Skip to main content

மனைவி கொடுத்த புகார்! போக்ஸோவில் கணவர் கைது! 

Published on 21/12/2021 | Edited on 21/12/2021

 

Complaint given by wife! Husband arrested in Pocso

 

ஆத்தூர் அருகே, பெற்ற மகளென்றும் பாராமல் பாலியல் வன்புணர்வு செய்து கர்ப்பமாக்கிய தந்தையைக் காவல்துறையினர் கைது செய்தனர். 

 

சேலம் மாவட்டம், ஆத்தூர் அருகே உள்ள கொண்டையம்பள்ளியைச் சேர்ந்த 15 வயது சிறுமி, அங்குள்ள பள்ளியில் பத்தாம் வகுப்பு படித்துவருகிறார். மாணவிக்குக் கடந்த சில நாட்களாக உடல்நலம் குன்றியுள்ளது. அவருடைய தாயார், மாணவியை அருகில் உள்ள மருத்துவமனைக்கு அழைத்துச் சென்றார். அந்த மாணவிக்கு வயிறு பெரியதாக இருந்ததால் சந்தேகமடைந்த மருத்துவர், பரிசோதனை செய்ததில் அவர் 7 மாத கர்ப்பமாக இருப்பது தெரியவந்தது.

 

இதைக்கேட்டு அதிர்ச்சியடைந்த தாயார், மகளிடம் விசாரித்தார். தாயார் வீட்டில் இல்லாத நேரத்தில் தந்தையே, பெற்ற மகளென்றும் பாராமல் அடிக்கடி பாலியல் வன்புணர்வு செய்துவந்திருப்பதும், அதனால்தான் அவர் கர்ப்பம் அடைந்தார் என்பதும் தெரியவந்தது.

 

இதையடுத்து மாணவியின் தாயார், ஆத்தூர் மகளிர் காவல் நிலையத்தில் புகார் அளித்தார். காவல்துறையினர் போக்சோ சட்டத்தின் கீழ் வழக்குப் பதிவுசெய்து, மாணவியின் தந்தையைக் கைது செய்தனர். 

 

 

சார்ந்த செய்திகள்

Next Story

வெள்ளி வியாபாரி கொலை வழக்கு; கூலிப்படை கும்பல் தலைவன் நீதிமன்றத்தில் சரண்

Published on 24/02/2024 | Edited on 24/02/2024
Silver merchant case; gang leader surrendered in court

சேலத்தில், வெள்ளி வியாபாரி கார் ஏற்றிக் கொலை செய்யப்பட்ட வழக்கில் தலைமறைவாக இருந்த கூலிப்படை கும்பல் தலைவன் கோழி பாஸ்கர், நீதிமன்றத்தில் சரணடைந்தார்.

சேலம் செவ்வாய்பேட்டையைச் சேர்ந்தவர் சங்கர் (49). வெள்ளி வியாபாரி. இவர், பிப். 2ம் தேதி அதிகாலையில் பால் வாங்குவதற்காக சாலையில் நடந்து சென்று கொண்டிருந்தார். அப்போது, அந்த வழியாக வந்த ஒரு கார் அவர் மீது பயங்கரமாக மோதியது. இதில் அவர் நிகழ்விடத்திலேயே பலியானார். இந்தச் சம்பவம் குறித்து செவ்வாய்பேட்டை காவல்நிலைய காவல்துறையினர் வழக்குப்பதிவு செய்து விசாரித்தனர். இதில், சங்கர் விபத்தில் சாகவில்லை என்பதும், அவரை திட்டமிட்டு கார் ஏற்றிக் கொலை செய்திருப்பதும் தெரிய வந்தது. 

சங்கரின் மைத்துனர் சுரேஷ்பாபு என்பவர்தான் கூலிப்படையை வைத்து கார் ஏற்றிக் கொலை செய்திருப்பதும் தெரிய வந்தது. சுரேஷ்பாபு, அவருடைய கூட்டாளிகள் 3 பேர், கூலிப்படை கும்பல் தலைவன் கோழி பாஸ்கரின் இரட்டை சகோதரிகள் ஆகியோரை காவல்துறையினர் கைது செய்தனர். கோழி பாஸ்கர், அவருடைய தம்பி ராஜா ஆகியோரை தீவிரமாக தேடி வந்தனர். கேரளா, கர்நாடகா மாநிலங்களில் பதுங்கி இருக்கலாம் என்ற தகவலின்பேரில் தனிப்படை காவல்துறையினர் அங்கும் விரைந்தனர். ஆனால் அவர்கள் சிக்கவில்லை. 

இந்நிலையில், கோழி பாஸ்கர் சேலம் 4வது குற்றவியல் நீதித்துறை நடுவர் மன்றத்தில் பிப். 22ஆம் தேதி, நீதிபதி யுவராஜ் முன்னிலையில் சரணடைந்தார். நீதிமன்ற உத்தரவின்பேரில் அவரை சேலம் மத்திய சிறையில் அடைத்தனர். அதேநேரம், தொடர்ந்து தலைமறைவாக இருக்கும் கோழி பாஸ்கரின் தம்பி ராஜாவை காவல்துறையினர் தீவிரமாக தேடி வருகின்றனர். 

