Breaking

வாக்காளர் அடையாள அட்டை இல்லை.. தேர்தல் ஆணைய குளறுபடியால் வேட்பு மனுக்களை தள்ளுபடி செய்ய திட்டம்?

Photographer

Published on 12/12/2019 | Edited on 12/12/2019

உள்ளாட்சித் தேர்தல் நடத்துவதில் தேர்தல் ஆணையம் சரியாக செயல்படவில்லை என்றும் தொகுதி வரையரை முழுமையாக சீராக செய்யவில்லை என்றும் எதிர்கட்சிகள் நீதிமன்றங்களை நாடியது. அங்கே எல்லாம் சரியாக நடந்துள்ளதாக நீதிமன்றத்தில் தேர்தல் ஆணையம் சொல்லி தேர்தலை நடத்த வேட்பு மனுக்களை வாங்கி வருகின்றனர்.

No voter ID card .. Planning for dismissal of nomination papers due to pollution of EC?

ஆனால் தொகுதி சீரமைப்பு என்ற பெயரில் செய்யப்பட்ட குழப்படிகள் சரி செய்யப்படாமலேயே உள்ளது. உதாரணமாக புதுக்கோட்டை மாவட்டம் அரிமளம் ஒன்றியக் குழு தலைவர் ஆதிதிராவிடர் பெண். ஆனால் அவர்களுக்காக ஒதுக்கப்பட்ட 13 வார்டுகளில் ஒன்று மட்டுமே. அதாவது 12 வார்டுகளில் எந்தக் கட்சி வெற்றி பெற்றாலும் தனி வார்டில் வெற்றி பெற்ற ஒரே வேட்பாளர் தான் சேர்மன் ஆக முடியும். அதேபோல தஞ்சை மாவட்டம் திருவோணம் ஒன்றியத்தில் உள்ள சிவவிடுதி ஊராட்சியில் ஆதிதிராவிடர் வாக்குகளை அதிகமாக தவறாக காட்டி ஆதிதிராவிடருக்கு என்று ஒதுக்கப்பட்டுள்ளது. இப்படி பல குழறுபடிகள் தீர்க்கப்படாமல் அவசரமாக வேட்பு மனுக்கள் பெறப்பட்டு வருகிறது.

இந்நிலையில் தான் தற்போது தேர்தல் ஆணையத்தின் தவறால் பலரது வேட்பு மனுக்கள் நிராகரிக்கப்பட உள்ளது. அதாவது, வேட்பு மனுக்களோடு வாக்காளர் பட்டியலில் பெயர் இருப்பதை உறுதி செய்ய பாகம், வார்டு, வரிசை எண் ஆகியவற்றை பூர்த்தி செய்து விண்ணப்பம் கொடுத்துவருகின்றனர். வேட்பு மனுக்கள் பரிசீலனையின் போது வாக்காளர் அடையாள அட்டை காட்டப்பட வேண்டும்.

ஆனால் புதுக்கோட்டை, தஞ்சை, நாகை, திருவாரூர் மாவட்டங்களில் கஜா புயலில் உடமைகள் அத்தனையும் இழந்தவர்கள் வாக்காளர் அடையாள அட்டைகளையும் இழந்துள்ளனர். தற்போது அவர்களும் வேட்பு மனு தாக்கல் செய்துவிட்டு புதிய வாக்காளர் அடையாள அட்டைபெற இ சேவை மையத்திற்கு சென்ற வேட்பாளர்களுக்கு அதிர்ச்சி. காரணம் புதிய வாக்காளர் அட்டை அச்சடிக்கும் அட்டை இல்லை என்பதே. இந்த அட்டைகளை தேர்தல் ஆணையம் தான் வழங்க வேண்டும். தேர்தல் ஆணையம் தமிழ்நாடு கேபிள் டிவி நிறுவனத்திடம் ஒப்படைத்திருந்தது. கேபிள் டிவி நிறுவனங்களின் கீழ் தான் இ சேவை மையங்கள் செயல்படுகிறது.

