Skip to main content

திருச்சி தொகுதியை கேட்ட திருநாவுக்கரசர் படத்தில் தார்பூசிய அதிர்ச்சி அரசியல் ! 

Published on 06/03/2019 | Edited on 06/03/2019

திமுக கூட்டணியில் மதிமுகவுக்கு ஒரே ஒரு மக்களவைத் தொகுதியை ஒதுக்கியதன் மூலம் திருச்சியில் வைகோ போட்டியிடுவர் என்கிற பேச்சுக்கு முற்றுப்புள்ளி வைக்கப்பட்டது. ஆனாலும் மார்ச் 8 அன்று திருச்சியில் மிக பிரமாண்டமான பெண்கள் தின கொண்டாட்டத்தில் வைகோ தலைமையில் ஏற்பாடு நடைபெற்றுக்கொண்டிருக்கிறது. 

 

congress


இதற்கு இடையில் காங்கிரஸ் கட்சியின் முன்னாள் தலைவர் தனக்கு திருச்சியில் வேட்பாளராக நிற்க வாய்ப்பு கிடைக்கும் என்று நம்பினார். ஆனால் திருச்சி காங்கிரஸ் அலுவலகத்தில் வெளியே இருந்த பேனரில் இருந்த திருநாவுகரசர் படத்திற்கு தார்பூசி எதிர்ப்பைக் காட்டி, திருச்சியில் திருநாவுக்கரசர் நிற்பதற்கு தேர்தல் அதிர்ச்சி வைத்தியத்தை கொடுத்தியிருக்கிறது திருச்சி கோஷ்டி காங்கிரஸ். 
 

திமுக கூட்டணியில் காங்கிரஸ் வருவதற்கு சில வாரங்களுக்கு முன் திருநாவுக்கரசரின் தலைவர் பதவி பறிக்கப்பட்டு அவருக்குப் பதில் கே.எஸ்.அழகிரி பொறுப்பேற்றார். திருநாவுக்கரசருக்கு கட்சியில் என்ன நிலை என்கிற கேள்வி எழுந்தது. இந்த நிலையில் திருநாவுகரசர் ஆதரவாளர்கள் எங்கள் தலைவருக்கு நாடாளுமன்றத்தில் இடம் கொடுத்து காங்கிரஸ் வெல்லும் பட்சத்தில் உரிய மரியாதை அளிக்கப்படும் சந்தோஷத்தில் தெரிவித்தார்கள். 
 

திருச்சியில் காங்கிரஸ் கட்சியின் மூத்ததலைவர் அடைக்கலராஜ் 4 முறை வென்றுள்ளார். கடந்த 2009 நாடாளுமன்றத் தேர்தலில் காங்கிரஸ் கட்சி அதிமுகவிடம் வெறும் 4,365 வாக்கு வித்தியாசத்தில் தோற்றுப்போனது. 2014-ம் ஆண்டு பலரும் பிரிந்து நின்ற நிலையில் மீண்டும் அதிமுக வென்றது. இம்முறை திருச்சியில் காங்கிரஸ் நின்று வெல்லவேண்டும் என நினைக்கிறது. 
 

இதனால் திருநாவுக்கரசர் சொந்த ஊர் மற்றும் பலமுறை வென்ற அறந்தாங்கி தொகுதி இருக்கும் ராமநாதபுரம் நாடாளுமன்றத் தொகுதியில் போட்டியிடலாம் என்கிற வாய்ப்பு இருந்தும் அந்த இடத்தில் முஸ்லீம் கட்சியின் சார்பில் கேட்க வாய்ப்பு இருக்கிறது என்பதால் திருச்சி பக்கம் தன்னுடைய கவனத்தை திருப்பி தனிப்பட்ட முறையில் தனக்காக திருச்சி தொகுதியை ஒதுக்கக்கோரி திமுக தலைவர் ஸ்டாலினை சந்தித்து கோரிக்கை வைத்தார். டெல்லி லாபியிலும் திருச்சி தொகுதியை கேட்டு முயற்சி செய்து கொண்டுயிருந்தார். 

 

vaiko


இந்த நிலையில் வைகோ கடந்த 2 மாதமாக திருச்சியில் போட்டியிடலாம் என தேர்தலை முன்னிறுத்தி தொடர் கூட்டங்களை நடத்திக்கொண்டிருந்தார். ஆனால் தி.மு.க. மா.செ. கே.என்.நேரு,. வைகோ மாதிரியான கட்சித்தலைவர் திருச்சியில் போட்டியிடுவது சரியாக இருக்காது, அவருக்கு ராஜ்யசபா சீட்டு ஒதுக்கலாம் என தி.மு.க. தலைவரிடம் மறுப்பு சொல்ல அதன் பிறகே வைகோவிற்கு ராஜ்யசபா சீட்டை ஒதுக்கியது திமுக தலைமை.
 

