Skip to main content

அண்ணாமலை பல்கலைக்கழக மாணவ, மாணவிகள் நள்ளிரவில் போராட்டம்

Published on 27/04/2023 | Edited on 27/04/2023

 

Annamalai University students struggle at midnight

 

சிதம்பரம் அண்ணாமலைப் பல்கலைக்கழகத்தில் பயிலும் மேலாண்மை துறை இறுதி ஆண்டு மாணவ, மாணவிகளுக்கு ஒவ்வொரு ஆண்டும் மூன்று நாட்கள் கல்வி சுற்றுலா செல்வது வழக்கம் இந்த நிலையில் இந்த ஆண்டிற்கான இறுதி ஆண்டு மாணவர்கள் கடந்த இரண்டு மாதங்களாக கல்வி சுற்றுலாவிற்கு சம்பந்தப்பட்ட துறை தலைவரிடம் அனுமதி கூறியுள்ளனர் துறை தலைவர்  நான்கு முறைக்கு மேல் அனுமதி மறுக்கப்பட்டு இறுதியாக அனுமதி வழங்கியுள்ளார். 

 

இந்த நிலையில் ஏப்ரல் 26 ஆம் தேதி இரவு கல்வி சுற்றுலாவிற்கு அண்ணாமலை பல்கலைக்கழக வளாகத்தில் மேலாண்மை துறை மாணவ, மாணவிகள் நூற்றுக்கும் மேற்பட்டவர்கள் பெற்றோருடன் உடைமைகளை எடுத்து வந்து பேருந்துக்காக காத்திருந்தனர். அப்போது மேலாண்மை துறை தலைவர் உதயசூரியன் மற்றும் முதல்வர் விஜயராணி ஆகியோர் மாணவர்களிடம் கல்வி சுற்றுலாவிற்கு அனுமதி மறுக்கப்பட்டுள்ளது என கூறியதால் மாணவர்கள் அதிர்ச்சி அடைந்து  பல்கலைக்கழக வளாகத்தில் நள்ளிரவில் போராட்டத்தில் ஈடுபட்டனர். மேலாண்மை துறை மாணவ, மாணவிகள் கல்வி சுற்றுலா ரத்து செய்யப்பட்டதால் இரவு நேரத்தில் போராட்டத்தில் ஈடுபட்டது பரபரப்பாக இருந்தது.

 

பின்னர் இது குறித்து தகவல் அறிந்த சிதம்பரம் உதவி காவல் கண்காணிப்பாளர் ரகுபதி தலைமையிலான காவல்துறையினர் மாணவ மாணவிகளிடம் பேச்சுவார்த்தை நடத்தினர் இதனை தொடர்ந்து பல்கலைக்கழக துணைவேந்தர் வியாழக்கிழமை அனைத்து மாணவர்களின் அழைத்து கருத்து கேட்டு வெள்ளிக்கிழமை இரவு கண்டிப்பாக கல்வி சுற்றுலாவுக்கு அனுமதி அளிப்பதாக உறுதி அளித்தார். இன்றைக்கு வந்து அனைத்து மாணவர் மாணவிகளும் பல்கலைக்கழக விடுதியில் தங்க வைக்கப்பட்டு அனுப்பி வைக்கப்பட்டனர். நள்ளிரவு 2 மணி வரை இந்த பிரச்சனை தொடர்ந்து நடந்ததால் பல்கலைக்கழக வளாகத்தில் பரபரப்பாக இருந்தது.

