Skip to main content

“கோரிக்கை நிறைவேற்றப்படும் என்ற நம்பிக்கை உள்ளது; தயாராக இருங்கள்” - உதயநிதி ஸ்டாலின்

Published on 07/03/2023 | Edited on 07/03/2023

 

“There is hope that the request will be met; Be prepared” Udayanidhi Stalin

 

தமிழகத்தின் பள்ளி மற்றும் கல்லூரி மாணவர்களுக்கான திறன் மேம்பாட்டு மற்றும் வழிகாட்டும் திட்டமான ‘நான் முதல்வன்’ திட்டத்தை கடந்த மாதம் முதலமைச்சர் மு.க.ஸ்டாலின் தொடங்கி வைத்தார். மேலும், இது தன்னுடைய கனவுத் திட்டம் என்றும் முதலமைச்சர் மு.க.ஸ்டாலின் கூறியிருந்தார். இந்நிலையில் இத்திட்டத்தின் ஒரு பகுதியாக போட்டித் தேர்வுப் பிரிவு என்னும் பிரிவு தொடங்கப்பட்டுள்ளது. இப்பிரிவில் தமிழ்நாட்டு மாணவ மாணவிகள் போட்டித் தேர்வை எளிதாக அணுகும் வண்ணம் இத்திட்டம் ஆரம்பிக்கப்பட உள்ளது. நான் முதல்வன் திட்டத்தின் கீழ் தொடங்கப்பட்ட போட்டித் தேர்வுப் பிரிவினை அமைச்சர் உதயநிதி இன்று துவக்கி வைத்தார். 

 

சென்னை நூற்றாண்டு நூலக அரங்கில் நடைபெற்ற இந்நிகழ்வில் பேசிய அமைச்சர் உதயநிதி, “பள்ளிக் கல்வி இடை நிற்றலை அறவே ஒழித்திட 1 முதல் 5 வரையிலான அரசுப் பள்ளி மாணவர்களுக்கு காலை உணவுத் திட்டத்தினை முதலமைச்சர் அறிவித்துள்ளார். நான் எந்த மாவட்டத்திற்கு ஆய்விற்கு சென்றாலும் அந்தந்த பகுதியிலுள்ள பள்ளிகளில் முதலமைச்சரின் காலை உணவுத் திட்டத்தினை ஆய்வு செய்து வருகிறேன். அங்கு உணவு தரமாக குறித்த நேரத்தில் வழங்கப்படுகிறதா என்பது குறித்து மாணவர்கள் மற்றும் ஆசிரியர்களுடன் கேட்டறிந்து எனது காலை சிற்றுண்டியினை அவர்களுடன் அமர்ந்து சாப்பிட்டு வருகிறேன். புதுமைப் பெண் திட்டமும் மிகப்பெரிய வரவேற்பைப் பெற்றுள்ளது. மகளிருக்கான கட்டணமில்லா பேருந்து பயணத் திட்டம் சிறப்பாக செயல்படுத்தப்பட்டு வருகிறது. கட்டணமில்லா பேருந்து பயணத் திட்டத்தில் இதுவரையில் தமிழ்நாட்டில் உள்ள மகளிர் 250 கோடி பயணங்களை மேற்கொண்டுள்ளனர். இதுவே இது எவ்வளவு முக்கியமான திட்டம் என்பதற்கு எடுத்துக்காட்டு.

 

பள்ளி கல்லூரி மாணவ மாணவிகளுக்கு நவீன பாடப்பிரிவுகளில் பயிற்சி வழங்கி அவர்களுக்கு வேலை வாய்ப்புகளை உறுதிப்படுத்த வேண்டும் என்ற நோக்கில் கொண்டு வரப்பட்ட திட்டம் தான் நான் முதல்வன் திட்டம். ஆண்டு தோறும் 10 லட்சம் இளைஞர்கள் வேலை பெற வேண்டும் என்ற எண்ணத்தில் இத்திட்டம் உருவாக்கப்பட்டுள்ளது. நான் முதல்வன் திட்டம் துவக்கப்பட்டபோது, இந்த திட்டம் துவக்கப்பட்ட இந்த நாள் ஒரு பொன் நாள் என முதலமைச்சர் சொன்னார். இன்று நான் முதல்வன் திட்டத்தின் ஒரு பகுதியை துவக்கி வைக்கும் நானும் இன்று அதையேதான் உணருகிறேன். கடந்த 5 ஆண்டுகளில் வங்கி, இரயில்வே போன்ற துறைகளுக்கான போட்டித் தேர்வுகள் நடத்தப்பட்டு பல்லாயிரக்கணக்கான காலிப்பணியிடங்கள் அறிவிக்கப்பட்டு நிரப்பப்பட்டுள்ளன. ஆனால், இதில் தமிழ்நாட்டைச் சார்ந்தவர்கள் மிகவும் குறைந்த அளவில் தேர்ச்சி பெற்று பணி வாய்ப்பை பெற்றுள்ளனர் என்பது வருத்தமளிக்கிறது. இந்த நிலை மாற வேண்டும்; மாற்றப்பட வேண்டும். அண்மையில் பிரதமரை சந்தித்தபோது தமிழ்நாட்டில் ஒன்றிய அரசுப்பணிகளில் தமிழ்நாடு மாணவர்களுக்கு முன்னுரிமை வழங்க வலியுறுத்தியுள்ளேன். அந்த கோரிக்கை நிறைவேற்றப்படும் என்ற நம்பிக்கை இருக்கிறது. அதற்கு நீங்கள் உங்களை தயார் படுத்திக்கொள்ளுங்கள். 

