Skip to main content

"பரமசிவனின் ஆசிகள்... நான் சமாதியில் இருக்கிறேன்"- பரபரப்பைக் கிளப்பிய நித்தியானந்தா! 

Published on 14/05/2022 | Edited on 14/05/2022

 

nithyananda letter viral

 

மரணப்படுக்கையில் கிடக்கிறார் நித்தியானந்தா எனக் கூறப்பட்ட நிலையில், 'வந்துட்டேன்னு சொல்லு... திரும்ப வந்துட்டேன்னு சொல்லு' என நித்தியனந்தா கைப்பட எழுதியுள்ள கடிதம் ஒன்று, இணையத்தில் வைரலாகி வருகிறது.

 

சர்ச்சை வீடியோ ஒன்றால் உலகப் புகழ் பெற்றவர் நித்தியானந்தா. இதையடுத்து, மதுரை ஆதினத்துடன் ஏற்பட்ட தகராறு, பாலியல் பலாத்காரம், கடத்தல் உள்ளிட்ட பல்வேறு வழக்குகளால், அவர் மீது குற்றச்சாட்டு கிராஃப் கிடுகிடுவென ஏறிக்கொண்டே போனது. இதன் தொடர்ச்சியாக, அகமதாபாத் போலீசார் வழக்குப்பதிவு செய்து, அவரை தேடிவந்தனர். இதனால், இந்தியாவை விட்டே தப்பியோடிய நித்தியானந்தா, ஆஸ்திரேலியாவுக்கு அருகே உள்ள தீவில் அடைக்கலம் ஆனதாகச் சொல்லப்படுகிறது. தான் தங்கியிருக்கும் தீவுக்கு 'கைலாசா' எனப் பெயரிட்டு, அங்கிருந்தபடியே ஆன்லைன் சொற்பொழிவுகளை நிகழ்த்திவந்தார் நித்தியானந்தா. கைலாசாவை இந்து நாடு எனப் பிரகடனப்படுத்திய நித்தியானந்தா, குடிமகன்களுக்கான விண்ணப்பத்தை வெளியிட்டு, உலக மக்களை 'கைலாசா' நாட்டுக்கு வருமாறு, அழைப்பு விடுத்தார். ஆனால், உஷாராக முகவரியை மட்டும் குறிப்பிடாமல் தவிர்த்தார். 

 

நித்தியானந்தா காட்டில்தான் மழை என தமிழக இளசுகள் வயிற்றெரிச்சலை 'மீம்ஸ்' ஆக கன்வெர்ட் செய்து வெளியிட்டு வர, அதற்கும் பதில் சொல்லி அடுத்த வீடியோவில் கிறங்கடிப்பார் நித்தி. ஒருபக்கம் போலீஸுக்கு தண்ணி கட்டிக்கொண்டு, இன்னொரு பக்கம் வெயிட்டான பக்தர்களையும் கைநழுவிச்செல்லாமல் பார்த்துக் கொள்கிறார் எனச் சொல்லப்பட்டது. கைலாச அதிபர், சுவாமியார், போலீசால் தேடப்படும் நபர் எனப் பன்முகம் கொண்ட நித்தியை யாராவது தவறாகப் பேசிவிட்டால், அவரது பெண் சீடர்கள் கொதித்துப் போய் பேஸ்புக் 'லைவ்'வுக்கு வந்துவிடுவார்கள். நித்தியை கேலி செய்தவர்களை கிழித்து கடுமையாக விமர்சிப்பார்கள். 

nithyananda letter viral

இந்நிலையில், நித்தியானந்தாவுக்கு கடும் உடல்நலக்குறைவு ஏற்பட்டு, அவர் மரணம் அடைந்துவிட்டதாக சமூக வலைதளங்களில் தகவல் வெளியானது. இதைக் கேட்டு பலரும் அதிர்ச்சியடைந்தனர். 'நல்லா தானே இருந்தாரு' என சோசியல் மீடியாவில் பதிவிட்டு வந்தனர். இது, பெரும் பரபரப்பை ஏற்படுத்திய நிலையில், 'திரும்ப வந்துட்டேன்னு சொல்லு' என, அவர் கைப்பட எழுதிய கடிதமும் நித்தியானந்தாவின்  புகைப்படங்களும் அவரது அதிகாரப்பூர்வ ஃபேஸ்புக் பக்கத்தில் வெளியிடப்பட்டுள்ளது. 

