Skip to main content

சிறுத்தைகளின் தொடர் மரணம்.. காரணம் வேட்டைக்கும்பலா..?

Published on 13/05/2019 | Edited on 13/05/2019

தொடர்ச்சியாக ஒரு மாத காலத்திற்குள், களக்காடு முண்டந்துறை புலிகள் காப்பக பகுதிகளில் இரண்டு வயதுடைய இரு சிறுத்தைகள் தொடர்ச்சியாக மர்மமான முறையில் மரணமடைந்துள்ளது. இது வேட்டைக்கும்பலின் செயலாக இருக்குமோ? என அச்சப்படுகின்றனர் விலங்கு நல ஆர்வலர்கள்.

 

cheetah

 
நெல்லை மாவட்டத்தின் திருக்குறுங்குடி தொடங்கி கடையம் வரை 895 ச.கி.மீ வரை விரிந்து பரவிக்கிடக்கின்றது இந்தியாவின் 17வது புலிகள் காப்பகமான களக்காடு முண்டந்துறை புலிகள் காப்பகம். பல்லுயிர் பெருக்கத்திற்கு புகழ் பெற்ற இந்த காப்பகத்தில் புலி, சிறுத்தை, மான், மிளா, யானை, எருமை மற்றும் எண்ணற்ற அரியவகை விலங்குகள் வசித்து வருகின்றன. தமிழ்நாட்டின் இரண்டாவது காப்பகமான இதில் அம்பாசமுத்திரம், பாபநாசம், முண்டந்துறை மற்றும் கடையம் உள்ளிட்ட வனச்சரகங்கள் உள்ளன. இதில் கடந்த ஏப்ரல் மாதம் 22ம் தேதி பாபநாசம் காப்புக்காடு சொரிமுத்து அய்யனார் பீட் பகுதிக்குட்பட்ட சின்னமைலார் சரகத்தில் உடலில் காயங்களுடன் சிறுத்தை ஒன்று இறந்து கிடந்ததை கைப்பற்றியது வனசரகம். அது போல் 10/05/19 ம் தேதி அம்பாசமுத்திரம் வனச்சரகத்திற்குட்பட்ட சிங்கம்பட்டி பீட் 3 பகுதியில் உருக்குலைந்த நிலையில் ஆண் சிறுத்தையை கைப்பற்றிய வனச்சரகம் பின் அதனை எரியூட்டியது. இறந்த இரு சிறுத்தைகளின் வயதும் இரண்டு மட்டுமே என்பது குறிப்பிடத்தக்கது.
 

 
"ஒரு மாத இடைவெளியில் களக்காடு முண்டன்துறை புலிகள் காப்பக பகுதிகளில் இரண்டு சிறுத்தைகள் இறந்தது அதிகாரிகளின் அலட்சியத்தைக் காட்டுகின்றது. மேற்கண்ட இப்பகுதிகளில் சரியான ரோந்து கிடையாது. பெயருக்கு சுற்றிவிட்டு தன்னுடைய இருப்பிடத்திற்கே வந்து ஓய்வு எடுக்கும் வனத்துறையினரால் இந்த அலட்சிய உயிரிழப்பு. ஒத்த வயதில் இறந்த இச்சிறுத்தைகள் பல். நகம் உள்ளிட்டவைகளுக்காக வேட்டைக்கும்பலால் வேட்டையாடப்பட்டவையா.? என்பது பற்றி தெரியவில்லை. எனினும் இங்கு வனத்துறையின் ஆசியில் வேட்டைக்கும்பல் இருப்பது அனைவருக்கும் தெரிந்ததே.! களக்காடு முண்டன்துறை புலிகள் காப்பக இயக்குநரின் மேற்பார்வையில் உரிய விசாரணை நடந்தால் குற்றவாளிகள் பிடிபடுவர். உயிரினங்களும் பிழைத்துக்கொள்ளும்" என ஆதங்கத்துடன் கோரிக்கை விடுத்துள்ளனர் விலங்கு நல ஆர்வலர்கள்.

