Skip to main content

இ-பாஸ் இல்லாமல் வந்த 420 பேர் மீது  வழக்கு... தனிமை முகாமில் அடைப்பு

Published on 18/06/2020 | Edited on 19/06/2020
420 people trapped without e-pass-in thiruvannamalai

 

தமிழகத்தில் உள்ள பெரிய மாவட்டங்களில் முதலிடம் வகிப்பது திருவண்ணாமலை மாவட்டம். பரப்பளவில் மிகபெரிய மாவட்டமான இது, விவசாயத்தை மட்டுமே நம்பியுள்ளது. இதனால் இப்பகுதி ஏழை மக்கள் அதிகளவில் வேலைக்காக சென்னை, ஆந்திரா, கர்நாடகா, கேரளா என பயணமாகி வேலை செய்துவருகின்றனர்.

கரோனா ஊரடங்கால் வேலை இழந்த தொழிலாளர்கள் உயிருக்கு பயந்து தங்களது ஊர்களுக்கு திரும்பி வருகின்றனர். அப்படி வருபவர்களை கண்காணித்து கரோனா பரிசோதனைக்குபின் அனுமதித்தனர். அப்படி வந்தவர்களில் கரோனா இருப்பவர்களை மருத்துவமனையில் அனுமதிக்கப்பட்டனர். அனுமதி பெறாமல் அதாவது இ-பாஸ் பெறாமல் மாவட்டத்துக்குள் வந்தவர்களால் கரோனா பரவியது.

இதனை தாமதமாக உணர்ந்த மாவட்ட நிர்வாகம், இரண்டு தினங்களுக்கு முன்பு இ-பாஸ் இல்லாமல் மாவட்டத்துக்குள் வந்தால் அவர்கள் மீது கடுமையான நடவடிக்கை எடுக்கப்படும் என அறிவித்தார் மாவட்ட ஆட்சியர் கந்தசாமி. திருவண்ணாமலை எஸ்.பி சிபிசக்கரவர்த்தி உத்தரவுப்படி, வேலூர், திருப்பத்தூர், காஞ்சிபுரம், விழுப்புரம், கள்ளக்குறிச்சி, கிருஷ்ணகிரி, தருமபுரி வழியாக யாரும் திருவண்ணாமலை மாவட்டத்துக்குள் நுழையாதபடி 21 சோதனை சாவடிகள் ஏற்கனவே உள்ளன. அந்த சாவடிகளில் பாதுகாப்பை பலப்படுத்தி இ-பாஸ் இல்லாமல் வருபவர்கள் மீது வழக்கு பதிவு செய்கின்றனர்.

இதுபற்றி திருவண்ணாமலை மாவட்ட ஆட்சித்தலைவர் கந்தசாமி கூறும்போது, ஜூன் 17ந்தேதிவரை 49 வழக்குகள் பதிவு செய்யப்பட்டுள்ளன. வழக்கு பதிவு செய்ததோடு இ-பாஸ் இல்லாமல் வந்த 420 பேரை தனிமைப்படுத்தி வைத்துள்ளோம் என்றார். மாவட்ட எல்லைகளில் கடுமையாக சோதனை நடைபெறுகிறது. திருவண்ணாமலை மாவட்டத்தில் இருந்து வருபவர்களை வேலூர், திருப்பத்தூர் மாவட்ட நிர்வாகம் எல்லையிலேயே தடுத்து நிறுத்தி உள்ளே அனுமதிக்காமல் நிறுத்துகின்றனர் என்பது குறிப்பிடத்தக்கது.

 


 

சார்ந்த செய்திகள்

 

Next Story

மாமண்டூரில் பழைய கற்கால ஆயுதம் கண்டெடுப்பு

Published on 21/07/2024 | Edited on 21/07/2024
Paleolithic weapon discovery at Mamandur

தஞ்சாவூர் தமிழ் பல்கலைக்கழக கடல்சார் வரலாறு மற்றும் கடல்சார் தொல்லியல் துறை மேற்பார்வையில் இயங்கும் தொல்லியல் கழகம், விழுப்புரம் உமா கல்வி அறக்கட்டளையுடன் இணைந்து, காஞ்சி சங்கரா கலை மற்றும் அறிவியல் கல்லூரி சார்பில் ஐந்து நாட்கள் கல்வெட்டு பயிலரங்கம்  தமிழ்த்துறை தலைவர் இராதாகிருஷ்ணன் தலைமையில் நடைபெற்றது.