 

அதில், "பரமசிவனின் ஆசிகள்! நான் இறந்துவிட்டதாக பரவும் வதந்திகளை நம்பவேண்டாம். என் உடம்புக்கு என்னானது என்றே தெரியவில்லை. கிட்டத்தட்ட 30 மருத்துவர்கள் எனக்கு சிகிச்சை அளிக்கிறார்கள். மருத்துவர்களாலும் எனது நிலையயை அறிய முடியவில்லை. இதுவரை என்னை சுற்றியுள்ளவர்களின் பெயர்கள் மற்றும் நினைவுகளை முழுதாக அறிந்துகொள்ள முடியவில்லை. நான் சாகவில்லை. சமாதியில் இருக்கிறேன்" இவ்வாறு கூறியுள்ளார். இதனால், அவரது பக்தர்கள் சுவாமிக்கு என்னானதோ எனும் கவலையில் ஆழ்ந்துள்ளனர்.

 

சார்ந்த செய்திகள்

 

Next Story

“கூட்டுப் பணிக்குழுவினை மீண்டும் புதுப்பிக்க வேண்டும்” - முதல்வர் வலியுறுத்தல்!

Published on 24/06/2024 | Edited on 24/06/2024
The Joint Working Group should be renewed CM insists

இலங்கை கடற்படையினரால் கைது செய்யப்பட்டுள்ள அனைத்து மீனவர்களையும், அவர்களது மீன்பிடிப் படகுகளையும் விடுவிக்க இலங்கை அரசை வலியுறுத்திடக் கோரி மத்திய வெளியுறவுத்துறை அமைச்சர் ஜெய்சங்கருக்கு தமிழக முதலமைச்சர் மு.க. ஸ்டாலின் கடிதம் எழுதியுள்ளார். அந்த கடிதத்தில், “தனது முந்தைய கடிதத்தில் சுட்டிக் காட்டியது போன்று மீனவர்களை கைது செய்தல் மற்றும் அச்சுறுத்தல் சம்பவங்கள் தொடர்கிறது. இதனால் மீனவர்களின் வாழ்வாதாரம் பாதிக்கப்பட்டுள்ளது. இச்சம்பவம் அச்சமுதாயத்தினரிடையே மிகுந்த அச்ச உணர்வை ஏற்படுத்தியுள்ளது.

கடந்த 22.06.2024 அன்று, ராமேஸ்வரம் மீன்பிடித் துறைமுகத்தைச் சேர்ந்த 22 மீனவர்கள் IND- TN-10-MM-84, IND-TN-10-MM-88 IND-TN-10-MM-340 ஆகிய எண்களைக் கொண்ட மூன்று இயந்திரப் படகுகளுடன் மீன்பிடிக்கச் சென்றிருந்த நிலையில் கைது செய்யப்பட்டுள்ளனர். எனவே, இலங்கை அரசால் கைது செய்யப்பட்ட மீனவர்களையும், அவர்களது படகுகளையும் உடனடியாக விடுவிக்குமாறு கேட்டுக்கொள்கிறேன். ஏற்கெனவே விடுவிக்கப்பட்ட படகுகளை இலங்கையில் இருந்து கொண்டு வருவதற்கு மீட்புப் படகுகள் மற்றும் பணியாளர்களுக்கு இன்னும் அனுமதி வழங்கப்படவில்லை. 

The Joint Working Group should be renewed CM insists

அதேபோன்று, இலங்கை சிறையில் அடைக்கப்பட்டுள்ள மீனவர்களைச் சந்தித்து, அவர்களுக்கு ஆறுதலும் அடிப்படைத் தேவைகளையும் வழங்கிட அனுமதி தர வேண்டுமென தமிழ்நாட்டைச் சேர்ந்த பல்வேறு மீனவர் சங்கங்கள் முன்வைத்துள்ள கோரிக்கைகளைக் கனிவுடன் பரிசீலிக்க வேண்டும். மீனவர்களின் வாழ்வை சீர்குலைக்கும் இந்தப் பிரச்சினைக்கு தீர்வுகாண உடனடியாக உரிய தூதரக நடவடிக்கைகளை மேற்கொள்ள வேண்டும். இதற்காக ஏற்கெனவே அமைக்கப்பட்ட கூட்டுப் பணிக்குழுவினை மீண்டும் புதுப்பிக்க வேண்டும். இந்தப் பிரச்சினைக்கு நிரந்தரத் தீர்வைக் காண இலங்கை அதிகாரிகளிடம் எடுத்துரைத்திட உரிய நடவடிக்கையை மேற்கொள்ள வேண்டும்” எனத் தனது கடிதத்தில் முதலமைச்சர் மு.க.ஸ்டாலின் கேட்டுக் கொண்டுள்ளார். 

