Skip to main content

கலப்பட நெல்லை விற்பனை செய்த வேளாண்துறை; வேதனையில் விவசாயி

Published on 03/01/2023 | Edited on 03/01/2023

 

Karur collector office farmer paddy  issue

 

வேளாண்துறையில் கலப்பட ரக நெல் கொடுத்து ஏமாற்றப்பட்டதாக நெல்மணிகளுடன் கரூர் மாவட்ட ஆட்சியர் அலுவலகத்தில் விவசாயி திடீர் தர்ணா போராட்டத்தில் ஈடுபட்டதால் அங்கு பரபரப்பு ஏற்பட்டது.

 

கரூர் மாவட்டம், குளித்தலை அடுத்த மேலசுக்காம்பட்டி கிராமத்தைச் சேர்ந்த சீனிவாசன் என்ற விவசாயி நங்கவரம் வேளாண்துறை விதை நெல் அலுவலகத்தில் கடந்த ஆறு மாதங்களுக்கு முன்பாக "பொன்மணி" என்ற ரக விதை நெல் வாங்கி வந்து தனக்கு சொந்தமான ஐந்து ஏக்கர் நிலத்தில் பயிரிட்டுள்ளார். ஆனால், நெற்பயிர் சரியாக முளைக்காமல் மூன்று ரக நெல் பயிர்களாக காணப்படுவதால், கலப்பட நெல் கொடுக்கப்பட்டு தான் ஏமாற்றப்பட்டதாக கரூர் மாவட்ட ஆட்சியர் அலுவலகத்தில் கடந்த 18 ஆம் தேதி புகார் கொடுத்துள்ளார்.

 

இது தொடர்பாக ஏற்கனவே சம்பந்தப்பட்ட வேளாண் துறை அதிகாரிகளிடம் புகார் செய்து 15 நாட்களுக்குள் பார்வையிட்டு நடவடிக்கை எடுப்பதாக உறுதி அளித்தும், வேளாண் துறை சார்பில் எந்தவித நடவடிக்கையும் இதுவரை எடுக்கப்படாத காரணத்தால், மாவட்ட ஆட்சியரிடம் முறையிட வந்ததாகவும், ஏக்கருக்கு 40,000 ரூபாய் தனக்கு நஷ்டம் ஏற்பட்டதாகவும் வருத்தம் தெரிவித்தார். இதே போல இன்றும் மாவட்ட ஆட்சியர் அலுவலகத்திற்கு நெற்கதிருடன் வருகை தந்த விவசாயி சீனிவாசன் திடீரென்று தர்ணா போராட்டத்தில் ஈடுபட்டார். அப்போது அங்கு பணியில் இருந்த போலீசார் "தர்ணா போராட்டத்தில் ஈடுபட்டால் கைது செய்யப்படுவீர்கள்" என்று எச்சரிக்கை விடுத்தனர். இதன் காரணமாக மாவட்ட ஆட்சியரை சந்தித்து முறையிட சென்றார்.

 

 

சார்ந்த செய்திகள்

 

Next Story

விவசாய பட்ஜெட்டுக்கு எதிர்பார்ப்பு; கலைஞர் விழாவில் 200 விவசாயிகளுக்குப் பண்ணைக்கருவிகள்!

Published on 19/06/2024 | Edited on 19/06/2024
Farm implements for farmers at kalaignar centenary function

கலைஞர் நூற்றாண்டு நிறைவு விழா மற்றும் கலைஞரின் 101 வது பிறந்த நாளை முன்னிட்டு இராஜபாளையம் தொகுதியிலுள்ள 200 விவசாயிகளுக்கு ராஜபாளையம் சட்டமன்ற உறுப்பினரான தங்கப்பாண்டியன் எம்.எல்.ஏ தனது 84, 85-வது மாத ஊதியத்திலிருந்து 2,10,000 ரூபாய் மதிப்பீட்டில் பண்ணைக்கருவிகள், தார்பாய்கள் மற்றும் மரக்கன்றுகளை வழங்கினார்.

