Skip to main content

அந்தப் பெண்கள் பள்ளியில்... -கல்வித்துறை கண் திறக்குமா?

Published on 17/03/2020 | Edited on 17/03/2020

‘பட்டங்கள் ஆள்வதும் சட்டங்கள் செய்வதும்
பாரினில் பெண்கள் நடத்த வந்தோம்
எட்டு மறிவினினில் ஆணுக்கிங்கே பெண்
இளைப்பில்லை காணென்று கும்மியடி’

-பாரதியாரின் இக்கனவை நனவாக்கும் விதத்தில் 110 ஆண்டுகளுக்கு முன்பே, விருதுநகர் மாவட்டத்தின் அந்த முக்கிய ஊரில் முழுக்க முழுக்கப் பெண்களுக்காகவே ஆரம்பிக்கப்பட்ட பள்ளி அது. அதன் நிர்வாகத்தில், ஒரே வளாகத்தில் இயங்கும் பெண்களுக்கான பள்ளிகளில்,  சுமார் 8000 மாணவிகள் படித்து வருகின்றனர். 

இத்தனை சிறப்புகள் இருந்தும், தற்போதைய நிர்வாகிகளின் சுயநலப் போக்கால், அந்தப் பள்ளியை விமர்சித்து வலைத்தளங்களில் ஏதேதோ பதிவிட்டு வருகின்றனர். ஆசிரியர் பணி நியமனத்துக்கு தனிப்பட்ட முறையில் லட்சக்கணக்கில் கையூட்டு, கல்வித்துறை அதிகாரிகளுக்கும் அந்தப் பணத்தில் பங்கு, அதிலும் விதிமீறல் நியமனங்கள் என்றால், மிகமிக அதிகமாக பணம் கறப்பது,  ஆசிரியர் நிதி என்ற பெயரில் வசூலித்த பணத்தை ஒட்டுமொத்தமாகச் சுருட்டியது என அடுக்கிக்கொண்டே போகின்றன அப்பதிவுகள். இதில் குற்றச்சாட்டுக்கு ஆளாகியிருப்பவர்கள், அப்பள்ளியின் செயலாளரும், இளநிலை உதவியாளரான ஒரு பெண்ணும்தான். 

 

The girls are in school ... - Will the Department of Education open its eyes?

 

இதில் கடுமையான குற்றச்சாட்டு என்னவென்றால், தினமும் பள்ளி அல்லாத நேரத்தில், இரவு 8-30 மணிக்கு மேல், தலைமை ஆசிரியர் இல்லாமல், செயலாளரும் அந்தப் பெண் உதவியாளரும் பள்ளி மாணவிகளின் விடுதிக்குச் சென்று, மாணவிகள் மற்றும் இளம் ஆசிரியைகளிடம் தவறான நோக்கத்துடன்,  தேவையற்ற பேச்சுகள் பேசி, செயலாளர் ஆசைக்கு இணங்கச் செய்கிறார்கள் என்பதுதான். 

இதுகுறித்து அந்தப் பள்ளியின் நலனில் மிகவும் அக்கறை கொண்ட தலைமைப் பொறுப்பில் இருந்த பெண் ஒருவரிடம் பேசினோம்.

“நூற்றாண்டு கடந்த பள்ளியில் நடக்கின்ற மோசமான விஷயங்கள் வலைத்தளங்களில் பரவுவது வேதனையளிக்கிறது. பள்ளியில் பணிபுரியும் ஆசிரியர்கள் மிகவும் குழப்பத்தில் இருக்கின்றனர். இந்த விவகாரம் குறித்து விசாரணை நடத்தி குற்றச் செயலில் யாரேனும் ஈடுபட்டிருந்தால் நடவடிக்கை எடுக்க வேண்டும். மாணவிகளின் விடுதிக்குள் செயலாளர் சென்றார் என்ற தகவல் என்னை நடுங்க வைத்துவிட்டது. இந்தக் குற்றச்சாட்டில் எந்த அளவுக்கு உண்மை இருக்குமென்று தெரியவில்லை. மாணவிகள் சம்பந்தப்பட்ட விஷயம் என்பதால்,  மிகவும் எச்சரிக்கையுடன் இதனைக் கையாள வேண்டும்.” என்றார். 

 

The girls are in school ... - Will the Department of Education open its eyes?

