Skip to main content

முதல்வர் பெயரிலான பேரவையின் மாநில தலைவர் காரில் செம்மர கட்டைகள்... அதிர்ந்த வனத்துறை!!

Published on 08/02/2020 | Edited on 08/02/2020

திருப்பத்தூர் மாவட்டம் ஆம்பூர் அருகே விண்ணமங்கலம் ஊராட்சி வழியாக வெள்ளக்குட்டை செல்லும் வனப்பகுதி சாலையில் வெள்ளக்கல் என்ற இடத்தில் ஆம்பூர் வனத்துறையினர் ரோந்து பணியில் ஈடுபட்டு இருந்தனர். வனத்துறையினர் ரோந்து பணியில் ஈடுபட்டிருந்ததை அறிந்து அவ்வழியாக வந்த கார் மற்றும் இருசக்கர வாகனம் சாலையில் ஓரம் நிறுத்தி விட்டு வனப்பகுதியில் மறைந்தனர். 

 

INCIDENT IN THIRUPATHUR... FOREST DEPARTMENT SHOCK


வனப்பகுதி சாலையில் இனோவா கார் மற்றும் இரு சக்கர வாகனம் தனியாக நின்றுகொண்டிருந்ததை பார்த்த வனத்துறையினர் அதன் அருகே வந்து சுற்றும் முற்றும் பார்த்தனர். யாரும் இல்லாததால் காரை திறக்க முற்பட்டனர், ஆனால் கார் கதவுகள் பூட்டப்பட்டிருந்தது. சந்தேகமடைந்த வனத்துறையினர் கார் கண்ணாடி வழியாக பார்த்த போது காருக்குள் செம்மரக்கட்டைகள் இருந்ததை பார்த்து அதிர்ச்சியடைந்தனர். உடனடியாக இதுப்பற்றி வனத்துறை உயர் அதிகாரிகளுக்கு தகவல் தெரிவித்தனர்.

 

INCIDENT IN THIRUPATHUR... FOREST DEPARTMENT SHOCK


தகவலின் பேரில் ஆலங்காயம் ரேஞ்சர் இளங்கோவன் தலைமையில் வனத்துறையினர் கார் மற்றும் இரு சக்கர வாகனம் பறிமுதல் செய்து ஆம்பூர் வன அலுவலகத்திற்கு கொண்டு வந்தனர். பின்னர் காரை சோதனையிட்ட போது அதில் சுமார் 500 கிலோ செம்மரக்கட்டைகள் இருந்தது.


செம்மரம் கடத்திய இந்த கார் ஆந்திரா முதல்வர் ஜெகன்மோகன்ரெட்டி பேரவையின் தமிழக மாநில தலைவர் பாஸ்கரன் என்பவருக்கு சொந்தமானது என்றும், அதில் அவர் போட்டோவுடன் கூடிய ஸ்டிக்கர் இருந்ததை வனத்துறையினர் கண்டுபிடித்துள்ளனர். காரின் முகப்பிலும் அவரின் பெயர் ஸ்டிக்கர் ஒட்டப்பட்டிருந்தது. இதன் அடிப்படையில் வனத்துறையினர் விசாரணை மேற்கொண்டு வருகின்றனர். பிடிப்பட்ட செம்மரகட்டைகள் மற்றும் வாகனங்களின் மதிப்பு சுமார் ரூ 15 லட்சம் ஆகும்.

 

 

INCIDENT IN THIRUPATHUR... FOREST DEPARTMENT SHOCK

 

ஆந்திரா மாநிலத்தில் செம்மரம் வெட்டுவது மற்றும் கடத்துவதை தடுக்க காவல்துறை, வனத்துறை, சிறப்பு செம்மரம் கடத்தல் தடுப்பு பிரிவு செயல்பட்டு பெரும் புள்ளிகளையெல்லாம் கைது செய்து வருகிறது. இந்நிலையில் ஆந்திரா முதல்வர் ஓய்.எஸ்.ஆர்.காங்கிரஸ் கட்சியின் தலைவர் ஜெகன்மோகன் ரெட்டியின் பெயரிலான பேரவையை தமிழகத்தில் தொடங்கி அதன் மாநில தலைவராக உள்ள பாஸ்கர் என்பரின் காரில் செம்மரம் சிக்கியது பெரும் பரபரப்பை ஏற்படுத்தியுள்ளது.

 

 

சார்ந்த செய்திகள்

 

Next Story

மனைவியை கத்தியால் குத்திய கணவன்; திருப்பத்தூரில் பரபரப்பு!

Published on 29/06/2024 | Edited on 29/06/2024
Husband stabs wife in Tiruppathur

திருப்பத்தூர் மாவட்டம் குரிசிலப்பட்டு அடுத்த கல்லுகுட்டை பகுதியைச் சேர்ந்த பிரகாசம் மகன் பிரவீன் (32). இவர் சென்னையில் பேக்கரி கடை நடத்தி வருகிறார். இந்த நிலையில் கடந்த மூன்று வருடத்திற்கு முன்பு வெங்கடேஸ்வரா நகர் பகுதியைச் சேர்ந்த சக்திவேல் மகள் நந்தினி (28) என்பவருக்கும் பிரவீனுக்கும் திருமணம் நடைபெற்று குழந்தைகள் ஏதும் இல்லாத நிலையில் இருவருக்கும் இடையே கருத்து வேறுபாடு ஏற்பட்டுள்ளது.

