Skip to main content

ஆளும் கட்சிகளின் ஊழல்களை மறைக்கவே எம்ஜிஆர் நூற்றாண்டு விழா - கே.பாலகிருஷ்ணன்

Published on 30/09/2018 | Edited on 01/10/2018
kb



மார்க்சிஸ்ட் கம்யூனிஸ்ட் கட்சியின் மாநில செயலாளர் கே.பாலகிருஷ்ணன் ஞாயிறன்று சிதம்பரத்தில் செய்தியாளர்களை சந்தித்தார்.
 

அப்போது அவர், சென்னையில் எம்ஜிஆர் நூற்றாண்டு நிறைவு விழா நடைபெறுகிறது. இது அரசு பணத்தை எடுத்து நடத்தும் ஆளுங்கட்சி விழாவாக நடத்தப்படுகிறது. இந்த விழாவிற்கு ஒரு லட்சத்திற்கும் மேற்பட்ட டிஜிட்டல் பேனர்கள் வைக்கப்பட்டுள்ளது. இதற்கு யார் அனுமதி கொடுத்தார்கள்.
 

 எம்ஜிஆரை முன்னிலைப் படுத்திக் கொண்டு இவர்கள் செய்யும் ஊழலை மறைக்க எம்ஜிஆர் நூற்றாண்டு விழாவை மக்கள் பணத்தை எடுத்து ஆளுங்கட்சி விழாவாக நடத்தி வருகிறார்கள்,  டிஜிட்டல் பேனர்களை உடனே அகற்ற வேண்டும் என்று நீதிமன்றம் உத்தரவிட்டுள்ளது. காவல்துறையினர் அகற்ற நடவடிக்கை எடுக்கவில்லை. போக்குவரத்திற்கு இடையூறாக உள்ள டிஜிட்டல் பேனர்களை உடனே அகற்ற காவல்துறை நடவடிக்கை எடுக்க வேண்டும்.
 

 சிதம்பரம் பகுதியில் கடந்த ஆகஸ்டு 26-ஆம் தேதி வெள்ளநீர் அதிகமாக வந்தது இதனால் சிதம்பரம், காட்டுமன்னார்கோவில். பகுதியில் உள்ள 12 ஆயிரம் ஏக்கர் விளைநிலங்கள் கரும்பு, நெல், வாழை. போன்ற பயிர்கள் அழிந்துவிட்டன. இதனால் விவசாயிகள் கடுமையாக பாதிக்கப்பட்டுள்ளனர்.  இவர்களுக்கு இதுவரை நிவாரணம் வழங்கப்படவில்லை. இதேபோல் நாகை மாவட்டத்தில் ஏற்பட்ட பாதிப்புகளுக்கு நிவாரணம் வழங்கப்பட்டது. இங்கு பாதிக்கப்பட்ட விவசாயிகளுக்கு நிவாரணம் வழங்க வேண்டும்.
 

கடலூர் மாவட்டத்தில் ஐசிஐசிஐ வங்கி விவசாயிகளின் காப்பீட்டு தொகை வசூலித்து வருகிறது.  விவசாயிகள் விருப்பம்போல் காப்பீட்டு தொகையை வங்கியை தேர்வு செய்துகொள்ளலாம் என்று அறிவிக்க வேண்டும்.  வங்கியை விவசாயிகளிடம் குத்தகை கொடுப்பது யார்?  ஐசிஐசிஐ வங்கி விவசாயிகளின் காப்பீட்டுத் தொகையை உடனே வழங்க வேண்டும். வெள்ளநீர் அதிக அளவில் வந்தாலும் டெல்டாவின் கடைமடை வரை தண்ணீர் வரவில்லை என்று விவசாயிகள் தொடர் போராட்டம் நடத்தி வருகிறார்கள். கடைமடைக்கு தண்ணீர் கிடைக்க உத்திரவாதபடுத்த வேண்டும்.
 

