Skip to main content

11 ஆம் வகுப்பு தேர்வு முடிவுகள்; கணினி அறிவியலில் அசத்திய மாணவர்கள்!

Published on 14/05/2024 | Edited on 14/05/2024
11th std public Exam Results Amazing students in computer science

தமிழ்நாட்டில் 2023 - 24 ஆம் கல்வியாண்டுக்கான 11 ஆம் வகுப்பு பொதுத் தேர்வு முடிவுகள் இன்று (14.05.2024) காலை 09:30 மணியளவில் வெளியானது. தேர்வு முடிவுகளை தேர்வுத்துறை இயக்குநர் சேதுராம வர்மா வெளியிட்டார். இதனையடுத்து மாணவர்கள் தங்கள் தேர்வு முடிவுகளை https//resultsdigilocker.gov.in, www.tnresults.nic.in மற்றும் www.dge.tn.gov.in என்ற இணையதள முகவரியில் தங்களது பதிவெண் மற்றும் பிறந்த தேதி ஆகியவற்றை பதிவு செய்து தேர்வு முடிவுகளை அறிந்து வருகின்றனர். அதே சமயம் பள்ளி மாணவர்கள் தாங்கள் படித்த பள்ளிகள் மூலமும் தேர்வு முடிவுகளை அறிந்துகொள்ள வசதிகள் செய்யப்பட்டுள்ளன. மேலும் மாணவ - மாணவிகள் வீட்டில் இருந்தபடியே தங்களது தேர்வு முடிவுகளை தெரிந்து கொள்ள ஏதுவாக பள்ளிகளில் பதிவு செய்திருந்த கைப்பேசி எண்ணுக்கு மதிப்பெண் விவரம் அனுப்பி வைக்கப்பட்டுள்ளது.

இந்நிலையில் வெளியான தேர்வு முடிவுகளின் படி, 11 ஆம் வகுப்பு பொதுத் தேர்வில் 91.17 சதவீதம் பேர் தேர்ச்சி பெற்றுள்ளனர். தமிழ்நாடு மற்றும் புதுச்சேரியில் 11 ஆம் வகுப்பு தேர்வை எழுதிய சுமார் 8.11 லட்சம் பேரில் 7.39 லட்சம் பேர் தேர்ச்சி பெற்றுள்ளனர். மாணவிகள் 4.04 லட்சம் பேரும், மாணவர்கள் 3.35 லட்சம் பேரும் தேர்ச்சி பெற்றுள்ளனர். அதன்படி மாணவர்களை விட மாணவிகள் 7.43 சதவீதம் பேர் அதிகம் தேர்ச்சி பெற்றுள்ளனர். கடந்த ஆண்டு 90.93 சதவீத மாணவர்கள் தேர்ச்சி அடைந்த நிலையில், இந்த ஆண்டு 91.17 சதவீத மாணவர்கள் தேர்ச்சி அடைந்துள்ளனர். 8 லட்சத்து 11 ஆயிரத்து 172 மாணவர்கள் தேர்வு எழுதிய நிலையில் 7 லட்சத்து 39 ஆயிரத்து 539 பேர் தேர்ச்சி பெற்றுள்ளனர். 

11th std public Exam Results Amazing students in computer science

தமிழ்ப்பாடத்தில் 8 பேர் 100க்கு 100 மதிப்பெண்கள் பெற்றுள்ளனர். அதிகபட்சமாக கணினி அறிவியலில் 3 ஆயிரத்து 432 பேர் 100 சதவிகிதம் மதிப்பெண்கள் பெற்று அசத்தியுள்ளனர். தமிழ் - 8, ஆங்கிலம் - 13, இயற்பியல் - 696, வேதியியல் - 493, உயிரியல் - 171, கணிதம் - 779, தாவரவியல் - 2, விலங்கியல் - 29, கணினி அறிவியல் - 3 ஆயிரத்து 432, வணிகவியல் - 620, கணக்குப் பதிவியல் - 415, பொருளியல் - 741, கணினிப் பயன்பாடுகள் - 288, வணிகக் கணிதம் மற்றும் புள்ளியியல் - 293 பேர் 100க்கு 100 மதிப்பெண்கள் பெற்றுள்ளனர். அதன்படி  ஏதேனும் ஒரு பாடத்தில் 100 மதிப்பெண்கள் பெற்ற மாணாக்கர்களின் எண்ணிக்கை 8 ஆயிரத்து 418 ஆகும்.

