Skip to main content

அமைச்சர் உதயநிதியின் பிறந்த நாள்; எளியோர்களின் எழுச்சி நாளாகக் கொண்டாட்டம்!

Published on 28/11/2023 | Edited on 28/11/2023

 

Minister Udhayanidhi birthday is celebrated as a day of upliftment of the poor!

 

சிதம்பரம் நகரத்திற்குட்பட்ட சின்ன செட்டி தெருவில் தமிழக விளையாட்டு  மற்றும் இளைஞர்நலன் மேம்பாட்டுத்துறை  அமைச்சரும் திமுக இளைஞரணி செயலாளருமான உதயநிதி ஸ்டாலின் பிறந்தநாள் விழா நேற்று கொண்டாடப்பட்டது.  இவ்விழாவில் சிறப்பு அழைப்பாளராக திமுக நகர்மன்ற தலைவர் கே. செந்தில்குமார் கலந்துகொண்டு கட்சி கொடியினை ஏற்றி வைத்து நீட் விலக்கு கையெழுத்து இயக்கத்தை தொடங்கி வைத்தார். இதில் மாணவர்கள் மற்றும் மாணவர்களின் பெற்றோர்கள் கலந்து கொண்டு அஞ்சல் அட்டையில் கையெழுத்திட்டு  நீட் விலக்கு நம் இலக்கு என வாசகம் அடங்கிய பெட்டியில் நாட்டின் ஜானதிபதிக்கு அனுப்புவதற்கு அளித்தனர். 

 

இந்நிகழ்ச்சியில் திமுக மூத்த நகர்மன்ற உறுப்பினர் ஜேம்ஸ் விஜயராகவன், திமுக நகர துணை செயலாளர் பாலசுப்பிரமணியம், உள்ளிட்ட கட்சியினர் கலந்து கொண்டனர்.  அதேபோல் ராமசாமி செட்டியார் மேல்நிலைப் பள்ளி அருகே  நடைபெற்ற நிகழ்ச்சியில் கட்சி கொடியினை ஏற்றி வைத்து நீட் விலக்கு குறித்த கையெழுத்து இயக்கம் நடைபெற்றது. இந்நிகழ்ச்சியில் நகர்மன்ற உறுப்பினர் கல்பனா சண்முகசுந்தரம், தலைமை தாங்கினார். வார்டு செயலாளர் சண்முகசுந்தரம் உள்ளிட்ட கட்சியினர் கலந்து கொண்டனர். இதேபோல் நகராட்சி அலுவலகம் அருகே நகர் மன்ற உறுப்பினர் சி.கே ராஜன் தலைமையில் நடைபெற்ற நிகழ்ச்சியில் நீட்விலக்கு கையெழுத்து இயக்கம் நடைபெற்றது. நீட்விலக்கு நம் இலக்கு என கோசங்களை முழங்கினார்கள். இதேபோல் நகரின் அனைத்து வார்டுகளிலும் பிறந்தநாள் நிகழ்ச்சியில் நீட் தேர்வுக்கு எதிரான கையெழுத்து இயக்கம் நடைபெற்றது.  

 

இதேபோல்  குமராட்சி கிழக்கு ஒன்றியம் சக்தி நகரில்  குமராட்சி கிழக்கு ஒன்றியம் சார்பில் பிறந்தநாள் நிகழ்ச்சி நடைபெற்றது. நிகழ்ச்சிக்கு திமுக குமராட்சி கிழக்கு ஒன்றிய கழக செயலாளர் சங்கர் தலைமை தாங்கினார்.  சிறப்பு அழைப்பாளராக திமுக  குமராட்சி கிழக்கு ஒன்றிய பொறுப்பாளர் திமுக வர்த்தக அணி மாநில இணை செயலாளர் பெரியசாமி கலந்துகொண்டு கட்சி கொடியை ஏற்றி வைத்து நீட் தேர்வுக்கு எதிரான கையெழுத்து இயக்கத்தை தொடங்கி வைத்தார்.

