Skip to main content

'எம்ஜிஆர் கட்சி இப்படி போயிருச்சே'-தொண்டர் எடுத்த விபரீத முடிவு; சசிகலா ஆறுதல்

Published on 09/06/2024 | Edited on 09/06/2024
'MGR's party has never gone like this' - a tragic decision taken by a volunteer; Sasikala consoles

அதிமுக தேர்தலில் தோற்றதால் காலை கிழித்துக்கொண்ட தொண்டரிடம் சசிகலா தொலைப்பேசியில் ஆறுதல் கூறிய வீடியோ காட்சிகள் இணையத்தில் வைரலாகி வருகிறது.

நடந்து முடிந்த நாடாளுமன்றத் தேர்தலில் தமிழகத்தில் திமுக கூட்டணி 40 இடங்களிலும் வெற்றி பெற்றது. அதிமுக கூட்டணி அனைத்து தொகுதியிலும் தோல்வியை தழுவியது. அதிமுகவை தோல்வியில் இருந்து மீட்க மீண்டும் அனைவரும் ஒன்றிணைய வேண்டும் என சசிகலா, ஓபிஎஸ் ஆகியோர் வலியுறுத்தி வருகின்றனர். இந்த நிலையில் தேர்தலில் அதிமுக தோற்றதால் தூத்துக்குடியில் தொண்டர் ஒருவர் காலில் கிழித்துக் கொண்டதாக தகவல் வெளியான நிலையில் அவரிடம் தொலைப்பேசியில் தொடர்பு கொண்ட சசிகலா ஆறுதல் கூறினார்.

தூத்துக்குடியைச் சேர்ந்த செல்வகுமார் என்ற முதியவர் அதிமுக தோல்வியால் காலை கிழித்துக்கொண்டார். தொலைபேசியில் தொடர்புகொண்ட சசிகலாவிடம் ''நான் தூத்துக்குடியில் இருக்கிறேன். கட்சிக்காக கஷ்டப்பட்டவன். எம்ஜிஆருடைய காலத்தில் இருந்து அதிமுகவில் இருக்கிறேன்'' என்றார். அதற்கு சசிகலா, ''கேள்விப்பட்டேன். இந்த மாதிரி செய்வது மனசுக்கு கஷ்டமாக இருக்கிறது. இந்த மாதிரி எல்லாம் உணர்ச்சிவசப்பட்டு செயல்படக் கூடாது. உங்களுக்கு குடும்பம் இருக்கு அவர்களை எல்லாம் நீங்கள் பார்க்க வேண்டும் அல்லவா? நீங்கள் கவலைப்படாதீங்க'' என்றார். ''202ல் எல்லாரும் ஒன்று சேர வேண்டும்'' என்று செல்வகுமார் தெரிவித்தார். ''2026-ல் ஆட்சி அமைப்போம். என்னை நம்புங்க'' என சசிகலா ஆறுதல் கூறினார். ''எம்ஜிஆரருடைய கட்சி இப்படி போனதே கிடையாது. டெபாசிட் இழந்தது கிடையாது. அந்த வேகத்தில் பந்தயம் கட்டி இப்படி செய்து விட்டேன்'' என்று முதியவர் செல்வகுமார் சசிகலாவிடம் தெரிவித்தார். இந்த வீடியோ காட்சிகள் இணையத்தில் வைரலாகி வருகிறது.

சார்ந்த செய்திகள்

 

Next Story

'சட்டமன்றத் தேர்தலுக்கு முன்பே அதிமுக இணையும்'-ஓபிஎஸ் நம்பிக்கை

Published on 18/07/2024 | Edited on 18/07/2024
'AIADMK will merge before assembly elections' - OPS hopes

அதிமுகவில் எடப்பாடி பழனிசாமி, ஓபிஎஸ், டி.டி.வி.தினகரன், சசிகலா எனப் பல தரப்புகளும் பிரிந்து கிடக்கும் நிலையில் அதிமுகவை ஒருங்கிணைக்க வேண்டும் என ஓபிஎஸ் தரப்பும், அதேபோல் சசிகலா தரப்பும் தொடர்ந்து குரல் எழுப்பி வருகிறது.

அதிமுகவை ஒன்றிணைக்கும் முயற்சியாக இரண்டாவது முறையாக 'அம்மா வழியில் மக்கள் பயணம்' என்ற பெயரில் மீண்டும் சுற்றுப் பயணத்தை நேற்று சசிகலா தொடங்கியுள்ளார். தென்காசி அடுத்த காசிமேசபுரத்தில் இருந்து சசிகலா தனது சுற்றுப்பயணத்தைத் தொடங்கி பொதுமக்களிடம் திறந்த வெளி வாகனத்தில் பேசி இருந்தார்.