இந்நிகழ்ச்சியில் தென்காசி தொகுதி திமுக எம்.பி. டாக்டர் ராணி ஸ்ரீகுமாரும் கலந்துகொண்டார். தங்கப்பாண்டியன் எம்.எல்.ஏ தனது உரையில் “விவசாயத்திற்கு தனி பட்ஜெட் அமைத்து அவர்களின் வாழ்க்கைத்தரம் உயர்வதற்கு தமிழ்நாடு முதலமைச்சர் மு.க.ஸ்டாலின் தொடர்ந்து நடவடிக்கை மேற்கொண்டு வருகிறார். கலைஞர்  ஆட்சியில்தான் இந்தியாவில் முதன்முறையாக விவசாயிகளுக்கு இலவச மின்சாரம் வழங்கப்பட்டது. மேலும், நேரடி நெல் கொள்முதல் மையம் உருவாக்கி விவசாயிகளின் நலனைக் காத்தவர் கலைஞர். அதுபோல்,  தமிழ்நாடு முதலமைச்சர் மு.க.ஸ்டாலின், 2 லட்சம் விவசாய மின் இணைப்புகள் வழங்கி சாதனை செய்துள்ளார். தற்போது வரவிருக்கும் விவசாய பட்ஜெட்டை, விவசாய பெருமக்கள் ஆவலுடன் எதிர்பார்த்து கொண்டிருக்கிறார்கள்” என்றார்.   

Farm implements for farmers at kalaignar centenary function

இந்நிகழ்ச்சியில் டாக்டர் ராணி ஸ்ரீகுமார் எம்.பி.  “வாடிய  பயிரைக் கண்டபோதெல்லாம் வாடினேன் என்றார் வள்ளலார். அவர்களின் கூற்றுப்படி பயிர்களை வாடாமல் பார்த்துக்கொள்ளும் விவசாயப் பெருமக்களாகிய தங்கள்  அனைவரையும் வாழ்த்தி வணங்குகிறேன்”எனப் பேசினார்.  

Next Story

ரூ.100 கோடி சொத்தை அபகரித்த எம்.ஆர்.விஜயபாஸ்கர்; பரபரப்பு புகார்

Published on 15/06/2024 | Edited on 15/06/2024
Complaint that Mr. Vijayabaskar has usurped land worth Rs.100 crores

கரூர் மாவட்டம் மன்மங்கலம் தாலுக்கா குப்பிச்சிப்பாளையத்தைச் சேர்ந்தவர் தொழிலதிபர் பிரகாஷ். இவர் நமக்கல் மற்றும் பரமத்தில் வேலூரில் எலக்ட்ரிக்கல்ஸ் கடை நடத்தி வருகின்றார். இந்த நிலையில் அதிமுகவின் முன்னாள் அமைச்சர் எம்.ஆர்.விஜயபாஸ்கர் தன்னை ஏமாற்றி ரூ.100 கோடி மதிப்பிலான சொத்தை அபகரித்துகொண்டதாக பிரகாஷ் காவல்நிலையத்தில் பரபரப்பு புகார் ஒன்றைக் கொடுத்துள்ளார். 

இது தொடர்பாக அவர் கொடுத்தப் புகார் மனுவில், “முன்னாள் அமைச்சர் எம்.ஆர்.விஜயபாஸ்கருக்கும் எனக்கும் பல ஆண்டுகளாக கொடுக்கல் வாங்கல் இருந்து வருகிறது. அவர் அமைச்சராக இருந்தபோது, பல நிறுவனங்களிடம் இருந்து பணம் வாங்கி ரூ.10 கோடி எம்.ஆர்.விஜயபாஸ்கருக்கும் அவரது தம்பி சேகருக்கும் வட்டிக்கு கடனாக கொடுத்தேன். மாத வட்டியாக ரூ.15 லட்சம் பணத்தை கடந்த ஆண்டு ஜூன் மாதத்தில் இருந்து கொடுக்காததால், அவரது வீட்டிற்கு சென்று பணத்தை வட்டியோடு கொடுக்க வேண்டும் என்று கேட்டேன். அதற்கு என்னை எம்.ஆர்.விஜயபாஸ்கர் அடித்து, ஆபாசமாக பேசி அனுப்பிவிட்டார். 
 