பயிலரங்கத்தின் கடைசி நாளில் திருவண்ணாமலை மாவட்டம் மாமண்டூர் மற்றும் கூழமந்தல் ஆகிய ஊர்களுக்கு கல்வெட்டு பயிற்சியில் முனைவர் பட்ட ஆய்வு மாணவர்கள், முதுகலை மாணவர்கள், பள்ளி மாணவர்கள் என  சுமார் 40 மாணவர்கள் மற்றும் 5 பேராசிரியர்கள், காஞ்சிபுரம் மாவட்ட அருங்காட்சியக காப்பாட்சியர் ஆகியோர்  களப்பயணம் மேற்கொண்டனர்.

Paleolithic weapon discovery at Mamandur

மாமண்டூர் குடைவரையில் களப்பயணம் மேற்கொண்டபோது 4-வது ஆக உள்ள குடைவரையை பார்வையிட்டு கீழே இறங்கும் போது மலை அருகே கற்கால கருவி ஒன்றை  கல்வெட்டு பயிலரங்கத்தில் கலந்து கொண்ட விழுப்புரம் அறிஞர் அண்ணா அரசு கலைக் கல்லூரியின் முனைவர் பட்ட ஆய்வு மாணவர் இம்மானுவேல் கண்டறிந்தார். இதனை ஆய்வு செய்ததில் அவை பழைய கற்கால கருவி என தெரியவந்தது என அவர் தெரிவித்தார்.

குடைவரைக்கு பின் பகுதியில் பெருங்கற்காலத்தை சேர்ந்த கல் திட்டைகளும் உள்ளன எனவே இந்த ஆதாரங்கள்  மூலம் அப்பகுதியில் பழைய கற்கால மனிதன் வாழ்ந்திருக்கலாம் என அறிய முடிகிறது என்று கூறினார்.

Next Story

காதல் திருமணம் செய்த இரண்டே நாளில் சடலமாக மீட்கப்பட்ட இளைஞர்!

Published on 08/07/2024 | Edited on 08/07/2024
young man passed away two days after his love marriage

திருவண்ணாமலை மாவட்டம் ஆரணியை அடுத்த சொரக்காபாளையம் கிராமத்தைச் சேர்ந்தவர் தமிழரசன் மகன் அஜித். இவர் தனியார் வங்கியில் பணியாற்றி வருகிறார். உதகையை சேர்ந்த ஜான்சன் என்பவரின் மகள் ராதிகா சென்னையில் உள்ள ஒரு தனியார் நிறுவனத்தில் வேலைசெய்து வந்துள்ளார். இந்த நிலையில் அஜித்துக்கும் ராதிகாவிற்கும் பழக்கம் ஏற்பட்டுள்ளது. நாளடைவில் இந்தப் பழக்கம் காதலாக மாறியுள்ளது.

இதனைத் தொடர்ந்து கடந்த 3 ஆம் தேதி ராதிகாவை அஜித் தனது வீட்டிற்கு அழைத்து சென்றுள்ளார். பின்னர் அவர்களின் குலதெய்வம் கோவிலில் அஜிதிற்கும், ராஜிகாவிற்கும் தமிழரசன் திருமணம் செய்து வைத்துள்ளார். இதையடுத்து 5 ஆம் தேதி பதிவு திருமணம் செய்வதற்கான தகவல்களை விசாரித்து வருவதற்காக அஜித் வீட்டில் இருந்து கிளம்பி தனியாக சென்றுள்ளார். ஆனால் அவர் நீண்ட நேரமாகியும்  வீடு திரும்பாததால், சந்தேகமடைந்த போலீசார், ஆரணி தாலுகா காவல்நிலையத்தில் புகார் கொடுத்தனர். அதன் பேரில் வழக்குப் பதிவு செய்த போலீசார் காணமால் போன அஜித்தை தேடி வந்தனர். 

இந்த நிலையில் அத்திமூரை அருகே உள்ள காட்டுப்பகுதியில் இளைஞர் ஒருவரின் உடல் மரத்தில் தொங்கிக்கொண்டிருப்பதாக போலீசாருக்கு தகவல் கிடைத்துள்ளது. உடனடியாக சம்பவ இடத்திற்கு விரைந்து சென்று மரத்தில் தொங்கிக்கொண்டிருப்பது அஜித்  என்பதை உறுதிசெய்த போலீசார் உடலை மீட்டு பிரேதப் பரிசோதனைக்காக மருத்துவமனைக்கு அனுப்பி வைத்தனர்.

திருமணமான இரண்டே நாளில் அஜித் மரத்தில் பிணமாக தொங்கியது பெரும் பரபரப்பை ஏற்படுத்தியுள்ளது. அஜித் தற்கொலை செய்துகொண்டாரா? அல்லது வேறு எதாவது பிரச்சனையா என்று போலீசார் தீவிரமாக விசாரணை நடத்தி வருகின்றனர்.