Skip to main content

ஆன்லைன் மூலம் மருத்துவக் கலந்தாய்வில் கலந்துகொள்வது எப்படி?- விரிவான தகவல்!

Published on 30/01/2022 | Edited on 30/01/2022

 

How to attend a medical consultation online? - Detailed information!

 

ஆன்லைன் மூலம் முதன்முறையாக நடைபெறவிருக்கும் பொதுப்பிரிவினருக்கான மருத்துவக் கலந்தாய்வில் எப்படி பங்கேற்பது என்பது பற்றிய விவரங்கள் வெளியாகியுள்ளன. 

 

அதன்படி, ஆன்லைன் மூலம் மருத்துவக் கலந்தாய்வில் கலந்துக் கொள்வது எப்படி? என்று விரிவாகப் பார்ப்போம்!

 

tnmedicalselection.org என்ற இணையதளத்தின் வாயிலாக கலந்தாய்வில் பங்கேற்கலாம். கலந்தாய்வில் பங்கேற்க விரும்புவோர் இணையதளத்தில் தங்களைப் பதிவு செய்து கொண்டு, முதலில் கடவுச்சொல்லை மாற்றி அமைக்க, ரீசெட் பாஸ்வேர்டு என்பதை கிளிக் செய்ய வேண்டும். விண்ணப்பிக்கும் போது கொடுத்த கைபேசி எண்ணுக்கு 'OTP' வரும். அந்த 'OTP'-ஐ உள்ளீட்டு, புதிய கடவுச்சொல்லை உருவாக்கிக் கொள்ள வேண்டும். 

 

அடுத்ததாக, Login செய்து விண்ணப்பிக்கும் போது கொடுத்த மின்னஞ்சல் முகவரி (அல்லது) விண்ணப்ப எண் (அல்லது) விண்ணப்பிக்கும் போது உருவாக்கிய 'Login ID'-யை - பயன்படுத்தலாம். இவற்றை பயன்படுத்தி 'Login' செய்யும் போது, புதிதாக உருவாக்கப்பட்ட கடவுச்சொல்லை டைப் செய்து உள்ளே நுழையலாம். உள்ளே சென்றவுடன் இடதுபுறம் செல்ப் டீடெய்ல்ஸ் என்ற தலைப்பின் கீழ் பெயர், பாலினம், சமூகம் உள்ளிட்ட விவரங்கள் இருக்கும். அதை சரிபார்த்துக் கொள்ள வேண்டும். 

 

கலந்தாய்வில் பங்கேற்கும் மாணவர்கள் தங்களது அசல் சான்றிதழை சரிபார்ப்பதற்காக நேரில் கொண்டு செல்ல வேண்டும். சான்றிதழ் சரிபார்ப்புக்கான மையங்களைத் தேர்வு செய்யலாம். தங்களுக்கு அருகில் உள்ள மூன்று மையங்களை மாணவர்கள் தேர்ந்தெடுக்கலாம். 

 

அதன்பின், கலந்தாய்வு கட்டணமாக, ரூபாய் 500- ஐ பாரத ஸ்டேட் வங்கி (அல்லது) இந்தியன் ஓவர்சீஸ் வங்கி யின் மூலம் இணையவழி மூலம் செலுத்த வேண்டும். கட்டணம் கட்டி முடித்தவுடன், பதிவு செய்யும் நடைமுறை முடிவுக்கு வரும். 

  

 

சார்ந்த செய்திகள்

Next Story

பள்ளி மாணவர்களுடன் தரையில் அமர்ந்து சத்துணவு சாப்பிட்ட கலெக்டர்

Published on 22/02/2024 | Edited on 22/02/2024
collector sat on the floor and ate the food with the school students

திருப்பத்தூர் மாவட்டம் ஆம்பூர் அடுத்த மிட்டாளம் கிராமத்தில் தமிழக அரசு அறிவித்துள்ள உங்களைத் தேடி உங்கள் ஊரில் திட்ட முகாம் நடைபெற்றது. இதில் கலந்து கொண்ட மாவட்ட ஆட்சியர் தர்ப்பகராஜ் அங்குள்ள அரசு பள்ளிகள், மக்கள் நல வாழ்வு மையம் மற்றும் குடியிருப்பு பகுதிகளில் ஆய்வு மேற்கொண்டு வீடு வீடாக சென்று பொது மக்களின் குறைகளை கேட்டு அறிந்தார்.

பொதுமக்கள் சாலை வசதி சரியில்லை, நல்ல குடிநீர் கிடைப்பதில்லை, சரியான நேரத்தில் குழாய்களில் தண்ணீர் வருவதில்லை. தெரு மின்விளக்கு சரியாக எரிவதில்லை போன்ற அடிப்படை வசதிகள் இல்லாமல் இருப்பது குறித்து கோரிக்கை வைத்தனர். அதை எல்லாம் விரைவில் சரி செய்வதாக உறுதியளித்தார். அங்குள்ள மக்கள் நல வாழ்வு மையத்தில் சிகிச்சைக்காக வந்திருந்த பொது மக்களிடம் சிகிச்சை குறித்து கேட்டபோது, அங்கிருந்த கர்ப்பிணிப் பெண்களில் ஒருவர் கலெக்டரிடம் முறையான மருத்துவம் பார்க்கவில்லை என குற்றம்சாட்டினார்.

collector sat on the floor and ate the food with the school students

அங்கிருந்த மருத்துவ செவிலியர்களிடம் வருகை பதிவேடு வாங்கி பார்த்தார், நோயாளிகளுக்கு வழங்கும் சிகிச்சை குறித்த முறைகளை கேட்டறிந்து கண்டித்தார். பின்னர் அங்குள்ள அரசு பள்ளிகளில் ஆய்வு மேற்கொண்டு மாணவர்களின் கல்வி குறித்து ஆசிரியர் மற்றும் மாணவர்களிடம் கேட்டறிந்தார். அப்போது பைரப்பள்ளி அரசு துவக்க பள்ளி உதவி ஆசிரியை ஜோதி மணியை சால்வை அணிவித்து பாராட்டினார்.

