Skip to main content

'காற்றில் ஊழல் செய்த ஒரே கட்சி திமுக' - எடப்பாடி பழனிசாமி கடும் விமர்சனம்!

Published on 06/04/2024 | Edited on 06/04/2024
nn

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

திமுக, அதிமுக, நாம் தமிழர், பாஜக ஆகிய கட்சிகள் தீவிர பரபரப்பில் ஈடுபட்டு வருகிறது. திருச்சியில் அதிமுக வேட்பாளர் கருப்பையாவை ஆதரித்து அக்கட்சியின் பொதுச் செயலாளர் எடப்பாடி பழனிச்சாமி பிரச்சாரம் மேற்கொண்டார். அப்பொழுது கூட்டத்தில் பேசிய அவர், ''ஓட்டு போட்ட மக்களின் அடிப்படைத் தேவைகளை பூர்த்தி செய்வது தான் எங்களுடைய லட்சியம். உங்களைப் போல குடும்ப உறுப்பினர்களை ஆட்சி அதிகாரத்தில் உட்கார வைத்து கொள்ளையடிக்க வைப்பது எங்களுக்கு லட்சியம் அல்ல.

எங்கள் கட்சியை பொறுத்தவரை ஜனநாயக கட்சி. மக்களுக்காகவே உழைக்க வேண்டும் என எம்ஜிஆரும், ஜெயலலிதாவும் எங்களுக்கு அற்புதமான பாடத்தை கற்றுக் கொடுத்துவிட்டு சென்றிருக்கிறார்கள். உங்கள் அப்பாவைப்போல் எல்லாம் எங்களது தலைவர்கள் கிடையாது. உங்கள் கட்சி ஒரு கார்ப்பரேட் கம்பெனி. அது கட்சி அல்ல. ஆனால் அதிமுக மக்களுக்காக நன்மை செய்வதற்காக தோற்றுவிக்கப்பட்ட கட்சி. ஏழை எளிய, ஒடுக்கப்பட்ட, நசுக்கப்பட்ட கடைக்கோடியில் இருக்கக்கூடிய மக்களுக்கு கூட அதிமுக அரசுக்கு உதவுகின்ற மனப்பான்மையை இன்று வரை இருக்கிறது.

அண்ணா கண்ட கனவை நினைவாக்க வேண்டும் என்ற அடிப்படையில் தான் எம்ஜிஆர் அண்ணா திமுக என்ற கட்சியை துவக்கினார். அன்றிலிருந்து இன்று வரை பல பொன்விழா கண்டிருக்கிறோம். யாராலும் இந்த கட்சியை அசைக்க முடியவில்லை. எவ்வளவு பிரச்சனைகள் இடையில் ஏற்பட்டது. கலைஞர் இருந்தபோதும் ஏற்பட்டது ஸ்டாலின் இருக்கும் பொழுதும் ஏற்பட்டது. இந்த கட்சியை உடைக்க வேண்டும்; செயல்படாது தடுக்க வேண்டும் என பல்வேறு முயற்சிகள் செய்தார்கள். அத்தனையும் இந்த மக்கள் துணையோடு தகர்த்து எறிந்த கட்சி அதிமுக.

சில எட்டப்பர்களும் இருந்தார்கள். இந்த சின்னத்தை முடக்கணும் என்று திமுகவோடு சேர்ந்து நமக்கு எவ்வளவு தொல்லைகளை கொடுத்தார்கள். ஆனால் திமுகவால் ஒன்றும் செய்ய முடியவில்லை. காங்கிரஸ் மத்தியில் இருந்த பொழுது திமுகவினர் பலர் அமைச்சர்களாக இருந்தார்கள். அந்த நேரத்தில் 2ஜி ஸ்பெக்ட்ரம் ஊழல் ஒரு லட்சத்து 72 ஆயிரம் கோடி ஊழல் செய்து தமிழ்நாட்டை தலைகுனிய வைத்த கட்சி திமுக. கண்ணுக்கு தெரியாத காற்றிலும் ஊழல் செய்த ஒரே கட்சி திமுக. இந்தியாவிலே  ஊழலுக்காக கலைக்கப்பட்ட அரசாங்கம் என்று சொன்னால் அது திமுக அரசாங்கம் ஒன்றுதான்'' என்று கடுமையாக சாடினார்.

