Skip to main content

’இந்த தேர்தலில் பண மழை பெய்யும்’- ஈ.வி.கே.எஸ்.இளங்கோவன் பேச்சு

Published on 21/12/2018 | Edited on 21/12/2018

 

ஈரோட்டில் இன்று  தமிழக காங்கிரஸ் முன்னாள் தலைவர்  ஈ.வி.கே.எஸ்.  இளங்கோவன் தனது 71 -வது பிறந்த நாளை கொண்டாடினார்.  இதில் காங்கிரஸ், தி.மு.க. கம்யூனிஸ்ட் கட்சிகளின் நிர்வாகிகள் கலந்து கொண்டனர். இக்கூட்டத்தில் ஈ.வி.கே.எஸ். இளங்கோவன் பேசுகையில்,   இந்தியாவில் காங்கிரஸை விட்டால்,  இந்த நாட்டை வழி நடத்த ஆட்சி புரிய யாருக்கும் தகுதி இல்லை என சொல்லும் அளவுக்கு, கடந்த, 70 ஆண்டுகளில் காங்., கட்சி மக்களுக்கு அனைத்தையும் செய்துவிட்டது. அதே போல் மக்களுக்கு கொடுத்த வாக்குறுதிகளை, காங்கிரஸ்  கட்சி முழுமையாக நிறைவேற்றி இருக்கிறது.

 

e

 

சமீபத்தில் கூட , மத்திய பிரதேசம், ராஜஸ்தான் சதீஸ்கர் உள்ளிட்ட மூன்று மாநிலங்களிலும், புதிதாக பொறுப்பேற்ற காங்கிரஸ் முதல்வர்கள் விவசாய கடன்களை தள்ளுபடி செய்துள்ளனர். ஆனால் சென்ற பாராளுமன்ற  தேர்தலின்போது,  பா.ஜ.க.மோடி  ஒவ்வொருவர் வங்கி கணக்கிலும், 15 லட்சம் ரூபாய் வரவு வைப்பதாக கூறி ஆட்சிக்கு வந்தார்.  ஆனால் என்ன நடந்தது ஒரு டீக்கடைக்காரர்கள் கூட, முன்னேறவில்லை.  அவர்கள் செய்த தொழிலை இழக்கும் நிலைக்கு மத்திய மோடிஅரசு தள்ளிவிட்டது. சென்ற காங்கிரஸ் ஆட்சியில் , காஸ் சிலிண்டர், 450 முதல், 500 ரூபாய்க்கு விற்றது. இப்போது, 1,100 ரூபாய்க்கு விற்கப்படுவதுடன், மானியத்தொகை வங்கிக்கணக்குக்கு வருவதில்லை. 

 

பெட்ரோல், டீசல் விலை எப்போதும் இல்லாத அளவுக்கு கடுமையாக விலை உயர்ந்துள்ளது. மத்திய பா.ஜ.க.மோடி அரசின் மீது மக்கள்  நம்பிக்கை இழந்து விட்டார்கள், மீண்டும் காங்கிரஸ், கட்சி ஆட்சிக்கு வர வேண்டும், என்பதற்காகத்தான், தற்போது  ஐந்து மாநில தேர்தலில், காங்கிரஸ் கட்சியை ஆதரித்துள்ளனர் , மூத்த தலைவர் குமரிஅனந்தனின்  மகள் என்ற முறையில் தான்  தமிழிசை சவுந்தராஜன் மீது எனக்கு மரியாதை உள்ளது.   ஆனால், ஐந்து மாநில தேர்தலில், பா.ஜ.க. தோல்வியை பற்றி பேசும்போது, வெற்றிகரமான தோல்வி என குழப்பி  வருகிறார்.

 


பா.ஜ.,வின் இந்த பொய் பிரச்சாரத்தை மக்கள் இனி எப்போதும் ஏற்க மாட்டார்கள். மோடி அரசின் மீது மக்கள் நம்பிக்கை இழந்து இந்த  சூழலை நாம் முழுமையாக  பயன்படுத்திக் கொள்ள வேண்டும்.

 


வரப்போகிற பாராளுமன்ற தேர்தலுக்கு இப்போதே நாம் தயாராக வேண்டும். இந்த தேர்தலில் பண மழை பெய்யும் , பொய் பிரச்சாரங்கள்  செய்வார்கள். எல்லாவற்றையும் முறியடித்து தி.மு.க., காங்கிரஸ், கூட்டணி அனைத்து தொகுதிகளிலும் வெற்றி பெறும் " இவ்வாறு அவர்  இளங் கோவன் பேசினார் .

