Skip to main content

கொய்யா மரத்தகராறில் அரங்கேறிய கொலை!

Published on 20/05/2024 | Edited on 20/05/2024
Guava tree dispute staged passed away

கள்ளக்குறிச்சி மாவட்டம் சங்கராபுரம் அருகில் உள்ள தியாகராஜபுரம் கிராமத்தைச் சேர்ந்தவர் 50 வயது சண்முகம். இவரது பக்கத்து வீட்டைச் சேர்ந்தவர் 45 வயது இளையராஜா. இருவருமே கூலி வேலைக்குச் சென்று தங்கள் குடும்பத்தைக் காப்பாற்றும் சாதாரண ஏழை குடும்பத்தைச் சேர்ந்தவர்கள்.

இந்த நிலையில் இளையராஜா வீட்டில் வளர்ந்த கொய்யா மரத்தின் கிளைகள் சண்முகம் வீட்டின் கூரையின் மீது மோதி கூரையை சேதப்படுத்தி உள்ளது. இதனால் இளையராஜாவுக்கும் சண்முகத்திற்க்கும் இடையே முன்விரோதம் இருந்து வந்துள்ளது. இதில் சம்பவத்தன்று தன் வீட்டு கூரையின் மீது மோதி சேதப்படுத்தும் கொய்யா மரத்தை வெட்டுமாறு சண்முகம் கூற இளையராஜா  மறுக்க இதனால் இருவருக்கும் இடையே தகராறு ஏற்பட்டுள்ளது. இதில் ஒருவரை ஒருவர் சரமாரியாக தாக்கிக் கொண்டனர்.

இந்தச் சண்டையின் போது  கோபம் அடைந்த இளையராஜா, மரம் வெட்ட வைத்திருந்த அறிவாளை எடுத்து சண்முகத்தின் கழுத்தை வெட்டியுள்ளார். சண்முகம் கழுத்தில் பலத்து வெட்டு காயம் ஏற்பட்டடு ரத்த வெள்ளத்தில் சரிந்து விழுந்து துடித்தார். உடனே அக்கம் பக்கம் இருந்தவர்கள் அவரை மீட்டு சங்கராபுரம் அரசு மருத்துவமனைக்கு கொண்டு சென்றனர். அங்கிருந்த மருத்துவர்கள் சண்முகத்தைப் பரிசோதனை செய்தனர். அதில் சண்முகம் ஏற்கெனவே இறந்து விட்டதாக தெரிவித்துள்ளனர்.

இந்தத் தகவல் சங்கராபுரம் போலீசாருக்கு தெரிவிக்கப்பட்டது. இதையடுத்து போலீசார் இளையராஜா மீது வழக்கு பதிவு செய்து அவரை கைது செய்தனர். போலீசார் நடத்திய விசாரணையில் சண்முகம் வீட்டின் கூரையின் மீது இளையராஜா வீட்டு கொய்யா மரம் மோதியதால் இருவருக்குமிடையே ஏற்பட்ட தகராறில் இளையராஜாவால் அறிவாளால் வெட்டப்பட்ட சண்முகம் உயிரிழந்தது உறுதி செய்யப்பட்டது. இதையடுத்து சண்முகத்தின் உடலை போலீசார் பிரேத பரிசோதனைக்காக கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைத்தனர். இந்தச் சம்பவம் குறித்து திருக்கோவிலூர் டிஎஸ்பி மனோஜ் குமார் சம்பவ இடத்திற்கு நேரில் சென்று சம்பவம் குறித்து தீவிர விசாரணை நடத்தியுள்ளார்.

சார்ந்த செய்திகள்

 

Next Story

ரூ.11 லட்சம் மதிப்பிலான பணத்தால் சுவாமிக்கு அலங்காரம்; ஆச்சர்யமடைந்த பக்தர்கள்!

Published on 11/07/2024 | Edited on 11/07/2024
Swami was decorated with money worth Rs.11 lakh

கள்ளக்குறிச்சி மாவட்டம் சின்னசேலம் சிவன் கோவிலில் இன்று மாலை வாராகி அம்மனுக்கு சிறப்பு விளக்கு பூஜை நடைபெற்றது. இதில் பதினோரு லட்சம் மதிப்பிலான பணத்தாலும் நகைகளாலும் அம்மன் சிலை முழுவதும் அலங்காரம் செய்து சிறப்பு பூஜை செய்யப்பட்டது. இதில் சின்னசேலம் பகுதியைச் சேர்ந்த ஏராளமான பெண்கள் குத்து விளக்கு ஏற்றியும் வாழை இலையில் அரிசி தேங்காய் மஞ்சள் வாழைப்பழம் உள்ளிட்டவைகளை வைத்து தீபம் ஏற்றப்பட்டு சாமி தரிசனம் செய்தனர். இந்தச் சிறப்பு விளக்கு பூஜையில் கலந்து கொண்டார்.

