Skip to main content

திருவிழா சமாதானக் கூட்டத்தில் பேசிக் கொண்டிருந்த முதியவர் உயிரிழப்பு

Published on 09/05/2024 | Edited on 09/05/2024
An elderly man who was speaking at a festival peace meeting was lose their live

புதுக்கோட்டை மாவட்டம், ஆலங்குடி வட்டம் கீரமங்கலம் அருகில் உள்ள செரியலூர் - கரம்பக்காடு முத்துமாரியம்மன் கோயில் திருவிழா எதிர்வரும் 12 ந் தேதி ஞாயிற்றுக்கிழமை காப்புக்கட்டுதலுடன் தொடங்கி 19 ந் தேதி பொங்கல், 20 ந் தேதி திங்கட்கிழமை தேரோட்டம், 21 ந் தேதி செவ்வாய்க் கிழமை தீர்த்தம், 22 ந் தேதி புதன் கிழமை தெப்பம் என 10 நாட்களுக்கு மேல் திருவிழா நடக்கிறது.

ஒவ்வொரு நாளும் அம்பாள் வீதி உலாவும், அன்னதானம், இரவு கலை நிகழ்ச்சிகளும் நடக்கிறது. இந்த திருவிழாவில் வழக்கம்போல ஒரு நாள் நிகழ்ச்சி நடத்தி வந்தவர்களிடையே கருத்துவேறுபாடு எழுந்துள்ளது. அந்த பிரச்சனை சம்மந்தமாக ஆலங்குடி வட்டாட்சியர் அலுவலகத்தில் சமாதான கூட்டம் வியாழக்கிழமை மாலை நடந்தது. இதில், செரியலூர் கரம்பக்காடு பகுதியைச் சேர்ந்தவர் பலர் பங்கேற்றனர்.

அதில், கூட்டத்தில் கலந்து கொண்டவர்களிடம் கருத்துகள் கேட்கப்பட்டது. அப்போது, கரம்பக்காடு பகுதியைச் சேர்ந்த உ.துரைமாணிக்கம் (வயது 85) கலந்து கொண்டு கடந்த காலங்களில் எப்படி திருவிழாவில் பங்கேற்றோம் என்று கூட்டத்தில் பேசிக்கொண்டிருந்த போது அப்படியே நாற்காலியில் அமர்ந்து நாற்காலியில் இருந்து சரிந்து கொண்டிருந்ததைப் பார்த்த அருகில் இருந்தவர்கள் அவரை தூக்கியுள்ளனர். ஆனால் எந்த சலனமும் இல்லாத முதியவரை அருகில் உள்ள மருத்துவமனைக்கு கொண்டு சென்றுள்ளனர். ஆனால் முதியவர் உயிரிழந்துவிட்டார் என்று கூறியுள்ளனர். அதன் பிறகு ஆலங்குடி அரசு மருத்துவமனையில் பரிசோதனை செய்து பார்த்துள்ளனர். ஆனால் முதியவர் உயிரிழந்துவிட்டது உறுதி செய்யப்பட்டது.

இதனால் சமாதானக் கூட்டம் பாதியில் நிறுத்தப்பட்டது. சமாதானக் கூட்டம் நடக்கும் போது அதில் கலந்து கொண்டு பேசிக் கொண்டிருந்த முதியவர் உயிரிழந்த சம்பவத்தால் அதிர்ச்சியடைந்த உறவினர்கள் முதியவர் துரைமாணிக்கம் உடலை வீட்டிற்கு தூக்கிச் சென்றனர். இதனால் அங்கு பரபரப்பு ஏற்பட்டது.

சார்ந்த செய்திகள்

 

Next Story

பூரி ஜெகந்நாதர் கோயில் பொக்கிஷ அறை திறப்பு!

Published on 14/07/2024 | Edited on 14/07/2024
Puri Jagannath temple treasure room opening

சமீபத்தில் நடந்து முடிந்த நாடாளுமன்றத் தேர்தலோடு ஒடிசா மாநில சட்டப்பேரவைக்கும் தேர்தல் நடைபெற்றது. இந்த தேர்தல் பிரச்சாரத்தின் போது பூரி ஜெகந்நாதர் கோயில் பொக்கிஷ அறை மற்றும் தொலைந்து போனதாகச் சொல்லப்படும் அதன் சாவி குறித்த விவகாரங்களை பாஜக கையில் எடுத்திருந்தது. இது தொடர்பாக ஒடிசாவில் முன்பு ஆட்சி செய்த பிஜு ஜனதா தள கட்சிக்கு எதிராக பாஜக தீவிரமாகப் பரப்புரை செய்தது. இந்த சட்டமன்ற தேர்தலில் வென்று பாஜக ஆட்சியைப் பிடித்துள்ளது. மேலும் கடந்த 1978 ஆம் ஆண்டுக்குப் பின் தற்போது வரை பொக்கிஷ அறை திறக்கப்படாமல் இருந்து வந்தது.

