Skip to main content

"மக்கள் வாங்கும் சக்தியை இழந்து விட்டார்கள்"- கனிமொழி எம்.பி. பேச்சு... 

Published on 23/12/2020 | Edited on 23/12/2020

 

 

DMK PARTY KANIMOZHI MP SPEECH

 

தி.மு.க.வின் மகளிரணி அணி சார்பில் கேஸ் விலை உயர்வைக் கண்டித்து தூத்துக்குடியில் நடைபெற்ற கண்டன ஆர்ப்பாட்டத்தில் தூத்துக்குடி மக்களவை தொகுதி உறுப்பினர் கனிமொழி கலந்து கொண்டார். 

 

அப்போது பேசிய கனிமொழி எம்.பி., "கல்வி, சுகாதாரம், பெண்கள் பாதுகாப்பு, வேலை வாய்ப்பு எனப் பல துறைகளில் முன்னேறிய மாநிலமாக இருந்த தமிழகம், கடந்த பத்து ஆண்டுகால அ.தி.மு.க. ஆட்சியில் பின் தங்கிய மாநிலமாகிவிட்டது. தற்போதைய கரோனாத் தொற்று காலகட்டத்தில் மக்களிடம் வாங்கும் சக்தி போய் விட்டது. மக்கள் போதிய வருமானமின்றித் தவிக்கின்றனர். இந்த நிலையில் டீசல், கேஸ் மற்றும் பெட்ரோல் விலை ஏற்றப்பட்டது பெரும் கண்டனத்திற்குரிய செயல். விலைவாசி உயர்வால் அத்தியாவசியப் பொருட்களின் விலை ஏறி விட்டது. 

 

DMK PARTY KANIMOZHI MP SPEECH

 

ஏழை, எளிய, நடுத்தர உள்ளிட்ட அனைத்து தரப்பு மக்களும் பாதிக்கப்பட்டுள்ளனர். மக்களின் இந்த சிரமங்களை மத்திய அரசு புரிந்து கொண்டு விலை ஏற்றத்தைத் திரும்பப் பெற வேண்டும். இல்லையெனில் இதற்கு எதிராக தி.மு.க. தொடர்ந்து போராட்டம் மேற்கொள்ளும்" என்றார்.

 

அதைத் தொடர்ந்து, நெல்லை மாவட்டத்தில் வாக்கு சேகரிப்பு மற்றும் தேர்தல் பிரச்சாரத்தை மேற்கொண்ட கனிமொழி எம்.பி., நெல்லை ஜங்ஷனில் உள்ள அண்ணா, மற்றும் வ.உ.சி. ஆகிய தலைவர்களின் சிலைக்கு மாலை அணிவித்து விட்டு கங்கைகொண்டானில் கிராமசபைக் கூட்டத்தில் கலந்து கொண்டார்.

 

DMK PARTY KANIMOZHI MP SPEECH

 

பின்பு பாளையிலுள்ள வண்ணாரப்பேட்டையில் சலவைத் தொழிலாளர்களுடன் கலந்துரையாடிய கனிமொழி, அவர்களின் பல்வேறு பிரச்சனைகளைக் கேட்டறிந்தவர். அதன் தொடர்ச்சியாக கே.டி.சி.நகரில் வாக்கு சேகரிப்பில் ஈடுபட்டார். மேலும், பாளையை ஒட்டியுள்ள அருகன்குளம் கிராமத்தில் மக்களைச் சந்தித்தவர் அவர்களிடம் தீவிர தேர்தல் பிரச்சாரம் மேற்கொண்டார்.

 

போகுமிடங்களில் திரளும் ஆண்கள், பெண்கள் கூட்டத்தில் நடப்பு கால நிலைமைகளை எடுத்து வைக்கிறார் கனிமொழி எம்.பி.

 

 

 

சார்ந்த செய்திகள்

 

Next Story

அதிமுக திமுக காரசார விவாதம்; வாக்குவாதத்தில் முடிந்த நகர் மன்ற கூட்டம்!

Published on 22/07/2024 | Edited on 22/07/2024
DMK AIADMK political debate in Kallakurichi Municipal Council meeting

கள்ளக்குறிச்சி நகராட்சியில் சாதாரண நகர மன்ற கூட்டம் இன்று நடைபெற்றது. இந்த கூட்டம் நடைபெறுவதற்காக அனைத்து கவுன்சிலர்களுக்கும் ஏற்கனவே நகராட்சி கூட்டம் குறித்து நோட்டீஸ் அனுப்பப்பட்டது. அதை கண்ட அதிமுக கவுன்சிலர்கள் தமிழகத்தையே உலுக்கிய கள்ளச்சாராயம் சம்பவத்தில் கள்ளக்குறிச்சியில் 67 பேர் உயிரிழந்த நிலையில் அதற்கு ஒரு இரங்கல் தீர்மானம் இல்லாததாலும், மேலும் நகர மன்ற கூட்டத்தில் இரங்கல் தீர்மானத்தை எழுத்துப்பூர்வமாக நிறைவேற்ற வேண்டும் என்பதை வலியுறுத்தி கருப்பு சட்டை அணிந்து அதிமுக கவுன்சிலர்கள் நகராட்சி கூட்டத்தில் கலந்து கொண்டனர். இதை கண்ட சேர்மன் சுப்பராயலு  வாய்மொழியாக ஒரு நிமிடம் மௌன அஞ்சலி தெரிவிக்கப்படும் என தெரிவித்து கூட்டத்தை தொடங்கினார்.

