Skip to main content

வழக்கறிஞரை  தாக்கிய பெண்  ஆய்வாளர்! திண்டுக்கல்லில்  சாலை மறியல்

Published on 18/06/2019 | Edited on 18/06/2019

 


திண்டுக்கல்லில் உள்ள அனைத்து மகளிர் காவல் நிலைய ஆய்வாளராக வசந்தி பணிபுரிந்து வருகிறார்.  இந்நிலையில்   ஒரு வழக்கு சம்பந்தமாக வக்கீல் தியாகு என்பவர் அனைத்து மகளிர்  காவல் நிலையத்திற்கு சென்று பெண் ஆய்வாளரிடம் பேச்சுவார்த்தை நடத்தியுள்ளார்.  அப்போது இரண்டு பேருக்கும் இடையே வாய் தகராறு ஏற்பட்டதாக கூறப்படுகிறது.   இந்நிலையில் தான்  ஆய்வாளர் வசந்தி வக்கீல் தியாகுவை தாக்கியுள்ளார்.  இதனை பார்த்த அங்கிருந்த போலீஸ்காரர்களும் வக்கீல் தியாகுவை தாக்கியுள்ளனர்.  இதில் ரத்த காயம் அடைந்த தியாகுவை சிகிச்சைக்கு அரசு மருத்துவமனைக்கு அனுப்பாமல் அருகிலுள்ள திண்டுக்கல் நகர் வடக்கு காவல் நிலையத்தில் அடைத்து வைத்திருந்தனர்.

 

k

 காயமடைந்த  தியாகுவை உடனடியாக சிகிச்சைக்கு அரசு மருத்துவமனைக்கு அனுப்பி வைக்க வேண்டும் சம்பந்தப்பட்ட ஆய்வாளர் மீது வழக்கு பதிவு செய்ய வேண்டும் என வலியுறுத்தி வழக்கறிஞர்கள் 100கும் மேற்பட்டோர் திண்டுக்கல்  - திருச்சி சாலையில் உள்ள அரசு மருத்துவமனை முன்பு தரையில் அமர்ந்து சாலை மறியல் போராட்டத்தில் ஈடுபட்டனர்.    

 

           இதனால் அப்பகுதியில் போக்குவரத்து பாதிப்பு ஏற்பட்டது இதனையடுத்து சம்பவ இடத்திற்கு விரைந்து வந்த திண்டுக்கல் நகர துணை கண்காணிப்பாளர் மணிமாறன் வக்கீல்களிடம்  சமரச பேச்சுவார்த்தை நடத்தினார்.  இதனை அடுத்து ஒரு மணி நேர சாலை மறியல் போராட்டம் கைவிடப்பட்டது.

k


 இதனைத் தொடர்ந்து ரத்த காயம் அடைந்த தியாகு திண்டுக்கல் அரசு மருத்துவமனையில் சிகிச்சைக்காக அனுமதிக்கப் பட்டுள்ளார்.   சம்பந்தப் பட்ட ஆய்வாளர் மீது வழக்குப் பதிவு செய்து நடவடிக்கை எடுக்க வேண்டும் என வலியுறுத்தி திண்டுக்கல் வடக்கு காவல் நிலையத்தை வக்கீல்கள் முற்றுகையிட்டு தரையில் அமர்ந்து போராட்டத்தில் ஈடுபட்டுள்ளனர்.  இதனால் அப்பகுதியில் பெரும் பரபரப்பு ஏற்பட்டுள்ளது. 

 

 இந்நிலையில் அனைத்து மகளிர் காவல்நிலைய ஆய்வாளர் வசந்தி வக்கீல் தியாகு தன்னை தாக்கியதாக திண்டுக்கல் நகர் வடக்கு ஆணையத்தில் புகார் அளித்துள்ளார். அதேபோல் வக்கீல் தியாகு அனைத்து மகளிர் காவல்நிலைய ஆய்வாளர் வசந்தி தன்னை தாக்கியதாக திண்டுக்கல் நகர் வடக்கு காவல் நிலையத்தில் புகார் அளித்துள்ளார்.  இரண்டு புகாரின் பேரில் வழக்குப்பதிவு செய்து போலீசார் விசாரணை நடத்தி வருகின்றனர். இச் சம்பவம் திண்டுக்கல் மாநகரில் பெரும் பரபரப்பை ஏற்படுத்தியுள்ளது.

சார்ந்த செய்திகள்

 

Next Story

கள்ளச்சாராய விவகாரம்; பலி எண்ணிக்கை உயர்வு!

Published on 22/06/2024 | Edited on 22/06/2024
Counterfeit case The number of victims is increasing

கள்ளக்குறிச்சியில் கள்ளச்சாராயம் குடித்து பலர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. கள்ளக்குறிச்சி அரசு மருத்துவமனை, சேலம் அரசு மருத்துவமனை, விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் பாதிக்கப்பட்டவர்களுக்கு தொடர்ந்து தீவிர சிகிச்சை அளிக்கப்பட்டு வருகிறது.

