Skip to main content

இந்த 4 மாவட்டங்கள் மட்டும் வேண்டாம்... பிற மாவட்டங்களில் ஊரடங்கில் தளர்வுகளைச் செய்துகொள்ளலாம்... மருத்துவ வல்லுநர் குழு பரிந்துரை!

Published on 30/05/2020 | Edited on 30/05/2020

 

cm meeting after doctors press meet chennai lockdown no relaxation


பொதுமுடக்கத்தை நீட்டிப்பது பற்றி முடிவெடுக்க மருத்துவ வல்லுநர் குழுவினருடன் முதல்வர் பழனிசாமி ஆலோசனை நடத்தினார். 

ஆலோசனைக்குப் பிறகு மருத்துவ வல்லுநர் குழுவின் பிரதிநிதியான ஐ.சி.எம்.ஆர். விஞ்ஞானியும், தேசிய தொற்றுநோய்த் தடுப்பு நிறுவனத்தின் துணை இயக்குனருமான பிரதீப் கவுர், தொற்றுநோய் தடுப்பு நிபுணர் குகானந்தம், மருத்துவர் ராமசுப்ரமணியம் ஆகியோர் செய்தியாளர்களைச் சந்தித்தனர்.
 


அப்போது அவர்கள் கூறியதாவது; "கரோனா பாதிப்பு மக்கள் தொகை அதிகமாக உள்ள சென்னையில் அதிகமாக இருக்கிறது. சென்னை மற்றும் அருகில் உள்ள மாவட்டங்களில் மட்டுமே கரோனா அதிகமாக உள்ளது. கரோனா பரிசோதனை எண்ணிக்கையை அதிகரிக்க வேண்டும்; அப்போதுதான் தொற்றைக் கண்டறிய முடியும். கரோனா தொற்று பாதிப்பு அதிகமாவதைக் கண்டு அச்சப்படத் தேவையில்லை. எல்லா இடங்களிலும், எல்லா நேரத்திலும் முகக்கவசம் அணிய வேண்டும். கரோனா அதிகம் உள்ளதால் சென்னை, செங்கல்பட்டு, திருவள்ளூர், காஞ்சிபுரம் மாவட்டங்களில் தளர்வுகளைத் தர வேண்டாம்; இந்த நான்கு மாவட்டங்களில் கட்டுப்பாடு தொடர வேண்டும்; நான்கு மாவட்டங்களைத் தவிர்த்து பிற மாவட்டங்களில் தளர்வுகளைத் தர பரிந்துரைத்தோம். தமிழகம் முழுமைக்கும் ஒரே மாதிரியான ஊரடங்கு தேவையில்லை. இது ஒரு புதிய வைரஸ்- அனைத்து பகுதிகளிலும் ஆய்வு நடத்தி வருகிறோம். 

தமிழகத்தில் மொத்த கரோனா பாதிப்பில் 77% சென்னை உள்ளிட்ட 4 மாவட்டங்களில் மட்டுமே உள்ளது. கரோனா பாதிப்பு நீடிப்பதால் பொதுமுடக்கத்தை முழுவதுமாகத் தளர்த்த முடியாது. சென்னையில் பொது போக்குவரத்து பஸ், ரயில்களை இயக்கக்கூடாது; வழிபாட்டுத் தலங்களைத் திறக்கக்கூடாது. இருமும் போது கைகளை மூடிக் கொள்வதை வழக்கமாக்கி கொள்ள வேண்டும். கரோனாவில் இருந்து வயதானவர்களைக் குடும்ப உறுப்பினர்கள் பாதுகாத்துக் கொள்ள வேண்டும். சென்னையில் கரோனா பாதிப்பு சமூகப் பரவலாக மாறவில்லை." இவ்வாறு மருத்துவ வல்லுநர்கள் கூறினர். 

 

 

சார்ந்த செய்திகள்

 

Next Story

'சாலையில் பட்டாக்கத்தியைத் தீட்டி பிறந்தநாள் கொண்டாட்டம்' - போலீசார் விசாரணை

Published on 23/07/2024 | Edited on 23/07/2024
 'Birthday celebration with knife on the road'-Police investigation

பட்டாக்கத்தியுடன் பிறந்தநாள் கொண்டாட்டம் உள்ளிட்ட செயல்களில் ஈடுபடும் நபர்கள் சமீப காலங்களில் கைது செய்யப்பட்ட சம்பவங்கள் நிகழ்ந்திருந்தது. இந்நிலையில் சென்னையில் பட்டாக்கத்தியை சாலையில் தீட்டி பிறந்தநாள் கொண்டாட்டத்தில் கெத்து காட்டிய இளைஞர்களை போலீசார் தேடி வருகின்றனர்.

சைதாப்பேட்டை குடிசை மாற்று வாரிய பகுதியைச் சேர்ந்த எழிலரசன் என்பவர் கடந்த சில இடங்களுக்கு முன்பு பிறந்தநாளை கொண்டாடியதாக கூறப்படுகிறது. அப்போது சுமார் 50க்கும் மேற்பட்ட இளைஞர்கள் ஒன்று கூடி  கொண்டாட்டத்தில் ஈடுபட்டுள்ளனர். பொதுமக்களுக்கு இடையூறு ஏற்படுத்தும் வகையில், சாலையில் பெரிய பிரமாண்ட கேக் வெட்டி கொண்டாடியதோடு ஈசிஆர் சாலையில் கார்கள் மற்றும் இருசக்கர வாகனங்களில் அணிவகுப்பாக சென்றவர்கள் பட்டாகத்தியை சாலையில் தீட்டி தீப்பொறி கிளம்பும் வகையில்  செல்லும் வீடியோ காட்சிகள் இணையத்தில் வைரலாகி இருந்தது. இந்த வீடியோ சமூக வலைத்தளம் வாயிலாக காவல்துறையினரின் பார்வைக்கு சென்ற நிலையில் இதில் ஈடுபட்ட நபர்கள் குறித்து போலீசார் விசாரணையைத் தொடங்கியுள்ளனர்.

