Skip to main content

தலைக்கேறிய போதை; தூக்கி வீசப்பட்ட இளைஞர் - நள்ளிரவில் நடந்த கோர சம்பவம்! 

Published on 12/09/2023 | Edited on 12/09/2023

 

car rammed into an inebriated man and passed away

 

அரியலூர் மாவட்டம் சிறுகடம்பூர் பகுதிக்கு அருகே அமைந்துள்ளது செந்துறை கிராமம். இந்த பகுதியைச் சேர்ந்தவர் கொளஞ்சி. 60 வயதான இவர், தான் வசிக்கும் சுற்றுவட்டார பகுதிகளில் விவசாய தொழிலை செய்து வருகிறார். இவரது மனைவி செல்லம்மா. இந்த தம்பதியின் மகனான சீமான் என்பவருக்கு 32 வயதாகிறது. மேலும், இவருக்கு திருமணம் ஆகாததால் தன்னுடைய பெற்றோருடன் வசித்து வந்தார்.

 

இந்நிலையில், அரியலூரில் இருந்த சீமான் கடந்த இரண்டு மாதங்களுக்கு முன்பு கோவைக்கு வந்துள்ளார். மேலும், கோவைக்கு வந்தவர் அங்குள்ள ஒரு தனியார் கம்பெனியில் வேலை பார்த்து வந்தார். இதற்கிடையில், சீமானுக்கு மது அருந்தும் பழக்கம். தான் வேலைக்கு செல்லாத நாட்களில் அடிக்கடி மது குடித்துவிட்டு அக்கம்பக்கத்தில் உள்ளவர்களிடம் தகராறு செய்து வருவதை வாடிக்கையாக வைத்துள்ளார்.

 

அந்த வகையில், கடந்த 9ஆம் தேதியன்று சீமான் வேலை தொடர்பாக பல்லடம் பகுதிக்கு வந்துள்ளார். அங்கு தனது வேலையை முடித்துக்கொண்டு மது அருந்தியுள்ளார். இதனிடையே, தலைக்கேறிய போதையில் இருந்த சீமான் நடுரோட்டில் அங்கும் இங்குமாய் சுற்றித் திரிந்துள்ளார். அதனைத் தொடர்ந்து, அன்றிரவு 11 மணியளவில் பல்லடத்துக்கு அருகே உள்ள காளிவேலம்பட்டி என்ற இடத்திற்கு வந்துள்ளார்.

 

அப்போது அங்கே இருக்கும் கொங்கு திருமண மண்டபத்தின் முன்பு போதையில் அங்குள்ளவர்களிடம் தகராறு செய்திருக்கிறார். மேலும், அந்த வழியாக வரும் வாகனங்களை மறித்து ரகளையில் ஈடுபட்டுள்ளார். அந்த சமயத்தில், அடையாளம் தெரியாத வாகனம் ஒன்று சீமான் மீது பயங்கரமாக மோதியுள்ளது. இதனால் தூக்கி வீசப்பட்ட சீமான் சம்பவ இடத்திலேயே உடல் நசுங்கி உயிரிழந்தார். இதற்கிடையில், சீமானின் உடல் சாலையில் நடுவிலேயே இருந்துள்ளது.

 

ஆனால், அது இரவு நேரம் என்பதால் சீமானின் சடலம் மற்ற வாகன ஓட்டிகளுக்கு தெரியவில்லை என கூறப்படுகிறது. மேலும், அந்த இடத்தில் வெளிச்சம் இல்லாத காரணத்தால் சுமார் 6 நிமிடத்திற்கு மேலாக பேருந்து, லாரி, கார் என அடுத்தடுத்து 20க்கும் மேற்பட்ட வாகனங்கள் சீமானின் உடலில் ஏறி இறங்கியது. ஒருகணம், இதை பார்த்து அதிர்ச்சியடைந்த அக்கம்பக்கத்தினர் உடனடியாக போலீசாருக்கு தகவல் தெரிவித்தனர்.

 

அதன்பிறகு, சம்பவ இடத்திற்கு வந்த பல்லடம் போலீசார் உயிரிழந்த சீமானின் உடலை மீட்டு ஆம்புலன்ஸ் மூலம் பல்லடம் அரசு மருத்துவமனைக்கு அனுப்பி வைத்தனர். இந்நிலையில், இச்சம்பவம் குறித்து வழக்குப்பதிவு செய்த போலீசார் இந்த விபத்து சம்பவம் தீவிர விசாரணை மேற்கொண்டு வருகின்றனர். தற்போது, உயிரிழந்த சடலத்தின் மேல் 20க்கும் மேற்பட்ட வாகனங்கள் அடுத்தடுத்து ஏறிச் செல்லும் சிசிடிவி காட்சிகள் வெளியாகி, பெரும் பரபரப்பை ஏற்படுத்தியுள்ளது.

 

 

 

சார்ந்த செய்திகள்

Next Story

'மீண்டும் சிக்கிய 4 கோடி'-பறக்கும் படை அதிரடி!

Published on 16/04/2024 | Edited on 16/04/2024
erode


நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களைத் தீவிரப்படுத்தியுள்ளன.