இந்தச் சம்பவம் நடந்து ஒரு வாரத்திற்கு பிறகு கரூர் உத்தமி பொன்னுச்சாமி திருமண மண்டபம் அருகில் உள்ள அவரது வீட்டிற்கு வரச்சொன்ன விஜயபாஸ்கர், தோரணக்கல்பட்டி மற்றும் குன்னம்பட்டியில் உள்ள எனது ₹100 கோடி மதிப்புள்ள 22 ஏக்கர் நிலத்தை அவர் சொல்லும் நான்கு பேருக்கு எழுதி தரும்படி கேட்டு மிரட்டினார். நான் எதற்காக உங்களுக்கு எழுதித்தர வேண்டும்? முடியாது, நான் கொடுத்த பணத்தை வட்டியுடன் கொடுத்து விடுங்கள் என்று சொன்னவுடன், “ஏன்டா... நான் அமைச்சராக இருந்தபொழுது என் செல்வாக்கை பயன்படுத்தி உன் வியாபாரத்தில் கொள்ளை லாபம் அடித்து வாங்கிய சொத்துகள் தானடா அவைகள், அவற்றை எழுதிக்கொடுக்கச் சொன்னால் முடியாது என்கிறாயா” என்று சொல்லி என்னை கன்னத்தில் அடித்து எனக்கு கொலை மிரட்டல் விடுத்தார்.

இதனால் கடந்த பிப்ரவரி மாதம் எனது மகள் ஷோபனா பெயருக்கு எனது சொத்துக்களை செட்டில்மெண்ட் எழுதி வைத்தேன். ஆனால், விஜயபாஸ்கர் மற்றும் அவரது ஆதரவாளர்கள் எனது மகள் ஷோபனா மற்றும் என் மனைவியை மிரட்டி, போலி ஆவணங்களை வழங்கி மோசடியாக சொத்துக்களை பதிவு செய்துள்ளனர். இது குறித்து சார்பதிவாளர் அலுவலகத்தில பத்திரப்பதிவை ரத்து செய்ய மனு அளித்தேன்.

சம்பவத்தில் தொடர்புடைய நபர்கள் அரசியல் பலம் மற்றும் பண பலம் படைத்தவர்களாக இருந்ததால் பயத்தின் காரணமாக இதுவரை புகார் அளிக்காமல் தற்சமயம் புகார் அளிக்கிறேன். எனது உயிருக்கு ஆபத்து ஏற்படலாம் என்பதால் சம்பந்தப்பட்டவர்கள் மீது நடவடிக்கை எடுக்க வேண்டும்.  என்னையும் எனது குடும்பத்தாரையும் ஏமாற்றி சுமார் 100 கோடி மதிப்புள்ள சொத்தை மோசடியாக   அபகரிப்பு செய்துகொண்டவர்களிடம் இருந்து மீட்டு தர வேண்டும்” எனக் தெரிவித்துள்ளார். 

இதனைத் தொடர்ந்து புகாரின் பேரில் வழக்குப்பதிவு செய்த கரூர் மாவட்ட மத்தியக் குற்றப்பிரிவு போலீசார் விசாரணை நடத்தி வந்தனர். இந்த வழக்கில் தனக்கு முன் ஜாமீன் கேட்டு எம்.ஆர்.விஜயபாஸ்கர் கரூர் மாவட்ட முதன்மை அமர்வு நீதிமன்றத்தில் மனுதாக்கல் செய்த நிலையில், இன்று விசாரணைக்கு வந்தது. அப்போது, இந்த மனு தொடர்பான விசாரனையை வரும் 19 ஆம் தேதிக்கு நீதிமன்றம் ஒத்திவைத்ததுள்ளது. இதனிடையே இந்த வழக்கை சிபிசிஐடிக்கு மாற்றி டிஜிபி சங்கர் ஜிவால் இன்று உத்தரவிட்டுள்ளார். இது தற்போது அதிமுக வட்டாரங்களில் பரபரப்பை கிளப்பியுள்ளது.