Skip to main content

கஞ்சாவுடன் ஆயுதங்கள் பறிமுதல்; இருவர் கைது

Published on 11/03/2024 | Edited on 11/03/2024
Confiscation of arms along with 1 kg of ganja; Two arrested

கடலூரில் புதுச்சேரி ரவுடி 2 பேரை போலீசார் கைது செய்தனர். அவர்களிடமிருந்து 1 கிலோ கஞ்சா மற்றும் ஆயுதங்கள் பறிமுதல் செய்யப்பட்டது.  

கடலூர் திருப்பாப்புலியூர் காவல் நிலைய உதவி ஆய்வாளர் கணபதி, டெல்டா பிரிவு உதவி ஆய்வாளர் நடராஜன் மற்றும் போலீசார் நேற்று கடலூர் கம்மியம்பேட்டை பகுதியில் ரோந்து பணியில்  ஈடுபட்டிருந்தனர். அப்போது  கம்மியம்பேட்டை  சுடுகாடு அருகே சந்தேகத்திற்கிடமான வகையில் இருந்த 2 பேரை போலீசார் அழைத்து விசாரணை செய்தனர்.

அவர்கள் முன்னுக்கு பின் முரணான தகவல்கள் கூறியுள்ளனர். இதனால் சந்தேகமடைந்த போலீசார் 2 பேரையும் பிடித்து சோதனை செய்தபோது அவர்களிடம்  1 கிலோ கஞ்சா மற்றும் கத்தி, இரும்பு கம்பி ஆகிய ஆயுதங்கள் இருந்தது. அவற்றை பறிமுதல் செய்த போலீசார் காவல் நிலையம் அழைத்து வந்து தீவிர விசாரணை செய்ததில் புதுச்சேரி மாநிலம், முத்தியால்பேட்டை, சாமி முதலியார் வீதியை சேர்ந்த கருப்பண்ணசாமி மகன் பென்னரசன்(26), புதுச்சேரி மாநிலம் வாண்ராபேட், கஸ்தூரிபாய் தெருவை சேர்ந்த எல்லப்பன் மகன் விஸ்டம்(33) என்றுதெரியவந்தது.

இவர்கள் புதுச்சேரி மாநிலத்தை சேர்ந்த ரவுடிகள் என்று தெரியவந்தது. இதனையெடுத்து போலீஸார் 2 பேர் மீதும் வழக்குப்பதிவு செய்து, கைது செய்து நீதிமன்றத்தில் ஆஜர்படுத்தி கடலூர் மத்திய சிறையில் அடைத்தனர்.

சார்ந்த செய்திகள்

 

Next Story

காணாமல் போன இளம்பெண்; கண்டுபிடித்துத் தரக்கோரி காவல் நிலையம் முற்றுகை

Published on 23/07/2024 | Edited on 23/07/2024
Missing Girl; Find out and lay siege to the police station

புதுக்கோட்டை மாவட்டம் ஆலங்குடி காவல் சரகத்திற்கு உட்பட்ட ஒரு கிராமத்தைச் சேர்ந்த 19 வயது இளம்பெண் கடந்த 19 ந் தேதி திடீரென காணாமல் போன நிலையில் உறவினர், தோழிகள் வீடுகளில் எல்லாம் தேடிய உறவினர்கள் ஆலங்குடி காவல் நிலையத்தில் புகார் கொடுத்துள்ளனர். பெண்ணை காணவில்லை என்று பெற்றோர் புகார் கொடுத்திருந்த நிலையில் ஆலங்குடி போலீசார் அந்த பெண் பயன்படுத்திய செல்போன் எண் அணைத்து வைக்கப்பட்டிருந்ததால் அவர் யாருக்கெல்லாம் போனில் பேசியுள்ளார் என்ற விபரங்களை சேகரித்து சில குறிப்பிட்ட எண்ணில் உள்ளவர்களிடம் விசாரணை செய்து வருகின்றனர்.

இந்நிலையில் புகார் கொடுத்து சில நாட்களாகியும் இளம்பெண்ணை கண்டுபிடித்துத் தரவில்லை என்று இன்று செவ்வாய்க் கிழமை மாலை ஆலங்குடி காவல் நிலையம் முன்பு திரண்ட இளம்பெண்ணின் உறவினர்கள் ஆண்கள் பெண்கள் என ஏராளமானோர் முற்றுகை போராட்டத்தில் ஈடுபட்டனர். இதையடுத்து நடந்த சமாதானப் பேச்சுவார்த்தையில் செல்போன் விபரங்கள் சேகரிக்கப்பட்டு தொடர் விசாரனை நடப்பதால் விரைவில் மீட்கப்படுவார் என்று போலீசார் உறுதி அளித்ததால் முற்றுகை போராட்டத்தை கைவிட்டு கலைந்து சென்றனர். இதனால் அங்கு சிறிது நேரம் பரபரப்பு ஏற்பட்டிருந்தது.