இது குறித்து தமிழ்நாடு கேபிள் டிவி நிறுவனத்தின் புதுக்கோட்டை மாவட்ட தாசில்தார் கூறும்போது.. வாக்காளர் அடையாள அட்டைக்கான அட்டைகளை வழங்கிய தனியார் நிறுவனத்தின் ஒப்பந்தம் முடவடைந்துவிட்டது. அதன் பிறகு அட்டைக்கான தொகையை தனியார் நிறுவனம் உயர்த்தி கேட்டதால் இழுபறி ஏற்பட்டு கடந்த ஒரு மாதத்திற்கு மேலாக அட்டை அனுப்பவில்லை. அதனால் புதிய வாக்காளர்அடையாள அட்டைகளை வாக்காளர்களுக்கு வழங்க முடியவில்லை என்றார்.

தேர்தல் ஆணையம் மற்றும் கேபிள் டிவி அலட்சியத்தால் பல வேட்பாளர்களின் வேட்பு மனுக்கள் நிராகரிக்கப்பட உள்ளது. இது குறித்து இந்திய கம்யூனிஸ்ட் கட்சியின் திருவரங்குளம் ஒ செ சொர்ணகுமார்.. புயலில் பலரது உடமைகளுடன் தேர்தல் ஆணையம் வழங்கிய வாக்காளர் அடையாள அட்டையும் காணாமல் போய்விட்டது. இப்ப அவர்கள் வேட்பு மனு தாக்கல் செய்து வருகிறார்கள். பரிசீலனையில் ஒரிசினல் வாக்காளர் அடையாள அட்டையை காட்டணும். இ சேவை மையத்தில் அட்டை இல்லை என்கிறார்கள். அப்பறம் எப்படி கொண்டு போறது. தேர்தல் ஆணையம் செய்யும் தவறுக்கு வேட்பாளர்கள் என்ன செய்ய முடியும். அதனால வேட்பாளர்களின் வாக்காளர் அடையாள அட்டை நகல்களை பரிசீலனையில் ஏற்க வேண்டும் என்பதை தேர்தல் ஆணையம் உடனே உத்தரவிட வேண்டும் என்றார்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 22/04/2024 | Edited on 22/04/2024

Govt Bus Driver Conductor incident information released in the investigation

தஞ்சாவூர் மாவட்டம் கும்பகோணம் அருகே பழைய பாலக்கரை பகுதியில் பந்தநல்லூரில் இருந்து கும்பகோணம் நோக்கி அரசு நகரப் பேருந்து ஒன்று வந்து கொண்டிருந்தது. அப்போது 8 பேர் கொண்ட இளைஞர் கும்பல் ஒன்று இந்த பேருந்தை வழிமறித்துள்ளனர். அதனைத் தொடர்ந்து பேருந்தின் ஓட்டுநர் மற்றும் நடத்துநரிடம் வாக்குவாதத்தில் ஈடுட்டனர். மேலும் ஆத்திரமடைந்த இளைஞர்கள் பேருந்துக்குள் சென்று ஓட்டுநரை தகாத வார்த்தைகளால் திட்டி வாக்குவாதத்தில் ஈடுபட்டனர்.

அப்போது ஓட்டுநரை பேருந்துக்கு வெளியே இழுத்து வந்து அவரை சரமாரியாக அடித்து உதைத்துள்ளனர். இதனை தடுக்க முயன்ற நடத்துநர் மீதும் சரமாரியாக தாக்குதல் நடத்தியுள்ளனர். அருகில் இருந்தவர்கள் இதனை தடுக்க முயன்ற போது இந்த இளைஞர்கள் அவர்களையும் தகாத வார்த்தைகளால் திட்டி கொலை மிரட்டல் விடுத்து தாக்கியுள்ளனர். அதே சமயம் அந்த வழியே வந்த தனியார் தொலைக்காட்சி செய்தியாளர்கள் இருவர் இந்த சம்பவத்தை படம் எடுத்தபோது அவர்களையும் தகாத வார்த்தைகளால் பேசி தாக்க முயன்றுள்ளனர்.

