Skip to main content

நடிகை ராதாவுக்கு கொலை மிரட்டல்!

Published on 23/06/2021 | Edited on 24/06/2021

 

Actress Radha gets  threat


‘சுந்தரா டிராவல்ஸ்’ உள்ளிட்ட பல்வேறு தமிழ் திரைப்படங்களில் கதாநாயகியாக நடித்தவர் நடிகை ராதா. இவர் ஏற்கனவே ஏப்ரல் மாதம் 16ஆம் தேதி விருகம்பாக்கம் காவல் நிலையத்தில்  தனது கணவரான எஸ்.ஐ. வசந்தராஜா தன்னுடைய நடத்தையில் சந்தேகப்பட்டு அடித்துத் துன்புறுத்தியதாக வழக்கு தொடுத்திருந்த நிலையில், மேலும் தற்போது, வசந்தராஜா தனக்கு கொலை மிரட்டல் கொடுப்பதாக ஆயிரம் விளக்கு அனைத்து மகளிர் காவல் நிலையத்தில் புகார் கொடுத்துள்ளார்.

 

நடிகை ராதா ஏப்பரல் மாதம் கொடுத்த வழக்கிற்காக சென்னை அசோக்நகர் ஏ.சி. தனபால் தலைமையிலான விசாரணை 17ஆம் தேதி தொடங்கியது. அந்த விசாரணையில் ராதாவை வசந்தராஜவுக்கு சாதகமாகப் பேச சொல்லியுள்ளார். ஆனால் அவருக்கு சாதகமாக விஷயத்தை சொல்லாமல், நடந்த விஷயங்களை அப்படியே சொல்லியுள்ளார் ராதா. இதனால் எஸ்.ஐ. வேலைக்கு ஆபத்து வந்துவிடும் என்ற அச்சத்தால் வசந்தராஜா நடிகை ராதாவுக்கு கொலை மிரட்டல் கொடுத்துள்ளாராம். மேலும், அடுத்தகட்ட விசாரணை நடக்க இருக்கும் நிலையில், “அதிலாவது எனக்குச் சாதகமாக சொல்லவில்லை என்றால் என்னுடைய வேலை போனபிறகு எனக்கு எதற்கு நீ தேவை? உன்னை என்ன செய்யணுமோ அதைச் செய்து முடித்துவிடுவேன்” என்று மிரட்டியுள்ளார். 

 

இது தொடர்பாக பேசிய நடிகை ராதா, “போலீஸ் தரப்பு செய்த விசாரணையில் வசந்தராஜா என்னுடன் கணவனாக வாழ்ந்ததையும் அடித்துத் துன்புறுத்தியதும் உண்மைதான் என்று விசாரணையில் சொல்லியதால், அவருக்குச் சாதகமாகப் பேசவில்லை என்பதற்காக, ‘ரவுடி சம்பவ செந்தில் மற்றும் முனிவேல் இருவரும் என்னுடைய நண்பர்கள். அவர்களை வைத்து உன்னை அடையாளம் தெரியாமல் செய்துவிடுவேன்’ என மிரட்டினார். அதனால்தான் நான் ஆயிரம் விளக்கு மகளிர் காவல் நிலையத்தில் புகார் கொடுத்தேன் அதன்படி வடபழனி மகளிர் காவல் நிலைய எஸ்.ஐ. ரேணுகா என்னிடம் விசாரணை செய்தார். அவர்களிடம் இதையே சொன்னேன். எனக்கு எப்போ, எது வேண்டுமானாலும் நடக்க வாய்ப்பிருக்கிறது அப்படி நடந்தால் அதற்கு வசந்தராஜாதான் காரணம்” என்றார்.

 

இது தொடர்பாக எஸ்.ஐ. வசந்தராஜாவிடம் கேட்டபோது, “அதுபோன்று கொலை மிரட்டல் கொடுக்கவில்லை. என்னுடைய வேலைக்கு, அரசு வேலை அது கிடைப்பது அரிது என்று என்னுடைய வக்கீல்தான் கேட்டாங்களே தவிர, அதைக்கூட நான் கேட்கவில்லை. அவர் சொல்வதைப் போன்று அந்த ரவுடிகள் யார் என்றே எனக்குத் தெரியாது” என்றார். மேலும், இது தொடர்பான வழக்கை வடபழனி மகளிர் காவல் நிலையத்தில் எஸ்.ஐ. ரேணுகா விசாரணை செய்துவருகிறார். 

 

 

சார்ந்த செய்திகள்

 

Next Story

காணாமல் போன இளம்பெண்; கண்டுபிடித்துத் தரக்கோரி காவல் நிலையம் முற்றுகை

Published on 23/07/2024 | Edited on 23/07/2024
Missing Girl; Find out and lay siege to the police station

புதுக்கோட்டை மாவட்டம் ஆலங்குடி காவல் சரகத்திற்கு உட்பட்ட ஒரு கிராமத்தைச் சேர்ந்த 19 வயது இளம்பெண் கடந்த 19 ந் தேதி திடீரென காணாமல் போன நிலையில் உறவினர், தோழிகள் வீடுகளில் எல்லாம் தேடிய உறவினர்கள் ஆலங்குடி காவல் நிலையத்தில் புகார் கொடுத்துள்ளனர். பெண்ணை காணவில்லை என்று பெற்றோர் புகார் கொடுத்திருந்த நிலையில் ஆலங்குடி போலீசார் அந்த பெண் பயன்படுத்திய செல்போன் எண் அணைத்து வைக்கப்பட்டிருந்ததால் அவர் யாருக்கெல்லாம் போனில் பேசியுள்ளார் என்ற விபரங்களை சேகரித்து சில குறிப்பிட்ட எண்ணில் உள்ளவர்களிடம் விசாரணை செய்து வருகின்றனர்.