Next Story

வேட்டைத் துப்பாக்கி வெடித்து இளைஞர் பலி; துப்பாக்கியைத் தேடும் போலீசார்

Published on 23/07/2024 | Edited on 23/07/2024
Hunting gun blast passed away youth

புதுக்கோட்டை மாவட்டம் இலுப்பூர் அருகே உள்ள வேப்பவயல் கிராமத்தைச் சேர்ந்த பழனிச்சாமி மகன் லட்சுமணன்(20), அதே கிராமத்தைச் சேர்ந்த அவரது நண்பர் சரவணன் மற்றும் அவரது மாமா தேக்கமலை ஆகியோர் நாட்டுத் துப்பாக்கியை பயன்படுத்தி காடுகளில் வேட்டையாடுவது வழக்கமாக இருந்துள்ளது. இதனால் இவர்கள் நாட்டுத்துப்பாக்கி வைத்திருந்ததாக கூறப்படுகிறது.

Hunting gun blast passed away youth

தற்போது, அந்த நாட்டுத் துப்பாக்கியில் வெடி மருந்து செலுத்தி சுட முயன்ற போது சுடமுடியவில்லை. காரணம் வெடிமருந்து செலுத்தும் பகுதியில் உள்ள ஓட்டை பெரிதாக இருந்ததால் அந்த ஓட்டையை அடைத்து சிறியதாக்குவதற்காக அதே கிராமத்தில் உள்ள ஆறுமுகம் என்பவருக்கு சொந்தமான வெல்டிங் பட்டறையில் வெல்டு வைக்க கொண்டு சென்றுள்ளனர். ஆறுமுகம் வெல்டிங் செய்த போது துப்பாக்கு இரும்பு குழாய் அதிக சூடாகி ஏற்கனவே துப்பாக்கி குழாயில் செலுத்தப்பட்டிருந்த வெடி மருந்துடன் துப்பாக்கி வெடித்து சிதறியுள்ளது. 

துப்பாக்கி வெடித்து சிதறிய இந்த சம்பவத்தில் லட்சுமணன் படுகாயம் அடைந்ததை தொடர்ந்து அவரை அருகே இருந்தவர்கள் மீட்டு திருச்சியில் உள்ள தனியார் மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் அங்கு சிகிச்சை பலனின்றி லட்சுமணன் உயிரிழந்த நிலையில் இந்த சம்பவம் குறித்து இலுப்பூர் போலீசார் வழக்கு பதிவு செய்து விசாரணையை தொடங்கியுள்ளனர்.

மேலும், சம்பவத்தின் போது லட்சுமணன் கூட இருந்த சரவணன் மற்றும் அவரது மாமா தேக்கமலை ஆகிய இருவரை கைது செய்த போலீசார் அவர்களிடம் விசாரணை மேற்கொண்டு வரும் நிலையில் வெல்டிங் பட்டறை உரிமையாளர் ஆறுமுகம் தலைமுறைவாக உள்ளதால் அவரைத் தேடி வருகின்றனர்.  வெல்டிங் செய்யும் போது வெடித்து லெட்சுமணன் உயிர் போக காரணமாக இருந்த வேட்டைக்கு பயன்படுத்தும் நாட்டுத் துப்பாக்கியையும் தேடி வருகின்றனர்.

Hunting gun blast passed away youth

சம்பவ இடத்திற்கு வந்த திருச்சி சரக டிஐஜி மனோகர், புதுக்கோட்டை மாவட்ட காவல் கண்காணிப்பாளர் வந்திதா பாண்டே, இலுப்பூர் கோட்டாட்சியர் பெரியநாயகி, வட்டாட்சியர் சூரியபிரபு உள்ளிட்ட அதிகாரிகள் சம்பந்தப்பட்ட கிராமத்தில் விசாரணை மேற்கொண்டு சம்பவ இடத்தை பார்வையிட்டனர். வேட்டைக்கு பயன்படுத்தும் நாட்டுத் துப்பாக்கி வெடித்து இளைஞர் லட்சுமணன் உயிரிழந்த சம்பவம் பெரும் அதிர்ச்சியை ஏற்படுத்தி உள்ள சூழ்நிலையில் அவர்களுக்கு துப்பாக்கி எவ்வாறு வந்தது? யார் செய்து கொடுத்தது? என்பது குறித்தும் அது எவ்வாறு வெடித்தது என்பது குறித்தும் தொடர்ந்து போலீசார் விசாரணை மேற்கொண்டு வருகின்றனர்.