Skip to main content

சூடுபிடித்த விக்கிரவாண்டி இடைத்தேர்தல்!

Published on 30/09/2019 | Edited on 30/09/2019

விக்கிரவாண்டி தேர்தல் சூடுபிடித்துள்ளது. பிரதான காட்சிகள் தங்களின் வேட்பாளர்களை அறிவித்த பிறகு தேர்தல் களம் பரபரப்பை எட்டி உள்ளது. அடுத்தகட்டமாக இன்று 12 மணிக்கு மேல் திமுக, அதிமுக இரண்டு கட்சி வேட்பாளர்களும் வேட்பு மனு தாக்கல் செய்கின்றனர். ஏற்கனவே நாம் தமிழர் கட்சியை சேர்ந்த கந்தசாமி, இயக்குனர் கவுதமன் உட்பட 18 பேர் வேட்பு மனு தாக்கல் செய்துள்ளனர். 
 

vikravandi election


விக்கிரவண்டியை பொறுத்தவரை அதிமுக மாவட்ட செயலாளர் சண்முகமா திமுக மாவட்ட செயலாளர் பொன்முடியா என்ற போட்டி தான் உள்ளது. அதிமுக சார்பில் கிளை செயலாளர்களை பலமாக கவனித்துள்ளனர்.  இதனால் அதிமுக சீட்டுக்கு போட்டியிட்ட கட்சி தொண்டர்கள் பம்பரமாக வேலை செய்ய துவங்கியுள்ளனர். கூட்டணி கட்சிகளும் அதிமுக ஆட்சியின் மீது இருக்கும் அதிருப்தியை சரிக்கட்ட பலமாக உள்ளதாக மந்திரி தெம்போடு சொல்லிவருகிறார். 

திமுகவில் கட்சி பொறுப்பாளர்களை திருப்தி படுத்தப்போவதாக இன்று வரை போக்கு காட்டி கொண்டிருக்கிறார்கள் என்று அக்கட்சி தொண்டர்கள் புலம்புகின்றனர். மாவட்டத்தில் 39 பறக்கும் படைகளும், 319 கண்காணிப்பு குழுவும் பணியில் இறக்கப்பட்டுள்ளது. அதிமுக இதை அலட்டி கொள்ளவே இல்லையாம்.தேர்தல் செலவுக்கான பணம் முழுவதும் தொகுதி முழுக்க ஏற்கனவே பிரித்து அனுப்பப்பட்டுவிட்டதாம். 

திமுக தரப்பில் பொன்முடி எப்போதும் போல கட்சி தொண்டர்களை தட்டி கொடுத்து வேலை வாங்குகிறார். மக்கள் மத்தியில் தராசு தட்டில் எந்த கட்சி தன்னுடைய பலத்தை காட்டுகிறதோ அந்த கட்சி பக்கம் தான் கவனமாக உள்ளனர்.


இந்நிலையில் திமுக, அதிமுக கட்சி பொறுப்பாளர்கள் பணிகளை செய்ய வசதியாக அவர்களுக்கு தங்குவதற்காக இப்பொழுதே ஹோட்டல்கள் லாட்ஜ்கள் தனியார் கட்டிடங்கள் முன்பதிவு செய்ய ஆரமித்துள்ளனர். இதனால் தேர்தலின் பரபரப்பில் உள்ளது விக்கிரவாண்டி.

 

 

சார்ந்த செய்திகள்

Next Story

தேர்தலுக்கு பின் சென்னை திரும்பும் மக்கள்; திணறும் பரனூர்

Published on 21/04/2024 | Edited on 21/04/2024
People returning to Chennai after elections; The stifling Paranur toll plaza

உலகின் மிகப்பெரிய ஜனநாயக திருவிழாவான இந்திய நாட்டின் 18ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக நேற்று முன்தினம் (19.04.2024) தொடங்கி வரும் ஜூன் 1 ஆம் தேதி வரை 7 கட்டமாக வாக்குப்பதிவு நடைபெறவுள்ளது.

முதற்கட்டமாக தமிழகம் உள்ளிட்ட 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு நேற்று முன்தினம் வாக்குப்பதிவு நடைபெற்றது.

ஏற்கனவே சென்னையில் இருந்து சொந்த ஊருக்கு இலட்சக்கணக்கானோர் வாக்களிப்பதற்காக சென்றிருந்தனர். இதன் காரணமாக ரயில் நிலையங்கள் மற்றும் பேருந்து நிலையங்களில் கூட்டம் அதிகரித்து காணப்பட்டிருந்தது. தொடர்ந்து வெள்ளி, சனி, ஞாயிறு என மூன்று நாட்கள் விடுமுறை என்பதால் கூட்டநெரிசல் அதிகமாக காணப்பட்டது. இந்நிலையில் தற்போது மூன்று நாள் விடுமுறை முடிந்து சென்னைக்கு அதிகப்படியான மக்கள் திரும்புவதால் பல்வேறு இடங்களில் கூட்ட நெரிசல் ஏற்பட்டுள்ளது. குறிப்பாக சென்னை அடுத்துள்ள பரனூர் சுங்கச்சாவடியில் போக்குவரத்து நெரிசல் அதிகமாக காணப்படுகிறது.

Next Story

'கலைஞரின் பிறந்தநாள் பரிசாக தேர்தல் முடிவு இருக்கும்'-துரை வைகோ நம்பிக்கை

Published on 20/04/2024 | Edited on 20/04/2024
'The result of the election will be an kalaingar's birthday gift' - Durai Vaiko believes

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி முதற்கட்டமாக நேற்று (19-04-24) தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது.

தமிழகத்தில் உள்ள 39 நாடாளுமன்ற தொகுதிகளுக்கும், புதுச்சேரியில் உள்ள ஒரு நாடாளுமன்ற தொகுதிக்கும் நேற்று(19-04-24) ஒரே கட்டமாக வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று முடிந்தது.

இந்நிலையில் சென்னை எழும்பூரில் செய்தியாளர்களைச் சந்தித்த மதிமுகவின் திருச்சி வேட்பாளர் துரை வைகோ பேசுகையில், ''தமிழகத் தேர்தல் முடிவுகள் தமிழக முதல்வர் மு.க ஸ்டாலினுக்கு முன்னாள் முதல்வர் கலைஞரின் பிறந்தநாள் பரிசாக இருக்கும். தனக்காக பரப்புரை செய்த தமிழக அமைச்சர்கள் மற்றும் தோழமை, கூட்டணி கட்சியினருக்கு என்னுடைய மனமார்ந்த நன்றிகள்.

இது ஜனநாயகத்திற்காக, மக்கள் நல அரசியலுக்காக மக்கள் ஆதரவளிக்க வேண்டும் என்பதற்கான தேர்தல். அதேவேளையில் மத அரசியல் புரிந்து மக்களை பிளவுபடுத்தும் ஜாதி, மத அரசியலுக்கு ஒரு முற்றுப்புள்ளி வைக்க வேண்டும் என்பதுதான் தேர்தல் பரப்புரையாக இருந்தது. இந்தத் தேர்தலை பொறுத்தவரை புதுவை உட்பட 40 தொகுதிகளிலும் இந்தியா கூட்டணி ஒரு மிகப்பெரிய வெற்றியைப் பெறும். ஜூன் நான்காம் தேதி தேர்தல் முடிவுகள் வரும் பொழுது கலைஞரின் 101 வது பிறந்தநாள் பரிசாக நமது முதல்வர் மு.க.ஸ்டாலினுக்குத் தேர்தல் முடிவுகள் இருக்கும் என நம்புகிறேன்'' என்றார்.