இந்த நிலையில் திருநாவுக்கரசர், வைகோ ஒதுங்கியதால் கட்டாயம் திருச்சி நமக்குதான் என்ற வெகுவான நம்பிக்கையில் இருந்த நேரத்தில் திருச்சி காங்கிரஸ் அலுவலகம் உள்ள அருணாசலம் மன்றத்தின் வெளியே இருந்த பிளக்ஸ் பேனரில் இருந்த திருநாவுகரசர் படத்திற்கு தார் பூசி அவருக்கு எதிர்ப்பை காட்டியிருப்பது திருநாவுக்கரருக்கு பெரிய அதிர்ச்சியை கொடுத்து உள்ளது. 
 

இதற்கு இடையில் திருநாவுகரசர் திருச்சியில் உள்ள தி.மு.க. மா.செ. கே.என்.நேருவிடம், தான் போட்டியிட விரும்புவதை சொல்ல இதை கே.என்.நேரு ரசிக்கவில்லை என்கிறார்கள் தி.மு.க.வின் உள்வட்டத்தை அறிந்த அரசியல் ஆர்வலர்கள். 
 

திருச்சி தி.மு.க. மா.செ. கே.என்.நேருவின் ஒரே சாய்ஸ் உள்ளுர் வேட்பாளர்தான். இதற்கு முன்பு 4 முறை திருச்சியில் வெற்றிபெற்ற காங்கிரஸ் மூத்த தலைவர் அடைக்கலாராஜின் மகன் தொழிலதிபர் ஜோசப்லூயிஸ் தானாம். எந்த அரசியல் சர்ச்சையிலும் சிக்காதவர், கெட்டபெயரும் இல்லாத பாரம்பரிய காங்கிரஸ் குடும்பத்தைச் சேர்ந்தவர் என்பதாலும் சிறுபான்மையினர் அதிகம் இருக்கும் தொகுதி என்பதால் பணத்தில் செல்வாக்கு உள்ள ஜோசப்லூயிசுக்கு கொடுங்கள் ஈசியாக ஜெயித்துவிடலாம். தேவையில்லாம் திருநாவுக்கரசரை கொண்டு வந்து நிறுத்தி ஜெயிக்கிற தொகுதியை சிக்கலாக்க வேண்டாம் என்று திமுக தலைமைக்கு தகவல் சொல்லியிருக்கிறார். 

 

congress


காங்கிரஸ் கட்சியில் லூயிஸ் அடைக்கலராஜா, திருநாவுக்கரசாரா என்கிற விவாதம் உள்கட்சிக்கு எழுந்துள்ள நிலையில் கே.என்.நேரு திருச்சி தொகுதியை தி.மு.க.விற்கு ஒதுக்குங்கள் நாங்கள் இளைஞர்கள் யாரையாவது நிறுத்தி ஜெயித்து விடுவோம் என்று ஓரே போடாக போட்டு விட்டாரம்.
 

திருச்சி ஜோசப் லூயிஸ் அடைக்கலராஜ்க்கு காங்கிரஸ் கட்சியின் டெல்லி தலைமையிலும், சிதம்பரம் மற்றும் கார்த்திக் சிதம்பரத்துடன் செல்வாக்குடன் இருப்பதால் சீட்டு அவருக்கு கிடைக்கும் என்கிறார்கள் காங்கிரஸ் கட்சியில் உள்ள மூத்த நிர்வாகிகள். 
 

திருச்சியை மிகவும் எதிர்பார்த்து காய் நகர்த்திய திருநாவுக்கரருக்கு தார்பூசி எதிர்ப்பு தெரிவித்த சம்பவம் கேள்விபட்டது முதல் அப்செட் ஆகியிருக்கிறார். 
 

காங்கிரஸ் கட்சிக்கு திமுக கூட்டணியில் ஒதுக்கியுள்ள 10 இடங்களில் காங்கிரஸ் கேட்டுள்ள தொகுதிகளில் திருச்சி தொகுதி இல்லை என்பதுதான் ஹாட்டடாக் விசயம். கேட்காத இடத்திற்கு தான் தற்போது ஆளாளுக்கு காய்நகர்த்தி வருவது தான் அரசியல் சதுரங்கம். இன்னும் போக போக திருச்சி எம்.பி. தொகுதியில் என்னவெல்லாம் நடக்க போகிறதோ! 
 