மேலும், தமிழகத்தில் பாராளுமன்றத் தேர்தல் வரும் 19ஆம் தேதி நடைபெற உள்ளது. தேர்தலில் வாக்காளர்களுக்கு பணம் மற்றும் பரிசுப் பொருட்கள் கொடுப்பதை தடுக்கும் வகையில் பறக்கும் படையினர் நிலை கண்காணிப்பு குழுவினர் தீவிர வாகன சோதனையில் ஈடுபட்டு வருகின்றனர். ஈரோடு மாவட்டத்தில் இரவு பகல் என சுழற்சி முறையில் தேர்தல் பறக்கும் படையினர் தீவிர வாகன சோதனையில் ஈடுபட்டு ரூ.50 ஆயிரத்திற்கு மேல் உரிய ஆவணங்கள் இன்றி எடுத்துச் செல்லப்படும் தொகையைப் பறிமுதல் செய்து வருகின்றனர்.

அதன்படி ஈரோடு கிழக்கு, ஈரோடு மேற்கு, மொடக்குறிச்சி, பெருந்துறை, பவானி, கோபி, அந்தியூர், பவானி சாகர் என மாவட்டம் முழுவதும் உள்ள 8 சட்டமன்றத் தொகுதிகளில் இதுவரைத் தேர்தல் பறக்கும் படையினர் சோதனையின் போது, உரிய ஆவணங்கள் இன்றி எடுத்துச் செல்லப்பட்ட ரூ.4 கோடியே 28 லட்சத்து 20 ஆயிரத்து 303 பறிமுதல் செய்யப்பட்டுள்ளது. இதில் உரிய ஆவணங்கள் காண்பித்ததால் ரூ.2 கோடியே 95 லட்சத்து 65 ஆயிரத்து 213 சம்பந்தப்பட்டவர்களிடம் திரும்ப ஒப்படைக்கப்பட்டுள்ளது. மீதம் 1 கோடியே 32 லட்சத்து 55 ஆயிரத்து 90 ரூபாய் பணம் மாவட்ட கருவூலத்தில் ஒப்படைக்கப்பட்டுள்ளது. சம்பந்தப்பட்டவர்கள் உரிய ஆவணங்களை காண்பித்து பணத்தைத் திரும்பப் பெற்றுக் கொள்ளலாம் என அதிகாரிகள் தெரிவித்துள்ளனர்.

அண்மையில் பாஜகவின் நெல்லை வேட்பாளர் நயினார் நாகேந்திரனுக்கு சொந்தமான பணம் 4 கோடி ரூபாய் பறிமுதல் செய்யப்பட்டதாக செய்திகள் வெளியான நிலையில் அது தொடர்பாக அவருக்கு போலீசார் சம்மன் அனுப்பி இருந்தது குறிப்பிடத்தக்கது.

Next Story

‘கோவை ரைசிங்’ - திமுக தேர்தல் அறிக்கை வெளியீடு!

Published on 16/04/2024 | Edited on 16/04/2024
Coimbatore Rising DMK election report release

நாட்டின் 18ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அந்த வகையில் திமுக, அதிமுக, நாம் தமிழர், பாஜக ஆகிய கட்சிகள் தீவிர பரப்புரையில் ஈடுபட்டு வருகின்றன.

இந்நிலையில் கோவை மக்களவைத் தொகுதிக்கான திமுக தேர்தல் அறிக்கையை அமைச்சர் டி.ஆர்.பி. ராஜா மற்றும் திமுக வேட்பாளர் கணபதி ராஜ்குமார் ஆகியோர் வெளியிட்டனர். இந்த தேர்தல் அறிக்கையில், “கோவை மாவட்டத்தில் பன்னோக்கு சர்வதேச கிரிக்கெட் மைதானம் அமைக்கப்படும். கோவையில் மெட்ரோ ரயில் திட்டம் விரைந்து மேற்கொள்ளப்படும். சென்னை, கோவை, தூத்துக்குடி இடையே பிரத்யேக சரக்கு வழித்தடம் அமைக்கப்படும். மேட்டுப்பாளையம் - சத்தியமங்கலம் - கோபிசெட்டிபாளையம் - ஈரோடு இடையே அகல ரயில் பாதை திட்டம் நிறைவேற்றப்படும். ரயில் பராமரிப்பு வசதிகள் கோவையில் உருவாக்கப்படும்.

கோவை விமான நிலைய விரிவாக்கப் பணிகள் விரைந்து முடிக்கப்படும். கோவையில் நகர போக்குவரத்து ஆணையம் அமைக்கப்படும். கோவையில் புதிய தொழில் ஹப் தொடங்கப்படும். கோவையில் உள்ள நியாயவிலைக் கடைகளில் தேங்காய் எண்ணெய் விநியோகம் செய்ய நடவடிக்கை எடுக்கப்படும். கோவையில் குறு தொழில் செய்யும் நிறுவனங்களுக்கு தொழில் பூங்கா அமைக்கப்படும். கோவையில் உள்ள நீர்நிலைகளில் நீர் மாசுவைக் கட்டுப்படுத்த நடவடிக்கை எடுக்கப்படும்” எனத் தெரிவிக்கப்பட்டுள்ளது.