 

சார்ந்த செய்திகள்

 

Next Story

'பாமகவிற்குக் கடைசி தேர்தல்; சீமான் கீழ்பாக்கத்திற்குப் போகவேண்டும்' - ஈ.வி.கே.எஸ்.இளங்கோவன் பேட்டி

Published on 15/07/2024 | Edited on 15/07/2024
nn

நடந்து முடிந்த விக்கிரவாண்டி இடைத்தேர்தலில் திமுக வெற்றி பெற்றுள்ள நிலையில் ஈரோட்டில் செய்தியாளர்களை சந்தித்த காங்கிரஸ் எம்.எல்.ஏ ஈ.வி.கே.எஸ்.இளங்கோவன் இடைத்தேர்தல் வெற்றி குறித்த செய்தியாளர்களின் கேள்விகளுக்கு பதிலளித்துள்ளார்.

'பணம் கொடுத்து தான் திமுக தேர்தலில் வெற்றி பெற்றுள்ளதாக ராமதாஸ் தெரிவித்துள்ளாரே' என்ற செய்தியாளர்களின் கேள்விக்கு பதிலளித்த ஈ.வி.கே.எஸ்.இளங்கோவன், 'திராவிட முன்னேற்றக் கழகம் பணம் கொடுத்ததாக எனக்கு தெரியவில்லை. பாமக தான் கிட்டத்தட்ட 500 ரூபாயில் இருந்து ஆயிரம் ரூபாய் கொடுத்தார்கள். பாமகவை பொறுத்தவரை நான் இந்த தேர்தல் ஆரம்பிக்கும் போதே சொன்னேன். இதுதான் அவர்கள் சந்திக்கின்ற கடைசி தேர்தல் என்று. ஏனென்றால் அவர்கள் கூட சேர்ந்து இருப்பவர்கள் மிகவும் மோசமானவர்கள், வன்முறையில் நம்பிக்கை கொண்டவர்கள். அது மட்டுமல்ல ராமதாசை பொறுத்தவரை நாங்கள் இனிமேல் மரம் வெட்ட மாட்டோம் என்று சொன்னால் தான் தமிழ்நாட்டில் டெபாசிட்டே வாங்க முடியும்'' என்றார்.

தொடர்ந்து சீமான் குறித்து கேள்வி எழுப்ப செய்தியாளர்கள் முயன்றபோதே, 'சீமானுடைய கருத்துகள் எல்லாம் நான் கருத்தாகவே எடுத்துக் கொள்வதில்லை. அவரை பொறுத்தவரை ஒன்று குற்றாலத்திற்கு செல்ல வேண்டும். அல்லது கீழ்பாக்கத்திற்கு செல்ல வேண்டும். ஏனென்றால் ஒரு நாள் ஒன்று பேசுகின்றார் மறுநாள் இன்னொன்றை பேசுகின்றார். அவரைப் பொறுத்தவரை அவருக்கு மேலே கொஞ்சம் குழம்பி இருக்கிறது என்று நினைக்கின்றேன்.

அதிமுகவின் ஓட்டு திமுகவிற்கு சென்று உள்ளதா? என்ற கேள்விக்கு 'எல்லா தமிழர்களின் ஓட்டும் திமுகவிற்கு சென்று இருக்கிறது' என்றார்.

Next Story

'காமராஜருடன் ஸ்டாலினை ஒப்பிடுவது என்ன தவறு?'- ஈ.வி.கே.எஸ். இளங்கோவன் பேட்டி

Published on 14/06/2024 | Edited on 14/06/2024
 'What is wrong with comparing Stalin with Kamaraj?'- E.V.K.S. Elangovan interview


'விக்கிரவாண்டி இடைத்தேர்தலில் எதிர்க்கட்சியினர் டெபாசிட் இழப்பார்கள்' என ஈ.வி.கே.எஸ் இளங்கோவன் தெரிவித்துள்ளார்.

ஈரோட்டில் இன்று முன்னாள் அமைச்சரும், காங்கிரஸ் மூத்த தலைவருமான ஈ.வி.கே.எஸ் இளங்கோவன் செய்தியாளர்களை சந்தித்து பேசுகையில், ''சென்னையில் கடந்த 11-ந்  தேதி காமராஜர் இல்லத்தில் காங்கிரஸ் கூட்டத்தில் தலைவர் செல்வப்பெருந்தகை தலைமையில் நடைபெற்ற கூட்டத்தில் எல்லோரும் காங்கிரஸ் வளர்க்க வேண்டும் என்றும், நடைபயணம் செல்ல வேண்டும், அதிக அளவில் பூத் கமிட்டி அமைக்கப்பட்ட வேண்டும், இளைஞர்களை அதிக அளவில் காங்கிரஸ் கட்சியில் சேர்க்க வேண்டும் எனவும் பேசினார்கள். காங்கிரஸ் கட்சியை வளர்க்க வேண்டும் என்ற எண்ணத்தில் தலைவர் செல்வப்பெருந்தகை பேசும்போது கூடுதலாக இரண்டு வாரத்தை பேசினார். அதைப் பற்றிய விவாதம், பிரச்சனை முடிந்து விட்டது. அவர் அந்த அர்த்தத்தில் சொல்லவில்லை என்று சொல்லும் போது அவர் சொன்னதை ஏற்க வேண்டும்.