 

 

 

 

சார்ந்த செய்திகள்

Next Story

சிறுத்தை தாக்கி சிறுமி உயிரிழப்பு; உடலை சொந்த ஊருக்கு கொண்டு செல்ல அரசு சார்பில் ஏற்பாடு

Published on 08/01/2024 | Edited on 08/01/2024
Girl child incident leopard Arrangements are made by the government to take the body home

நீலகிரி மாவட்டம் பந்தலூர் பகுதியில் உள்ள தேயிலைத் தோட்டப் பகுதியில் சிறுத்தைகள் நடமாட்டம் அதிகளவில் இருந்து வருகிறது. இந்தச் சூழலில் மேங்கோ ரேஞ்ச் பகுதியில் 3 வயது சிறுமி ஒருவர் நேற்று முன்தினம் (06.01.2024) அங்கன்வாடியிலிருந்து வீட்டிற்கு சென்றுகொண்டிருந்தபோது அங்கு வந்த சிறுத்தை ஒன்று, அந்த குழந்தையை அங்குள்ள தேயிலைத் தோட்டத்திற்கு இழுத்துச் சென்று தாக்கியது. குழந்தையின் அலறல் சத்தம் கேட்டு அங்கிருந்தவர்கள், அந்தப் பகுதிக்கு உடனடியாக ஓடி வந்து படுகாயமடைந்த குழந்தையை மீட்டு மருத்துவமனைக்கு கொண்டு செல்ல முயன்றனர். ஆனால், அந்த குழந்தை மருத்துவமனைக்குச் செல்லும் வழியிலேயே பரிதாபமாக உயிரிழந்தது. அதேபோன்று கடந்த 21 ஆம் தேதி சிறுத்தை தாக்கியதில் பழங்குடியின பெண் உயிரிழந்த நிலையில், வடமாநிலத் தொழிலாளியின் 3 வயது குழந்தை சிறுத்தை தாக்கி உயிரிழந்துள்ள சம்பவம் பொதுமக்கள் மத்தியில் மிகுந்த அச்சத்தை ஏற்படுத்தி இருந்தது.

இந்த சூழலில் அம்ப்ரூஸ் வளைவு என்ற பகுதியில் உள்ள புதர் ஒன்றில் சிறுமியைக் கொன்ற சிறுத்தை பதுங்கி இருந்ததை அப்பகுதி மக்கள் கண்டு வனத்துறையினருக்குத் தகவல் தெரிவித்திருந்தனர். இது குறித்து தகவல் அறிந்து சம்பவ இடத்திற்குச் சென்ற வனத்துறையினர் மற்றும் வன கால்நடை மருத்துவர்கள் குழுவினர், ட்ரோன் கேமரா உதவியுடன் சிறுத்தை நடமாட்டத்தை உறுதி செய்தனர். அதனைத் தொடர்ந்து குழந்தையை தாக்கிக் கொன்ற சிறுத்தைக்கு முதல் டோஸ் மயக்க ஊசி செலுத்தப்பட்டது. இதையடுத்து சிறுத்தையை வனத்துறையினர் பிடிக்க தயார் நிலையில் இருந்தனர். மேலும் ஒரு டோஸ் மயக்க மருந்து செலுத்தப்பட்டு சிறுத்தை பிடிபட்டது. பிடிபட்ட சிறுத்தையை வண்டலூர் அறிஞர் அண்ணா உயிரியல் பூங்காவிற்கு கொண்டு செல்ல வனத்துறையினர் ஏற்பாடுகளைச் செய்து வருகின்றனர். மேலும் சிறுத்தை தாக்கி உயிரிழந்தவர்களின் குடும்பத்திற்கு முதலமைச்சர் மு.க. ஸ்டாலின் இரங்கல் தெரிவித்து தலா 10 இலட்சம் ரூபாய் நிவாரணம் அறிவித்திருந்தார்.