10 நாட்களுக்குள் நினைத்த காரியங்கள் அனைத்தும் உடனடியாக நிறைவேறும் என்றும், ஜாதக ரீதியான தோஷங்கள் தொழில் பிரச்சனைகள் எதிரி தொல்லைகள் கண் திருஷ்டி குழந்தை இல்லாத தம்பிகளுக்கு ஒரு குழந்தை கிடைக்கும் கடன் பிரச்சினை தீரும் உள்ளிட்ட அனைத்து விதமான தோஷங்களும் நீங்கும் என்பது பக்தர்களின் நம்பிக்கையாக இருக்கிறது. இந்தப் பூஜையில் மந்திரங்கள் முழங்க அம்மன் சிலைக்கு சிறப்பு பூஜை செய்யப்பட்டது இதில் 500க்கும் மேற்பட்ட பெண்கள் கலந்து கொண்டு ஸ்வாமி தரிசனம் செய்தனர்.

Next Story

விஷ சாராய மரண வழக்கு; தமிழக அரசுக்கு நீதிமன்றம் அதிரடி உத்தரவு!

Published on 11/07/2024 | Edited on 11/07/2024
Kallakurichi Dt Karunapuram incident The court ordered TN govt

கள்ளக்குறிச்சி மாவட்டம் கருணாபுரம் பகுதியில் விஷச்சாராயம் குடித்து இதுவரை 60க்கும் மேற்பட்டோர் உயிரிழந்தனர். மேலும் சிலர் பல்வேறு மருத்துவமனையில் சிகிச்சை பெற்று வருகின்றனர். கள்ளக்குறிச்சி மாவட்டத்தில் புதிதாகப் பொறுப்பேற்ற மாவட்ட காவல் கண்காணிப்பாளர் உத்தரவின் பேரில் மாவட்டத்தில் உள்ள சாராய குற்றவாளிகள் தொடர்ந்து கைது செய்யப்பட்டு வருகின்றனர். அதே சமயம் இது தொடர்பான வழக்குகளை சிபிசிஐடி போலீசார் விசாரணை செய்து வருகின்றனர். இந்த சம்பவம் தொடர்பாக இதுவரை 22 பேர் கைது செய்யப்பட்டுள்ளனர்.

இதற்கிடையே இந்தச் சம்பவத்தில் சிபிஐ விசாரணை வேண்டும் என அதிமுக சார்பில் இன்பதுரை, பாமக சார்பில் கே.பாலு, பாஜக சார்பில் ஏற்காடு ஏ.மோகன்தாஸ் ஆகியோர்  சென்னை உயர்நீதிமன்றத்தில் வழக்கு தொடர்ந்தனர். மேலும் இது தொடர்பாக மூன்று வழக்குகள் தாக்கல் செய்யப்பட்டன. இந்நிலையில் இந்த மனுக்கள் நீதிமன்ற பொறுப்பு தலைமை நீதிபதி மகாதேவன், நீதிபதி முகமது சித்திக் ஆகியோர் அடங்கிய அமர்வில் இன்று (11.07.2024) மீண்டும் விசாரணைக்கு வந்தது.

அப்போது அரசு சார்பில், “புதிதாக மேலும் 3 வழக்குகள் தாக்கல் செய்யப்பட்டிருப்பதால் இது தொடர்பாக பதிலளிக்க கால அவகாசம் அளிக்க வேண்டும்” எனக் கோரிக்கை வைக்கப்பட்டது. இதனைப்பதிவு பதிவு செய்துகொண்ட நீதிபதிகள், “கால தாமதம் செய்யாமல் விஷ சாராய மரண சம்பவம் தொடர்பாக மனுதாரர்களுக்கு அறிக்கை மற்றும் பதில் மனுக்களை தமிழக அரசு அளிக்க  வேண்டும்” என உத்தரவிட்டனர். இதனையடுத்து கள்ளக்குறிச்சி விஷச் சாராய வழக்குகளை சிபிஐ விசாரணைக்கு உத்தரவிடக் கோரிய அனைத்து வழக்குகளும் அடுத்த வியாழன் (ஜுலை 18) அன்று விசாரிக்கப்படும் சென்னை உயர் நீதிமன்ற பொறுப்பு தலைமை நீதிபதி அமர்வு தெரிவித்துள்ளது.