சேலம் சிறையில் ஏற்கனவே சில வழக்குகளில் கோழி பாஸ்கர் அடைக்கப்பட்டு இருந்தபோது, கைதிகள் சிலருடன் நெருக்கமான நட்பு ஏற்பட்டது. அவர்களும் தற்போது வெளியே இருக்கின்றனர். அந்த சிறை நண்பர்கள் மூலமாக கோழி பாஸ்கருக்கு புதிய சிம் கார்டுகள் வாங்கிக் கொடுக்கப்பட்டுள்ளது. அவர்கள்தான் ஓசூர், பெங்களூரு பகுதியில் பதுங்கிக் கொள்ளவும் உதவி செய்துள்ளனர். கோழி பாஸ்கரின் செலவுக்காக கூகுள்பே செயலி மூலமாக அவ்வப்போது பணமும் அனுப்பி வைத்துள்ளனர். அதனால்தான் கோழி பாஸ்கரை எளிதில் காவல்துறையினரால் கண்டுபிடிக்க முடியவில்லை என்கிறார்கள். 

Next Story

சிறுவனை வன்கொடுமை செய்த வழக்கு; திருநங்கைகள் 2 பேருக்கு ஆயுள்

Published on 24/02/2024 | Edited on 24/02/2024
Life sentence for 2 transgenders

சேலம் அருகே, சிறுவனை பாலியல் வன்கொடுமை செய்த வழக்கில், தமிழகத்தில் முதன்முதலாக திருநங்கைகள் இருவருக்கு ஆயுள் தண்டனை விதித்து சேலம் போக்சோ நீதிமன்றம் பரபரப்பு தீர்ப்பு அளித்துள்ளது.

சேலம் மாவட்டம், காக்காபாளையத்தைச் சேர்ந்த சிறுவன் ஒருவன், அப்பகுதியில் உள்ள ஒரு உணவகத்தில் வேலை செய்து வந்தான். கடந்த 2022ம் ஆண்டு, ஜூலை மாதம் வார விடுமுறை நாளில், உள்ளூரைச் சேர்ந்த தனது நண்பர்களுடன் விளையாடிக் கொண்டிருந்தான். பின்னர் வீட்டிற்கு சோர்வுடன் தளர்ந்த நடையில் சென்று சேர்ந்தான். 

இதைப்பார்த்த பெற்றோர் மகனிடம் விசாரித்தனர். அப்பகுதியைச் சேர்ந்த கார்த்திக் என்கிற காயத்ரி (26), முல்லை (25) என்ற இரண்டு திருநங்கைகள் சிறுவனை அவர்களுடைய வீட்டிற்கு அழைத்துச் சென்று பாலியல் துன்புறுத்தலில் ஈடுபட்டது தெரிய வந்தது. சிறுவன் வேலை செய்து வந்த உணவகத்திற்கு திருநங்கைகள் அடிக்கடி சாப்பிடச் சென்று வந்ததில் அவனுடன் நட்பை ஏற்படுத்திக் கொண்டனர். சம்பவத்தன்று அவனுக்கு பிரியாணி வாங்கிக் கொடுத்து வீட்டிற்கு அழைத்துச் சென்றுள்ளனர். 

இதையடுத்து பெற்றோர், தங்கள் மகனிடம், யார் அழைத்தாலும் தனியாகச் செல்லக்கூடாது என புத்திமதி கூறியுள்ளனர். ஆனால் சில நாள்கள் கழித்து, மீண்டும் சிறுவன் வீடு திரும்பவில்லை. காடையாம்பட்டி பகுதியில் சிறுவன் தனியாக சுற்றித்திரிவதாக கிடைத்த தகவலின்பேரில் பெற்றோர் மகனை மீட்டு வந்தனர். காயத்ரி, முல்லை ஆகிய இரண்டு திருநங்கைகள்தான் சிறுவனை மீண்டும் காடையாம்பட்டிக்கு ஆசை வார்த்தைகூறி அழைத்துச்சென்று, அவனிடம் பாலியல் உறவு வைத்திருந்தது தெரிய வந்தது. 

இதுகுறித்து காக்காபாளையம் காவல்நிலைய காவல்துறையினர் வழக்குப்பதிவு செய்து, திருநங்கைகள் இருவரையும் போக்சோ சட்டத்தின் கீழ் கைது செய்தனர். இந்த வழக்கு விசாரணை, சேலம் போக்சோ நீதிமன்றத்தில் நடந்து வந்தது. அரசுத் தரப்பில் வழக்கறிஞர் சுதா ஆஜராகி வாதாடினார். வழக்கை விசாரித்த நீதிபதி ஜெயந்தி, குற்றம்சாட்டப்பட்ட திருநங்கைகள் இருவருக்கும் ஆயுள் தண்டனையும், தலா 3 ஆயிரம் அபராதமும் விதித்து பிப். 22ம் தேதி தீர்ப்பு அளித்தார். 

இதையடுத்து அவர்கள் இருவரும் கோவை பெண்கள் சிறையில் அடைக்கப்பட்டனர். தமிழகத்தில், போக்சோ வழக்கில் திருநங்கைகள் இருவர் தண்டிக்கப்பட்டது இதுதான் முதல்முறை என்பது குறிப்பிடத்தக்கது.