Skip to main content

காலில் விழுந்த பயனாளி... தடுத்து நிறுத்திய மாவட்ட கலெக்டர்!

Published on 10/07/2019 | Edited on 10/07/2019

திண்டுக்கல் மாவட்டத்தில் உள்ள வத்தலகுண்டு அருகே சந்தையூர் ஊராட்சி வலையபட்டி கிராமத்தில் மக்கள் தொடர்பு முகாம் நடைபெற்றது. இந்த முகாமிற்கு மாவட்ட ஆட்சியர் விஜயலட்சுமி தலைமை வகித்தார், கோட்டாட்சியர் முன்னிலை வகித்தார். வட்டாட்சியர் நவநீதகிருஷ்ணன் வரவேற்றார். 

முகாமில் பல்வேறு துறைகளைச் சார்ந்த அரசு அதிகாரிகள் அரசின் நலத்திட்ட உதவிகள் குறித்து திட்ட விளக்க உரை நிகழ்த்தினர். பின்னர் 264 பயனாளிகளுக்கு ரூபாய் 5 லட்சம் செலவில் நலத்திட்ட உதவிகள் வழங்கி மாவட்ட ஆட்சியர் விஜயலட்சுமி வழங்கி சிறப்புரையாற்றினார்.

collector

அவர் பேசும்போது, திண்டுக்கல் மாவட்டத்தில் பிறக்கும் குழந்தைகள் ஊட்டச்சத்து குறைவாக இருப்பதாக தகவல்கள் தெரிவிக்கின்றன எனவே தாய்மார்கள் ஊட்டச்சத்துமிக்க உணவுகளை குழந்தைகளுக்கு தர வேண்டும் அதற்காக ஹார்லிக்ஸ் பூஸ்ட் போன்ற உணவு பொருள்களை தான் கொடுக்க வேண்டும் என்ற அவசியம் இல்லை இரும்புச் சத்துகள் மிகுந்த சத்து மாவுகள் கடலை மிட்டாய் மற்றும் நவதானிய பொருட்களை குழந்தைகளுக்கு கொடுங்கள் என்று பேசினார்.

nn


அந்த நிகழ்ச்சியில் நலத்திட்ட உதவிபெற வந்தவர்கள் மாவட்ட ஆட்சியரின் காலில் விழ அதிர்ச்சி அடைந்த மாவட்ட ஆட்சியர் முதியவர் ஒருவரிடம் உங்கள் வயது என்ன ஏன் என் காலில் விழுகிறீர்கள் என கடிந்து கொண்டார். அப்படி இருந்தும் பலரும் காலில் விழ முன்வரவே அருகில் இருந்த அதிகாரி ஒருவர் மனு கொடுக்க வருபவர்கள் யாரும் காலில் விழாத வண்ணம் அவர்களை பிடித்து கொண்டபடியே இருந்தார். முன்னதாக மாவட்ட ஆட்சியர் வருவதற்கு முன்பு வானவேடிக்கை மற்றும் மயிலாட்டம், மாடாட்டம் உள்ளிட்டவை வைத்து சிறப்பான வரவேற்பு அளிக்கப்பட்டது. இதனை வருவாய்த்துறை அதிகாரிகள் செய்திருந்தனரா அல்லது பொதுமக்கள் செய்து இருந்தனரா என தெரியவில்லை.

 

 

 

சார்ந்த செய்திகள்

Next Story

'எல்லாருமே திருடங்கதான்... சொல்லப் போனா...' - பாடலுக்கு நடனமாடியபடி வந்த சுயேச்சை வேட்பாளர்

Published on 28/03/2024 | Edited on 28/03/2024
Independent candidate danced to the song 'ellarume Thirudangathan... sollpona...'

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

நேற்று வேட்புமனு தாக்கல் முடிந்த நிலையில் இன்று மனுக்கள் பரிசீலனைக்கு எடுத்துக் கொள்ளப்பட இருக்கிறது. நேற்று முக்கிய கட்சிகளின் பிரமுகர்கள் முதல் சுயேச்சை வேட்பாளர்கள் எனப் பலர் இறுதி நாள் என்பதால் வேட்பு மனுக்களைத் தாக்கல் செய்தனர். வேட்புமனு தாக்கல் செய்ய வரும் சுயேச்சை வேட்பாளர்கள் மற்றும் அரசியல் கட்சியைச் சேர்ந்த வேட்பாளர்கள் சிலர் நூதன முறைகளில் வந்து வேட்புமனு தாக்கல் செய்வது முன்னரே பல தேர்தல்களில் நடந்துள்ளது.