 

அந்தப் பெண் உதவியாளரை ‘சகலகலாவில்லி’ எனச் சொல்லிவிட்டு, பள்ளியைத் தாண்டி கல்வித்துறை மேலிடம் வரையிலும் நெருக்கம் வைத்திருப்பதால், யாராலும் சகிக்க முடியாத அளவுக்கு ஆட்டம் போடுகிறார் எனக் குமுறி வெடிக்கிறார்கள்,  அந்தப் பள்ளி வட்டாரத்தில். கைபேசியில் அவரைத் தொடர்புகொண்டபோது,  அவருடைய உறவுதான் ‘அட்டென்ட்’ பண்ணியது. “எதுவும் பிரச்சனையா? அவங்களே பேசுவாங்க..” என்று சொன்னது. ஆனால், அந்தப் பெண் உதவியாளர் நம்மைத் தொடர்புகொள்ளவே இல்லை.

அந்தப் பள்ளியின் செயலாளரிடம் பேச முடிந்தது.  “எங்கள் இருவர் மீதான குற்றச்சாட்டுகள் அத்தனையுமே தவறானது.” என்று மறுத்த அவர், உள்ளூர் தொழிலதிபர் ஒருவர் இந்த விவகாரத்தில் தலையிட்டு தீர்வு காண்பார் என்று நம்பிக்கை தெரிவித்தார்.

விருதுநகர் மாவட்ட முதன்மைக் கல்வி அலுவலர் சுபாஷினியிடம் பேசினோம். “அந்த ஸ்கூல் நிர்வாகத்துக்குள் ஏதோ சிக்கல்ன்னு கேள்விப்பட்டேன். மற்றபடி ஒண்ணும் இல்லைன்னு சொல்லுறாங்க.   மாணவிகள் விடுதிக்குள் செயலாளர் போனார்ங்கிற குற்றச்சாட்டை தனிப்பட்ட முறையில் விசாரிக்கிறேன்.” என்றார். 

அந்தப் பள்ளியின் நிர்வாகிகள் விசாரிக்கப்பட வேண்டும்! 

 

 


 

சார்ந்த செய்திகள்

 

Next Story

‘பள்ளிகளில் உள்ள சாதிப் பெயர்களை நீக்க வேண்டும்’ - தமிழக அரசுக்குப் பரிந்துரை

Published on 19/06/2024 | Edited on 19/06/2024
Recommendation to Tamil Nadu Govt for Remove caste names in schools

பள்ளி, கல்லூரி மாணவர்களிடையே சாதி, இன உணர்வுகள் காரணமாக உருவாகும் வன்முறைகளைத் தவிர்க்கவும், நல்லிணக்கம் ஏற்படுத்தவும், வழிமுறைகள் வகுக்கவும் ஓய்வு பெற்ற நீதிபதி கே.சந்துரு தலைமையில் ஒரு நபர் குழு அமைத்து தமிழக முதல்வர் மு.க.ஸ்டாலின் கடந்த ஆண்டு ஆகஸ்ட் மாதம் 12 ஆம் தேதி உத்தரவிட்டிருந்தார்.

அதன்படி, தமிழகத்தில் உள்ள பள்ளி, கல்லூரிகளில் ஏற்படும் சாதி தொடர்பான வன்முறைச் சம்பவங்களைத் தடுப்பது குறித்து கருத்து தெரிவிக்க ஓய்வு பெற்ற நீதிபதி கே.சந்துரு தலைமையில் ஒரு நபர் ஆணையம் அமைக்கப்பட்டது. அதில், ஆசிரியர்கள், கல்வியாளர்கள், மாணவர்கள், சமூக ஆர்வலர்கள், பத்திரிகையாளர்கள் மற்றும் பொதுமக்கள் என அனைத்து தரப்பினரும் கருத்துகள் தெரிவிக்க ஒரு நபர் ஆணையம் அழைப்பு விடுத்திருந்தது. 

இந்த நிலையில், ஓய்வுபெற்ற கே.சந்துரு தனது பரிந்துரைகள் அடங்கிய அறிக்கையை தயார் செய்து தமிழ்நாடு முதல்வர் மு.க.ஸ்டாலினின் நேற்று (18-06-24) சமர்பித்தார். அதில் கூறப்பட்டுள்ளதாவது, ‘பள்ளி பாடத்திட்டத்தில் சமூக நீதி, சமுத்துவம், சாதி அடிப்படையிலான பாகுபாடு இல்லாத அளவுக்கு தலைப்புகளைச் சேர்க்க வேண்டும். இது தொடர்பான பொருத்தமான மாற்றங்களைப் பரிந்துரைக்க கல்வியாளர்கள், சமூக ஆர்வலர்களைக் கொண்ட சமூகநீதி கண்காணிப்புக் குழுவை குறிப்பிட்ட காலக்கெடுவுக்குள் நியமிக்க வேண்டும். அரசுப் பள்ளிகளின் பெயர்களில் ஆதிதிராவிடர் நலத்துறை உட்பட எந்தச் சாதிய அடையாளங்களும் இருக்கக் கூடாது.