மேட்டூரில் தண்ணீர் குறைந்து வருகிறது தமிழக அரசு கர்நாடகாவிடம் மாதம், மாதம் பெற வேண்டிய தண்ணீரை கேட்டுப் பெறவில்லை. இதேபோல் தண்ணீர் குறைந்து கொண்டே சென்றால் சாகுபடி எப்போது ஆரம்பிப்பது என்ற கேள்வி எழுந்துள்ளது.  நாகை மாவட்டம் ,கடலூர் மாவட்டத்தில் சிதம்பரம், காட்டுமன்னார்கோவில் உள்ளிட்ட காவிரி டெல்டா பகுதிகளை நிரந்தர பசுமை மண்டலமாக அறிவிக்க வேண்டும் என்று விவசாயிகள் தொடர்ந்து வலியுறுத்தி வருகிறார்கள்.  இந்த நிலையில் டெல்டா பகுதியில் ஹைட்ரோ கார்பன் திட்டத்தை மத்திய அரசு நிறைவேற்ற அனுமதி வழங்கியுள்ளது. இந்த திட்டம் விவசாயத்தை கடுமையாக பாதிக்கும்.
 

 மனிதர்கள் வாழும் பகுதியில் ஹைட்ரோ கார்பன் திட்டம் செயல்படுத்தப்படுவதாக எந்த ஒரு தகவலும் இல்லை அப்படி செயல்படுத்தினால் மனிதர்கள் வாழ்வாதாரம் பாதிக்கும் என்று அச்சுறுத்தப்பட்டுள்ளது. எனவே இந்த திட்டத்தை மத்திய மாநில அரசுகள் கைவிட வேண்டும் ஹைட்ரோ கார்பன் திட்டம் வந்தால் விவசாயிகளுக்கு மட்டும் அது பாதிப்பு அல்ல அனைத்து பொதுமக்களுக்கும் காற்று, நீர், நிலம், சுற்றுச்சூழல் உள்ளிட்ட எல்லா வகையிலும் பாதிக்கப்படும் எனவே அனைவரும் ஒன்று சேர்ந்து போராட வேண்டும். இந்த திட்டத்தை மத்திய மாநில அரசுகள் அனுமதிக்க கூடாது.
 

 தமிழகத்தில் 3 ஆயிரத்திற்கு  மேற்பட்ட அரசு பள்ளிகளை மூடுவதற்கான ஏற்பாடுகளை மத்திய, மாநில, அரசுகள் செய்து வருகிறது.  அரசு பள்ளிகளில் அடிப்படை வசதிகளை மேம்படுத்தி மாணவர் சேர்க்கையை அதிகப்படுத்த வேண்டும். அதை விடுத்து பள்ளிகளை மூடினால் ஏழை மாணவர்கள் கடுமையாக பாதிக்கப்படுவார்கள்.  தமிழக முதல்வர் அவர் மீதுள்ள குற்றத்தை மறைக்க வேறு ஒரு குற்றத்தை கூறியது சரியானது அல்ல தற்போது தலைமைச் செயலக கட்டிடம் குறித்து வாய் திறந்த இவர் கடந்த 7 வருடங்களாக அதிமுக தான் ஆட்சி செய்துள்ளது அப்போது என்ன செய்துகொண்டு இருந்தார் என்றார். இவருடன் மாநிலக்குழு மாதவன், மாவட்டசெயற்குழு ராமச்சந்திரன், மாவட்டக்குழு உறுப்பினர்கள் கற்பனைச்செல்வம்,ராஜா,முத்து, மூர்த்தி உள்ளிட்டவர்கள் உடன் இருந்தனர்.
 

 

 

 

சார்ந்த செய்திகள்

 

Next Story

அரசு மரியாதையுடன் ஆர்.எம்.வீரப்பன் உடல் தகனம்

Published on 10/04/2024 | Edited on 10/04/2024
Cremation of RM Veerappan with state honors

எம்.ஜி.ஆர். கழகத்தின் நிறுவனரும், தமிழகத்தின் முன்னாள் அமைச்சருமான ஆர்.எம். வீரப்பன் (வயது 98) வயது மூப்பு காரணமாக சென்னையில் காலமானார். உடல்நலக் குறைவு காரணமாக சென்னையில் உள்ள தனியார் மருத்துவமனையில் சிகிச்சைபெற்று வந்த அவர், சிகிச்சை பலனின்றி உயிரிழந்தார். அவரது மறைவுக்கு அரசியல் கட்சித் தலைவர்கள் பலரும் இரங்கல் தெரிவித்தனர்.