இந்நிலையில்,  சிறுத்தை தாக்கி உயிரிழந்த ஜார்காண்ட் மாநிலத்தைச் சேர்ந்த சிறுமி நான்சியின் உடலை சாலை மார்க்கமாக அனுப்பினால் கிட்டத்தட்ட சொந்த ஊர் சென்றடைய 3 நாட்கள் ஆகும். இதனைக் கருத்தில் கொண்டு, நீலகிரி நாடாளுமன்ற உறுப்பினர் ஆ. ராசா ஏற்பாட்டில் விமான பயணச்சீட்டு பெற்று, விமானத்தின் மூலம் அவர்களைச் சொந்த ஊருக்கு அனுப்பி வைக்கப்படுகிறது. நெடுந்தூர பயணம் என்பதால் சிறுமியின் உடலை உதகை அரசு மருத்துவக் கல்லூரி மருத்துவமனையில் எம்பாமிங் செய்யப்பட்டு, கோவையிலிருந்து விமானம் மூலம் சென்னைக்கு அனுப்பப்படுகிறது. பின்னர், அங்கிருந்து ஜார்க்கண்ட் மாநிலம், ராஞ்சிக்கு அனுப்பி வைக்கவும் ஏற்பாடுகள் செய்யப்பட்டுள்ளது. ராஞ்சியிலிருந்து அவரது சொந்த ஊருக்கு செல்ல ஏற்பாடுகள் செய்வது தொடர்பாக ராஞ்சி மாவட்ட ஆட்சியரிடமும் இது குறித்து தகவல் தெரிவிக்கப்பட்டுள்ளது. அதே சமயம் சிறுமியின் பெற்றோர்களிடம் முதலமைச்சரின் பொது நிவாரண நிதி ரூபாய் 10 லட்சத்திற்கான காசோலை வழங்கி மாவட்ட ஆட்சியர் ஆறுதல் தெரிவித்தார். இறுதியாக சிறுமியின் உடலை எடுத்துச் செல்ல அனைத்து ஏற்பாடுகளையும் செய்து தந்த தமிழ்நாடு அரசுக்கும், மாவட்ட நிர்வாகத்திற்கும் சிறுமியின் பெற்றோர் நன்றி தெரிவித்தனர். 

Next Story

பொதுமக்களை அச்சுறுத்திய சிறுத்தை பிடிபட்டது!

Published on 07/01/2024 | Edited on 07/01/2024
The leopard that threatened the public was caught

நீலகிரி மாவட்டம் பந்தலூர் பகுதியில் உள்ள தேயிலைத் தோட்டப் பகுதியில் சிறுத்தைகள் நடமாட்டம் அதிகளவில் இருந்து வருகிறது. இந்தச் சூழலில் மேங்கோ ரேஞ்ச் பகுதியில் 3 வயது சிறுமி ஒருவர் நேற்று (06.01.2024) அங்கன்வாடியிலிருந்து வீட்டிற்கு சென்றுகொண்டிருந்தபோது அங்கு வந்த சிறுத்தை ஒன்று, அந்த குழந்தையை அங்குள்ள தேயிலைத் தோட்டத்திற்கு இழுத்துச் சென்று தாக்கியது. குழந்தையின் அலறல் சத்தம் கேட்டு அங்கிருந்தவர்கள், அந்தப் பகுதிக்கு உடனடியாக ஓடி வந்து படுகாயமடைந்த குழந்தையை மீட்டு மருத்துவமனைக்கு கொண்டு செல்ல முயன்றனர். ஆனால், அந்த குழந்தை மருத்துவமனைக்குச் செல்லும் வழியிலேயே பரிதாபமாக உயிரிழந்தது.