 

இதில் பொதுமக்கள் மற்றும் மாணவர்கள் திரளாக கலந்து கொண்டு அஞ்சல் அட்டையில் நீட் விலக்கு நம் இலக்கு என எழுதி நாட்டின் ஜனாதிபதிக்கு கடிதம் அனுப்பினார்கள். இந்நிகழ்வில் மாவட்ட ஆதிதிராவிட நலக்குழு மாவட்ட அமைப்பாளர் பரந்தாமன், ஒன்றிய அமைப்பாளர் கிருஷ்ணசாமி மாவட்ட இளைஞரணி துணை அமைப்பாளர் குட்டிமணி ஜெகன் ஒன்றிய அமைப்பாளர் ரவிக்குமார்,, குமராட்சி ஒன்றிய வார்டு உறுப்பினர் பாலமுருகன், உள்ளிட்ட 100-க்கும் மேற்பட்டவர்கள் கலந்து கொண்டு நீட்டுக்கு எதிரான கோஷங்களை எழுப்பினார்கள்.  இதனைத் தொடர்ந்து உதயநிதி ஸ்டாலின் பிறந்த நாளையொட்டி பேருந்துகளில் வந்த பயணிகளுக்கு இனிப்புகளை வழங்கினார்கள்.

 

அண்ணாமலைநகரில் பேரூராட்சி மன்ற தலைவர் பழனி தலைமையில் பேரூராட்சியில் உள்ள அனைத்து வார்டுகளிலும் நீட்டுக்கு எதிரான கையெழுத்து இயக்கம் மற்றும் உதயநிதி ஸ்டாலின் பிறந்த நாளை எளியோர்களின் எழுச்சி நாளாக கொண்டாடினார்கள். இதேபோல் காட்டுமன்னார்கோவில், பண்ருட்டி, கடலூர், நெய்வேலி உள்ளிட்ட மாவட்டம் முழுவதும் நடைபெற்றது.

 

 

சார்ந்த செய்திகள்

Next Story

விரைவில் 'இல்லந்தோறும் ஸ்டாலினின் குரல்' - தமிழக முதல்வர் பேச்சு

Published on 23/02/2024 | Edited on 23/02/2024
'Stalin's Voice at Home' Project - Tamil Nadu Chief Minister's Speech

நாடாளுமன்ற மக்களவைப் பொதுத் தேர்தல் விரைவில் நடைபெற உள்ளது. இதனை முன்னிட்டு அரசியல் கட்சிகள் சார்பில் தேர்தல் பணிகளை மேற்கொள்வதற்காக பல்வேறு குழுக்கள் அமைக்கப்பட்டு தீவிர ஆலோசனைகள் நடத்தப்பட்டு வருகின்றன. மேலும், நாடாளுமன்றத் தேர்தலுக்கான பணிகளை அரசியல் கட்சிகள் தற்போதே தீவிரப்படுத்தி வருகின்றன. இத்தகைய சூழலில் இந்திய தேர்தல் ஆணையமும் மக்களவைத் தேர்தல் முன்னேற்பாடுகள் குறித்து தொடர்ந்து ஆய்வு நடத்தி வருகிறது.

இந்நிலையில், திமுக மாவட்டச் செயலாளர்கள் கூட்டம் காணொளி வாயிலாக இன்று நடைபெற்றது. இதில் அக்கட்சியின் தலைவர் மு.க.ஸ்டாலின் பங்கேற்று பல்வேறு ஆலோசனைகளை மேற்கொண்டார். இந்த ஆலோசனையில் மு.க.ஸ்டாலின் பேசுகையில், ''மக்களவைத் தேர்தல் பணிகள் மிக வேகமாக நடந்து வருகிறது. தி.மு.க.வின் அடிமட்டத் தொண்டர்களின் செயல்பாடு வரை தலைமைக்குத் தெரியும். 4000-க்கும் அதிகமான கோரிக்கைகள் தேர்தல் அறிக்கை குழுவிற்கு வந்துள்ளது. வரும் பிப்ரவரி 26 முதல் 'இல்லந்தோறும் ஸ்டாலினின் குரல்' என்ற தலைப்பில் வீடு வீடாகச் செல்லும் பரப்புரை ஆரம்பிக்கப்படுகிறது. தேர்தலுக்குப் பிறகு பல மாற்றங்களை திமுகவிலும், அரசிலும் எதிர்பார்க்கலாம்'' என தெரிவித்துள்ளார்.

