Skip to main content

ஒவ்வொரு கொள்ளையிலும் குடியிருந்து கொள்ளையடிக்கும் முருகன் அட்ராசிட்டி!

Published on 18/10/2019 | Edited on 18/10/2019

திருச்சி லலிதாஜீவல்லரி நகைக்கடையில் கடந்த 2ம் தேதி அதிகாலையில் நடந்த கொள்ளையில் சிக்கிய கொள்ளையன் முருகன் தான் தற்போது அனைத்து ஊடகங்களிலும் முக்கிய செய்திகளில் இடம்பிடித்துள்ளான். அவனை பற்றி தினமும் ஒரு தகவல்கள் வெளியாகி வருகிறது.

முருகன் ஆந்திரா – கர்நாடகா – தெலுங்கனா ஆகிய மாநிலங்களில் தொடர் கொள்ளைகளில் ஈடுபட்டு வந்ததும் தமிழகத்தில் 2018 ம் ஆண்டு முதல் கொள்ளையடிக்க ஆரம்பித்ததும். ஆனால் தமிழகத்தில் அவன் நடத்திய கொள்ளைகளில் அவன் பெயரை பதிவு பண்ணாமல் இருக்க காவல்துறை அதிகாரிகளுக்கு இலட்சக்கணக்கில் லஞ்சம் கொடுத்தது என தற்போது வெளியாகி அனைவரையும் தலைசுற்ற வைத்துள்ளது.

 

Murugan Atraziti to plunder every burglary!


இந்த நிலையில் முருகன் கொள்ளையடித்த ஒவ்வொரு சம்பவத்திற்கும் அந்த ஏரியாவில் வாடகைக்கு குடியிருந்து கொள்ளையடித்திருப்பது போலீஸ் விசாரணையில் தெரியவந்துள்ளது.

திருச்சி லலிதா ஜீவல்லரி நகைக்கடையில் கொள்ளையடிப்பதற்கு முன்னதாக சென்னை பூஞ்சேரி கிராமத்திலிருந்து வந்திருப்பதாகக் சொல்லியும் பெரிய ரோடு போடும் ஒப்பந்தக்காரர் என்று சொல்லி திருச்சி திருவெறும்பூர் அருகே உள்ள வேங்கூர், நருங்குழி நகர்ப் பகுதியில் வசிக்கும் ஷேக் அப்துல் கபூர் என்பவருக்குச் சொந்தமான வீட்டை சுமார் 60 ஆயிரம் முன்பணம் கொடுத்து, மாத வாடகை 6 ஆயிரம் பேசி அவரது மனைவி மஞ்சுளா மற்றும் மகன், மகள் ஆகியோருடன் தங்கியிருக்கிறான். முருகன் தங்கியிருந்த வீட்டுப் பக்கம் உள்ள தெருக்கள், சேறும் சகதியுமாக மாறிக் இருப்பதை பார்த்த முருகன், அப்பகுதி மக்களிடம் சாலைகள் இவ்வளவு மோசமாக உள்ளது. அரசாங்கத்தை நம்பி பலனில்லை. ஆளுக்கு 500 ரூபாய் கொடுங்க. நான் எனது சொந்தச் செலவில் சாலை போட்டுத் தருகிறேன் என்று பெரும் பணக்காரன் போல் காட்டியிருக்கிறான். கொள்ளையடித்து விட்டு ஆயுதபூஜை கொண்டாடிவிட்டு தான் அங்கிருந்து தலைமறைவாகியிருக்கிறான்.

 

Murugan Atraziti to plunder every burglary!


சமயபுரம் நெம்பர் 1 டோல்கேட் அருகில் உள்ள பஞ்சாப்நேஷனல் வங்கியை கொள்ளையடிப்பதற்கு முன்னதாக 2018ம் ஆண்டு நவம்பர் மாதம் டோல்கேட் அருகில் உள்ள தாளக்குடி அருகே அமிர்தா கேட்வே குடியிருப்பில் ரோடு போடும் ஒப்பந்தக்காரர் என்று சொல்லி 30,000 ஆயிரம் அட்வான்ஸ் கொடுத்து 6000 ரூபாய் வாடகைக்கு வீடு எடுத்து குடும்பத்துடன் தங்கியிருக்கிறான். வங்கி அருகே குடியிருந்ததால் அடிக்கடி வங்கி நோட்டம் பார்க்கவும் அவனுக்கு வசதியாக இருந்திருக்கிறது.