'AIADMK will merge before assembly elections' - OPS hopes

சசிகலாவின் சுற்றுப்பயணத்தை முன்னாள் அதிமுக அமைச்சர் ஆர்.பி.உதயகுமார் விமர்சித்துள்ளார். மதுரையில் செய்தியாளர்களைச் சந்தித்த அவர் பேசுகையில், 'கறந்த பால் மடி புகாது; மீன் கருவாடு ஆகலாம். ஆனால் கருவாடு மீன் ஆகாது. இப்போது இருக்கின்ற நிலைமை 'கறந்த பால் மடி புகாது; கருவாடு மீன் ஆகாது என்ற நிலைமை தான் உள்ளது. இந்த மாதம் அனைத்திந்திய அதிமுகவின் தொண்டர்கள் மிகவும் கவனமாகவும், விழிப்புணர்வுடன் எச்சரிக்கையோடும் இருக்க வேண்டிய தருணம் இது'' என தெரிவித்திருந்தார்.

nn

இந்நிலையில் 2026 சட்டமன்ற தேர்தலுக்கு முன்பாகவே அதிமுக கட்சி இணைவது உறுதி ஆகிவிடும் என முன்னாள் முதல்வர் ஓபிஎஸ் தெரிவித்துள்ளார். மதுரையில் செய்தியாளர்களைச் சந்தித்த அவர், ''கட்சியை இணைப்பதற்கான அடிப்படை வேலைகள் நடந்து கொண்டிருக்கிறது. விரைவில் அதிமுக ஒன்றிணையும் 2026 சட்டமன்ற தேர்தலுக்கு முன்பாகவே அதிமுக ஒன்றிணைந்து விடும்'' என தெரிவித்துள்ளார்.

Next Story

'முன்ஜாமீன் மனு செல்லாது' - தள்ளுபடி செய்த உயர்நீதிமன்றம்

Published on 18/07/2024 | Edited on 18/07/2024
 'Anticipatory Bail Petition Void' - High Court Dismissed

கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி. அலுவலகத்தில் புகார் ஒன்றை அளித்திருந்தார். அதில், தோரணக்கல்பட்டி மற்றும் குன்னம்பட்டியில் தனக்குச் சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாகப் பத்திரப்பதிவு செய்து உள்ளனர் என்று கூறியிருந்தார்.  மேலும் இது தொடர்பாக மேலக்கரூர் பொறுப்பு சார்பதிவாளரும் கரூர் நகர காவல் நிலையத்தில் புகார் அளித்திருந்தார். அதனைத் தொடர்ந்து இந்த வழக்கு சிபிசிஐடிக்கு மாற்றப்பட்டது.

அதே சமயம் இந்த வழக்கில் எம்.ஆர். விஜயபாஸ்கர் முன்ஜாமீன் கேட்டு கரூர் மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தார். இதனையடுத்து நில அபகரிப்பு வழக்கில் எம்.ஆர். விஜயபாஸ்கரின் முன் ஜாமீன் மனுக்களை நீதிபதி தள்ளுபடி செய்து உத்தரவிட்டிருந்தார். அதனைத் தொடர்ந்து முன்ஜாமீன் கோரி எம்.ஆர். விஜயபாஸ்கர் சென்னை உயர்நீதிமன்றத்தின் மதுரைக் கிளையில் மனுத்தாக்கல் செய்திருந்தார். இத்தகைய சூழலில் தலைமறைவாக கேரளாவில் பதுங்கி இருந்த எம்.ஆர். விஜயபாஸ்கர் தனிப்படை போலீசாரால் கைது செய்யப்பட்டார்.

இந்நிலையில் இந்த வழக்கில் எம்.ஆர்.விஜயபாஸ்கர் தாக்கல் செய்திருந்த முன்ஜாமீன் மனு இன்று நீதிபதி ஜெயச்சந்திரன் முன் விசாரணைக்கு வந்தது. அப்போது காவல்துறை தரப்பில் இந்த வழக்கில் விஜயபாஸ்கர் ஏற்கனவே கைது செய்யப்பட்டு இருப்பதாக தெரிவிக்கப்பட்டது. இதற்கு பதிலளித்த நீதிபதி, 'எம்.ஆர்.விஜயபாஸ்கர் ஏற்கனவே கைது செய்யப்பட்டுள்ளதால் முன்ஜாமீன் மனு செல்லாததாகிவிட்டது என்று தெரிவித்து மனுவை தள்ளுபடி செய்தார். அதேநேரம் எம்.ஆர்.விஜயபாஸ்கரின் சகோதரர் சேகரை வரும் 29ஆம் தேதி வரை கைது செய்ய இடைக்கால தடை விதித்து நீதிபதி ஜெயச்சந்திரன் உத்தரவு பிறப்பித்துள்ளார். 

The website encountered an unexpected error. Please try again later.