Next Story

மக்களைத் தேடி தி.மு.க; அதிகாரிகளைத் தேடி அ.தி.மு.க - சூடு பிடிக்கும் பாராளுமன்றத் தேர்தல் களம்! 

Published on 23/02/2024 | Edited on 23/02/2024
AIADMK DMK is competing attracting people as parliamentary elections are coming up

பாராளுமன்றத் தேர்தல் நெருங்கி வருவதை தொடர்ந்து அரசியல் கட்சிகள் தங்களை முன்னிலைப் படுத்துவதில் ஆர்வம் காட்டி வருகின்றனர். ஆளுங்கட்சியான திமுக மக்களைத் தேடி பேரூராட்சி என்று திட்டம் வத்தலக்குண்டு பேரூராட்சி தலைவர் சிதம்பரம் தலைமையில் குழு ஒன்று அமைக்கப்பட்டு ஒவ்வொரு வார்டுக்கு பகுதிக்கும் சென்று பொதுமக்களிடம் குறை கேட்கும் நிகழ்வு நடைபெற்று வருகிறது.

கே.கே நகர் பகுதியில் எரியாத மின்விளக்குகள் திமுகவினர் குறை கேட்கச் சென்ற மறுநாளே 26 இடங்களில் பளிச்சென விளக்கு எரியத் தொடங்கியது. இந்த விஷயம் பொதுமக்களிடையே நல்ல வரவேற்பு கிடைத்ததை தொடர்ந்து திமுகவினர் பல்வேறு பகுதிகளிலும் வேகம் காட்டி வருகின்றனர். சுதாரித்துக் கொண்ட அதிமுகவினர் பொதுமக்களின் கவனத்தை ஈர்க்க அதிகாரிகளை தேடி அதிமுக என்ற திட்டத்துடன் வத்தலக்குண்டு பேரூராட்சி பகுதியில் முக்கிய பிரச்சினைகளை கையில் எடுத்து அது சார்ந்த பொதுமக்களை அழைத்துக் கொண்டு அதிகாரிகளை தேடிச் சென்று மனு கொடுக்கும் நிகழ்வை தொடங்கியுள்ளனர்.

AIADMK DMK is competing attracting people as parliamentary elections are coming up

காந்திநகர் பகுதியில் நீண்ட நாள் பிரச்சினையாக இருக்கும் குறைந்த கிலோ வாட் டிரான்ஸ்பார்மரை அதிக கிலோ வாட் ட்ரான்ஸ்ஃபராக மாற்றி அமைத்து தர வேண்டும் என நகர அதிமுக நகர சிறுபான்மையின் அணி அமைப்பாளர் நாகூர் கனி தலைமையிலான அதிமுகவினர் மின்வாரிய அதிகாரிகளை சந்தித்து மனு கொடுத்தனர். டிரான்ஸ்பார்மரை மாற்ற வேண்டும் என வலியுறுத்தினர். 

தேர்தல் களம் சூடு பிடிக்க தொடங்கியுள்ள நிலையில் மக்களை நேரடியாக சந்திக்கும்போது எந்த பிரச்சனையும் வந்துவிடக்கூடாது என்பதற்காக ஆளுங்கட்சியும் எதிர்க்கட்சியும் தற்போது தங்களை தயார்படுத்தி வருவது பெரும் எதிர்பார்ப்பை ஏற்படுத்தி வருகிறது.