Skip to main content

'முல்லைப் பெரியாறு அணைக்கு வெடிக்குண்டு மிரட்டல்'- கூடுதல் காவல்துறை பாதுகாப்பு!

Published on 25/09/2021 | Edited on 26/09/2021

 

Mullaiperiyaru dam' - Additional police security!

 

முல்லைப் பெரியாறு அணைக்கு வெடிகுண்டு மிரட்டல் விடுத்ததைத் தொடர்ந்து அணைப் பகுதியில் டி.எஸ்.பி. தலைமையில் 20- க்கும் மேற்பட்ட காவல்துறையினர் பாதுகாப்புப் பணியில் ஈடுபட்டுள்ளனர்.

 

தமிழ்நாடு- கேரளா எல்லையில் உள்ள இடுக்கி மாவட்டத்தில் அமைந்துள்ளது முல்லைப் பெரியாறு அணை. இந்த அணை மூலம் மதுரை, தேனி, திண்டுக்கல், சிவகங்கை, ராமநாதபுரம் உள்ளிட்ட ஐந்து மாவட்ட விவசாயிகள் பயன் பாசன வசதிக்கும், குடிநீருக்கும் பயன்படுத்தி வருகின்றனர். அணையின் பாதுகாப்பு குறித்து உச்சநீதிமன்ற வழிகாட்டுதலின்படி மூன்று பேர் கொண்ட குழு அமைக்கப்பட்டுள்ள நிலையில், அவர்களுக்கு உதவியாக ஐந்து பேர் கொண்ட குழுவும் அமைக்கப்பட்டுள்ளது.

 

இந்த குழுவினர், கடந்த இரண்டு வாரங்களுக்கு முன்பு முல்லைப் பெரியாறு அணையைப் பார்வையிட்டு ஆய்வு செய்து, அதன் அறிக்கையை மூன்று பேர் கொண்ட குழுவிடம் கொடுத்துள்ளனர். அதன் அடிப்படையில் அணையின் நீர்மட்டம் உயரும் போதும் பருவ மழைக் காலங்களிலும் ஐந்து பேர் கொண்ட குழு மற்றும் மூன்று பேர் கொண்ட குழு பெரியாறு அணையைப் பார்வையிட்டு வருகின்றனர். இந்த நிலையில் முல்லைப் பெரியாறு அணைக்கு அருகே அணையைக் குண்டு வைத்துத் தகர்க்கப் போவதாகத் திருவனந்தபுரம் காவல்துறை தலைமை அலுவலகத்திற்கு செல்போன் மூலம் மர்ம நபர் மிரட்டல் விடுத்து விட்டு இணைப்பைத் துண்டித்து விட்டார்.

 

அதனைத் தொடர்ந்து காவல்துறையினர் நடத்திய விசாரணையில், அந்த அழைப்பு திருச்சூரிலிருந்து வந்தது என்றும், பொய்யான தகவல் என்றும் தெரிய வந்தது. மேலும், மிரட்டல் விடுத்த நபர் யார் என்பதைக் கண்டுபிடிக்கும் பணியில் கேரள காவல்துறையினர் தீவிரம் காட்டி வருகின்றனர். இந்த நிலையில் முல்லைப் பெரியாறு அணைப் பகுதியில் ஏற்கனவே, கேரளா காவல்துறை பாதுகாப்புப் பணியில் ஈடுபட்டு வருகின்றனர். 

 

இருந்தாலும் இந்த மிரட்டலைத் தொடர்ந்து டி.எஸ்.பி. நந்தன் பிள்ளை தலைமையில் இரண்டு இன்ஸ்பெக்டர்கள் மற்றும் இருபதுக்கு மேற்பட்ட காவல்துறையினர் கூடுதல் பாதுகாப்புப் பணி ஈடுபட்டு வருகின்றனர். இப்படி திடீரென உள்ள பெரியாறு அணையை வெடிகுண்டு வைத்துத் தகர்க்கப் போவதாக வந்த மிரட்டலைக் கண்டு கம்பம் பள்ளத்தாக்கில் உள்ள விவசாயிகள் பெரும் அதிர்ச்சியில் ஆழ்ந்துள்ளனர். 

 

 

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.