Skip to main content

அரசுப் பள்ளி மேற்கூரை இடிந்து விழுந்து மாணவி படுகாயம்

Published on 03/03/2023 | Edited on 03/03/2023

 

government school roof collapsed and the student was seriously injured

 

கள்ளக்குறிச்சி மாவட்டம் சங்கராபுரம் அருகே உள்ள மல்லாபுரம் கிராமத்தில்  ஊராட்சி ஒன்றிய தொடக்கப் பள்ளி இயங்கி வருகிறது. இந்தப் பள்ளியில் சுமார் 250க்கும் மேற்பட்ட பிள்ளைகள் படித்து வருகின்றனர். இன்று காலை வழக்கம் போல் பள்ளிக்கு மாணவர்கள் வருகை புரிந்தனர். இந்நிலையில் ஒன்றாம் வகுப்பு படிக்கும் மாணவர்களின் வகுப்பறை கட்டடத்தின் மேற்கூரை திடீரென இடிந்து விழுந்தது. பள்ளியின் மேற்கூரை பெயர்ந்து விழுந்ததில் ஒன்றாம் வகுப்பு மாணவி சுபிஸ்னாவின் தலையில் பலத்த காயம் ஏற்பட்டது. மாணவர்கள் அலறி அடித்துக் கொண்டு பள்ளியை விட்டு வெளியேறி ஓடினார்கள். பிள்ளைகளின் அலறல் சத்தம் கேட்டு அக்கம் பக்கத்தில் இருந்தவர்கள் ஓடி வந்து மற்ற வகுப்பறைகளில் இருந்த மாணவ மாணவிகளை வெளியேற்றினார்கள்.

 

தலையில் காயம்பட்ட மாணவிக்கு நான்கு தையல்கள் போடப்பட்ட நிலையில்  தற்போது மாணவி மருத்துவமனையில் சிகிச்சை பெற்று வருகிறார். இப்பள்ளிக் கட்டடம் கடந்த 30- ஆண்டுகளுக்கு முன்பு கட்டப்பட்டது. அது தரமான முறையில் கட்டப்படவில்லை அதன் காரணமாக நாளடைவில் இப்பள்ளிக் கட்டடத்தின் மேற்கூரை மழைநீரால் அரிக்கப்பட்டு சிமெண்ட் பூச்சுகள் பெயர்ந்து பள்ளியின் மேற்கூரை இடிந்து விழுந்துள்ளது. இது குறித்த தகவல் அறிந்து சம்பவ இடத்துக்கு வந்த சங்கராபுரம் வட்டாரக் கல்வி அலுவலர் தர்ஷிகா மற்றும் பள்ளியின் தலைமை ஆசிரியரை மாணவர்களின் பெற்றோர்கள் மற்றும் ஊர் மக்கள் முற்றுகையிட்டு வாக்குவாதத்தில் ஈடுபட்டனர். தமிழகம் முழுவதும் தரமற்ற முறையில் இருக்கும் பள்ளிக் கட்டடங்களை இடித்து அப்புறப்படுத்தி விட்டு புதிய கட்டடங்கள் கட்டுவதற்கு அரசு உத்தரவிட்டு, அதன்படி பல்வேறு பள்ளிக் கட்டடங்கள் இடிக்கப்பட்டுள்ளது. ஆனால் இந்த பள்ளிக் கட்டடம் தரம் இல்லாமல் இருந்தும் அப்புறப்படுத்தவில்லை என்று கூறி வாக்குவாதத்தில் ஈடுபட்டனர்.

 

தகவலின் பேரில் சம்பவ இடத்திற்கு வந்த வட பொன்பரப்பி போலீசார் பெற்றோர்களை சமாதானம் செய்து இதுகுறித்து அதிகாரிகள் விரைவில் ஆய்வு செய்து கட்டடத்தை அப்புறப்படுத்திவிட்டு புதிய கட்டடம் கட்டுவதற்கு நடவடிக்கை எடுக்கப்படும் என்று உறுதி அளித்தனர். பள்ளி நடந்து கொண்டிருந்த போது பள்ளியின் மேற்கூரை இடிந்து விழுந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

 

 

சார்ந்த செய்திகள்

 

Next Story

ரூ.11 லட்சம் மதிப்பிலான பணத்தால் சுவாமிக்கு அலங்காரம்; ஆச்சர்யமடைந்த பக்தர்கள்!