சார்ந்த செய்திகள்

 

Next Story

மின் கட்டண உயர்வு, சட்ட ஒழுங்கு பிரச்சனையைக் கண்டித்து அதிமுக போராட்டம்! (படங்கள்)

Published on 23/07/2024 | Edited on 23/07/2024

 

தமிழகத்தில் முதல்வர் ஸ்டாலின் தலைமையிலான அரசால் சட்ட ஒழுங்கு சீர்கெட்டுள்ளதாக அதிமுக உள்ளிட்ட எதிர்க்கட்சிகள் தொடர்ந்து குற்றம் சாட்டி வருகிறது. இந்த நிலையில் அண்மையில் தமிழக அரசு மின் கட்டணத்தை உயர்த்திருந்தது. இதற்கு அதிமுக கடும் எதிர்ப்பினை தெரிவித்து வருகிறது. 

இந்த நிலையில் திமுக தலைமையிலான அரசு பதவியேற்று மூன்று ஆண்டுகளில் மூன்றாவது முறையாக மின்கட்டணத்தை உயர்த்தியுள்ளதைக் கண்டித்தும், தமிழகத்தின் சட்ட ஒழுங்கு பிரச்சனை ஆகியற்றைக் கண்டித்தும் சென்னை தங்க சாலை பேருந்து நிலையத்தில் அதிமுக சார்பில் முன்னாள் அமைச்சர் ஜெயகுமார் தலைமையில் போராட்டம் நடைபெற்றது. 

Next Story

ஆஜரான எம்.ஆர்.விஜயபாஸ்கர்; அதிரடி உத்தரவிட்ட நீதிமன்றம்

Published on 22/07/2024 | Edited on 22/07/2024
nn

கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி. அலுவலகத்தில் புகார் ஒன்றை அளித்திருந்தார். அதில், தோரணக்கல்பட்டி மற்றும் குன்னம்பட்டியில் தனக்குச் சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாகப் பத்திரப்பதிவு செய்து உள்ளனர் என்று கூறியிருந்தார்.

மேலும் இது தொடர்பாக மேலக்கரூர் பொறுப்பு சார்பதிவாளரும் கரூர் நகரக் காவல் நிலையத்தில் புகார் அளித்திருந்தார். அதனைத் தொடர்ந்து இந்த வழக்கு சிபிசிஐடிக்கு மாற்றப்பட்டது. அதே சமயம் இந்த வழக்கில் தனது பெயர் சேர்க்கப்படலாம் என்று கருதி முன்னாள் அமைச்சர் எம்.ஆர். விஜயபாஸ்கர் முன்ஜாமீன் கேட்டு கரூர் மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தார். இதையடுத்து நில அபகரிப்பு வழக்கில் எம்.ஆர். விஜயபாஸ்கரின் முன் ஜாமீன் மனுக்களை நீதிபதி தள்ளுபடி செய்து உத்தரவிட்டிருந்தார்.

இதற்கிடையே தலைமறைவாக கேரளாவில் பதுங்கி இருந்த எம்.ஆர். விஜயபாஸ்கர் தனிப்படை போலீசாரால் கடந்த 16 ஆம் தேதி (16.07.2024) கைது செய்யப்பட்டார். இத்தகைய பரபரப்பான சூழலில் எம்.ஆர். விஜயபாஸ்கருக்கு வரும் 31ஆம் தேதி வரை என 15 நாட்கள் நீதிமன்ற காவல் விதிக்கப்பட்டு திருச்சி மத்தியச் சிறையில் அடைக்கப்பட்டிருந்தார்.

இந்நிலையில் சிபிசிஐடி போலீசார் தாங்கள் தொடர்ந்த வழக்கு தொடர்பாக எம்.ஆர்.விஜயபாஸ்கரை போலீஸ் காவலில் எடுத்து விசாரிக்க வேண்டும் என ஏழு நாட்கள் அனுமதி கோரி மனுத்தாக்கல் செய்திருந்தது. குற்றவியல் நடுவர் நீதிமன்றத்தில் விசாரணைக்கு வந்த இந்த வழக்கில் இரண்டு மணி நேரம் விசாரணை நடைபெற்றது. விசாரணைக்குப் பின்னர் நீதிமன்ற நடுவர் பரத்குமார் இரண்டு நாட்கள் எம்.ஆர் விஜயபாஸ்கரை போலீஸ் காவலில் வைத்து விசாரிக்க சிபிசிஐடி போலீசாருக்கு அனுமதி அளித்து உத்தரவிட்டுள்ளார்.