தனியார் பள்ளிகளில் உள்ள சாதி பெயர்களை நீக்க வேண்டும். சாதி அடையாளங்கள் இருக்கக் கூடாது என்ற உறுதிமொழி பெற்ற பிறகே, புதிய பள்ளி தொடங்க அனுமதி அளிக்க வேண்டும். குறிப்பிட்ட சாதி ஆதிக்கமாக உள்ள பகுதிகளில் அதே சமூகத்தைச் சேர்ந்தவர்களைத் தலைமை ஆசிரியர்களாக நியமிக்கக் கூடாது. ஆசிரியர்களை தேர்வு செய்யும்போது சமூக நீதி சார்ந்த அவர்களின் நிலைப்பாட்டை கண்டறிய வேண்டும். கைகளில் வண்ணக் கயிறுகள், நெற்றித் திலகம் உள்ளிட்டவற்றுக்கு தடை விதிக்க வேண்டும். மாணவர்களின் வருகை பதிவேட்டில் எக்காரணம் கொண்டும் சாதி பெயர் இடம்பெறக் கூடாது.  மாணவர்களின் சாதி விவரங்களை ரகசியமாக வைக்க வேண்டும்’ எனக் குறிப்பிடப்பட்டுள்ளது. 

Next Story

முடிந்தது கோடை விடுமுறை; இன்று பள்ளிகள் திறப்பு

Published on 10/06/2024 | Edited on 10/06/2024
nn

தமிழ்நாட்டில் கோடை விடுமுறை முடிந்து பள்ளிகள் ஜுன் 10 ஆம் தேதி திறக்கப்படும் என பள்ளிகல்வித்துறை அறிவித்திருந்தது. அதன்படி கோடை விடுமுறை முடிந்த நிலையில் தமிழக முழுவதும் இன்று அனைத்து வகை பள்ளிகளும் திறக்கப்பட இருக்கிறது. அரசு, அரசு உதவி பெறும் பள்ளிகள் மற்றும் தனியார் பள்ளிகள் என அனைத்து பள்ளிகளும் இன்று திறக்கப்பட உள்ளன. 1 முதல் 12 ஆம் வகுப்பு வரையிலான மாணவர்களுக்கு பள்ளி திறக்கும் இன்றைய நாளிலேயே பாடப் புத்தகங்கள் விநியோகிக்கப்பட உள்ளது. பஸ் பாஸ் விநியோகிக்கப்படாத நிலையில் மாணவர்கள் அடையாள அட்டையை வைத்து பயணிக்கலாம் என அறிவிக்கப்பட்டுள்ளது.

கோடை விடுமுறைக்கு பின் பள்ளிகளை திறக்கும் போது பின்பற்றப்பட வேண்டிய நடைமுறைகள் குறித்து பள்ளிக் கல்வித்துறை இயக்குநர் ஏற்கனவே வழிகாட்டுதல்களை வெளியிட்டிருந்தார். அதன்படி பள்ளி வகுப்பறை, ஆசிரியர்கள் அறை, தலைமை ஆசிரியர் அறை என அனைத்தும் சுத்தம் செய்யப்பட வேண்டும்; மழை நீர் கால்வாய்கள் சுத்தமாக இருப்பதை உறுதி செய்ய வேண்டும்; மேற்கூரைகளில் குப்பை இல்லாததை உறுதி செய்ய வேண்டும்; பள்ளி வளாகம் தூய்மையாக இருப்பதை உறுதி செய்ய வேண்டும்; பள்ளி திறந்த அன்று ஒன்றாம் வகுப்பில் மாணவர்கள் முழுமையாக சேர்ந்ததை உறுதி செய்து கொள்ள வேண்டும்; பள்ளி திறக்கும் நாளன்று மாணவர் சேர்க்கை கொண்டாட்டம் நடத்த வேண்டும் என அறிவுறுத்தப்பட்டுள்ளது என்பது குறிப்பிடத்தக்கது.