கடந்த 21 ஆம் தேதி சிறுத்தை தாக்கியதில் பழங்குடியின பெண் உயிரிழந்த நிலையில், தற்போது வடமாநிலத் தொழிலாளியின் 3 வயது குழந்தை சிறுத்தை தாக்கி உயிரிழந்துள்ள சம்பவம் பொதுமக்கள் மத்தியில் மிகுந்த அச்சத்தை ஏற்படுத்தி இருந்தது. அதனைத் தொடர்ந்து பொதுமக்களை அச்சுறுத்தி வரும் சிறுத்தையைப் பிடிக்க வலியுறுத்தி அப்பகுதி மக்கள் இரவு முழுவதும் மறியலில் ஈடுபட்டனர். மேலும் உடனடியாக சிறுத்தையைப் பிடிக்க நடவடிக்கை எடுக்க வேண்டும் என வலியுறுத்தி கூடலூர் மற்றும் பந்தலூர் ஆகிய பகுதிகளில் உள்ள வணிகர்கள் கடையடைப்பு போராட்டம் நடத்தினர். இதனையடுத்து கும்கி யானை உதவியுடன் சிறுத்தையைப் பிடிக்க வனத்துறை சார்பில் நடவடிக்கை எடுக்கப்பட்டது. இதற்காக கும்கி யானை வரவழைக்கப்பட்டது. அதே சமயம் மயக்க ஊசி செலுத்தி சிறுத்தையைப் பிடிக்கவும் வனத்துறை மற்றும் கால்நடை மருத்துவர்கள் ட்ரோன் கேமராக்கள் மூலம் கண்காணித்து வந்தனர். அதோடு சிறுத்தையை சுட்டுப் பிடிக்க நீலகிரி மாவட்ட நிர்வாகம் மற்றும் வனத்துறை சார்பில் தீவிர ஆலோசனையும் நடத்தப்பட்டது.

இந்நிலையில் அம்ப்ரூஸ் வளைவு என்ற பகுதியில் உள்ள புதர் ஒன்றில் சிறுமியைக் கொன்ற சிறுத்தை பதுங்கி இருந்ததை அப்பகுதி மக்கள் கண்டு வனத்துறையினருக்குத் தகவல் தெரிவித்திருந்தனர். இது குறித்து தகவல் அறிந்து சம்பவ இடத்திற்குச் சென்ற வனத்துறையினர் மற்றும் வன கால்நடை மருத்துவர்கள் குழுவினர், ட்ரோன் கேமரா உதவியுடன் சிறுத்தை நடமாட்டத்தை உறுதி செய்தனர். அதனைத் தொடர்ந்து குழந்தையை தாக்கிக் கொன்ற சிறுத்தைக்கு முதல் டோஸ் மயக்க ஊசி செலுத்தப்பட்டது. இதையடுத்து சிறுத்தையை வனத்துறையினர் பிடிக்க தயார் நிலையில் இருந்தனர். மேலும் ஒரு டோஸ் மயக்க மருந்து செலுத்தப்பட்டு சிறுத்தை பிடிபட்டுள்ளது. பிடிபட்ட சிறுத்தையை முதுமலை வனப்பகுதிக்கு கொண்டு செல்ல வனத்துறையினர் ஏற்பாடுகளை செய்து வருகின்றனர்.

The leoThe leopard that threatened the public was caughtpard that threatened the public was caught

முன்னதாக சிறுத்தை தாக்கி உயிரிழந்தவர்களின் குடும்பத்திற்கு முதலமைச்சர் மு.க. ஸ்டாலின் இரங்கல் தெரிவித்து நிவாரணம் அறிவித்திருந்தார். அதில், “நீலகிரி மாவட்டம், ஏலமன்னா கிராமம், மேங்கோ ரேன்ஜ் அஞ்சல் பகுதியைச் சேர்ந்த பிரசாந்த் என்பவர் மனைவி சரிதா (வயது 29) கடந்த 29.12.2023 ஆம் தேதியும், மேங்கோ ரேன்ஜ், எஸ்டேட் தொழிலாளர் குடியிருப்பில் வசித்து வரும் ஜார்கண்ட் மாநிலத்தைச் சேர்ந்த சிவ்சங்கர் என்பவர் மகள் நான்சி நேற்று சிறுத்தை தாக்கியதன் காரணமாக உயிரிழந்தார் என்ற துயரமான செய்தியை அறிந்து மிகவும் வேதனையடைந்தேன். விலை மதிப்பில்லாத இந்த இரு உயிரிழப்புகளை சந்தித்துள்ள குடும்பத்தினருக்கும் உறவினர்களுக்கும் எனது ஆழ்ந்த இரங்கலையும் வருத்தத்தையும் தெரிவித்துக் கொள்கிறேன். மேலும் உயிரிழந்தவர்களின் குடும்பத்தினருக்கு நிவாரண உதவியாக தலா 10 இலட்சம் ரூபாய் தமிழக அரசின் சார்பில் வழங்கவும் உத்தரவிட்டுள்ளேன்” எனத் தெரிவித்துள்ளார்.