புதுக்கோட்டை மாவட்டத்தில் பிறந்த இவர், தந்தை பெரியார், பேரறிஞர் அண்ணா ஆகியோருடன் நெருங்கிப் பழகியவர் ஆவார். தமிழக முன்னாள் முதல்வர் எம்.ஜி.ஆரிடம் உதவியாளராக சேர்ந்து, அதன் பின்னர் கணக்காளராக பணியாற்றிவர். எம்.ஜி.ஆர். மறைவுக்கு பிறகு ஜானகி ராமச்சந்திரன் தலைமையில் அதிமுக தனி அணி உருவாகக் காராணமாக இருந்தவர். தமிழகத்தின் முன்னாள் முதல்வர்களான எம்ஜிஆர் மற்றும் ஜெயலலிதா ஆகியோர் தலைமையிலான அமைச்சரவையில் அமைச்சராக இருந்தவர் ஆர்.எம்.வீரப்பன் ஆவார்.

திரைப்படத் தயாரிப்பாளர் ஆகவும் இருந்துள்ளார். அதன்படி எம்.ஜி.ஆர்., நடித்த காவல்காரன், இதயக்கனி, தெய்வத்தாய், நான் ஆணையிட்டால், ரிக்சாக்காரன் உள்ளிட்ட படங்களையும் தயாரித்துள்ளார். ரஜினிகாந்த் நடித்த பாட்ஷா, மூன்று முகம், தங்கமகன், ராணுவ வீரன், பணக்காரன் போன்ற படங்களையும் தயாரித்துள்ளார். மேலும் சிவாஜி நடித்த புதிய வானம், கமல் நடித்த காக்கிச்சட்டை மற்றும் சத்யராஜ் உள்ளிட்டோர் நடித்த படங்களையும் இவரின் சத்யா மூவிஸ் நிறுவனம் தயாரித்துள்ளது குறிப்பிடத்தக்கது.

நேற்று மாலை சென்னை தி நகரில் உள்ள அவருடைய வீட்டில் உடலானது பொதுமக்கள் பார்வைக்காக வைக்கப்பட்டிருந்தது. அரசியல் பிரமுகர்கள், நடிகர்கள் எனப் பல தரப்பினரும் அவரது உடலுக்கு நேரில் அஞ்சலி செலுத்திய நிலையில், நுங்கம்பாக்கம் மின் மயானத்திற்கு அவரது உடல் தற்பொழுது கொண்டுவரப்பட்டுள்ளது. 78 குண்டுகள் முழங்க அரசு மரியாதையுடன் அவருடைய உடல் தகனம் செய்யப்பட இருக்கிறது.

Next Story

ஆர்.எம்.வீரப்பனுடனான அனுபவங்கள் - ரஜினி, கமல் உருக்கம்

Published on 10/04/2024 | Edited on 10/04/2024
rajini kamal about rm veerappan

எம்.ஜி.ஆர். கழகத்தின் நிறுவனரும், தமிழகத்தின் முன்னாள் அமைச்சருமான ஆர்.எம். வீரப்பன் (வயது 98) வயது மூப்பு காரணமாக சென்னையில் காலமானார். புதுக்கோட்டை மாவட்டத்தில் பிறந்த இவர், தந்தை பெரியார், பேரறிஞர் அண்ணா ஆகியோருடன் நெருங்கி பழகியவர் ஆவார். தமிழக முன்னாள் முதல்வர் எம்.ஜி.ஆரிடம் உதவியாளராக சேர்ந்து, அதன் பின்னர் கணக்காளராகப் பணியாற்றியவர். எம்.ஜி.ஆர். மறைவுக்குப் பிறகு ஜானகி ராமச்சந்திரன் தலைமையில், அதிமுக தனி அணி உருவாகக் காரணமாக இருந்தவர். தமிழகத்தின் முன்னாள் முதல்வர்களான எம்ஜிஆர் மற்றும் ஜெயலலிதா ஆகியோர் தலைமையிலான அமைச்சரவையில் அமைச்சராக இருந்தவர் ஆர்.எம்.வீரப்பன் ஆவார்.