தேர்தல் நேரங்களில் இதுபோன்ற நூதன சம்பவங்கள் நடைபெறுவது வழக்கம். அந்த வகையில் திண்டுக்கல்லில் வேட்புமனு தாக்கல் செய்ய வந்த சுயேச்சை வேட்பாளர் ஒருவர் 'எல்லாருமே திருடங்கதான் சொல்லப்போனால் குருடங்கதான்' என்ற பாடலை ஒலிக்கவிட்டபடி சாலையில் நடனமாடிக்கொண்டே வேட்புமனு தாக்கல் செய்ய வந்தார். இது தொடர்பான வீடியோ காட்சிகள் இணையத்தில் வைரலாகி வருகிறது.

Next Story

காற்றில் பறக்கும் தேர்தல் விதிமுறை-நிலக்கோட்டையில் அதிகாரிகளின் மெத்தனம்

Published on 17/03/2024 | Edited on 17/03/2024
Is there an election? Or not?- Complacency of authorities in Nilakottai

பல்வேறு எதிர்பார்ப்புகளுக்கு மத்தியில் நேற்று பிற்பகல் நாட்டின் 18 வது நாடாளுமன்ற தேர்தலுக்கான தேதிகள் அறிவிக்கப்பட்டது. மொத்தமாக ஏழு கட்டங்களாக தேர்தல் அறிவிக்கப்பட்டுள்ள நிலையில் முதற்கட்டமாக தமிழ்நாட்டில் ஏப்ரல் 19ஆம் தேதி நாடாளுமன்ற தேர்தல் நடைபெற இருக்கிறது. ஏற்கனவே தமிழகத்தில் உள்ள அரசியல் கட்சிகள் கூட்டணி, தொகுதிப் பங்கீடு என தீவிரம் காட்டி வரும் நிலையில் தேர்தல் தேதி அறிவிக்கப்பட்டதால் தேர்தல் நடத்தை விதிமுறைகள் அமலுக்கு வந்துள்ளது. இந்நிலையில் திண்டுக்கல் மாவட்டத்தில் உள்ள நிலக்கோட்டை தொகுதியில் தேர்தல் நடைமுறைகள் அமல்படுத்துவதில் அரசு அதிகாரிகள் மெத்தனம் காட்டி வருவதாகக் கூறப்படுகிறது.

நிலக்கோட்டை பேருந்து நிலையம் அருகே நிலக்கோட்டை சட்டமன்றத் தொகுதியின் அலுவலகம் உள்ளது. பாராளுமன்ற தேர்தலை முன்னிட்டு நேற்று தேர்தல் தேதி அறிவித்தும் கூட இதுவரை சீல் வைக்கப்படவில்லை. எம்.எல்.ஏ தேன்மொழி ஆதரவாளர்கள் வழக்கம்போல்  சட்டமன்ற அலுவலகத்தை பூட்டிச் சென்ற பூட்டு மட்டுமே அங்கு காட்சிப் பொருளாக தொங்குகின்றதே தவிர தேர்தல் விதி முறைகளின்படி அந்த அலுவலகத்திற்கு அதிகாரிகள் சீல் வைக்காமல் மெத்தனப் போக்கை கடைபிடித்து வருகிறார்கள்.

இதே போல் தொகுதி முழுவதும் கொடிக் கம்பங்கள் அகற்றப்படவில்லை ஆளுங்கட்சி, எதிர்க்கட்சி என அனைவரும் சாலையில் வைத்துள்ள பேனர்கள் அப்படியே இருக்கிறது. தொகுதியில் தேர்தல் நடக்கிறதா? இல்லையா? என பொதுமக்கள் கேட்கும் அளவிற்கு அதிகாரிகளின் செயல்பாடு மெத்தனமாக உள்ளதாகக் குற்றச்சாட்டும் எழுந்து வருகிறது.