 

இது குறித்து மாணவ, மாணவிகள் கூறுகையில், மேலாண்மை துறைத் தலைவராக உள்ளவர் உதயசூரியன். இவர் மாணவர்கள் கல்வி சுற்றுலாவிற்கு அனுமதி அளிக்காமல் நான்கு முறை கடந்த 3 மாதங்களாக அனுமதியை ரத்து செய்துள்ளார். இது குறித்து மேலாண்மைத் துறை முதல்வரிடம் மாணவ, மாணவிகள் துறைத்தலைவர் செய்யும் சில தவறான செயல்பாடுகளையும் அவர் ஏன் கல்வி சுற்றுலாவை ரத்து செய்கிறார் என்பதை புகார் அளித்துள்ளனர். புகாரின் பேரில் துறை முதல்வர் விஜயராணி துறைத் தலைவரை அழைத்து கேட்டுள்ளார். இதனைதொடர்ந்து மாணவ மாணவிகளுக்கு முதல்வர் கல்வி சுற்றுலா செல்வதற்கு அனுமதி அளித்துள்ளதாக கூறப்படுகிறது.

 

இந்த நிலையில் துறைத் தலைவரைத் தாண்டி எப்படி முதல்வர் அனுமதிக்கலாம் என்ற கோபத்தில் அவர் தொடர்ந்து பல்கலைக்கழக பதிவாளர் மற்றும் துணை வேந்தர் இடம் அனுமதி வாங்குவதில் தாமதப்படுத்தி கல்வி சுற்றுலாவிற்கு அனுமதி கிடைக்காமல் செய்துள்ளதாக கூறுகின்றனர். மேலும் துறைத் தலைவர் வாட்ஸ் அப் குரூப்பில் பணம் கட்டாத மாணவர்கள் பல பேர் உள்ளதாக பதிவு செய்துள்ளார் அதனால் கல்வி சுற்றுலாவுக்கு செல்ல அனுமதி இல்லை என குறிப்பிட்டுள்ளார். இதில் அதிக அளவு ஸ்காலர்ஷிப் பெரும் எஸ்சி, எஸ்டி மாணவர்கள் பணம் கட்டவில்லை என்பது உறுதிப்படுத்தப்பட்டு மாணவர்கள் மத்தியில் கருத்து வேறுபாடு ஏற்பட்டுள்ளது. ஒவ்வொரு ஆண்டும் கல்வி சுற்றுலாவின் போது மாணவர்களின் ஸ்காலர்ஷிப்பில் இருந்து பணத்தை எடுத்துக் கொள்வார்கள் ஆனால் இந்த ஆண்டு ஸ்காலர்ஷிப் வருவதில் தாமதம் ஏற்பட்டுள்ளது என்று கூறப்படுகிறது. 

 

 

சார்ந்த செய்திகள்

 

Next Story

பள்ளி மாணவிகளுக்கு பாலியல் தொல்லை கொடுத்த ஆசிரியர்; கோவையில் பரபரப்பு 

Published on 12/07/2024 | Edited on 12/07/2024
teacher misbehaving with schoolgirls

கோவை அருகே செயல்பட்டு வரும் தனியார் பள்ளி ஒன்றில், 800க்கும் மேற்பட்ட மாணவ மாணவிகள் படித்து வருகின்றனர். இந்த பள்ளியில், பால்ராஜ் என்பவர் நூலக பொறுப்பு ஆசிரியராக பணியாற்றி வந்தார். இவர் அப்பள்ளியில் பயின்று வரும் 9 ஆம் வகுப்பு மாணவி ஒருவருக்கு பாலியல் தொல்லைக் கொடுத்துள்ளார். நாளாக நாளாக பால்ராஜின் தொந்தரவு அதிகரிக்க, ஆத்திரமடைந்த மாணவி தனது பெற்றோர்களிடம் தெரிவித்துள்ளார். 

இதைக்கேட்டு அதிர்ச்சியடைந்த பெற்றோர் பள்ளிக்குச் சென்று சம்பந்தப்பட்ட ஆசிரியர் மீது புகார் அளித்துள்ளனர். அதன்பேரில் நூலக பொறுப்பு ஆசிரியர் பால்ராஜை பள்ளி நிர்வாகம் பணியிடை நீக்கம் செய்தது. இந்த நிலையில் இது சம்பந்தமான புகார் மாவட்ட கல்வி அதிகாரிகளுக்கும், குழந்தை நல வாரிய அதிகாரிகளுக்கும் சென்றுள்ளது. 

