Skip to main content

பெட்டியில் பணம் போட்டால் ரொட்டி...  திமுக பிரமுகரின் சிறப்பு ஏற்பாடு!!

Published on 11/04/2020 | Edited on 11/04/2020

கரோனா பரவலால் இந்தியா முழுவதும் ஊரடங்கு உத்தரவு பிறப்பிக்கப்பட்டுள்ளது. அத்தியாவசிய பொருட்கள் வாங்க மட்டும் தமிழக அரசு நேரம் ஒதுக்கி அந்த நேரத்தில் பொதுமக்கள் வெளியே வந்து வாங்கி செல்லலாம் எனக்கூறியுள்ளது.

 

Money in the box... get bread


அதேநேரத்தில் பன், ரொட்டி, பிரட், பிஸ்கட் போன்றவற்றின் விலை தறுமாறாக உயர்ந்தள்ளது. அதுவும் குறிப்பிட்ட இடத்தில் மட்டுமே கிடைக்கிறது. இது பொதுமக்களை பெரிதும் அதிர்ச்சியடைய செய்துள்ளது. அதனைத் தொடர்ந்து திமுகவின் திருவண்ணாமலை தெற்கு மாவட்டத்தை சேர்ந்த மாவட்ட பிரதிநிதியும், முன்னாள் சேர்மனுமான ஸ்ரீதர் மகனின் மருத்துவமனை சார்பில், திருவண்ணாமலை நகரில் காந்திநகர் பழைய புறவழிச்சாலையில் உள்ள சுகஸ்தலா மருத்துமனை முன்பு, ஈசான்ய மைதானம் அருகில் உள்ள தனியார் ஹோட்டல் முன்பு, நகராட்சி மத்திய பேருந்து நிலையம் எதிரில் என 4 இடங்களில் தானியங்கி ரொட்டி, பன் விற்பனை மையம் ஏற்படுத்தப்பட்டுள்ளது.

​இந்த விற்பனை நிலையம் முற்றிலும் தானியங்கி முறையில் செயல்படும். பொதுமக்கள் அங்கிருக்கும் பெட்டியில் 30 ரூபாய் செலுத்திவிட்டு ரொட்டி அல்லது பன் பாக்கெட் எடுத்துச் செல்லும் வகையில் ஏற்பாடு செய்யப்பட்டுள்ளது. இதனை மாவட்ட ஆட்சியர் கந்தசாமி ஏப்ரல் 11ந்தேதி காலை தொடங்கிவைத்தார்.

 

 

சார்ந்த செய்திகள்

 

Next Story

'சண்டாளர் சர்ச்சை' - அதிரடியாக வெளியான அறிவிப்பு

Published on 15/07/2024 | Edited on 15/07/2024
'Sandalar Dispute'-Recommendation by Tribal Commission to Tamil Govt

சண்டாளர் என்ற சமூக பெயரை இழிவுபடுத்தும் நோக்கில் பயன்படுத்தினால் வன்கொடுமை தடுப்பு சட்டத்தின் கீழ் வழக்குப் பதிய பரிந்துரை அளித்து தமிழ்நாடு ஆதி திராவிடர் மற்றும் பழங்குடியினர் மாநில ஆணையம் தமிழக அரசுக்கு பரிந்துரை செய்துள்ளது.

இது தொடர்பாக தமிழ்நாடு ஆதிதிராவிடர் மற்றும் பழங்குடியினர் ஆணையம் வெளியிட்டுள்ள செய்தி குறிப்பில், 'பட்டியல் சமூகத்தினர் மற்றும் பழங்குடியினர் வன்கொடுமை தடுப்பு சட்டத்தின்படி பொதுவெளியில் பட்டியல் இனத்தவர்களின் பெயர்களை இழிவான முறையில் பயன்படுத்துவது தண்டனைக்குரிய குற்றம். தமிழ்நாட்டில் சில பகுதிகளில் மட்டுமல்லாது இந்திய அளவிலும் 'சண்டாளர்' என்ற  வகுப்பைச் சேர்ந்த பெயரில் மக்கள் இருக்கிறார்கள். தமிழ்நாட்டில் பட்டியல் சமூகத்தினர் அட்டவணையில் 48 வது இடத்தில் இந்தச் 'சண்டாளர்' என்ற சமூக பெயர் இடம் பெற்றுள்ளது.

இப்பெயரை பொதுவெளியில் நகைச்சுவையாகவோ, அரசியல் மேடைகளிலோ, ஒருவரை இழிவுபடுத்தும் நோக்கிலோ இனி அந்தச் சொல்லை பயன்படுத்தக் கூடாது. அவ்வாறு பயன்படுத்துவோர் மீது பட்டியல் சமூகத்தினர் மற்றும் பட்டியல் பழங்குடியினர் வன்கொடுமை தடுப்புச் சட்டத்தின்படி வழக்குப்பதிவு செய்து நடவடிக்கை மேற்கொள்ள வேண்டும் என அரசுக்கு ஆணையம் பரிந்துரைக்கிறது எனவும் தெரிவிக்கப்பட்டுள்ளது.

அண்மையில் விக்கிரவாண்டி இடைத்தேர்தலில் நாம் தமிழர் கட்சியைச் சேர்ந்த சாட்டை துரைமுருகன், முன்னாள் முதல்வர் கலைஞரை விமர்சித்து பாடல் ஒன்றைப் பாடி இருந்தது சர்ச்சையை ஏற்படுத்த, கைது செய்யப்பட்டு பின்னர் விடுவிக்கப்பட்டிருந்தார். இந்நிலையில் தற்போது தமிழக அரசுக்கு ஆதிதிராவிடர் பழங்குடியினர் மாநில ஆணையம் இதனைப் பரிந்துரைத்துள்ளது குறிப்பிடத்தகுந்தது.

