Skip to main content

17 வயது சிறுமி கர்ப்பம்; தாய்மாமன் கைது

Published on 12/05/2023 | Edited on 12/05/2023

 

cuddalore kullanchavadi nearest village seventeen year old girl child incident 

 

கடலூர் மாவட்டம் குள்ளஞ்சாவடி அருகே உள்ள பொய்க்காநத்தம் என்ற கிராமத்தைச் சேர்ந்த செல்வநாதன் என்பவரது மகன் தமிழ்ச்செல்வன் (வயது 25). கூலித் தொழிலாளியான இவருக்கும் இவருடைய சகோதரி அலமேலு மகள் பதினேழு வயது சிறுமிக்கும் கடந்த ஜனவரி மாதம் உறவினர்கள் முன்னிலையில் திருமணம் நடந்துள்ளது.

 

சகோதரியின் கணவர் சில மாதங்களுக்கு முன்பே இறந்துவிட்டார். இந்நிலையில் அலமேலு தனது கணவர் இல்லாமல் பிள்ளைகளை வைத்து கொண்டு குடும்பத்தை வழி நடத்துவதற்கு மிகவும் சிரமப்பட்டுள்ளார். தனது சகோதரன் தமிழ்ச்செல்வனுக்கு தனது மகளை திருமணம் செய்து கொடுத்தால் தனது குடும்பப் பராமரிப்பை சகோதரன் பார்த்துக்கொள்வான் என்ற அடிப்படையில் இரு குடும்பத்தினரின் சம்மதத்தின் பேரில் 17 வயது சிறுமியை தமிழ்ச்செல்வன் திருமணம் செய்து கொண்டுடுள்ளார். மேலும் தனது சகோதரி குடும்பத்திற்கு பல்வேறு உதவிகளையும் செய்து வந்துள்ளார்.

 

இந்நிலையில் சட்டத்திற்குப் புறம்பாக சிறுமியை தமிழ்ச்செல்வன் திருமணம் செய்துகொண்ட தகவலை சிலர் மாவட்ட சமூக நலத் துறை அதிகாரிகளுக்கு தெரிவித்துள்ளனர். இதையடுத்து அதிகாரிகள் நேரடியாகச் சென்று விசாரணை செய்தனர். விசாரணையில் 17 வயது சிறுமியை தாய்மாமன் தமிழ்ச்செல்வன் திருமணம் செய்து கொண்டது உறுதி செய்யப்பட்டது.

 

இதையடுத்து சமூக நலத்துறை அலுவலர்கள் நெய்வேலி அனைத்து மகளிர் காவல் நிலையத்தில் இது குறித்து புகார் அளித்தனர். அவர்களது புகாரின் பேரில் ஆய்வாளர் விஷ்ணு பிரியா மற்றும் போலீசார் வழக்குப் பதிவு செய்து சிறுமியை திருமணம் செய்த தமிழ்ச்செல்வன், அவரின் தந்தை செல்வநாதன் மற்றும் சிறுமியின் தாயான தமிழ்ச்செல்வனின் சகோதரி அலமேலு ஆகிய மூவர் மீதும் குழந்தை திருமண தடுப்புச் சட்டத்தின் கீழ் வழக்குப் பதிவு செய்து விசாரணை நடத்தி வருகிறார்கள். தாய்மாமனை திருமணம் செய்து கொண்ட சிறுமி தற்போது கர்ப்பிணியாக உள்ளார் என்பது கண்டறியப்பட்டுள்ளது. 

 

 

சார்ந்த செய்திகள்

Next Story

ஐ.டி. ஊழியர் ஏமாற்றம்; லட்சக்கணக்கில் மோசடி

Published on 02/03/2024 | Edited on 02/03/2024
18 lakh rupees scam by IT employee claiming profit from stock trading

திருச்சி திருவானைக்காவல் அழகப்பா தெரு பகுதியைச் சேர்ந்தவர் ராமச்சந்திரன்(46) பெயர் மாற்றப்பட்டுள்ளது. இவர் சென்னையில் ஐ.டி. நிறுவனத்தில் என்ஜினியராக வேலை பார்த்து வருகிறார். இவர் தனது இன்ஸ்டாகிராம் பக்கத்தில் இருந்து பகுதி நேர வேலை என்ற ஒரு லிங்கை டவுன்லோட் செய்தார். அப்போது அதில் பங்கு வர்த்தகத்தில் முதலீடு செய்தால் அதிக லாபம் ஈட்டித் தருவதாகத் தெரிவிக்கப்பட்டிருந்தது. 

இதனை நம்பிய ராமச்சந்திரன், மோசடி நபர்கள் கூறிய 8 வங்கிக் கணக்குகளுக்கு பல்வேறு தவணைகளாக கடந்த 3 மாதத்தில் ரூ.18 லட்சத்து 45 ஆயிரம் பணத்தை அனுப்பி வைத்தார். பின்னர் அந்த மர்ம ஆசாமிகள் அவருக்கு லாபத் தொகையும் தரவில்லை. முதலீடு செய்த பணத்தையும் திரும்பத் தராமல் ஏமாற்றிவிட்டனர். பின்னர் தான் ஏமாற்றப்பட்டதை உணர்ந்து கொண்ட ராமச்சந்திரன், இதுகுறித்து ஆன்லைன் மூலமாக திருச்சி மாநகர சைபர் கிரைம் போலீசில் புகார் செய்தார். அதன் பேரில் இன்ஸ்பெக்டர் கன்னிகா வழக்குப் பதிவு செய்து விசாரணை நடத்தி வருகிறார்.