100% தேர்ச்சி பெற்ற மேல்நிலைப் பள்ளிகளின் எண்ணிக்கை -1964 ஆகும். அதில் 100% தேர்ச்சி பெற்ற அரசு மேல்நிலைப் பள்ளிகளின் எண்ணிக்கை - 241 ஆகும். இதில் அரசுப் பள்ளிகள் - 85.75%, அரசு உதவி பெறும் பள்ளிகள் - 92.36%, தனியார் சுயநிதிப் பள்ளிகள் - 98.09% இருபாலர் பள்ளிகள் - 91.61%, பெண்கள் பள்ளிகள் - 94.46%, ஆண்கள் பள்ளிகள் - 81.37% தேர்ச்சி பெற்றுள்ளன. இயற்பியல் - 97.23%, வேதியியல் - 96.20%, உயிரியல் - 98.25%, கணிதம் - 97.21%, தாவரவியல் - 91.88%, விலங்கியல் - 96.40%, கணினி அறிவியல்- 99.39%, வணிகவியல் - 92.45%, கணக்குப் பதிவியல் - 95.22% பேரும் தேர்ச்சி பெற்றுள்ளன. 

11th std public Exam Results Amazing students in computer science

தேர்வெழுதிய 8 ஆயிரத்து 221 மாற்றுத்திறனாளி மாணவர்களில் 7 ஆயிரத்து 504 பேர் தேர்ச்சி பெற்றுள்ளனர். அந்த வகையில்  91.27% சதவிகித மாற்றுத்திறனாளி மாணவர்கள் தேர்ச்சி பெற்றுள்ளனர். தமிழ்நாடு முழுவதும் உள்ள 38 மாவட்டங்களில் 96.02 % சதவிகிதம் பேர் தேர்ச்சி பெற்று கோவை மாவட்டம் முதலிடம் பிடித்துள்ளது. 95.56 % சதவிகிதம் பேர் தேர்ச்சி பெற்று ஈரோடு மாவட்டம் 2 வது இடமும், 95.23% சதவிகிதம் பேர் தேர்ச்சி பெற்று திருப்பூர் மாவட்டம்  3 வது இடமும் பிடித்துள்ளன. அறிவியல் பிரிவில் - 94.31% பேரும், வணிகவியல் பிரிவில் - 86.93% பேரும், கலைப் பிரிவில் 72.89% பேரும், தொழிற்பாடப் பிரிவில் - 78.72% பேரும் தேர்ச்சி பெற்றுள்ளனர். 

சார்ந்த செய்திகள்

 

Next Story

“தமிழ் புதல்வன் திட்டம் தொடங்கப்படுவது எப்போது?” - முதல்வர்  மு.க.ஸ்டாலின் அறிவிப்பு!

Published on 14/06/2024 | Edited on 14/06/2024
When will the Tamil Putulavan scheme be launched CM MK Stalin  announcement

தமிழக அரசின் பள்ளிக் கல்வித் துறை சார்பில் ‘ஐம்பெரும் விழா’ இன்று (14.06.2024) காலை 11.00 மணியளவில் சென்னையில் உள்ள ஜவஹர்லால் நேரு உள்விளையாட்டு அரங்கில் தொடங்கியது. அதன்படி அரசுப் பள்ளிகளில் 22 ஆயிரத்து 931 திறன்மிகு வகுப்பறைகள் தொடக்க விழா தமிழ்ப் பாடத்தில் 100க்கு 100 மதிப்பெண்கள் பெற்ற மாணவர்களுக்குப் பாராட்டு விழா, 100 சதவீதம் தேர்ச்சி பெற்ற அரசுப் பள்ளி தலைமை ஆசிரியர்களுக்குப் பாராட்டு விழா, 57வது தேசிய அளவிலான விளையாட்டுப் போட்டிகளில் பதக்கம் பெற்ற மாணவர்களுக்குப் பாராட்டு விழா மற்றும் தொடக்கக் கல்வி ஆசிரியர்களுக்குக் கையடக்கக் கணினி வழங்கும் விழா நடைபெற்றது.