திருநாவுக்கரசரின் படத்தில் யார் தார் பூசியது என்று விசாரிக்கையில் அவர் மாநில தலைவராக இருக்கும் போது வைத்த படம். தற்போது தான் அவரை மாற்றி விட்டு கே.எஸ். அழகிரியை தலைவராக அறிவித்துவிட்டார்கள். ஆனால் புதிய தலைவரின் படத்தை வைக்கவில்லை. காரணம் திருச்சியில் தற்போது இருக்கும் மாவட்ட தலைவர்கள் அனைவரும் திருநாவுக்கரசர் அவர்களால் பொறுப்புக்கு வந்தவர்கள் என்பதால் பேனரை அகற்றவில்லை இதனால் திருநாவுக்கரசரின் எதிர் கோஷ்டியினர் செய்திருக்கலாம் என்கிறார்கள் காங்கிரஸ் கட்சியை சேர்ந்தவர்கள். 
 

 

 

சார்ந்த செய்திகள்

 

Next Story

துப்பாக்கி சுடும் போட்டியில் தங்கப் பதக்கம்; மாணவிக்கு மல்லை சத்யா  வாழ்த்து!

Published on 21/07/2024 | Edited on 21/07/2024
Congratulations Mallai Satya to the student Gold Medal in Competition

மதிமுக துணை பொதுச் செயலாளர் மல்லை சத்யா சமூக வலைத்தளத்தில் வெளியிட்டுள்ள பதிவில், “காஞ்சிபுரம் மாவட்டம் சாலவாக்கம் ஊராட்சியைச் சேர்ந்த தற்போது இங்கிலாந்தில் பணியாற்றி வரும் மோகன்தாஸ் - தேவி தம்பதியினரின் மகள் 9 ஆம் வகுப்பு பயிலும் மாணவி ஐஸ்வர்யா வயது 13 இங்கிலாந்து நாட்டின் வேல்ஸ் பகுதியில் இந்த ஆண்டு முதல் படித்து வருகிறார். 8 ஆம் வகுப்பு வரை தமிழ்நாட்டில் படித்து கடந்த ஏப்ரல் மாதம் இங்கிலாந்து பயணமானார்கள்.

அங்கு சென்று பள்ளிப் படிப்புடன் விளையாட்டில் ஆர்வம் செலுத்தி கோ ஸ்போர்ட்ஸ் பயிற்சி பள்ளியில் இணைந்து துப்பாக்கி சுடுதலில் பயிற்சி பெற்றார். இவர்  ஜூலை 6, 7 தேதிகளில் கோ ஸ்போர்ட்ஸ் சேம்பியன் ஷிப் துப்பாக்கி சுடும் போட்டியில் பங்கேற்று இரண்டு வெள்ளிப்பதக்களை வென்று பின்னர் ஜூலை 13 அன்று வேல்ஸ் சுவான்ஷி நகரில் நடைபெற்ற பிரிட்டிஷ் ஒப்பன் சேம்பியன் ஷிப் துப்பாக்கி சுடும் போட்டியில் பங்கேற்று ஒரு தங்கப் பதக்கம் ஒரு வெள்ளிப் பதக்கம் வென்று வேல்ஸ் பகுதியில் இரண்டாம் நிலையில் உள்ளார். 

Congratulations Mallai Satya to the student Gold Medal in Competition

ஒரு வேளை இவர் பிரிட்டன் விளையாட்டு பல்கலைக்கழகத்திற்கு தேர்வு செய்யபட்டால் ஒலிம்பிக் போட்டிகளில் விளையாடும் வாய்ப்பு கிடைக்கும் சாதிப்பதற்கு சாதி மதம் இனம் மொழி ஒரு தடையாக இருக்க முடியாது என்பதற்கு இதோ 9 ஆம் வகுப்பு பயிலும் மாணவி ஐஸ்வர்யா சாட்சி வாழ்த்துக்கள் மகளே இன்னும் பல வெற்றி மேல் வெற்றி பெற்று வெற்றித் திருமகளாக வளம் வந்து  உன் பெற்றோரும் ஊரும் நாடும் போற்ற வாழ்த்துகிறேன்