இந்நிலையில் புகார் கொடுத்து சில நாட்களாகியும் இளம்பெண்ணை கண்டுபிடித்துத் தரவில்லை என்று இன்று செவ்வாய்க் கிழமை மாலை ஆலங்குடி காவல் நிலையம் முன்பு திரண்ட இளம்பெண்ணின் உறவினர்கள் ஆண்கள் பெண்கள் என ஏராளமானோர் முற்றுகை போராட்டத்தில் ஈடுபட்டனர். இதையடுத்து நடந்த சமாதானப் பேச்சுவார்த்தையில் செல்போன் விபரங்கள் சேகரிக்கப்பட்டு தொடர் விசாரனை நடப்பதால் விரைவில் மீட்கப்படுவார் என்று போலீசார் உறுதி அளித்ததால் முற்றுகை போராட்டத்தை கைவிட்டு கலைந்து சென்றனர். இதனால் அங்கு சிறிது நேரம் பரபரப்பு ஏற்பட்டிருந்தது.

Next Story

வேட்டைத் துப்பாக்கி வெடித்து இளைஞர் பலி; துப்பாக்கியைத் தேடும் போலீசார்

Published on 23/07/2024 | Edited on 23/07/2024
Hunting gun blast passed away youth

புதுக்கோட்டை மாவட்டம் இலுப்பூர் அருகே உள்ள வேப்பவயல் கிராமத்தைச் சேர்ந்த பழனிச்சாமி மகன் லட்சுமணன்(20), அதே கிராமத்தைச் சேர்ந்த அவரது நண்பர் சரவணன் மற்றும் அவரது மாமா தேக்கமலை ஆகியோர் நாட்டுத் துப்பாக்கியை பயன்படுத்தி காடுகளில் வேட்டையாடுவது வழக்கமாக இருந்துள்ளது. இதனால் இவர்கள் நாட்டுத்துப்பாக்கி வைத்திருந்ததாக கூறப்படுகிறது.

Hunting gun blast passed away youth

தற்போது, அந்த நாட்டுத் துப்பாக்கியில் வெடி மருந்து செலுத்தி சுட முயன்ற போது சுடமுடியவில்லை. காரணம் வெடிமருந்து செலுத்தும் பகுதியில் உள்ள ஓட்டை பெரிதாக இருந்ததால் அந்த ஓட்டையை அடைத்து சிறியதாக்குவதற்காக அதே கிராமத்தில் உள்ள ஆறுமுகம் என்பவருக்கு சொந்தமான வெல்டிங் பட்டறையில் வெல்டு வைக்க கொண்டு சென்றுள்ளனர். ஆறுமுகம் வெல்டிங் செய்த போது துப்பாக்கு இரும்பு குழாய் அதிக சூடாகி ஏற்கனவே துப்பாக்கி குழாயில் செலுத்தப்பட்டிருந்த வெடி மருந்துடன் துப்பாக்கி வெடித்து சிதறியுள்ளது. 

துப்பாக்கி வெடித்து சிதறிய இந்த சம்பவத்தில் லட்சுமணன் படுகாயம் அடைந்ததை தொடர்ந்து அவரை அருகே இருந்தவர்கள் மீட்டு திருச்சியில் உள்ள தனியார் மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் அங்கு சிகிச்சை பலனின்றி லட்சுமணன் உயிரிழந்த நிலையில் இந்த சம்பவம் குறித்து இலுப்பூர் போலீசார் வழக்கு பதிவு செய்து விசாரணையை தொடங்கியுள்ளனர்.

மேலும், சம்பவத்தின் போது லட்சுமணன் கூட இருந்த சரவணன் மற்றும் அவரது மாமா தேக்கமலை ஆகிய இருவரை கைது செய்த போலீசார் அவர்களிடம் விசாரணை மேற்கொண்டு வரும் நிலையில் வெல்டிங் பட்டறை உரிமையாளர் ஆறுமுகம் தலைமுறைவாக உள்ளதால் அவரைத் தேடி வருகின்றனர்.  வெல்டிங் செய்யும் போது வெடித்து லெட்சுமணன் உயிர் போக காரணமாக இருந்த வேட்டைக்கு பயன்படுத்தும் நாட்டுத் துப்பாக்கியையும் தேடி வருகின்றனர்.

Hunting gun blast passed away youth

சம்பவ இடத்திற்கு வந்த திருச்சி சரக டிஐஜி மனோகர், புதுக்கோட்டை மாவட்ட காவல் கண்காணிப்பாளர் வந்திதா பாண்டே, இலுப்பூர் கோட்டாட்சியர் பெரியநாயகி, வட்டாட்சியர் சூரியபிரபு உள்ளிட்ட அதிகாரிகள் சம்பந்தப்பட்ட கிராமத்தில் விசாரணை மேற்கொண்டு சம்பவ இடத்தை பார்வையிட்டனர். வேட்டைக்கு பயன்படுத்தும் நாட்டுத் துப்பாக்கி வெடித்து இளைஞர் லட்சுமணன் உயிரிழந்த சம்பவம் பெரும் அதிர்ச்சியை ஏற்படுத்தி உள்ள சூழ்நிலையில் அவர்களுக்கு துப்பாக்கி எவ்வாறு வந்தது? யார் செய்து கொடுத்தது? என்பது குறித்தும் அது எவ்வாறு வெடித்தது என்பது குறித்தும் தொடர்ந்து போலீசார் விசாரணை மேற்கொண்டு வருகின்றனர்.