Next Story

குடியரசுத் தலைவருக்கு முன்னாள் நீதிபதிகள் கடிதம்!

Published on 03/06/2024 | Edited on 03/06/2024
Former judges letter to the President

18வது மக்களவைத் தேர்தல் இந்தியா முழுவதும் ஏப்ரல் 19ஆம் தேதி, முதல் கட்டமாகத் தொடங்கி, ஏப்ரல் 26, மே 7, மே 13, மே 20, மே 25, ஜூன் 1 என ஒவ்வொரு தொகுதிகளிலும் 7 கட்டங்களாக மக்களவைத் தேர்தல் நடைபெற்று. 7 கட்டங்களாக நடைபெற்ற தேர்தலில் பதிவான வாக்குகள் நாளை (04-06-24) எண்ணப்பட்டு அன்றே முடிவுகள் அறிவிக்கப்பட உள்ளன. நாளை வெளிவர இருக்கும் தேர்வு முடிவுக்காகப் பொதுமக்கள் ஆரவமுடன் நாளை விடியலுக்காக எதிர்பார்த்துக் காத்துக்கொண்டிருக்கின்றனர்.

இந்நிலையில் தேர்தல் ஜனநாயகத்தை நிலைநிறுத்த வேண்டும் என வலியுறுத்தி முன்னாள் நீதிபதிகள் குடியரசுத்தலைவர் திரௌபதி முர்மு, உச்ச நீதிமன்ற தலைமை நீதிபதி சந்திர சூட் மற்றும் இந்தியத் தலைமைத் தேர்தல் ஆணையர் ராஜூவ் குமார் ஆகியோருக்கு கடிதம் எழுதியுள்ளனர். அதாவது சென்னை உயர் நீதிமன்ற முன்னாள் நீதிபதிகளான அக்பர் அலி, அருணா ஜெகதீசன், அரிபரந்தாமன், சிவக்குமார், செல்வம், விமலா மற்றும் பாட்னா உயர் நீதிமன்ற முன்னாள் நீதிபதி அஞ்சனா பிரகாஷ் ஆகியோர் இந்த கடிதத்தை எழுதியுள்ளனர்.

அந்தக் கடிதத்தில், “நாடாளுமன்றத்தின் மக்களவைத் தேர்தல் முடிவின் அடிப்படையில், ஒருவேளை தொங்கு நாடாளுமன்றம் அமைந்தால் குதிரை பேரம் உள்ளிட்ட அரசியல் சாசனத்திற்கு எதிரான நடவடிக்கைகளைத் தடுக்கத் தக்க நடவடிக்கை எடுக்க வேண்டும். மக்களவைத் தேர்தல் முடிவுகள் காரணமாக ஏதேனும் அரசியல் சாசன சிக்கல்கள் எழுந்தால் அதைச் சரி செய்ய 5 நீதிபதிகள் நீதிமன்றத்தில் இருப்பதை உறுதி செய்ய வேண்டும். தேர்தல் முடிவுகளை அறிவிப்பதில் பிரச்சனை ஏற்பட்டால் அந்த விவகாரத்தில் உச்ச நீதிமன்றம் உடனடியாக தலையிடத் தயாராக இருக்க வேண்டும். நடந்து முடிந்த தேர்தலின் நம்பகத்தன்மை குறித்துப் பல கேள்விகள் எழுகின்றன. தேர்தலில் சிறுபான்மையினருக்கு எதிராக அதிகளவில் வெறுப்பு பேச்சுகள் இருந்தன. இந்த புகார்கள் குறித்து கவனத்திற்குக் கொண்டு வந்தும் தேர்தல் ஆணையம் உரிய நடவடிக்கை எடுக்கவில்லை” எனத் தெரிவிக்கப்பட்டுள்ளது.