Next Story

'நான்கு பேரின் பெயரைக் கூற இ.டி வற்புறுத்துகிறது' - நீதிபதியிடம் புகார் தெரிவித்த ஜாபர் சாதிக்

Published on 15/07/2024 | Edited on 15/07/2024
'ED insists to name four people' - Jafar Sadiq complained to the judge

டெல்லியில் போதைப் பொருள் தடுப்பு காவல்துறை மற்றும் டெல்லி சிறப்பு காவல்துறை சார்பில் நடைபெற்ற சோதனையில் கடந்த பிப்ரவரி மாதம் 24 ஆம் தேதி 50 கிலோ ரசாயன வகை போதைப்பொருள் பறிமுதல் செய்யப்பட்டது. இந்தச் சம்பவத்தில் ஈடுபட்ட 3 பேரை போலீசார் கைது செய்திருந்தனர். அவர்களிடம் மேற்கொண்ட விசாரணையில், கடந்த 3 ஆண்டுகளில் 3 ஆயிரத்து 500 கிலோ போதைப் பொருட்கள் கடத்தப்பட்டுள்ளதாகவும் இதன் மொத்த மதிப்பு ரூ.2 ஆயிரம் கோடி எனவும் தெரிய வந்தது. தொடர்ந்து அவர்களிடம் நடத்தப்பட்ட விசாரணையில், இந்தப் போதைப்பொருள் கடத்தலில் ஈடுபட்டது திரைப்படத் தயாரிப்பாளரும் தி.மு.கவின் சென்னை மேற்கு மாவட்ட அயலக அணி துணை அமைப்பாளராக இருந்த ஜாஃபர் சாதிக்தான் என்பது தெரியவந்தது. மேலும் கடத்தல் கும்பலுக்கு தலைவனாக ஜாஃபர் சாதிக் செயல்பட்டதும் உறுதியாகியது.

அதே சமயம் ஜாபர் சாதிக் தலைமறைவாக இருந்த நிலையில், அவரது இல்லத்தில் சோதனையில் ஈடுபட்ட மத்திய போதைப்பொருள் தடுப்புத்துறை, வீட்டை தாழிட்டு நோட்டீஸ் ஒட்டிச் சென்றிருந்தது. தொடர்ந்து ஜாபர் சாதிக் தேடப்பட்டு வந்த நிலையில், போதைப்பொருள் தடுப்பு பிரிவினரால் ஜெய்ப்பூரில் மார்ச் 8ஆம் தேதி கைது செய்யப்பட்டார். இதனையடுத்து, போதைப் பொருள் கடத்தல் தொடர்பாக கைதாகியுள்ள ஜாபர் சாதிக் மீது சட்ட விரோத பணப்பரிவர்த்தனை செய்ததாக அமலாக்கத்துறை வழக்குப்பதிவு செய்து விசாரணை நடத்தி வருகிறது.

தொடர்ந்து போதைப் பொருள் கடத்தல் வழக்கில் கைதான ஜாபர் சாதிக்கிற்கு நிபந்தனை ஜாமீன் வழங்கி டெல்லி போதைப்பொருள் தடுப்பு சிறப்பு நீதிமன்றம் உத்தரவிட்டிருந்தது. அதன்படி, இந்த வழக்கின் விசாரணை முடியும் வரை மாதத்தின் முதல் திங்கட்கிழமைகள் அன்று போதைப்பொருள் தடுப்பு சிறப்புப் பிரிவு அலுவலகத்தில் நேரில் சென்று கையெழுத்திட வேண்டும் என்றும் செல்போன் எண்ணை விசாரணை அதிகாரியிடம் ஒப்படைத்து எப்போதும் இயக்கத்தில் வைத்திருக்க வேண்டும் என்றும், பாஸ்போர்ட்டை ஒப்படைக்க வேண்டும் என்பது போன்ற பல்வேறு நிபந்தனைகள் விதித்து ஜாபர் சாதிக்கிற்கு ஜாமீன் வழங்கப்பட்டுள்ளது.

போதைப்பொருள் கடத்தலில் நடைபெற்ற சட்டவிரோத பணப்பரிமாற்ற தடை சட்ட வழக்கில் ஜாபர் சாதிக்கை விசாரிக்க 15 நாட்கள் கஸ்டடியில் எடுக்க அனுமதி கோரி அமலாக்கத்துறை மனுத்தாக்கல் செய்திருந்தது. இந்நிலையில் இன்று நடைபெற்ற அந்த மனு மீதான விசாரணையில் அதற்கான அனுமதியை கொடுத்து, ஜூலை 29ஆம் தேதி வரை நீதிமன்ற காவலில் ஜாபர் சாதிக்கை சிறையில் அடைக்க முதன்மை அமர்வு நீதிமன்றம் உத்தரவிட்டுள்ளது. அதேநேரம் நீதிமன்றத்தில், 'சமூகத்தில் முக்கியமாக உள்ள நான்கு நபர்களை இந்த வழக்கில் இணைக்க அமலாக்கத்துறை முயற்சி செய்து வருவதாகவும், அவர்கள் பெயரைக் கூற வேண்டும் என அமலாக்கத்துறை தன்னை வற்புறுத்துவதாகவும் ஜாபர் சாதிக் நீதிபதியிடம் புகார் தெரிவித்துள்ளார் என்ற தகவல்கள் வெளியாகியுள்ளது.