இந்நிலையில் 46 ஆண்டுகளுக்குப் பின் இன்று (14.07.2024) பூரி ஜெகந்நாதர் கோயிலின் பொக்கிஷ அறையை மீண்டும் திறக்கப்பட்டது. இதனையடுத்து பூரி மாவட்ட ஆட்சியர் உள்பட 11 பேர் கொண்ட குழுவினர் பொக்கிஷ அறைக்குச் சென்று ஆய்வு செய்தனர். அதே சமயம் பொக்கிஷ அறையில் உள்ள நகைகளை மதிப்பிடும் பணி நாளை (15.07.2024) தொடங்க உள்ளது. முன்னதாக பூரி ஜெகந்நாதர் கோயில் பொக்கிஷ அறையில் உள்ள ஆபரணங்கள் மற்றும் பிற மதிப்புமிக்க பொருள்களைக் கணக்கீடு செய்வதற்காக ஓய்வு பெற்ற உயர்நீதிமன்ற நீதிபதி விஷ்வநாத் ராத் தலைமையில் குழு அமைக்கப்பட்டது குறிப்பிடத்தக்கது. 

Next Story

முத்துமாரியம்மன் கோயில் பூச்சொரிதல் திருவிழா; டன் கணக்கில் குவிந்த பூக்கள்!

Published on 14/07/2024 | Edited on 14/07/2024
Muthumariamman temple flower sprinkling festival Tons of flowers

புதுக்கோட்டை மாவட்டம் கீரமங்கலம் முத்துமாரியம்மன் கோயில் ஆடிப் பெருந்திருவிழாவை முன்னிட்டு இன்று (14.07.2024) பூச்சொரிதல் விழா நடந்தது. கிராமத்தின் அனைத்துப் பகுதிகளில் இருந்தும் ஆயிரக்கணக்கான பெண்கள், கிராமத்தினர் மேளதாளங்கள் முழங்க பூ தட்டுகளுடன் ஊர்வலமாகக் கோயிலுக்குக் கொண்டு வந்து அம்மனுக்கு மலரபிஷேகம் செய்தனர்.

அதே போலச் செண்டை மேளம், டிரம்ஸ் வானவேடிக்கைகளுடன் வாகன உரிமையாளர்கள் வாகனங்களிலும் பூ தட்டுகள் கொண்டு வந்தனர். டன் கணக்கில் பூக்கள் கொண்டு வந்து அம்மனுக்கு மலர் அபிஷேகம் செய்தனர். தொடர்ந்து இரவு கரகாட்டம், கலை நிகழ்ச்சிகளும் நடத்தப்பட்டது. இதனைத் தொடர்ந்து வரும் வெள்ளிக்கிழமை நாலாஞ்சந்தி கருப்பர் உள்படக் கிராமத்தில் உள்ள கோயில்களில் பொங்கல் வைத்துச் சிறப்பு வழிபாடுகள் செய்து வரும் 21ஆம் தேதி காப்புக்கட்டுதலுடன் திருவிழா தொடங்கி 10 நாட்கள் வரை நடக்கிறது. 

Muthumariamman temple flower sprinkling festival Tons of flowers

அதன்படி வரும் 28 ஆம் தேதி ஞாயிற்றுக் கிழமை பொங்கல் திருவிழாவும் 29 ஆம் தேதி திங்கள்கிழமை தேரோட்டத் திருவிழாவும் நடக்கிறது. திருவிழா நாட்களில் பகலில் அன்னதானமும் இரவில் கலைநிகழ்ச்சிகளும் நடத்தப்படுகிறது. திருவிழா ஏற்பாடுகளை விழாக்குழுவினரும் பாதுகாப்பு ஏற்பாடுகளை கீரமங்கலம் போலீசாரும் செய்து வருகின்றனர். 

The website encountered an unexpected error. Please try again later.