அதே போல ஒவ்வொரு வங்கி கொள்ளையின் போது தொடர் விடுமுறை நாட்களை மட்டுமே தேர்ந்தெடுத்து தொடர்ச்சி 3 நாட்களுக்கு மேல் விடுமுறை உள்ளது போல் நாட்களை தேர்வு செய்து தொடர்ச்சியாக இரவு நேரங்களில் சுவர்களை துளைபோடுவதை செய்துள்ளான் என்று விசாரணையில் தெரியவந்துள்ளது.

 



 

சார்ந்த செய்திகள்

 

Next Story

மயிலாப்பூரில் குழந்தை திருமணம்; பெற்றோருக்கு சம்மன்

Published on 17/07/2024 | Edited on 17/07/2024
Child marriage in Mylapore; Summons to parents

சென்னை மயிலாப்பூரில் பெற்றோர்கள் சிறார்களுக்கு திருமணம் செய்து வைத்த சம்பவம் பரபரப்பை ஏற்படுத்தி இருக்கிறது.

மயிலாப்பூரில் வசித்து வந்த 9 வயது சிறுமிக்கும் 15 வயது சிறுவனுக்கும் பெற்றோர்கள் குழந்தை திருமணம் செய்து வைத்ததாக மாவட்ட சமூக நல அலுவலர் ஹரிதாவுக்கு புகார் கிடைத்தது. புகாரின் அடிப்படையில் அங்கு சென்று அதிகாரிகள் விசாரணை மேற்கொண்டனர். நடத்தப்பட்ட விசாரணையில் குழந்தை திருமணம் செய்யப்பட்டது உறுதி செய்யப்பட்டது.

உடனடியாக போலீசாருக்கு தகவல் கொடுக்கப்பட்ட நிலையில் இரண்டு சிறார்களையும் மீட்ட காவல்துறையினர் அவர்களை காப்பகத்திற்கு அனுப்பி வைத்ததோடு, குழந்தை திருமணம் செய்து வைத்த பெற்றோர்கள் மீது நடவடிக்கை எடுக்கும் விதமாக குழந்தை திருமண தடைச் சட்டத்தின் கீழ் வழக்கு பதிவு செய்தனர். மேலும் இரண்டு சிறார்களின் பெற்றோர்களும் இது குறித்த விசாரணைக்கு ஆஜராக வேண்டும் என சம்மன் அனுப்பப்பட்டுள்ளது.

Next Story

கைமாறிய பெரும் தொகை?-ஆம்ஸ்ட்ராங் வழக்கில் மேலும் இருவர் கைது

Published on 17/07/2024 | Edited on 17/07/2024
Huge amount changed hands?- Two more arrested in Armstrong case including woman

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்படார். இது தொடர்பாக  சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

இந்த வழக்கில் சரணடைந்த மொத்தம் 11 பேர் 5 நாட்கள் காவல் துறை கஸ்டடியில் விசாரணைக்கு அழைத்து செல்லப்பட்ட நிலையில் என்கவுன்டர் செய்யப்பட்ட திருவேங்கடத்தை தவிர்த்து மற்ற 10 பேரும் 5 நாள் காவல் கஸ்டடி முடிந்து பூவிருந்தவல்லி தனி கிளைச் சிறையில் மீண்டும் அடைக்கப்பட்டுள்ளனர்.

இந்நிலையில்  ஆம்ஸ்ட்ராங்  கொலை வழக்கில் மேலும் இரண்டு பேரை போலீசார் கைது செய்துள்ளனர். மலர்கொடி மற்றும் ஹரிஹரன் என்ற இருவரை போலீசார் இந்த கொலைச் சம்பவம் தொடர்பாக கைது செய்துள்ளதாக தகவல்கள் வெளியாகி உள்ளது. வழக்கறிஞரான ஹரிஹரன் தரப்பில் இருந்து கொலையாளிகளுக்கு பெரும் தொகை மாறியது விசாரணையில் தெரியவந்துள்ளது எனவும் கூறப்படுகிறது. கைது செய்யப்பட்ட ஹரிஹரன், மலர்க்கொடியை ரகசிய இடத்தில் வைத்து போலீசார் விசாரணை செய்து வருவதாக தகவல்கள் வெளியாகி உள்ளது.  

மலர்கொடி  ஜாம்பஜார் பகுதியைச் சேர்ந்த தாதாவான தோட்டம் சேகருடைய மனைவி  என்று தெரியவந்துள்ளது. எதற்காக, யாரால் இந்த கொலை செய்யப்பட்டது என்பது தொடர்பாக தீவிர விசாரணை நடைபெற்று வருகிறது.