இந்த சம்பவத்தில் படுகாயமடைந்த பேருந்து ஓட்டுநர், நடத்துநர் மற்றும் இருவர் என 4 பேரும் மருத்துவமனையில் சிகிச்சைக்காக அனுமதிக்கப்பட்டு அவர்களுக்கு சிகிச்சை அளிக்கப்பட்டு வருகிறது. இந்த கொடூர சம்பவத்தில் ஈடுபட்ட 2 பேரை பொதுமக்கள் பிடித்து போலீசில் ஒப்படைத்தனர். 6 பேர் அங்கிருந்து தப்பி ஓடிவிட்டனர். கைது செய்யப்பட்ட இருவரிடமும் போலீசார் நடத்திய விசாரணையில் இந்த தாக்குதல் சம்பவத்தில் ஈடுபட்ட 8 பேரும் கஞ்சா போதையில் இருந்தனர் என்ற பகீர் தகவல் வெளியாகியுள்ளது. இத்தகைய சூழலில் மேலும் 4 பேரை போலீசார் கைது செய்துள்ளனர். தலைமறைவாக உள்ள இருவரையும் போலீசார் தீவிரமாக தேடி வருகின்றனர்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 12/04/2024 | Edited on 12/04/2024

The cruelty that happened to the woman who went to herd the goats; Villagers frozen in fear

தஞ்சாவூரில் ஆடுகளை மேய்க்கச் சென்ற பெண் கொடூரமாகக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

தஞ்சை மாவட்டம் செங்கிப்பட்டி அடுத்துள்ளது மனையேறிப்பட்டி. இந்தக் கிராமத்தைச் சேர்ந்த 48 வயது பெண் ஒருவர், கருமம்குளம் பகுதியில் ஆடுகளை எப்பொழுதும் மேய்ச்சலுக்குக் கொண்டு செல்வது வாடிக்கை. அதன்படி நேற்று மேய்ச்சலுக்கு ஆடுகளை அழைத்துச் சென்ற நிலையில் மாலை வரை அவர் வீடு திரும்பவில்லை. இதனால் காணாமல் போனவரைத் தேடி உறவினர்கள் குளக்கரை பகுதிக்குச் சென்றுள்ளனர். அப்பொழுது அப்பெண்ணின் செருப்பு மற்றும் அவர் உணவு எடுத்து வந்த பாத்திரம், தண்ணீர் பாட்டில் ஆகியவை மட்டும் தரைப்பகுதியில் கிடந்தது.

இதனால் சந்தேகமடைந்தவர்கள் அக்கம் பக்கத்தில் தேடிய பொழுது அப்பெண் ஆடைகள் களையப்பட்ட நிலையில் ரத்த காயத்துடன் சடலமாகக் கிடந்தார். பின்னர், உடனடியாக காவல்துறைக்குத் தகவல் கொடுக்கப்பட்டது. இதனையடுத்து சம்பவ இடத்திற்கு வந்த போலீசார் பெண்ணின் சடலத்தை மீட்டு பிரேதப் பரிசோதனைக்கு அனுப்பி வைத்ததோடு, இந்தச் சம்பவம் தொடர்பாக விசாரணை நடத்தி வருகின்றனர். ஒருவேளை அப்பெண் பாலியல் வன்கொடுமைக்கு ஆளாக்கப்பட்டு கொலை செய்யப்பட்டு இருக்கலாம் என்ற கோணத்தில் போலீசார் விசாரணை மேற்கொண்டு வருகின்றனர். இந்தச் சம்பவம் அங்கு பெரும் பரபரப்பையும், அச்சத்தையும் ஏற்படுத்தி இருக்கிறது.