உள்ளாட்சி தேர்தலில் கூட்டணி வைக்க வேண்டாம் என முன்னாள் எம்.பி. ஒருவர் கருத்து சொன்னார். அதற்கு எதிர்ப்பு கிளம்பியது. உள்ளாட்சித் தேர்தலில் போட்டியிடும் போது கூட்டணி வைத்தால்தான் வெற்றிபெற வாய்ப்பு கிடைக்கும். காங்கிரஸ் கட்சி உறுப்பினர்கள் பல இடத்தில் மேயர், கவுன்சிலராக இருப்பதற்கு கூட்டணிதான் காரணம். கூட்டணியில் சலசலப்பு இருக்கதான் செய்யும். வரும் உள்ளாட்சி தேர்தலில் திமுகவுடன் கூட்டணி வைத்து தான் காங்கிரஸ் போட்டியிடும். முதலமைச்சர் மு.க.ஸ்டாலின் எதைப்பற்றியும் கவலைப்படாமல் மக்கள் பணியாற்றி வருகிறார். பொற்கால ஆட்சி என்று சொல்வதற்குப் பதிலாக இந்த ஆண்டு நவீனத்திற்கு ஏற்ப ஸ்டாலின் ஆட்சி காமராஜர் ஆட்சி என்று சொன்னேன்.

தமிழகத்தில் உள்ள இளைஞர்கள் படித்தவர்களாக இருப்பதற்குக் காரணம் காமராஜர். அவர் மதிய உணவுத் திட்டத்தைக் கொண்டு வந்தார். தற்போது எத்தனையோ நிதி நெருக்கடி இருக்கும் சூழலிலும் அனைத்து அரசுப் பள்ளிகளில் காலை உணவுத் திட்டம் கொண்டு வரப்பட்டது.  மதிய உணவு தந்த காமராஜருடன் காலை உணவு தந்த ஸ்டாலினை ஒப்பிடுவது என்ன தவறு? தமிழகத்தில் உள்ள தாய்மார்கள் ஸ்டாலின் பின்னால் நிற்கிறார்கள். நான்கு முனை போட்டியில் வாக்குகள் சிதறத் தான் செய்யும். கடந்த தேர்தலில் மூன்று முனை போட்டி ஏற்பட்டது. நடந்து முடிந்த பாராளுமன்ற தேர்தலில்  பா.ம.க,பாரிவேந்தர், ஏ.சி. சண்முகம் போன்றவர்களால் தான் பா.ஜ.க.வுக்கு வாக்கு சதவீதம் உயர்ந்துள்ளது. தமிழிசை சவுந்தரராஜனை அமித்ஷா மேடையில் திட்டி எச்சரிக்கை செய்தால் அது கண்டிக்கத்தக்கது. கட்சி பாகுபாடு இன்றி அவர் தமிழச்சியாக இருப்பதால் இந்த விவகாரத்தில் நான் கண்டிக்கிறேன்.

முஸ்லிம்கள் 25 சதவீதம் பேர் உள்ள நிலையில் ஒருவருக்கு கூட பா.ஜ.க சீட் கொடுக்கவில்லை. அப்படி இருக்கும் போது இந்தியாவுக்கு எப்படி பொதுவான அரசாக இருக்க முடியும். காங்கிரஸ் கட்சி நாடாளுமன்ற எதிர்க்கட்சி தலைவராக ராகுல் காந்தி வரவேண்டும்.நீட் தேர்வு குளறுபடி காரணமாக தான் முதல்வர் ஸ்டாலின் ஆரம்பம் முதல் நீட் வேண்டாம் என்றார். தற்போது கேட்டால் காங்கிரஸ் தான் நீட் தேர்வு கொண்டு வந்தது என்பார்கள். காங்கிரஸ் நீட் தேர்வு கொண்டு வந்த போது மாநிலங்கள் விருப்பத்தின் பேரில் நடந்து கொள்ளலாம் என்று சொன்னது.

விக்கிரவாண்டி இடைத்தேர்தலில் எதிர்க்கட்சியினருக்கு டெபாசிட் கூட கிடைக்காது. காங்கிரஸ் கட்சி சார்பில் தலைவர் செல்வப்பெருந்தகை, நானும் பிரச்சாரம் செய்வோம். நாம் தமிழர் கட்சி மாநில அந்தஸ்து பெற்றது வரவேற்கிறேன். நெல்லை காங்கிரஸ் கட்சி மாவட்ட தலைவர் ஜெயக்குமார் கொலை வழக்கில் உடனடியாக எப்படி குற்றவாளியை கண்டுபிடிக்க முடியும்.காவல்துறையினர் கைது செய்தால் தான் உண்மை என்னவென்று தெரிய வரும். இன்னும் மோடி தலைமையிலான ஆட்சி 5 மாதங்களில் கலைந்துவிடும். இதற்கு பா.ஜ.க கூட்டணியில் உள்ள கட்சிகளே காரணமாக இருக்கலாம்''என்றார்.