப்புத் துறை அதிகாரிகள் ஆயத்தமாகி வருகின்றனர். சென்னை மெரினா கடற்கரையில் உணவு பாதுகாப்புத்துறை அதிகாரிகள் ஆய்வு செய்து அங்குள்ள பானி பூரி கடைகளில் மசாலாவில் கலந்துள்ள கலவைகள் குறித்து கேட்டறிந்தனர். முறையான அனுமதி பெற்று பானி பூரி கடை நடத்தப்படுகிறதா? என்ற ஆய்வு செய்த அதிகாரிகள், பானிபூரி, சாட் உணவுகள் ஆகியவற்றை ஆய்வு செய்தனர். அங்குள்ள கடைகளில் இருந்த பானி பூரி மசாலாவின் மாதிரிகளை சேகரித்த அதிகாரிகள் அதனை ஆய்வுக்காக அனுப்பி வைத்துள்ளனர்.

ஒருவேளை புற்றுநோயை உருவாக்கும் நிறமிகள், ரசாயன ரசாயனங்கள் சேர்க்கப்பட்டது உறுதி செய்யப்பட்டால் சம்பந்தப்பட்ட கடைகள் மீது நடவடிக்கை எடுக்கப்படும் எனவும் தெரிவிக்கப்பட்டது. குழந்தைகள் விரும்பி சாப்பிடும் உணவாக இருக்கும் பானிபூரியில் ரசாயனங்கள் சேர்ப்பது தண்டனைக்குரிய குற்றம் எனவும் அதிகாரிகள் எச்சரித்துள்ளனர்.

'Panipuri after panchamitai' - Food security department prepares for raid

இந்த அதிரடி ஆய்வுக்கு பிறகு செய்தியாளர்களைச் சந்தித்த உணவு பாதுகாப்புத்துறை அதிகாரி சதீஷ்குமார், ''சென்னையை பொறுத்தவரை இப்பொழுதுதான் ஆரம்பித்துள்ளோம். இன்னும் மூன்று, நான்கு நாட்களுக்குள் சென்னை முழுவதும் ஆய்வு முடித்து விடுவோம். தமிழ்நாடு முழுக்க உணவு பாதுகாப்புத் துறை ஆய்வு செய்ய இருக்கிறார்கள். இரண்டு, மூன்று நாட்களில் மாதிரிகள் எடுக்கப்பட்டு அந்த மாதிரிகளின் அடிப்படையில் கிடைக்கும் முடிவுகளை வைத்து நடவடிக்கைகள் எடுக்கப்படும்'' என தெரிவித்துள்ளார்.