Next Story

சென்னையை உலுக்கிய வழக்கில் பல வருடங்கள் கழித்து கிடைத்த தீர்ப்பு

Published on 02/03/2024 | Edited on 02/03/2024
The verdict came after many years in the case that rocked Chennai

கடந்த 2018 ஆம் ஆண்டு சென்னையில் கே.கே.நகரில் கல்லூரியில் பயின்று வந்த கல்லூரி மாணவியை இளைஞர் கொலை செய்த சம்பவத்தில் அந்த இளைஞருக்கு அபாரதத்துடன் ஆயுள் தண்டனை வழங்கப்பட்டுள்ளது.

முதலாம் ஆண்டு படித்து வந்த மாணவி அஸ்வினி கல்லூரி முடிந்து வெளியே வந்தபோது அழகேசன் என்ற இளைஞரால் கொடூரமாக கழுத்தறுத்துக் கொல்லப்பட்டார்.

மதுரவாயல் பகுதியைச்சேர்ந்தவர் அஸ்வினி. கடந்த 2018 ஆம் ஆண்டு மார்ச் மாதம் சென்னையில் கே.கே.நகர் மேற்கில் உள்ள மீனாட்சி கல்லூரியில் பி.காம். பயின்று வந்தார். தந்தை இல்லாத நிலையில் தாய்தான் அவரை படிக்க வைத்து வந்தார். அதே பகுதியைச் சேர்ந்த அழகேசன் என்ற இளைஞர் அஸ்வினியை ஒருதலையாக காதலித்து வந்துள்ளார். கடைசிவரை அஸ்வினி அழகேசனின் காதலை ஏற்கவில்லை. இதனால் ஆத்திரம் அடைந்த அழகேசன்,  அஸ்வினியின் வீட்டு வாசலில் வைத்தே கட்டாய தாலி கட்டியுள்ளார். இது குறித்து போலீசில் புகார் தெரிவிக்கவே, போலீசார் அழகேசனை விசாரித்து கண்டித்து அனுப்பி வைத்தனர். ஆனால், அதன்பின்னரும் அஸ்வினியை தொடர்ந்து வந்து தொல்லை கொடுத்து வந்துள்ளார் அழகேசன். இதனால் மதுரவாயல் பகுதியை விட்டு, உறவினர் வீடான ஜாபர்கான் பேட்டையில் தங்கியிருந்து அங்கிருந்து கல்லூரிக்கு வந்து சென்றார் அஸ்வினி.

இந்நிலையில் 09/03/2018 அன்று மதியம் 2.30 மணியளவில் கல்லூரி முடிந்து வெளியே வந்து, லோகநாதன் தெருவில் நடந்து சென்ற அஸ்வினியை மறித்து காதலை ஏற்கச்சொல்லி வற்புத்தினான் அழகேசன்.  அஸ்வினி மறுக்கவே, சற்றும் எதிர்பாராத விதமாக கத்தியை எடுத்து அஸ்வினியின் கழுத்தை அறுத்தான் அழகேசன். இதில், அலறித்துடித்த அஸ்வினி ஓட முயற்சித்தார். ஆனால், ஓட முடியாமல் ரத்த வெள்ளத்தில் மயங்கி சரிந்தார். அஸ்வினியின் அலறல் சத்தம் கேட்டு ஓடி வந்த பொதுமக்கள் அழகேசனை பிடித்து கடுமையாக தாக்கினர்.   அடித்து உதைத்து கை, கால்களை கட்டி சம்பவ இடத்திற்கு போலீசார் வந்ததும் அழகேசனை பொதுமக்கள் அவர்களிடம் ஒப்படைத்தனர்.

இந்த சம்பவம் அந்த நேரத்தில் சென்னையில் பரபரப்பை ஏற்படுத்தியிருந்தது. தொடர்ச்சியாக இந்த வழக்கு நடைபெற்று வந்த நிலையில் வழக்கு விசாரணை சென்னை அள்ளிகுளத்தில் உள்ள மகளிர் சிறப்பு நீதிமன்றத்தில் நீதிபதி முகமது ஃபாரூக் முன்னிலையில் நடைபெற்றது. விசாரணையின் முடிவில் அழகேசன் மீதான குற்றச்சாட்டுகள் சந்தேகத்திற்கு இடமின்றி நிரூபிக்கப்பட்டதால், அழகேசனுக்கு ஆயுள் தண்டனை விதித்ததோடு, பத்தாயிரத்து ஐநூறு ரூபாய் அபராதமும் விதித்து தீர்ப்பளிக்கப்பட்டுள்ளது.