இந்த விழாவில் தமிழ்நாடு முதலமைச்சர் மு.க.ஸ்டாலின் மாணவர்கள் மற்றும் தலைமை ஆசிரியர்களுக்குப் பாராட்டுச் சான்றிதழ்கள் வழங்கி விழா உரையாற்றினார். இந்நிகழ்ச்சியில் தலைமைச் செயலாளர் சிவ் தாஸ் மீனா, இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின், மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன், இந்து சமயம் மற்றும் அற நிலையத் துறை அமைச்சர் பி.கே.சேகர் பாபு, பள்ளிக் கல்வித் துறை அமைச்சர் அன்பில் மகேஷ் பொய்யாமொழி ஆகியோர் கலந்துகொண்டனர். 

When will the Tamil Putulavan scheme be launched CM MK Stalin  announcement

இந்நிகழ்ச்சியில் முதலமைச்சர் மு.க.ஸ்டாலின் பேசுகையில், “பள்ளிக்கல்வித்துறை நிகழ்ச்சிகளில் ஆர்வமாக நான் கலந்துகொள்வேன். ஆனால் என்னைவிட ஆர்வமாக கலந்து கொள்பவர் அமைச்சர் உதயநிதி ஸ்டாலின்தான். தேர்தல் நடத்தை விதிகள் முடிந்தவுடன் நான் கலந்து கொள்ள வேண்டிய முதல் விழா இதுவாக இருக்க வேண்டும் என அமைச்சர் அன்பில் மகேஷிடம் சொல்லி இருந்தேன். அதன்படி பள்ளி மாணவர்களைப் பார்க்கும் போது எனக்கும் இளமை திரும்புகிறது. தமிழ்நாட்டு மாணவர்கள் உலகளவில் சவால் விடும் வகையில் வளர வேண்டும் என்பதே என் ஆசை ஆகும்.

அன்பில் மகேஷ் காலத்தில் பள்ளிக் கல்வித்துறை பொற்காலமாக விளங்குகிறது. அவர் பள்ளிக்கல்வித்துறையை உலகத்தரத்தில் கொண்டு செல்ல முயற்சித்து வருகிறார். 10 மற்றும் 12 ஆம் வகுப்பு பொதுத் தேர்வில் தமிழ் பாடத்தில் 100 க்கு 100 மதிப்பெண்கள் எடுத்தவர்களுக்குச் சிறப்பான பாராட்டுகள் வழங்க உள்ளோம். 12 ஆம் வகுப்பில் 35 பேரும், 10 ஆம் வகுப்பில் 8 பேரும் தமிழில் 100 க்கு 100 மதிப்பெண்கள் பெற்றுள்ளனர். அந்த மாணவர்களுக்கு ரூ.10 ஆயிரம் வழங்கி பாராட்ட உள்ளோம். 
 

When will the Tamil Putulavan scheme be launched CM MK Stalin  announcement

புதுமைப் பெண் திட்டங்களைப் பல மாணவிகள் பாராட்டினார்கள். அந்த மகிழ்ச்சி மாணவர்களுக்கும் கிடைக்கவே ‘தமிழ் புதல்வன்’ திட்டம் அறிவிக்கப்பட்டது. அதன்படி வரும் ஆகஸ்ட் மாதம் முதல் மாணவர்களுக்கு ‘தமிழ் புதல்வன்’ திட்டத்தின் கீழ் ரூ.1,000 வழங்கும் திட்டம் தொடங்கப்படும். நீட் தேர்வில் மோசடி நடைபெற்றுள்ளது. எனவே நீட் தேர்வுக்கு விரைவில் முடிவு கட்டுவோம். எவ்வளவு நிதி நெருக்கடி இருந்தாலும் உங்களுக்காகதான் பல புதிய திட்டங்களை ஆரம்பிக்கிறோம். மத்த எல்லாத்தையும் நான் பாத்துக்குறேன். பதிலுக்கு நீங்க படிங்க. படிங்க படிச்சிக்கிட்டே இருங்க” எனப் பேசினார்.

இந்த ஆண்டுக்கான பட்ஜெட் தாக்கலின் போது அரசுப் பள்ளிகளில் 6 ஆம் வகுப்பு முதல் 12 ஆம் வகுப்பு வரை படித்து, உயர்கல்வியில் சேரும் மாணவர்களின் கல்வியை மெருகேற்ற ‘தமிழ்ப் புதல்வன்’ என்ற திட்டம் அறிமுகம் செய்யப்படும். இத்திட்டத்தின் கீழ் மாதம்தோறும் மாணவர்களுக்கு ரூ.1000 வங்கிக் கணக்கில் செலுத்தப்படும். இதற்காக ரூ.360 கோடி ஒதுக்கீடு செய்யப்படும் எனத் தமிழக நிதித்துறை அமைச்சர் தங்கம் தென்னரசு அறிவித்திருந்தது குறிப்பிடத்தக்கது. 