கிரேன் மூலமாக பெரிய மாலையை எழிலரசனுக்கு சூட்டிய இளைஞர்கள் காரில் பட்டாக்கத்தியைத் தேய்த்தபடி செல்லும் வீடியோ காட்சிகளை 'லீ பிரதர்ஸ்' என்ற இன்ஸ்டாகிராம் பக்கத்தில் 'எங்களுக்கு எதிரிகளே இல்லை' என்ற வாசகத்தோடு பதிவிட்டுள்ளனர். இந்நிலையில் இந்த நபர்கள் குறித்து போலீசார் தீவிர விசாரணை மேற்கொண்டு வருகின்றனர்.

Next Story

மின்சார ரயில் பயணிகளின் கவனத்திற்கு!

Published on 23/07/2024 | Edited on 23/07/2024
Attention electric train passengers

சென்னை தாம்பரம் ரயில் நிலையத்தில் இன்று (23.07.2024) முதல் வரும் ஆகஸ்ட் 14 ஆம் தேதி (14.08.2024) வரை பராமரிப்பு பணிகள் நடைபெற உள்ளது. இதனால் தினசரி காலை 09.30 மணி முதல் பிற்பகல் 13.30 மணி வரையும் மற்றும் இரவு 10.00 மணி முதல் 11.59 வரை சென்னை கடற்கரை ரயில் நிலையத்திலிருந்து தாம்பரம் மற்றும் செங்கல்பட்டு செல்லும் இரயில்கள் பல்லாவரம் இரயில் நிலையம் வரையும் இயக்கப்படும். அதே போன்று செங்கல்பட்டிலிருந்து சென்னை கடற்கரை செல்லும் இரயில்கள் கூடுவாஞ்சேரி வரை மட்டுமே இயக்கப்படும் என தெற்கு ரயில்வே ஏற்கனவே அறிவித்திருந்தது.

எனவே, இவ்வழித்தடத்தில் பயணம் செய்யும் பயணிகள் நலன் கருதி சென்னை மாநகர போக்குவரத்துக் கழகம் சார்பில் இன்று முதல் (23.07.2024) முதல் ஆகஸ்ட் 14 ஆம் தேதி (14.08.2024) வரை குறிப்பிட்ட நேரங்களில் பல்லாவரம் வழியாக கூடுவாஞ்சேரிக்கு தற்போது 60 பேருந்துகள் மூலம் 571 பயண நடைகள் இயக்கப்பட்டு வருகிறது. மேலும் விமான நிலையம் மெட்ரோ முதல் செங்கல்பட்டுக்கு கூடுதலாக 50 பெரிய பேருந்துகளை சென்னை மாநகர போக்குவரத்துக் கழகம் சார்பில் இயக்க உள்ளதாக தெரிவிக்கப்பட்டது.

Attention electric train passengers

அதே சமயம் பல்லாவரம் ரயில் நிலையத்திலிருந்து பல்லாவரம் பேருந்து நிலையத்திற்கு 5 சிற்றுந்துகள் மற்றும் கூடுவாஞ்சேரி ரயில் நிலையம் முதல் கூடுவாஞ்சேரி பேருந்து நிலையத்திற்கு 5 சிற்றுந்துகள் சுற்றுப் பேருந்து சேவையாக (shuttle service) இயக்க உள்ளது. எனவே இந்த நாட்களில் முக்கிய பேருந்து நிலையங்களில் அலுவலர்களை நியமித்து இப்பேருந்துகள் இயக்கத்தினை கண்காணிக்கவும் நடவடிக்கை எடுக்கப்பட்டுள்ளது எனத் தெரிவித்துக் கொள்ளப்படுகிறது எனத் தெரிவிக்கப்பட்டிருந்தது.

இத்தகைய சூழலில் சென்னை கடற்கரை - தாம்பரம் - செங்கல்பட்டு வழித்தடத்தில் தாம்பரம் யார்டின் பராமரிப்பு பணிகளுக்காக இன்று முதல் ரத்து செய்யப்பட்டிருந்த பகல் நேர புறநகர் ரயில் சேவைகள் இன்று முதல் ஆகஸ்ட் 2 ஆம் தேதி (02.08.2024) வரை வழக்கமான கால அட்டவணையின்படி இயக்கப்படும். இரவு 10.30 மணி முதல் நள்ளிரவு 02.30 மணி வரை மட்டும் புறநகர் ரயில் சேவைகள் முன்பு அறிவித்தது போலவே இயங்காது. அதற்கு மாறாகச் சிறப்பு பயணிகள் இரயில்கள் மட்டுமே இயக்கப்படும் என அறிவிக்கப்பட்டுள்ளது. இதனால்  சென்னை மாநகரப் போக்குவரத்துக் கழகம் மூலம் அறிவிக்கப்பட்டிருந்த சிறப்பு பேருந்துகள் தேவையின் அடிப்படையில் இயக்கப்படும் என அறிவிப்பு வெளியாகியுள்ளது.