மிட்டாளம் பகுதியில் உள்ள அரசு உயர்நிலைப்பள்ளியில் பள்ளி மாணவர்களுடன் தரையில் அமர்ந்து முட்டையுடன் கூடிய சத்துணவு சாப்பிட்டார். மாவட்ட ஆட்சியரிடம் அங்குள்ள இருளர் இன மக்கள், தங்கள் பிள்ளைகள் மேல்நிலைப் படிப்பு மற்றும் பட்டப் படிப்பு படிக்க வசதி இல்லாமல் இருக்கிறோம், எங்கள் பிள்ளைகளுக்கு  கல்வி உதவித்தொகை வழங்கவேண்டும், இருக்க சொந்தமாக வீடு இல்லாமல் புறம்போக்கு இடத்தில் குடிசை போட்டு தங்கியுள்ளோம். அந்த வீடுகளில் மின்சாரம் உள்ளிட்ட அடிப்படை வசதிகள் இல்லை. வீடு கட்டித்தர வேண்டும் என கோரிக்கை வைத்தனர். அவைகள் செய்து தர நடவடிக்கை எடுப்பதாக வாக்குறுதி வழங்கினார்.

Next Story

17 ஆம் நூற்றாண்டு சிவபக்தரின் கல்வெட்டைக் கண்டுபிடித்த மாணவர்கள்

Published on 21/02/2024 | Edited on 21/02/2024
Students discover 17th century inscription of Shiva devotee

சேலம் மாவட்டம், மேட்டுர் வட்டம், மேச்சேரி அருகே மாதநாயக்கன்பட்டியில் உள்ள பெருந்தலைவர் காமராசர் நினைவு அரசு மேல்நிலைப்பள்ளியின் தொன்மை பாதுகாப்பு மன்றத்தின் தலைவர் தலைமை ஆசிரியர் சந்திரசேகரன். மன்றத்தில் பொறுப்பு ஆசிரியர்களாக அன்பரசி, விஜயகுமார் உள்ளனர்.

இப்பள்ளியில் இருந்து 2 கி.மீ தொலைவில் ஒரு வயலில் பாறையில் ஒரு கல்வெட்டு இருப்பதாக பள்ளி மாணவர்கள் கொடுத்த தகவலின்படி ஆசிரியர்களும், மாணவர்களும் களப்பயணம் சென்று ஆய்வு செய்துள்ளனர்.

இது குறித்து தலைமை ஆசிரியர் சந்திரசேகரன் கூறும் போது, பள்ளி மாணவர்கள் கொடுத்த தகவலின் பேரில் தொன்மை பாதுகாப்பு மன்றம் சார்பில் மாணவர்களுடன் களப்பயணம் செய்து பார்த்த போது வயல்வெளியில் சிறிய பாறையில் அந்த கல்வெட்டு காணப்பட்டது எழுத்துகளைப் பார்த்த போது அது 17 ஆம் நூற்றாண்டை சேர்ந்த தமிழ் கல்வெட்டு என்பதை அறிய முடிந்தது. 

Students discover 17th century inscription of Shiva devotee

தொடர்ந்து ஆசிரியர் அன்பரசி, கல்வெட்டுப்படி எடுத்து ஆய்வு செய்து பார்த்த போது 17 ஆம் நூற்றாண்டை சேர்ந்த தமிழ் கல்வெட்டு அமைந்துள்ள பாறை 3 அடி நீளமும் , 2.5 அடி அகலமும் உடையது. 3 வரிகள் எழுதப்பட்டிருந்தது. அந்த கருங்கல் பாறையில் சூலம் போன்ற அமைப்பும், அதன் அருகில் மூன்று வரியில் 1.ஸ்ரீ கயிலா, 2. ய நா, 3. தர் என்ற வாசகம் அதாவது ‘கயிலாயநாதர்’ என்ற முழு வாசகம் தெரியவந்துள்ளது. 

யாரோ சிவபக்தர் இந்த பாறையில் கல்வெட்டாக எழுதி இருக்கலாம் என்பது தெரிகிறது. தொன்மை பாதுகாப்பு மன்றத்தின் சார்பாக தொல்லியல் சார்ந்த வரலாற்று தகவல்களையும், அதனை பற்றிய விழிப்புணர்வையும் இன்றை இளைய தலைமுறை மாணவர்களுக்கு கொண்டு சேர்ப்பது தான் தொன்மை பாதுகாப்பு மன்றத்தின் நோக்கமாகும் அதனால் தான் மாணவர்களையும் களப்பயணமாக அழைத்து வந்தோம் என்றார்.