Skip to main content

5000 பேருக்கு அத்தியாவசிய பொருட்கள் தரும் தொழிலதிபர்!! -மிரண்ட அரசியல் கட்சியினர்...

Published on 04/04/2020 | Edited on 04/04/2020

திருவண்ணாமலை மாவட்டத்தைச் சேர்ந்தவர் முருகையன். திமுக சார்பில் திருவண்ணாமலை நகர் மன்ற தலைவர், திருவண்ணாமலை நாடாளுமன்ற தொகுதி எம்.பி.யாகவும் இருந்தவர். மறைந்த இவரின் பேரன் உறவு முறையை சேர்ந்தவர் தொழிலதிபர் தணிகைவேல். மதிமுக, தேமுதிக, திமுக என கட்சிகள் மாறியவர், தற்போது சென்னையில் சினிமா தயாரிப்பாளராகவும், பைனான்ஸ் பார்டியாகவும் இருந்து வருகிறார்.

கரோனா வைரஸ் பரவலால் நாடு முழுவதும் 144 தடை உத்தரவு பிறப்பிக்கப்பட்டு உள்ளதால் பொதுமக்கள் வீடுகளிலேயே முடங்கியுள்ளனர். அடிதட்டு மக்கள் எந்த வேலைக்கும் செல்ல முடியாமல், உணவுக்கும் வழியில்லாமல் தவிக்கின்றனர்.

 

Businessman- that provide essential goods for 5 thousand people


இந்நிலையில் இதனைக்கேள்விப்பட்டு பல்வேறு தரப்பினரும் பொதுமக்களுக்கு அத்தியாவசிய பொருட்கள், உணவு என ஏற்பாடு செய்து வழங்கி வருகின்றனர். அந்த வரிசையில் தொழிலதிபர் தணிகைவேல், திருவண்ணாமலையில் தனது ஆதரவாளர்கள் உள்ள சமுத்திரம் காலனி, கல்நகர், தியாகி அண்ணாமலைநகர், பேகோபுரம் தெரு, செட்டிக்குளமேடு பகுதி, ஆடையூர், அத்தியந்தல் உட்பட பல பகுதிகளில் ஏழ்மையானவர்கள் யார் என்கிற பட்டியல் எடுத்துள்ளார்.

சுமார் 5 ஆயிரம் குடும்பங்கள் கொண்ட பட்டியல் எடுக்கப்பட்டு அவர்களுக்கு தேவையான அத்தியாவசிய பொருட்களான 10 கிலோ அரிசி, து.பருப்பு, க.பருப்பு, உ.பருப்பு, கடலை எண்ணெய், கடுகு, மிளகாய்தூள், குளியல்சோப்புகள், துணி துவைக்கும் சோப்பு என ஒரு குடும்பத்திற்கு தலா 600 ரூபாய் மதிப்புள்ள பையை பொதுமக்களுக்கு தந்துவருகிறார்.

இதனை நேரடியாக வழங்காமல் அந்தந்த பகுதிகளில் உள்ள இளைஞர் அமைப்புகள், நீர்துளி அமைப்புகள் போன்ற சமூக அமைப்புகள் மூலமாக சம்மந்தப்பட்டவர்களின் குடும்பத்துக்கு வழங்கிவருகிறார். முதல் கட்டமாக 1500 குடும்பங்களுக்கு வழங்கியவர், தற்போது இரண்டாவது கட்டமாக 1500 குடும்பங்களுக்கு ஏப்ரல் 4ந்தேதி முதல் வழங்கி வருகின்றார். மூன்றாவது கட்டமாக அடுத்தவாரம் 2 ஆயிரம் குடும்பங்களுக்கு வழங்க முடிவு செய்துள்ளோம் என்றார் நம்மிடம்.

 

Businessman- that provide essential goods for 5 thousand people


ஒரு குடும்பத்துக்கு 600 ரூபாய் வீதம் 5 ஆயிரம் குடும்பத்துக்கு என 30 லட்ச ரூபாய் செலவில் அத்தியாவசிய பொருட்கள் தருவது ஆளும்கட்சியான அதிமுக, திமுக கட்சியினரை அதிர்ச்சியடைய செய்துள்ளது. கடந்த காலங்களில் தனது ஆதரவாளர்களுக்கு வாரி வழங்கியது பெரும் சர்ச்சையானது. தற்போது பாஜகவில் இணைய பேச்சுவார்த்தை நடத்திவருகிறார் என்பது குறிப்பிடதக்கது.

 

 

சார்ந்த செய்திகள்

Next Story

எங்களுக்கு மாநகராட்சி வேண்டாம்! 100 நாள் வேலை தான் வேண்டும்! - போராட்டத்தில் மக்கள்!