Published on 11/07/2024 | Edited on 11/07/2024
Swami was decorated with money worth Rs.11 lakh

கள்ளக்குறிச்சி மாவட்டம் சின்னசேலம் சிவன் கோவிலில் இன்று மாலை வாராகி அம்மனுக்கு சிறப்பு விளக்கு பூஜை நடைபெற்றது. இதில் பதினோரு லட்சம் மதிப்பிலான பணத்தாலும் நகைகளாலும் அம்மன் சிலை முழுவதும் அலங்காரம் செய்து சிறப்பு பூஜை செய்யப்பட்டது. இதில் சின்னசேலம் பகுதியைச் சேர்ந்த ஏராளமான பெண்கள் குத்து விளக்கு ஏற்றியும் வாழை இலையில் அரிசி தேங்காய் மஞ்சள் வாழைப்பழம் உள்ளிட்டவைகளை வைத்து தீபம் ஏற்றப்பட்டு சாமி தரிசனம் செய்தனர். இந்தச் சிறப்பு விளக்கு பூஜையில் கலந்து கொண்டார்.

10 நாட்களுக்குள் நினைத்த காரியங்கள் அனைத்தும் உடனடியாக நிறைவேறும் என்றும், ஜாதக ரீதியான தோஷங்கள் தொழில் பிரச்சனைகள் எதிரி தொல்லைகள் கண் திருஷ்டி குழந்தை இல்லாத தம்பிகளுக்கு ஒரு குழந்தை கிடைக்கும் கடன் பிரச்சினை தீரும் உள்ளிட்ட அனைத்து விதமான தோஷங்களும் நீங்கும் என்பது பக்தர்களின் நம்பிக்கையாக இருக்கிறது. இந்தப் பூஜையில் மந்திரங்கள் முழங்க அம்மன் சிலைக்கு சிறப்பு பூஜை செய்யப்பட்டது இதில் 500க்கும் மேற்பட்ட பெண்கள் கலந்து கொண்டு ஸ்வாமி தரிசனம் செய்தனர்.

Next Story

விஷ சாராய மரண வழக்கு; தமிழக அரசுக்கு நீதிமன்றம் அதிரடி உத்தரவு!

Published on 11/07/2024 | Edited on 11/07/2024
Kallakurichi Dt Karunapuram incident The court ordered TN govt

கள்ளக்குறிச்சி மாவட்டம் கருணாபுரம் பகுதியில் விஷச்சாராயம் குடித்து இதுவரை 60க்கும் மேற்பட்டோர் உயிரிழந்தனர். மேலும் சிலர் பல்வேறு மருத்துவமனையில் சிகிச்சை பெற்று வருகின்றனர். கள்ளக்குறிச்சி மாவட்டத்தில் புதிதாகப் பொறுப்பேற்ற மாவட்ட காவல் கண்காணிப்பாளர் உத்தரவின் பேரில் மாவட்டத்தில் உள்ள சாராய குற்றவாளிகள் தொடர்ந்து கைது செய்யப்பட்டு வருகின்றனர். அதே சமயம் இது தொடர்பான வழக்குகளை சிபிசிஐடி போலீசார் விசாரணை செய்து வருகின்றனர். இந்த சம்பவம் தொடர்பாக இதுவரை 22 பேர் கைது செய்யப்பட்டுள்ளனர்.

இதற்கிடையே இந்தச் சம்பவத்தில் சிபிஐ விசாரணை வேண்டும் என அதிமுக சார்பில் இன்பதுரை, பாமக சார்பில் கே.பாலு, பாஜக சார்பில் ஏற்காடு ஏ.மோகன்தாஸ் ஆகியோர்  சென்னை உயர்நீதிமன்றத்தில் வழக்கு தொடர்ந்தனர். மேலும் இது தொடர்பாக மூன்று வழக்குகள் தாக்கல் செய்யப்பட்டன. இந்நிலையில் இந்த மனுக்கள் நீதிமன்ற பொறுப்பு தலைமை நீதிபதி மகாதேவன், நீதிபதி முகமது சித்திக் ஆகியோர் அடங்கிய அமர்வில் இன்று (11.07.2024) மீண்டும் விசாரணைக்கு வந்தது.

அப்போது அரசு சார்பில், “புதிதாக மேலும் 3 வழக்குகள் தாக்கல் செய்யப்பட்டிருப்பதால் இது தொடர்பாக பதிலளிக்க கால அவகாசம் அளிக்க வேண்டும்” எனக் கோரிக்கை வைக்கப்பட்டது. இதனைப்பதிவு பதிவு செய்துகொண்ட நீதிபதிகள், “கால தாமதம் செய்யாமல் விஷ சாராய மரண சம்பவம் தொடர்பாக மனுதாரர்களுக்கு அறிக்கை மற்றும் பதில் மனுக்களை தமிழக அரசு அளிக்க  வேண்டும்” என உத்தரவிட்டனர். இதனையடுத்து கள்ளக்குறிச்சி விஷச் சாராய வழக்குகளை சிபிஐ விசாரணைக்கு உத்தரவிடக் கோரிய அனைத்து வழக்குகளும் அடுத்த வியாழன் (ஜுலை 18) அன்று விசாரிக்கப்படும் சென்னை உயர் நீதிமன்ற பொறுப்பு தலைமை நீதிபதி அமர்வு தெரிவித்துள்ளது. 

The website encountered an unexpected error. Please try again later.