இந்த கூட்டத்தில் பேசிய அதிமுக நகரச் செயலாளரும், 11-வது வார்டு கவுன்சிலருமான பாபு, “கள்ளச்சாராயம் குடித்து 67 பேர் உயிரிழந்த சம்பவம் பெரும் பரபரப்பு ஏற்படுத்திய நிலையில் அது தொடர்பாக ஒரு தீர்மானம் கூட நிறைவேற்றாமல் இரங்கல் தீர்மானம் இல்லாமல் இந்த கூட்டம் நடப்பதால் இதிலிருந்து நாங்கள் வெளியேறுகிறோம்” என்று கூட்டத்திலிருந்து வெளியேறினர். அப்போது நகராட்சி சேர்மன் சுப்புராயலு உடனடியாக எழுந்து மைக்கை பிடித்து மக்கள் முதல்வர் வாழ்க என கோஷம் எழுப்பினார்.

இதற்கு அதிமுக கவுன்சிலர்களும், “எதிர்க்கட்சித் தலைவர் எடப்பாடி பழனிச்சாமி வாழ்க...” என முழக்கம் எழிப்பினர். இதனால் திமுக கவுன்சிலர்களும், அதிமுக கவுன்சிலர்களும் தங்கள் தலைவர்கள் புகழைப் பாடிக்கொண்டு கோஷம் எழுப்பினர். மேலும் ஒரு கட்டத்தில் வாக்குவாதம் ஆக மாறி  பெரும் கூச்சல் குழப்பம் ஏற்பட்டது. அப்போது திமுக கவுன்சிலர்கள் தங்கள் ஆட்சியில் செய்த சாதனைகளை சொல்லியும் அதிமுக கவுன்சிலர்கள் இந்த திமுக ஆட்சியில் நிறைவேற்றப்படாத பல்வேறு குற்றச்சாட்டுகளை முன்வைத்தும் வலுவாக கோஷம் எழுப்பி மேஜயை தட்டி பயங்கர வாக்குவாதத்தில் ஈடுபட்டதால் கூட்டு அரங்கம் முழுவதும் பெரும் பரபரப்பு ஏற்பட்டது.

மேலும் கள்ளச்சாராயம் குடித்து  உயிரிழந்த பட்டியலின மக்களுக்கு விரோதமாக நகராட்சி ஆணையரும் தமிழக முதல்வரும் செயல்படுவதாக அதிமுக கவுன்சிலர்கள் கோஷம் எழுப்பியவாறு வெளிநடப்பு செய்தனர். இதனால் அந்தப் பகுதியில் பெரும் பரபரப்பு ஏற்பட்டது. பின்னர் அதிமுக கவுன்சிலர் வெளியேறிய பின்பு திமுக கவுன்சிலர்கள் கலந்து கொண்ட கூட்டம் நடைபெற்றது.

Next Story

நீட் தேர்வு விவகாரம்; காங்கிரஸ் - திமுக முக்கிய முடிவு!

Published on 22/07/2024 | Edited on 22/07/2024
NEET Exam Issue; Congress - DMK important result

இளநிலை மருத்துவப் படிப்பிற்காக இந்த ஆண்டு நடைபெற்ற நீட் தேர்வில் முறைகேடு நடந்ததாகப் பல புகார்கள் எழுந்தது. அந்த வகையில், நீட் தேர்வின் வினாத்தாள் கசிவு, கருணை மதிப்பெண், 67 பேருக்கு முழு மதிப்பெண்கள், நீட் தேர்வின் போது ஏற்பட்ட குளறுபடிகள், ஆள்மாறாட்டம் செய்து நீட் தேர்வு எழுதியது, ஒரே பயிற்சி மையத்தைச் சேர்ந்த பல மாணவர்கள் நிறைய மதிப்பெண்கள் எடுத்தது எனத் தொடர்ச்சியாக பல்வேறு புகார் மனுக்கள் உச்சநீதிமன்றத்தில் தாக்கல் செய்யப்பட்டு வழக்குகள் குவிந்தன.

இந்நிலையில் நாடாளுமன்ற பட்ஜெட் கூட்டத்தொடர் இன்று (22.07.2024) தொடங்குகிறது. இந்த பட்ஜெட் கூட்டத்தொடர் ஆகஸ்ட் 12 ஆம் தேதி வரை மொத்தம் 19 அமர்வுகளுடன் நடைபெறவுள்ளது. இதனையொட்டி 2024-25 ஆம் நிதியாண்டுக்கான பட்ஜெட்டை மத்திய நிதியமைச்சர் நிர்மலா சீதாராமன் நாளை (23.07.24) தாக்கல் செய்ய உள்ளார்.

இந்த பரபரப்பான சூழ்நிலையில் நீட் தேர்வு முறைகேடு தொடர்பான விவகாரம், நீட் தேர்வுக்கான வினாத்தாள் விற்பனை ஆகியவை குறித்தும் திமுக மற்றும் காங்கிரஸ் கட்சியைச் சேர்ந்த எம்.பி.க்கள் மக்களவையில் எழுப்ப உள்ளனர்.  அதன்படி மக்களவையில் காங்கிரஸ் எம்.பி. மாணிக்கம் தாகூர், திமுக எம்.பி. கலாநிதி வீராசாமி ஆகியோர் இன்றைய கேள்வி நேரத்தில் எழுப்ப உள்ளதாக மாணிக்கம் தாகூர் எம்.பி. எக்ஸ் சமூக வலைத்தளத்தில் பதிவிட்டுள்ளார்.