Skip to main content

அலைக்கழிக்கும் அதிகாரிகள்; தீக்குளிப்பேன் என கலங்கும் முன்னாள் வி.ஏ.ஓ

Published on 24/09/2023 | Edited on 24/09/2023

 

Former vao in struggle to change patta

 

கரூர் மாவட்டம், குளித்தலை ஒன்றியம் நங்கவரம் பேரூராட்சி, கீழ் நங்கவரம், தெற்கு தெருவைச் சேர்ந்தவர் என். மருதை (71). முன்னாள் கிராம நிர்வாக அலுவலரான இவர், கடந்த 2011 ஆம் ஆண்டு ஜூன் மாதம் பணி ஓய்வு பெற்றார். இவர், தனக்கு சொந்தமான 43 சென்ட் இடத்தில் வீடு கட்டி குடியிருந்து வருகிறார். இந்த இடத்திற்கான பட்டா சிட்டா பத்திரம் என அனைத்து ஆவணங்களையும் வைத்துள்ளார். அனைத்து ஆவணங்களையும் வைத்திருந்த போதிலும் கடந்த 2018 ஆம் ஆண்டு கணினி மையமாக்கப்பட்டபோது 43 சென்ட் என்பதற்கு பதிலாக 12 சென்ட் என தவறாக கணினியில் பதிவு செய்யப்பட்டுள்ளது.

 

இதனால், கணினி பட்டாவை திருத்தம் செய்யக்கோரி கடந்த 2020ம் ஆண்டு முதல் பலமுறை கரூர் மாவட்ட ஆட்சியர், குளித்தலை கோட்டாட்சியர், குளித்தலை வட்டாட்சியர் மற்றும் தமிழ்நாடு முதலமைச்சர் குறைதீர்க்கும் பிரிவு உள்ளிட்ட அனைத்து தரப்பினருக்கும் மனு கொடுத்துள்ளார். அதுமட்டுமின்றி ஜமாபந்தி உள்ளிட்ட பல நிகழ்ச்சிகளிலும் இது சம்பந்தமாக கோரிக்கை மனு அளித்துள்ளார். இருப்பினும் அவரது கோரிக்கை இது நாள் வரையிலும் நிறைவேற்றப்படவில்லை.

 

குளித்தலை தாலுகா அலுவலகத்திற்கு விசாரணை மனுவை அனுப்பி வைத்து நடவடிக்கை எடுக்க உயர் அதிகாரிகள் கூறினாலும், அங்கு சென்று அவர் விசாரித்தால் ‘உங்களுடைய மனுவே வரவில்லை அது எங்கு இருக்கிறது என்று தெரியவில்லை’ என்று சாக்குப் போக்கு சொல்லி அலைய விடுவதாக குற்றம் சாட்டுகிறார் முன்னாள் கிராம நிர்வாக அலுவலர் மருதை. 

 

தனது மனைவி பெயரில் உள்ள 43 சென்ட் நிலத்தின் பட்டாவை தவறாக கணினியில் பதிவு செய்யப்பட்டதால், அவரது மனைவி மிகுந்த மன உளைச்சலில் இருந்ததாகவும் இதனால் அவர் சமீபத்தில் இறந்து விட்டதாகவும் கண்கலங்க கூறுகிறார் முன்னாள் கிராம நிர்வாக அலுவலர் மருதை. 

 

மேலும், தனக்கு 71 வயது ஆகிறது. தினமும் என்னால் குளித்தலை வட்டாட்சியர் அலுவலகத்திற்கு 30 கிலோமீட்டர் தூரம் சென்று வர இயலவில்லை. இதற்கு மேலும் என்னை அலைக்கழித்தால், நான் வட்டாட்சியர் அலுவலகம் முன்பு உண்ணாவிரதம் இருப்பதைத் தவிர வேறு வழியில்லை. அதற்கும் வழியில்லை என்றால் தீக்குளிப்பேன் என்று கண்ணீர் மல்க கூறுகிறார். 