என் தந்தை  சி ஏகாம்பரத்தின் உற்ற நண்பர்களில் ஒருவர் சாலவாக்கம்  நாகப்பன் அவரின் மகன்தான் மோகன். இவரின் தாய் சொக்கம்மாள் சாலவாக்கம் ஊராட்சி மன்றத் தலைவராக இருந்தவர். இவர்களின் மற்றொரு மகன் தம்பி சந்துரு அமெரிக்கா பெர்முடாவில் பணியாற்றி வருகிறார். மோகன் என் உடன் பிறந்த சகோதரர் தம்பி காளி என்கிற அன்புச் செல்வனுடன் சாலவாக்கம் அரசு மேல்நிலைப் பள்ளியில் பயின்றவர் ஆவார். 

Congratulations Mallai Satya to the student Gold Medal in Competition

இவர்களின் படிப்பிற்கு பின்னர் என்னுடன் சில ஆண்டுகள் இருந்தனர் இவர்களின் வாழ்க்கை எப்படி அமைய வேண்டும் என்று சிறிய வழிகாட்டுதலை வழங்கி உடனடியாக தற்காப்புக் கலை, தட்டச்சு, ஓட்டுநர், ஐரோப்பிய மொழி என்று படிக்க சொல்லி புதுச்சேரி அனுப்பி வைத்தேன். அதில் தேர்ச்சி பெற்று தம்பி காளி என்கிற அன்புச் செல்வன் நவநாகரீககத்தின் தொட்டில் பிரதேசமான பிரான்ஸ் நாட்டிற்கும், மோகன் அமெரிக்காவிற்கும் பணியாற்ற சென்று பின்னர் இங்கிலாந்து நாட்டில் தற்போது பணியாற்றி வருகின்றார்.

பழமையை மறவாமல் அவ்வப்போது தொலைபேசியில் அழைத்து கடந்த கால பசுமை நிறைந்த நினைவுகளை அசை போடுவார். தன்னுடைய உயர்வுக்கு காரணமானவர்களை மறவாமல் நினைவு கூறுவார்” எனக் குறிப்பிட்டுள்ளார். 

Next Story

‘2026 தேர்தலை எதிர்கொள்ள ஒருங்கிணைப்புக்குழு அமைப்பு’- தி.மு.க தலைவர் மு.க.ஸ்டாலின் அறிவிப்பு

Published on 20/07/2024 | Edited on 20/07/2024
DMK chief M.K.Stal's announcement Formation of coordination committee to face 2026 elections

2026 சட்டமன்ற தேர்தலை எதிர்கொள்ள திமுகவில் ஒருங்கிணைப்புக்குழு அமைப்பு மேற்கொள்ளப்படும் என தி.மு.க தலைவரும், தமிழக முதல்வரும் மு.க.ஸ்டாலின் அறிவித்துள்ளார். இது குறித்து தமிழக முதல்வர் மு.க.ஸ்டாலின் தெரிவித்துள்ளதாவது, ‘2024 நாடாளுமன்றத் தேர்தலுக்கு முன்பாக கழகப் பணிகளை ஒருங்கிணைக்கவும், மேற்பார்வையிடவும் அமைக்கப்பட்ட ஒருங்கிணைப்புக்குழு தனது பணிகளை மிகச் சிறப்பாகச் செய்தது.

அதே வகையில் வரவிருக்கும் 2026 சட்டமன்றத் தேர்தலை எதிர்கொள்ளும் பொருட்டு, கழகத்தில் மேற்கொள்ள வேண்டிய மாறுதல்கள் - அமைப்பு ரீதியான சீரமைப்புகளைக் கழகத் தலைவருக்கும் தலைமைக்கும் பரிந்துரைக்கவும், தேவையான நடவடிக்கைகளை மேற்கொள்ளவும் “ஒருங்கிணைப்புக்குழு” பின்வருமாறு அமைக்கப்படுகிறது.

அதன்படி, அமைச்சர் கே.என்.நேரு, ஆர்.எஸ்.பாரதி, எ.வ.வேலு, தங்கம் தென்னரசு, உதயநிதி ஸ்டாலின் ஆகியோர் இந்தக் குழுவில் இடம்பெற்றுள்ளனர். இவர்கள் கட்சியில் மேற்கொள்ள வேண்டிய மாற்றங்கள், அமைப்பு ரீதியான சீரமைப்புகளைப் பரிந்துரைப்பது உள்ளிட்ட நடவடிக்கைகளை மேற்கொள்வார்கள்’ எனத் தெரிவித்துள்ளார்.