Skip to main content

''ஆல் பாஸ் மார்க் வேணுமா, 500 ரூபாய் கொடு'' - பேரம் பேசும் தலைமை ஆசிரியர் வீடியோ

Published on 02/06/2023 | Edited on 02/06/2023

 

 "If you want all pass marks, give me 500 rupees" - Headmaster negotiating video

 

திருச்சி மாவட்டம் மணப்பாறை அடுத்த வளநாடு பகுதியில் அரசுப் பள்ளியில் மதிப்பெண் சான்றிதழ் பெற வந்த மாணவர்களிடம் 500 ரூபாய் வேண்டும் என பள்ளியின் தலைமை ஆசிரியர் பேசும் பேசும் வீடியோ காட்சிகள் இணையத்தில் வைரலாகி வருகிறது.

 

வளநாடு பகுதியில் உள்ள கோவில்பட்டி அரசு மேல்நிலைப் பள்ளியில் தலைமை ஆசிரியராக இருப்பவர் ஸ்ரீதரன். கடந்த 2019-20 ஆம் கல்வியாண்டில் கரோனா காலத்தில் பத்தாம் வகுப்பு முடித்த மாணவர்கள் நான்கு பேர் மாற்றுச்சான்றிதழ் மற்றும் மதிப்பெண் சான்றிதழ் பெற சென்றுள்ளனர். அனைவரும் தேர்ச்சி என கரோனா காலத்தில் கல்வித்துறை அறிவித்து சான்றிதழ்கள் வழங்கி இருந்தாலும் முந்தைய தேர்வில் அவர்கள் பெற்ற மதிப்பெண்கள் அடிப்படையில் பள்ளி நிர்வாகமே மதிப்பெண் சான்றிதழ் வழங்கி வருவதாகக் கூறப்படுகிறது.

 

ஐ.டி.ஐயில் சேர்வதற்காக இந்த நான்கு மாணவர்களும் பள்ளியை அணுகி தலைமை ஆசிரியரிடம் மதிப்பெண் சான்றிதழ்களை கேட்ட பொழுது அனைத்து பாடங்களிலும் பாஸ் ஆனால் 500 ரூபாய் கொடுக்க வேண்டும் அல்லது ஏ4 சைஸ் பேப்பர் பண்டல் இரண்டு வாங்கி வரவேண்டும் எனக் கூறியுள்ளார்.

 

கையில் பணம் இல்லாத அந்த மாணவர்கள் ஒரே ஒரு ஏ4 சைஸ் பேப்பர் பண்டலை மட்டும் வாங்கி வந்து கொடுத்துள்ளனர். ஆனால் ஆத்திரமடைந்த தலைமையாசிரியர் 'எருமை மாடு' என திட்டியதோடு 'நீங்கள் ஐ.டி.ஐயும் படிக்க வேண்டாம் மண்ணாங்கட்டியும் படிக்க வேண்டாம்' என அனாவசியமாக பேசும் காட்சிகள் சமூக வலைதளங்களில் வைரலாகி வருகிறது.

 

 

சார்ந்த செய்திகள்

 

Next Story

அரசுப் பள்ளியில் அடிப்படை வசதி இல்லை; வகுப்புகளைப் புறக்கணித்து மாணவர்கள் போராட்டம்!

Published on 20/06/2024 | Edited on 20/06/2024
students boycotted lass and protested for basic facilities in govt schoo

திருவள்ளூர் மாவட்டம், ஊத்துக்கோட்டை அடுத்த பென்னாலூர் பேட்டை அரசு மேல்நிலைப் பள்ளியில் 6 ஆம் வகுப்பு முதல் 12 வகுப்பு வரை 313 மாணவர்கள் பயின்று வருகின்றனர். இப்பள்ளியில் கடந்த ஒரு மாத காலமாக முறையான குடிநீர் வசதியும் கழிப்பிட வசதியும் இல்லாமல் மாணவர்கள் தவித்து வருகின்றனர். இது தொடர்பாக தலைமை ஆசிரியரிடம் கூறினாலும் அவர் மாணவர்களைத் தரைக்குறைவாக பேசுவதாக குற்றம் சாட்டி மாணவர்கள் இன்று காலை வகுப்புகளைப் புறக்கணித்து அடிப்படை வசதிகள் நிவர்த்தி செய்து தர வேண்டும் எனக் கூறி பள்ளி நுழைவுவாயில் முன்பாக அமர்ந்து போராட்டத்தில் ஈடுபட்டனர். 

அப்பள்ளிக்கு 2021-2022 ஆம் ஆண்டு தலைமை ஆசிரியராக பணியில் சேர்ந்த ஜீவா பணியாற்றிய காலகட்டத்தில் 10-ஆம் வகுப்பு, 12-ஆம் வகுப்பு தேர்ச்சி சதவீதம் குறைந்து வருவதாகவும் 2021-2022 பனிரெண்டாம் வகுப்பு தேர்ச்சி விகிதம் 96 சதவீதமாகவும், 2022-2023 ஆண்டு 88 சதவீதமாகவும் 2023-2024 ஆண்டு 80 சதவீதமாகவும் குறைந்துள்ளது. பத்தாம் வகுப்பு தேர்ச்சி விகிதம் 2021-2022 ஆண்டு 96 சதவீதமாகவும் 2022-2023 ஆண்டு 81 சதவீதமாகவும் 2023-2024 ஆண்டு 77 சதவீதமாக அவர் பணியில் சேர்ந்த பின்னர் தேர்ச்சி விகிதம் வெகுவாக குறைந்துள்ளதாகவும் . தலைமையாசிரியர் மாணவர்கள் மற்றும் சக ஆசிரியர்கள் மத்தியில் தரக்குறைவாக நடந்து கொள்வதாகவும், இதனால் இப்பள்ளியில் பணியாற்றிய 12 ஆசிரியர்கள் பணியிடம் மாற்றம் கேட்டு சென்றிருப்பதால் மாற்றாக ஆசிரியர்கள் நிரப்பப்படாததால் 24 ஆசிரியர்கள் இருக்க வேண்டிய இடத்தில் 12 ஆசிரியர்கள் இருப்பதால் மாணவர்கள் கல்வி வெகுவாக பாதிக்கப்பட்டு இருப்பதாகவும் கூறப்படுகிறது. 

