Chance of heavy rain in 10 districts today

தமிழகத்தின் பல்வேறு மாவட்டங்களில் மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

Advertisment

சென்னை வானிலை ஆய்வு மையம் வெளியிட்டுள்ள அறிவிப்பின்படி, விழுப்புரம், திருவண்ணாமலை வேலூர், ராணிப்பேட்டை, திருவள்ளூர், செங்கல்பட்டு, கள்ளக்குறிச்சி, மயிலாடுதுறை, கடலூர், காஞ்சிபுரம் என 10 மாவட்டங்களில் ஓரிரு இடங்களில் இன்று கனமழை பெய்ய வாய்ப்புள்ளது எனத்தெரிவிக்கப்பட்டுள்ளது.

Advertisment

மேலும் தமிழகம், புதுச்சேரி மற்றும் காரைக்காலில் நாளை ஓரிரு இடங்களில் மிதமான மழைக்கு வாய்ப்புள்ளதாகவும் தெரிவிக்கப்பட்டுள்ளது. அதே சமயம் சென்னையைப் பொறுத்தவரையில் 2 நாட்களுக்கு வானம் ஓரளவு மேகமூட்டத்துடன் காணப்படும். இதன் காரணமாகச் சென்னையின் சில இடங்களில் மிதமான மழை பெய்ய வாய்ப்புள்ளதாகவும் அறிவிக்கப்பட்டுள்ளது. அதே சமயம் செப்டம்பர் 28 ஆம் தேதி முதல் செப்டம்பர் 30 ஆம் தேதி வரை கோவை, நீலகிரி, தேனி, திண்டுக்கல் மாவட்டங்களில் ஓரிரு இடங்களில் கனமழைக்கு வாய்ப்புள்ளதாகவும் வானிலை ஆய்வு மையம் வெளியிட்டுள்ள அறிக்கையில் கூறப்பட்டுள்ளது.