இதனைத் தொடர்ந்து, கருத்து வேறுபாடு காரணமாக கடந்த ஆறு மாதத்திற்கு முன்பு கணவனிடமிருந்து பிரிந்து நந்தினி தனது அம்மா வீட்டில் தங்கி திருப்பத்தூர் அருகே புதுப்பேட்டையில் இயங்கும் ஸ்ரீராம் பைனான்ஸில் டாக்குமெண்ட் ஸ்டாப்பாக வேலையும் செய்து வந்துள்ளார்.

இந்த நிலையில், கணவன் பலமுறை தனது மனைவியை தன்னுடன் வாழ அழைத்தும் வராத காரணத்தினால் மிகுந்த மன உளைச்சலில் இருந்த பிரவீன், மனைவி வேலை செய்யும் இடத்திற்கே சென்று தனது மனைவியை தனியாக அழைத்து தன்னிடம் வர அழைத்துள்ளார். ஆனால், மனைவி வர மறுத்து அவமானப்படுத்தி பேசியதாக கூறப்படுகிறது. இதனால் கோபமானவர், தான் மறைத்து வைத்திருந்த கத்தியால் சரமாரியாக மனைவின் உடம்பில் பல்வேறு இடங்களில் குத்தியுள்ளார். இதனால் மனைவி அலறி உள்ளார். இதனை அறிந்த அக்கம்பக்கத்தினர் மீட்டு நந்தினியை திருப்பத்தூர் அரசு மருத்துவமனைக்கு சிகிச்சைக்காக அனுப்பி வைத்தனர்.

தன் மனைவியை குத்தியதால் கணவன் பிரவீனுக்கும் கையில் காயம் ஏற்பட்டதால் அங்கேயே அமர்ந்திருந்தார். இந்த சம்பவம் அறிந்த திருப்பத்தூர் நகர போலீசார் பிரவினை அழைத்து வந்து திருப்பத்தூர் அரசு மருத்துவமனையில் முதல் சிகிச்சை அளித்தனர். கருத்து வேறுபாடு காரணத்தால் கணவன் மனைவியை கத்தியால் குத்திய சம்பவம் பெரும் பரபரப்பை ஏற்படுத்தி உள்ளது.

Next Story

தலையணையால் அமுக்கி மூதாட்டி கொலை; போலீசார் விசாரணை

Published on 27/06/2024 | Edited on 27/06/2024
Old woman incident by pillow; Police investigation

திருப்பத்தூரில் தலையணையால் அமுக்கி மூதாட்டி கொலை செய்யப்பட்ட சம்பவம் தொடர்பாக போலீசார் விசாரணை மேற்கொண்டு வருகின்றனர்.

திருப்பத்தூர் மாவட்டம் ஆலங்காயம் அடுத்த பலப்பல்நத்தம் பகுதியைச் சேர்ந்தவர் கோபால். இவரது மனைவி அனுமக்கா (82). கோபால் கடந்த சில ஆண்டுகளுக்கு முன்பு இறந்துவிட்ட நிலையில் மூதாட்டி அனுமக்கா வீட்டில் தனியாக வசித்து வந்துள்ளார். இந்நிலையில் மூதாட்டி நேற்று இரவு வழக்கம் போல் தூங்கச் சென்றவர் காலையில் வீட்டில் இருந்து வெளியில் வராததால் அக்கம்பக்கத்தில் இருந்த உறவினர்கள் சென்று பார்த்த போது, மூதாட்டி முகம் மற்றும் கழுத்து பகுதியில் தலையணை அமுக்கி வைக்கப்பட்டு இறந்த நிலையில் சடலமாக கிடந்ததை கண்டு அதிர்ச்சியடைந்தனர். ஆலங்காயம் போலீசாருக்கு தகவல் அளித்துள்ளனர். தகவலின் பேரில் விரைந்து வந்த ஆலங்காயம் போலீசார் சடலத்தை கைப்பற்றி பிரேதப் பரிசோதனைக்காக வாணியம்பாடி அரசு மருத்துவமனைக்கு அனுப்பி வைக்கப்பட்டு சம்பவ இடத்தில் கைரேகை மற்றும் தடயவியல் நிபுணர்கள் மற்றும்  வேலூர் சாரா மோப்பநாய் வரவழைக்கப்பட்டு தீவிர விசாரணை மேற்கொண்டு வருகின்றனர்.

மாவட்ட காவல் கண்காணிப்பாளர் ஆல்பர்ட் ஜான் உத்தரவின் பேரில் மாவட்ட குற்றவியல் போலீசார் மற்றும் ஆலங்காயம் காவல்துறையினர் தடயங்களைக் கைப்பற்றி சந்தேகத்தின் பேரில் மூதாட்டியின் உறவினர்கள் ஆறு பேரை காவல் நிலையத்திற்கு அழைத்து கைரேகை பதிவு செய்து அவர்களிடம் தீவிர விசாரணை மேற்கொண்டு வருகின்றனர். வீட்டில் தனியாக வசித்து வந்த மூதாட்டி 4 சவரன் நகைகள் அணிந்திருந்ததாக கூறப்படும் நிலையில் நகைக்காக கொலை செய்யப்பட்டாரா? அல்லது வேறு ஏதேனும் காரணமா? என இரு கோணங்களில் விசாரணை மேற்கொண்டு வருகின்றனர். ஆலங்காயம் அருகே மூதாட்டி தலையணையால் அமுக்கி கொலை செய்யப்பட்ட சம்பவம் அப்பகுதி மக்களிடையே பெரும் அதிர்ச்சியையும் சோகத்தையும் ஏற்படுத்தியுள்ளது.

The website encountered an unexpected error. Please try again later.