Skip to main content

குற்றங்களைக் குறைத்த சிசிடிவி கேமராக்கள்... டி.ஐ.ஜி. முத்துச்சாமி பெருமிதம்...

Published on 21/12/2020 | Edited on 21/12/2020

 

“CCTV Fitting cameras is equivalent to being on guard duty 24 hours a day. ”- DIG Muthuchamy

 

கண்காணிப்பு கேமராக்களை அமைப்பதால் திண்டுக்கல்லில் குற்றங்கள் குறைந்துள்ளதாக திண்டுக்கல் சரக டி.ஐ.ஜி. முத்துச்சாமி கூறியுள்ளார்

 

திண்டுக்கல் மாநகர் பகுதிகளில் அடிக்கடி வழிப்பறி கொள்ளை, கொலை சம்பவங்கள் நடந்துவருகிறது. இதற்குத் தீர்வு காணவும், குற்ற வழக்குகளை விரைந்து முடிப்பதற்கும் திண்டுக்கல்லைச் சுற்றியுள்ள நகர்ப் பகுதிகளில் காவல்துறையினர், கண்காணிப்பு சி.சி.டி.வி. கேமராக்கள் பொருத்தியுள்ளனர். இதன் ஒரு பகுதியாக நகராட்சி மற்றும் பேரூராட்சி பகுதியில் உள்ள குடியிருப்போர் நலச் சங்கங்கள் சார்பாகக் குடியிருப்புப் பகுதிகளில் பாதுகாப்பிற்கு உகந்த வகையில் கண்காணிப்பு கேமராக்களை தாங்களே அமைத்து காவல் துறையினருக்கு உதவி செய்தும் வருகின்றனர்.

 

திண்டுக்கல் மாநகரில் உள்ள பாலகிருஷ்ணாபுரம் ஊராட்சிக்கு உட்பட்ட விஸ்தரிப்பு பகுதியான ராஜீவ் காந்தி நகர், மணி நகர், நேசமணி நகர், நாகவேணி நகர் மற்றும் அதனைச் சுற்றியுள்ள பகுதிகளில் மொத்தம் 26 சி.சி.டி.வி. கேமராக்களை பாதுகாப்பு நலச் சங்க விரிவாக்கக் குழு சார்பாக அமைக்கப்பட்டது. இதனை திண்டுக்கல் சரக டி.ஐ.ஜி. முத்துச்சாமி, பொதுமக்களின் பயன்பாட்டுக்கு திறந்து வைத்தார்.

 

அதன்பின் பேசிய சரக டி.ஐ.ஜி. முத்துசாமி, “கண்காணிப்பு கேமரா அமைப்பதால் திண்டுக்கல்லில் குற்றங்கள் குறைந்துள்ளது. மேலும், குற்றங்களைக் கண்டுபிடிக்கப் பெரிதும் உதவியாக இருக்கிறது. குடியிருப்பு பகுதிகளில், கண்காணிப்பு கேமரா பொருத்தப்படுவது 24 மணி நேரமும் காவலர் பாதுகாப்புப் பணியில் இருப்பதற்குச் சமம்.” என்று கூறினார். 

 

 

 

சார்ந்த செய்திகள்

Next Story

'எல்லாருமே திருடங்கதான்... சொல்லப் போனா...' - பாடலுக்கு நடனமாடியபடி வந்த சுயேச்சை வேட்பாளர்

Published on 28/03/2024 | Edited on 28/03/2024
Independent candidate danced to the song 'ellarume Thirudangathan... sollpona...'

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

நேற்று வேட்புமனு தாக்கல் முடிந்த நிலையில் இன்று மனுக்கள் பரிசீலனைக்கு எடுத்துக் கொள்ளப்பட இருக்கிறது. நேற்று முக்கிய கட்சிகளின் பிரமுகர்கள் முதல் சுயேச்சை வேட்பாளர்கள் எனப் பலர் இறுதி நாள் என்பதால் வேட்பு மனுக்களைத் தாக்கல் செய்தனர். வேட்புமனு தாக்கல் செய்ய வரும் சுயேச்சை வேட்பாளர்கள் மற்றும் அரசியல் கட்சியைச் சேர்ந்த வேட்பாளர்கள் சிலர் நூதன முறைகளில் வந்து வேட்புமனு தாக்கல் செய்வது முன்னரே பல தேர்தல்களில் நடந்துள்ளது.

