Skip to main content

தெருநாய்களைப் பிடித்து ரேபிஸ் தடுப்பூசி போடும் பணி தீவிரம்

Published on 14/06/2024 | Edited on 14/06/2024
Intensification of catching stray dogs and vaccinating them against rabies
கோப்புப்படம்

கள்ளக்குறிச்சி மாவட்டம் திருக்கோவிலூர் நகராட்சி பேருந்து நிலையத்தில் நேற்று முன்தினம் தெரு நாய் ஒன்று வெறிபிடித்து 20க்கும் மேற்பட்ட நபர்களைக் கடித்து குதறியது. இதன் எதிரொலியாக திருக்கோவிலூர் நகராட்சியில் உள்ள சந்தைப்பேட்டை பகுதியில் முதற்கட்டமாக 35தெரு நாய்களைப் பிடித்து, நகராட்சிக்கு கொண்டு வந்து நாய்களுக்கு வெறிபிடிக்காமல் இருப்பதற்கு ஆன்டி ரேபிஸ் எனப்படும் தடுப்பூசி செலுத்தும் பணி நடைபெற்று வருகிறது.

மதுரையில் இருந்து நாய் பிடிக்கும் குழுவை வரவழைத்து நகராட்சியில் உள்ள பல்வேறு பகுதிகளில் தெரு நாய்களைப் பிடித்து வெறி பிடிக்காமல் இருக்கவும், வெறி பிடித்தாலும் கடித்தால் அதன் மூலம் மனிதர்களுக்கு நோய் பரவாமல் இருப்பதற்காக ஆண்ட்டி ராபீஸ் தடுப்பூசியைத் திருக்கோவிலூர் கால்நடை மருத்துவர்கள் சுகுமார், ஆலமரத்தான், விக்னேஷ் ஆகியோர் தடுப்பூசி போடும் பணியில் தற்போது ஈடுபட்டு வருகின்றனர். இன்று ஒரே நாளில் 35 நாய்களுக்குத் தடுப்பூசி போடப்பட்டுள்ளது.

அதேபோல் நகராட்சி பகுதி எல்லைக்கு உட்பட்ட பல்வேறு பகுதிகளில் சாலையில் சுற்றித்திரிந்த ஐந்து மாடுகளைப் பிடித்து வந்து நகராட்சி அலுவலகத்தில் கட்டி வைக்கப்பட்டுள்ளது அதன் உரிமையாளர்களுக்கு முதற்கட்டமாக எச்சரிக்கை நோட்டீஸ் வழங்க உள்ளதாகவும் நகராட்சி ஆணையாளர் தெரிவித்துள்ளார்.

சார்ந்த செய்திகள்

 

Next Story

உறங்கிக் கொண்டிருந்த நாய் மீது தார்ச்சாலை போட்ட சம்பவம்!

Published on 15/06/2018 | Edited on 15/06/2018

உறங்கிக் கொண்டிருந்த நாய் மீது தார்ச்சாலை போட்ட சம்பவம் அதிர்ச்சியை ஏற்படுத்தியுள்ளது. 
 

dog

 

 

 

உத்தரப்பிரதேசம் மாநிலம் ஆக்ரா பகுதியில் நேற்றுமுன்தினம் சாலை போடும் பணிகள் நடைபெற்று வந்தன. அப்போது சாலையின் ஒரு ஓரத்தில் உறங்கிக் கொண்டிருந்த நாய் மீது கொதிக்கும் தாரை சாலைப் பணியாளர்கள் ஊற்றியுள்ளனர். அதோடு மட்டுமின்றி சாலைபோடும் வாகனம் நாய் மீது ஏறி இறங்கியுள்ளது. இதனால், அந்த நாய் சம்பவ இடத்திலேயே பரிதாபமாக உயிரிழந்தது. வலியில் நாய் துடித்ததைக் கண்ட அக்கம்பக்கத்தினர் பணியாளர்களின் அலட்சியத்தைக் கண்டித்துள்ளனர்.
 

நாயின் உடலில் பின்பகுதி கால்கள் முழுவதும் நசுங்கிய நிலையில், சாலை ஓரத்தில் தாரால் மூடப்பட்ட நிலையில் இருக்கும் புகைப்படங்கள் சமூக வலைத்தளங்களில் வேகமாக பரவின. விலங்கு நல ஆர்வலர்கள், பொதுமக்கள் என பலரும் இந்த சம்பவத்திற்கு கண்டனம் தெரிவித்துள்ளனர். தற்போது ஜே.சி.பி. உதவியுடன் நாயின் உடல் தோண்டியெடுக்கப்பட்டு புதைப்பட்டுள்ளது. நாயை விரட்டவோ, அப்புறப்படுத்தவோ செய்யாமல் உயிருடன் தாரைக் கொட்டி கொலை செய்த ஊழியர்கள் மற்றும் சாலைபோடும் பணியில் ஒப்பந்தம் செய்யப்பட்ட நிறுவனத்தின் மீது வழக்குப்பதிவு செய்யப்பட்டுள்ளதாக தகவல்கள் தெரிவிக்கின்றன. 
 

The website encountered an unexpected error. Please try again later.