இதற்கிடையே தமிழகம் முழுவதும் காவல்துறையினர் கள்ளச்சாராய தடுப்பு நடவடிக்கைகளைத் தொடங்கியுள்ளனர். கள்ளக்குறிச்சியில் கள்ளச்சாராய விவகாரத்தில் முக்கிய குற்றவாளியாக கருதப்படும் மாதேஷ் என்பவர் கைது செய்யப்பட்டார். இவர் கள்ளச்சாராயத்தில் கலக்கப்பட்ட மெத்தனால் விநியோகித்ததாகக் கூறப்படுகிறது. அதே சமயம் இந்தக் கள்ளக்குறிச்சி விஷச் சாராய விவகாரத்தில் தொடர்புடைய ஜோசப் ராஜா என்பவரும் கைது செய்யபட்டார். புதுச்சேரியில் இருந்து சாராயம் மற்றும் மூலப்பொருட்களை ஜோசப் ராஜா வாங்கி விநியோகம் செய்பவர் என போலீஸ் விசாரணையில் தகவல் வெளியாகி இருந்தது. 

Counterfeit case The number of victims is increasing

மேலும் இந்தச் சம்பவம் தொடர்பாக ஓய்வுபெற்ற நீதிபதி கோகுல்தாஸ் தலைமையில் விசாரணை நடத்த ஒரு நபர் ஆணையத்தை தமிழக முதல்வர் மு.க. ஸ்டாலின் அமைத்து உத்தரவிட்டிருந்தார். இதனையடுத்து நீதிபதி கோகுல்தாஸ் சம்பவம் நிகழ்ந்த கருணாபுரம் பகுதிக்கு நேரில் சென்று உயிரிழந்தவர்களின் குடும்பத்தினரிடம் தனித்தனியாக விசாரணை நடத்தினார். அதனைத் தொடர்ந்து கள்ளக்குறிச்சி அரசு மருத்துவமனையில் பாதிக்கப்பட்டவர்களை சந்தித்து நீதிபதி கோகுல்தாஸ் ஆய்வு மேற்கொண்டார்.

இந்நிலையில் கள்ளக்குறிச்சியில் கள்ளச்சாராய சம்பவத்தில் உயிரிழந்தோரின் எண்ணிக்கை 54 ஆக அதிகரித்துள்ளது. கள்ளக்குறிச்சி மருத்துவமனையில் சிகிச்சை பெற்று வந்த பரமசிவம் மற்றும் கல்யான சுந்தரம் ஆகியோர் உயிரிழந்த நிலையில் பலி எண்ணிக்கை 54 ஆக உயர்ந்துள்ளது. இதில் கள்ளச்சாராயம் அருந்திய 4 பெண்கள் உட்பட 54 பேர் இதுவரை உயிரிழந்துள்ளது குறிப்பிடத்தக்கது. மேலும் சிகிச்சையில் இருக்கும் 10 பேர் முழுமையாக கண்பார்வையை இழந்திருப்பதாக மருத்துவர்கள் தகவல் தெரிவித்துள்ளனர். 

Next Story

தடை செய்யப்பட்ட லாட்டரி விற்பனை; இருவர் கைது

Published on 21/06/2024 | Edited on 21/06/2024
Prohibited lottery sales; Two arrested

தமிழ்நாடு அரசால் தடை செய்யப்பட்ட லாட்டரி சீட்டுகள் விற்பனையைத் தடுக்க போலீசார் தீவிர நடவடிக்கை மேற்கொண்டு வருகின்றனர். அதனடிப்படையில், ஈரோடு தாலுகா போலீசார் தங்களது காவல் எல்லைக்கு உட்பட்ட சென்னிமலை, ரோடு, கே.கே. நகர் பகுதியில் கண்காணிப்பில் ஈடுபட்டிருந்தனர்.

அப்போது, அங்குள்ள துணி சலவை செய்யும் கடையின் அருகில் சந்தேகத்திற்கிடமாக நடமாடிய இருவரைப் பிடித்து விசாரித்தனர். அதில், அவர்கள் இருவரும் காசி பாளையத்தை சேர்ந்த சண்முகசுந்தரம் (38), பூவரசன் (27) என்பது தெரியவந்தது.மேலும், விசாரணையில், அவர்கள் இருவரும் தமிழ்நாடு அரசால் தடை செய்யப்பட்ட வெளி மாநில லாட்டரி சீட்டுகளை விற்பனை செய்து வந்ததும் தெரியவந்தது. இதையடுத்து, போலீசார் அவர்கள் மீது வழக்குப்பதிவு செய்து கைது செய்தனர். மேலும், அவர்களிடமிருந்து லாட்டரி சீட்டுகளின் எண்கள் எழுதப்பட்ட வெள்ளை தாள்கள் 10, 2 செல்போன் ஆகியவற்றையும் பறிமுதல் செய்தனர்.