இவர் திரைப்பட தயாரிப்பாளராகவும் இருந்துள்ளார். அதன்படி எம்.ஜி.ஆர்., நடித்த காவல்காரன், இதயக்கனி, தெய்வத்தாய், நான் ஆணையிட்டால், ரிக்சாக்கரான் உள்ளிட்ட படங்களையும் தயாரித்துள்ளார். ரஜினிகாந்த் நடித்த பாட்ஷா, மூன்று முகம், தங்கமகன், ராணுவ வீரன், பணக்காரன் போன்ற படங்களையும் தயாரித்துள்ளார். மேலும் சிவாஜி நடித்த புதிய வானம், கமல் நடித்த காக்கிச்சட்டை மற்றும் சத்யராஜ் உள்ளிட்டோர் நடித்த படங்களையும் இவரின் சத்யா மூவிஸ் நிறுவனம் தயாரித்துள்ளது குறிப்பிடத்தக்கது.

இவரது மறைவு அரசியல் மற்றும் சினிமா வட்டாரத்தில் சோகத்தை ஏற்படுத்தியுள்ளது. அவரது மறைவுக்கு அரசியல் கட்சித் தலைவர்கள் பலரும் இரங்கல் தெரிவித்து வருகின்றனர். அந்த வகையில் ரஜினி, கமல், நக்கீரன் ஆசிரியர், இளையராஜா, பாரதிராஜா, சிவக்குமார் உள்ளிட்டோர் வீரப்பன் உடலுக்கு நேரில் அஞ்சலி செலுத்தினர். பின்பு செய்தியாளர்களிடம் வீரப்பன் பற்றிய அனுபவங்களை பகிர்ந்தனர். 

ரஜினி பேசுகையில், “ஒரு முழு வாழ்க்கையை வாழ்ந்து நம்மை விட்டு பிரிந்திருக்கிறார். எம்.ஜி.ஆரின் தனிப்பட்ட வாழ்க்கையிலும், அரசியல் வாழ்க்கையிலும், சினிமா வாழ்க்கையிலும் வலது கையாக இருந்தவர்.  அவரால் உருவாக்கப்பட்ட பல சிஷியர்கள் மத்திய, மாநில அமைச்சர்களாகி, பேரும், புகழுடன் இன்றும் வலம் வந்துகொண்டிருக்கின்றனர். ஆர்.எம் வீரப்பன் எப்போதும் பணத்திற்கு பின்னால் போனவர் இல்லை. அண்ணா சொன்ன கடமை, கண்ணியம், கட்டுப்பாடு ஆகியவற்றைக் கடைபிடித்து வாழ்ந்தவர். எனக்கும் வீரப்பனுக்கும் இடையேயான நட்பு மிக ஆழமானது, உணர்ச்சிகரமானது, புனிதமானது. அவர் இப்போது இல்லை என்பது என்னால் வாழ்நாளில் மறக்க முடியாதது” என்றார். 

கமல் பேசுகையில், “ஆர்.எம் வீரப்பனை சிறுவயதில் கலையுலகத்திலும் பின்பு அரசியல் உலகத்திற்கு அவர் சென்ற போதும், உயர்ந்த ஒரு உருவமாகத் தான் பார்த்து கொண்டிருந்தேன். பின்பு எம்.ஜி.ஆர் நடித்த அதே கம்பெனியில் நானும் வேலை செய்வேன் என நினைத்தது கிடையாது. அவருடைய பயணங்களில் அவருக்கு ஏற்பட்ட அனுபவமும் ஞானமும் எனக்கு பகிர்ந்தளிக்கப்பட்டது என்றால், அது மிகையாகாது. திரையுலகத்திலும், அரசியலிலும் அவர் மூதறிஞர். எம்.ஜி.ஆரின் வலது கையாக திகழ்ந்தவர். அந்த நிலை மாறாமல் என்றும் அவர் நினைவாக இருந்து வாழ்ந்து மறைந்தவர்” என்றார். ரஜினி, கமல் இருவரும் உருக்கமுடன் பேசினர் என்பது குறிப்பிடத்தக்கது.