Published on 18/03/2024 | Edited on 18/03/2024
Pudukottai people are protesting that we don't want a corporation

கடந்த சில நாட்களுக்கு முன்பு புதுக்கோட்டையைச் சுற்றியுள்ள 11 ஊராட்சிகளை இணைத்து புதுக்கோட்டை நகராட்சி மாநகராட்சியாக தரம் உயர்த்துவதாகத் தமிழ்நாடு முதலமைச்சர் மு.க. ஸ்டாலின் அறிவித்தார். இந்த அறிவிப்பு வருவதற்குச் சில மாதங்களுக்கு முன்பே ‘வேண்டாம் மாநகராட்சி’ என்ற பெயரில் பல்வேறு அரசியல் கட்சி பிரமுகர்களை இணைத்து போராட்டக்குழு தொடங்கப்பட்டுள்ளது.

இந்த நிலையில், முதலமைச்சரின் அறிவிப்பையடுத்து போராட்டம் வேகமெடுக்கத் தொடங்கியுள்ளது. முதற்கட்டமாக திருக்கட்டளை, திருமலைராயசமுத்திரம் கிராம மக்கள் ஒன்று கூடி திங்கள் கிழமை, வேண்டாம் மாநகராட்சி என்று முழக்கமிட்டு போராட்டத்தில் ஈடுபட்டனர். கிராம ஊராட்சியில் இருக்கும் எங்களுக்கு 100 நாள்  வேலை உறுதித் திட்டத்தில் ஆண்டுக்கு 100 நாட்கள் வேலை கிடைக்கிறது. இதுமட்டுமின்றி பல்வேறு சலுகைகளும் கிடைக்கிறது. மேலும் சொத்துவரி, குடிநீர் வரி உள்பட பல்வேறு வரிகள் உயர்த்திக் கட்ட வேண்டும். குப்பை வரி வாங்குவாங்க ஆனா குப்பை அள்ளமாட்டாங்க. வேலையே இல்லாம இந்த வரியெல்லாம் எப்படி கட்ட முடியும். அதனால் வேண்டாம் மாநகராட்சி என்று கோரிக்கை முழக்கமிட்டனர்.

அதே நேரத்தில் மாநகராட்சியில் 100 நாள் வேலை கிடைக்காது. ஆனால் எங்களை சம்மதிக்க வைக்க வேலை தருவதாக சொல்வாங்க. அப்புறம் தரமாட்டாங்க என்கின்றனர் போராட்டத்தில் இருந்த பெண்கள். இது முதற்கட்ட போராட்டம் தான். தேர்தலுக்கு முன்பே இன்னும் பலகட்ட போராட்டங்களை 11 ஊராட்சி மக்களும் ஒன்று சேர்ந்து எடுப்பார்கள். இல்லை என்றால் தேர்தலை புறக்கணித்து ஆளும் திமுகவுக்கு நெருக்கடி கொடுக்கவும் திட்டமிட்டுள்ளனர் என்கின்றனர்.

Next Story

யானைகள் தொடர் அட்டகாசம்; வனத்துறையை கண்டித்து கிராம மக்கள் சாலை மறியல்

Published on 16/03/2024 | Edited on 16/03/2024
 villagers staged a struggle against the forest department as the elephants continued to roar
கோப்புப்படம்

வேலூர் மாவட்டம் குடியாத்தம் அடுத்த கள்ளப்பாடி, கே.வலசை, கணவாய் மோட்டூர், அனுப்பு, டிபி பாளையம், உள்ளிட்ட பகுதிகள் தமிழக ஆந்திர எல்லையை ஒட்டி உள்ளது. இங்கு தொடர்ந்து யானைகள்  விவசாய நிலங்களுக்குள் புகுந்து பயிர்களை சேதப்படுத்தி வருகிறது.

மேலும் பயிர்களை தொடர்ந்து யானைகள் சேதப்படுத்தி வருவதாகவும் அதை கட்டுக்குள் கொண்டு வர வனத்துறையினர் நடவடிக்கை எடுக்க வேண்டும். மேலும் சேதம் அடைந்து வரும் பயிர்களுக்கு உரிய இழப்பீடு வழங்கக் கோரியும் கிராம மக்கள் சுமார் நூற்றுக்கும் மேற்பட்டோர் குடியாத்தம் - பரதராமி சாலையில் கணவாய் மோட்டூர் பகுதியில் சாலை மறியலில் ஈடுபட்டனர் இதனால் குடியாத்தம் பரதராமி சாலையில் சாலை போக்குவரத்து பாதிப்பு ஏற்பட்டது

இதனையடுத்து தகவல் அறிந்து சம்பவ இடத்திற்கு வந்த பரதராமி காவல்துறையினர் மற்றும் குடியாத்தம் வனத்துறையினர், மேற்கொண்ட பேச்சுவார்த்தையில் உரிய நடவடிக்கை எடுப்பதாக வனத்துறையினர்  உறுதி அளித்தனர். இதனையடுத்து கிராம மக்கள் கலைந்து சென்றனர். இதனால் அப்பகுதியில் சிறிது நேரம் போக்குவரத்து பாதிப்பு ஏற்பட்டது.