உடனடியாக களத்தில் இறங்கிய அதிகாரிகள் சம்பந்தப்பட்ட பள்ளிக்குச் சென்று மாணவிகளிடம் தனித்தனியே விசாரணை நடத்தியுள்ளனர். அப்போது, பால்ராஜ் மேலும் இரு மாணவிகளுக்குத் தொடர்ந்து பாலியல் தொல்லைக் கொடுத்தது தெரியவந்தது. இதனைத் தொடர்ந்து, மாவட்ட குழந்தை நல அதிகாரிகள் ஆர்.எஸ்.புரம் காவல்துறையிடம் புகார் அளித்துள்ளனர். இதையடுத்து போக்சோ வழக்குப்பதிவு செய்த போலீசார் பால்ராஜை கைது செய்து விசாரணை நடத்தி வருகின்றனர். 

Next Story

சிறையில் சிக்கிய குட்டி செல்போன்; ஆம்ஸ்ட்ராங் வழக்கில் பரபரப்பு

Published on 11/07/2024 | Edited on 11/07/2024
Little Cell Phone Trapped in Jail; The sensation in the Armstrong case

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டது தமிழகத்தில் பரபரப்பை ஏற்படுத்தியுள்ளது. தொடர்ந்து ஆம்ஸ்ட்ராங்கின் உடல் பெரம்பூர் பந்தர் கார்டன் மாநகராட்சி பள்ளியில் பொதுமக்கள் அஞ்சலிக்காக வைக்கப்பட்டு பின்னர் அடக்கம் செய்யப்பட்டது. தொடர்ந்து இந்த கொலை சம்பந்தமாக தமிழக தலைமைச் செயலாளருக்கும், தமிழக டிஜிபிக்கும் தேசிய பழங்குடியினர் ஆணையம் பதிலளிக்க நோட்டீஸ் அனுப்பியுள்ளது.

இந்நிலையில் ஆம்ஸ்ட்ராங் கொலைக் குற்றவாளிகள் உள்ள சிறையில் செல்போன் கண்டுபிடித்தது பெரும் பரபரப்பை ஏற்படுத்தியுள்ளது. விரல் அளவு கொண்ட செல்போனை பொறி வைத்து காவல் துறையினர் பிடித்துள்ளனர். பூவிருந்தவல்லியில் உள்ள தனிக் கிளைச் சிறையில் சிறை கண்காணிப்பாளர் ஜேம்ஸ் லீ பிரிட்டோ காவலர்கள் குழுவுடன் சிறையில் திடீரென ஆய்வு செய்தார். அப்போது 1 வது ப்ளாக்கில் படிக்கட்டின் கீழே கை விரல் அளவே கொண்ட செல்போன், சிம் கார்டு, மற்றும் அதற்கு பயன்படுத்தப்படும் 3 பேட்டரி பறிமுதல் செய்தனர்.

Little Cell Phone Trapped in Jail; The sensation in the Armstrong case

இதுகுறித்து சிறை கண்காணிப்பாளராக பொறுப்பில் உள்ள ஜேம்ஸ் லீ பிரிட்டோ பூவிருந்தவல்லி காவல் நிலையத்தில் புகார் அளித்து இருந்தார். இதையடுத்து கஞ்சா வழக்கில் கைதான மாறன் மற்றும் கொள்ளை வழக்கில் கைதான பாஸ்கர் ஆகியோரிடம் காவல்துறையினர் விசாரணை நடத்தி வருகின்றனர். ஆம்ஸ்ட்ராங் படுகொலையில் கைது செய்யப்பட்ட குற்றவாளிகள் உள்ள பூவிருந்தவல்லி தனிக் கிளைச் சிறையில் செல்போன் பறிமுதல் செய்யப்பட்டது பெரும் பரபரப்பை ஏற்படுத்தியுள்ளது. மேலும் இந்த கொலை சம்பவம் தொடர்பாக சிறையில் உள்ள 11 பேருக்கு 5 நாட்கள் போலீஸ் காவல் வழங்கப்பட்டுள்ளது.