Next Story

‘திறனாய்வு தேர்வுக்கு விண்ணப்பம்’ - அரசுத் தேர்வுகள் இயக்ககம் அறிவிப்பு!

Published on 05/06/2024 | Edited on 05/06/2024
Application for talen Test Directorate of Government Examinations 

தமிழ்நாடு முதலமைச்சரின் திறனாய்வு தேர்வு ஜூலை மாதம் நடக்க இருப்பதை அடுத்து, பள்ளி மாணவர்கள் ஜூன் 11 ஆம் தேதி முதல் 26 ஆம் தேதி வரை விண்ணப்பிக்கலாம் என்று அரசுத் தேர்வுகள் இயக்ககம் தெரிவித்துள்ளது.

இது குறித்து அரசுத் தேர்வுகள் இயக்ககத்தின் இயக்குநர் வெளியிட்டுள்ள செய்திக்குறிப்பில், “2024 - 2025 ஆல் கல்லியாண்டிற்கான தமிழ்நாடு முதலமைச்சரின் திறனாய்வுத் தேர்வு 21.07.2024 (ஞாயிற்றுக்கிழமை) அன்று நடைபெறவுள்ளது. தமிழ்நாடு மாநிலப் பாடத்திட்டத்தின் கீழ் 2023 - 2024 ஆம் கல்வியாண்டில் அரசுப் பள்ளிகளில் பத்தாம் வகுப்பு பயின்று தற்போது 2024 - 2025 ஆம் ஆண்டில் பதிணென்றாம் வகுப்பினை அரசுப் பள்ளிகளில் பயிலும் தேர்விற்கு விண்ணப்பிக்கலாம். 

Application for talen Test Directorate of Government Examinations 

தேர்வில் 1000 மானாக்கர்கள் நடைமுறையில் உள்ள இடஒதுக்கீட்டின் அடிப்படையில் 500 மாணவர்கள் + 500 மாணவியர்கள் தெரிவு செய்யப்பட்டு அவர்களுக்கு உதவித்தொகையாக ஒரு கல்வியாண்டிற்கு ரூபாய் 10 ஆயிரம் (மாதம் ரூ.1000/ வீதம் ஒரு கல்வியாண்டிற்கு 10 மாதங்களுக்கு மட்டும்) இளநிலை பட்டப்படிப்பு வரை வழங்கப்படும். தமிழ்நாடு அரசின் 9 மற்றும் 10-ஆம் வகுப்புகளில் கணிதம், அறிவியல் மற்றும் சமூகஅறிவியல் பாடப் புத்தகத்தில் உள்ள பாடத்திட்டங்களின் அடிப்படையில் கொள்குறி வகையில் தேர்வு இருதாள்களாக நடத்தப்பெறும் முதல் தாளில் கணிதம் தொடர்புடைய வினாக்கள் 60 இடம்பெறும்.

இரண்டாம் தாளில் அறிவியல் மற்றும் சமூக அறிவியல் தொடர்புடைய வினாக்கள் 60 இடம்பெறும். முதல் தாள் காலை 10.00 மணி முதல் 12.00 மணி வரையிலும் இரண்டாம் தாள் பிற்பகல் 02.00 மணி முதல் 04.00 வரையிலும் நடைபெறும். www.dge.in.gov.in இணையதளத்தில் விண்ணப்பப் படிவத்தினை 11.06.2024 முதல் 26.06.2024 பதிவிறக்கம் செய்து கொள்ளலாம். அவ்வாறு பதிவிறக்கம் செய்யப்படும் விண்ணப்பத்தினை பூர்த்தி செய்து தேர்வு கட்டணம் ரூ.50 (ரூபாய் ஐம்பது மட்டும்) சேர்த்து 26.06.2024ற்குள் மாணவர் பயிலும் பள்ளித் தலைமையாசிரியரிடம் ஒப்படைக்கவேண்டும்” எனத் தெரிவிக்கப்பட்டுள்ளது.