 

 

 

சார்ந்த செய்திகள்

 

Next Story

திருச்சியில் எடப்பாடி பழனிசாமிக்கு உற்சாக வரவேற்பு

Published on 19/06/2024 | Edited on 19/06/2024
Enthusiastic reception for Edappadi Palaniswami in Trichy

தமிழக முன்னாள் முதலமைச்சர், சட்டமன்ற எதிர்க்கட்சித் தலைவர், அதிமுக பொதுச்செயலாளர், எடப்பாடி பழனிசாமி தஞ்சை, நாகப்பட்டினம் உள்ளிட்ட பகுதிகளில் நடைபெறும் பல்வேறு நிகழ்ச்சிகளில் பங்கேற்பதற்காக இன்று காலை சென்னையில் இருந்து விமானம் மூலம் திருச்சி வந்தார். திருச்சி வந்தடைந்த அவருக்கு திருச்சி மாநகர் மற்றும் புறநகர் மாவட்ட கழகம் சார்பில் அதிமுகவினர் செண்டை மேள தாளங்கள் முழங்க, உற்சாக வரவேற்பு அளித்தனர். 

இதில், அதிமுக புறநகர் தெற்கு மாவட்ட கழக செயலாளர், முன்னாள் எம்பி குமார், புறநகர் வடக்கு மாவட்ட கழக செயலாளர், முன்னாள் அமைச்சர் பரஞ்சோதி, திருச்சி மாநகர் மாவட்ட கழக செயலாளர், முன்னாள் துணை மேயர் சீனிவாசன் ஆகியோர் தலைமையில் அதிமுகவினர் எடப்பாடி பழனிசாமிக்கு ஆளுயுர மலர் மாலை அணிவித்தும், பொன்னாடை அணிவித்தும், பூங்கொத்து கொடுத்தும், புத்தகங்கள் வழங்கியும சிறப்பான வரவேற்பு அளித்தனர்.  

முன்னாள் அமைச்சர்கள் விஜயபாஸ்கர், வளர்மதி, சிவபதி, அமைப்புச் செயலாளர் ரத்னவேல், முன்னாள் சட்டமன்ற உறுப்பினர்கள், முன்னாள் எம்.பி.கள் உள்ளிட்ட பலர் பங்கேற்றனர். அதனைத் தொடர்ந்து. சாலை வழிப் பயணமாக புறப்பட்டுச் சென்ற எடப்பாடி.பழனிசாமிக்கு, தஞ்சை மத்திய மாவட்டம் சார்பில் வல்லம் பிரிவு சாலையில் வரவேற்பு அளிக்கப்பட்டது. அதன் தொடர்ச்சியாக தஞ்சை மாவட்டத்தில் மன்னார்குடி ஒன்றிய பெருந்தலைவர் மனோகரன் இல்ல திருமண நிகழ்வில் பங்கேற்கிறார். அதனைத் தொடர்ந்து, நாகப்பட்டினம் மாவட்டத்தில் நடைபெறும் முன்னாள் அமைச்சர் ஜெயபால் இல்ல வரவேற்பு நிகழ்ச்சி மற்றும் பல்வேறு கட்சிகளில் இருந்து வந்த நிர்வாகிகள் அதிமுகவில் இணையும் நிகழ்ச்சிகளில் பங்கேற்ற பின் இன்று மாலை மீண்டும் திருச்சி விமான நிலையம் வநதடைந்து விமானம் மூலம் சென்னை புறப்பட்டு செல்கிறார்.

Next Story

10 மணி வரை மழை; நான்கு மாவட்டங்களுக்கு அலர்ட்

Published on 15/06/2024 | Edited on 15/06/2024
Rain till 10 p.m.; Alert for four districts

தமிழகத்தில் இரவு 10 மணி வரை 4 மாவட்டங்களில் மிதமான மழைக்கு வாய்ப்பு இருக்கும் என வானிலை ஆய்வு மையம் அறிவித்துள்ளது.

தமிழ்நாட்டில் 7 நாட்களுக்கு ஒரு இடங்களில் இடி மின்னலுடன் கூடிய மழைக்கு வாய்ப்பு இருக்கும் எனச் சென்னை வானிலை மையம் ஏற்கனவே அறிவித்திருந்தது. வட தமிழக மாவட்டங்களில் குறிப்பாக உள் மாவட்டங்களில், மேற்குத் தொடர்ச்சி மலையை ஒட்டிய மாவட்டங்களில் மழை பெய்து வருகிறது. இந்நிலையில் இன்று சென்னை வானிலை ஆய்வு மையம் வெளியிட்ட அறிவிப்பின்படி தமிழகத்தில் இரவு 10 மணி வரை சேலம், திண்டுக்கல், நாமக்கல், திருச்சி ஆகிய நான்கு மாவட்டங்களில் மிதமான மழைக்கு வாய்ப்பு இருக்கும் என அறிவிக்கப்பட்டுள்ளது.