தேர்தல் நேரங்களில் இதுபோன்ற நூதன சம்பவங்கள் நடைபெறுவது வழக்கம். அந்த வகையில் திண்டுக்கல்லில் வேட்புமனு தாக்கல் செய்ய வந்த சுயேச்சை வேட்பாளர் ஒருவர் 'எல்லாருமே திருடங்கதான் சொல்லப்போனால் குருடங்கதான்' என்ற பாடலை ஒலிக்கவிட்டபடி சாலையில் நடனமாடிக்கொண்டே வேட்புமனு தாக்கல் செய்ய வந்தார். இது தொடர்பான வீடியோ காட்சிகள் இணையத்தில் வைரலாகி வருகிறது.

Next Story

பட்டப்பகலில் நடந்த படுகொலை; சி.சி.டி.வி கேமராவில் பதிவான பகீர் காட்சி!

Published on 18/03/2024 | Edited on 18/03/2024
Incident in maharashtra hotel and scene recorded on CCTV camera

மகாராஷ்டிரா மாநிலம், புனே - சோலாப்பூர் நெடுஞ்சாலை பகுதியில் பிரபலமான தனியார் ஹோட்டல் ஒன்று செயல்பட்டு வருகிறது. இந்த ஹோட்டலில், நேற்று (17-03-24) மதியம் 4 பேர் கொண்ட நண்பர்கள் டேபிளில் சாப்பிட்டு கொண்டிருந்தனர். அப்போது, திடீரென ஹோட்டலில் துப்பாக்கிகளுடன் நுழைந்த இரண்டு மர்ம நபர்கள், டேபிளில் அமர்ந்திருந்த ஒரு நபரை நோக்கி சுட்டனர். தலையில் குண்டு பாய்ந்த அவர், கீழே விழுந்து மயங்கி விழுந்தார். இதனையடுத்து, அங்கு அமர்ந்திருந்த மற்ற நபர்கள் அங்கிருந்து பதறி அடித்து ஓடினர். 

இந்த சம்பவம் அரங்கேறிய சிறிது நேரத்திலேயே, மேலும் 6 பேர் கொண்ட கும்பல் ஹோட்டலில் நுழைந்து, துப்பாக்கி குண்டு பாய்ந்து உயிருக்கு போராடிய நபரை அரிவாளால் சரமாரியாக வெட்டி சாய்த்தனர். அதன் பின்னர், அனைவரும் அங்கிருந்து தப்பி ஓடினர். இதில், பலத்த காயமடைந்த நபர், சம்பவ இடத்திலேயே பரிதாபமாக உயிரிழந்தார். இந்த சம்பவம் தொடர்பாக, ஹோட்டல் நிர்வாகம் போலீசாருக்கு தகவல் கொடுத்தனர்.

தகவல் அறிந்து விரைந்து வந்த போலீசார், உயிரிழந்த நபரின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும், இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர். அவர்கள் நடத்திய முதற்கட்ட விசாரணையில், கொலை செய்யப்பட்ட நபர், அவினாஷ் என்பதும், அவர் ரியல் எஸ்டேட் இடைத்தரகர் என்பதும் தெரியவந்தது.

மேலும், தொழில் போட்டி காரணமாக இந்த கொலை நடந்திருக்கலாம் என்ற சந்தேகத்தில் தொடர்ந்து விசாரணை மேற்கொண்டு வருகின்றனர். ஹோட்டலில், நடந்த இந்த கொடூர படுகொலை, அங்கு பொறுத்தப்பட்டிருந்த சி.சி.டி.வி கேமராக்களில் பதிவாகியிருக்கிறது. அந்த சி.சி.டி.வி காட்சிகளை வைத்து கொலை செய்த நபர்களை பிடிக்க போலீசார் தனிப்படை அமைத்து தீவிரமாக தேடி வருகின்றனர்.