குறிப்பாக இப்பள்ளி ஆந்திரா எல்லையொட்டி அமைந்திருப்பதால் தெலுங்கு பேசும் மாணவர்கள் வசதிக்காக ஆறாம் வகுப்பு முதல் பத்தாம் வகுப்பு வரை தெலுங்கு மொழி பாடப்பிரிவு நடத்தப்பட்டு வருகின்றன. ஆந்திரா மாநிலத்தில் உள்ள அழகிரிப்பேட்டை, ஸ்ரீராமபுரம், மலகுண்டா, பங்காளம், கொடியம்பேடு, ஆகிய கிராமங்களில் இருந்து மாணவர்கள் தெலுங்கு தாய் மொழி பாடப்பிரிவு எடுத்து பயின்றவருகின்றனர். 

students boycotted lass and protested for basic facilities in govt schoo

கடந்த ஆண்டு ஒரே ஒரு மாணவர் தெலுங்கு பாடப்பிரிவு பயின்ற நிலையில் இந்தக் கல்வி ஆண்டில் தெலுங்கு மாணவர்கள் யாரும் சேரவில்லை. பள்ளியில் கல்வித்தரம் வெகுவாக குறைந்து வருவதால் பெற்றோர்கள் மாணவர்களை வேறொரு பள்ளியில் சேர்த்து வருவதால் அப்பள்ளியின் மாணவர்கள் சேர்க்கை கடந்த மூன்று ஆண்டுகளுக்கு முன்பு மாணவர் 450 ஆக இருந்தது. அது இந்தக் கல்வி ஆண்டில் 300 ஆக வெகுவாக குறைந்துள்ளது. தகவல் அறிந்து சம்பவ இடத்திற்கு வந்த மாவட்ட கல்வி அலுவலர் ரவிச்சந்திரனிடம் இது குறித்து வாக்குவாதத்தில் ஈடுபட்டனர். பின்னர் காவல்துறையினர் மாணவர்களிடம் பேச்சுவார்த்தையில் ஈடுபட்டனர். அப்போது மேற்கொண்ட பிரச்சினைகள் குறித்து விரைவில் நடவடிக்கை எடுக்கப்படும் என உறுதி அளித்ததின் பெயரில் மாணவர்கள் போராட்டத்தைக் கைவிட்டு கலந்து சென்றனர் இந்தப் போராட்டத்தால் பெரும் பரபரப்பு ஏற்பட்டது.

Next Story

மூட்டை மூட்டையாக வீசப்பட்ட மருத்துவ கழிவுகள்;  தனியார் மருத்துவமனை நிர்வாகம் அடாவடி

Published on 20/06/2024 | Edited on 20/06/2024
private hospital dumping medical waste near a government school in Karur

கரூர் மாநகராட்சிக்குட்பட்ட செல்லாண்டிபாளையம் பகுதியில் அரசு உயர்நிலைப் பள்ளி அமைந்துள்ளது. இதில் நூற்றுக்கணக்கான மாணவ, மாணவிகள் கல்வி பயின்று வருகின்றனர். அரசு பள்ளிக்குச் செல்லும் சாலையின் இரண்டு புறங்களிலும் குப்பைகள் கொட்டப்பட்டு மலை போல் குவிந்துள்ளது. மேலும், ஒரு பகுதியில் கொட்டப்பட்ட குப்பைகளுக்கு அடிக்கடி தீ வைக்கும் நிகழ்வும் ஏற்படுகிறது. 

இந்த நிலையில் கரூர் மாநகரில் அமைந்துள்ள தனியார் மருத்துவமனையில் நோயாளிகளுக்கு பயன்படுத்தப்பட்ட ஆன்டிபயாட்டிக் மருந்துகளின் நூற்றுக்கணக்கான கண்ணாடி பாட்டில்கள் சாக்கு மூட்டையில் நிரப்பி அந்தக் குப்பை மேட்டில் தூக்கி வீசப்பட்டுள்ளது. மேலும், அந்தத் தனியார் மருத்துவமனையில் நோயாளிகளின் விபரங்கள் அடங்கிய ஸ்கேன் சென்டர் சீட்டுகளும் சிதறிக் கிடந்தன.

இது குறித்து அப்பகுதியைச் சேர்ந்த இளைஞர்கள் மருத்துவமனையைத் தொடர்பு கொண்டு புகார் தெரிவித்த போது, மருத்துவமனை நிர்வாகம் நேரில் வந்து பேசுங்கள் என்று அலட்சியமாகப் பதில் அளித்ததாகக் குற்றம் சாட்டினர். மாநகராட்சி நிர்வாகம் அப்பகுதியில் குப்பைகள் கொட்டக்கூடாது என அறிவிப்பு பலகை வைத்திருந்தும், அதை மதிக்காமல் தனியார் மருத்துவமனை நிர்வாகம் மருத்துவமனை கழிவுகளை வீசி சென்றதால், அவ்வழியாக செல்லக்கூடிய அரசுப் பள்ளி மாணவர்களுக்கும், குடியிருப்பு பகுதி பொது மக்களுக்கும் நோய் தொற்று பரவும் அபாயம் உள்ளதால் மாநகராட்சி அதிகாரிகள் உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.