 

சென்னை போன்ற நகரங்களில் மட்டுமே அரசுப் பணிகளுக்கான போட்டித் தேர்வுகளுக்கு பயிற்சி அளிக்கும் மையங்கள் உள்ளன. இதற்கு லட்சக்கணக்கில் செலவிட வேண்டிய நிலை உள்ளது. கிராமப்புற மாணவர்களால் கூடுதல் கட்டணம் செலுத்தி இத்தகைய பயிற்சிகளை பெற முடியாது. இதனால் அவர்களது வேலை வாய்ப்பும் பாதிக்கப்படுகிறது. இந்த நிலையை மாற்றி நம் மாணவர்கள் கட்டணமின்றி பயிற்சிகளை பெற்று மத்திய அரசு பணியில் சேரவும் மத்திய அரசு கல்வி நிலையங்களில் படிக்கும் வாய்ப்பினை பெறவும் நான் முதல்வன் போட்டித் தேர்வு உருவாக்கப்பட்டுள்ளது. இதனை பயன்படுத்திக்கொள்ள வேண்டும். ஒரு அண்ணனாக உங்கள் முன்னேற்றத்திற்கு என்றும் துணை நிற்பேன் என்ற உறுதியை அளிக்கிறேன்.” எனக் கூறினார்.

 

 

சார்ந்த செய்திகள்

 

Next Story

திமுக கவுன்சிலர் வீட்டிற்குள் நுழைந்த மர்ம நபர்; இரவில் நடந்த பயங்கரம்

Published on 18/07/2024 | Edited on 18/07/2024
 youth who tried to steal from the DMK councilor house was arrested and handed over police

ஈரோடு பெரியசேமூர், ஈ.பி.பி நகர், பி.பி.கார்டனை சேர்ந்தவர் ஜெகதீசன் (50). ஈரோடு மாநகராட்சி 12-வது வார்டு தி.மு.க கவுன்சிலராக உள்ளார். நேற்று இரவு ஈரோடு மாணிக்கம் பாளையம் சாலை, பாலாஜி பேக்கரி பின்புறம் வசிக்கும் மூத்த மகள் கனிமொழியை அவரது வீட்டில் பார்த்துவிட்டு மீண்டும் தனது வீட்டுக்கு வந்து கொண்டிருந்தார். அப்போது வீட்டின் முதல் மாடியில் ஆள் நடமாட்டம் இருப்பது தெரிய வந்தது.

வீட்டில் மர்ம நபர்கள் நடமாட்டம் இருப்பதை தெரிந்து கொண்ட ஜெகதீசன் இது குறித்து அக்கம் பக்கத்தில் இருப்பவரிடம் தகவல் தெரிவித்தார். அந்தப் பகுதி மக்கள் ஒன்று கூடி அவரது வீட்டுக்கு வந்தனர். அப்போது ஜெகதீசன் வீட்டிலிருந்து ஒரு வாலிபர் தப்பியோட முயன்றார். பொதுமக்கள் அந்த வாலிபரை மடக்கிப் பிடித்து தர்ம அடி கொடுத்தனர்.

பின்னர் அந்த நபரை ஈரோடு வீரப்பன் சத்திரம் போலீஸ் நிலையத்தில் ஒப்படைத்தனர். போலீசார் அவரிடம் நடத்திய விசாரணையில் அந்த நபர் செங்கல்பட்டு மாவட்டம் குன்னவாக்கம், அம்பேத்கர் முதல் தெருவை சேர்ந்த குமார் (33) எனத் தெரிய வந்தது. இதுகுறித்து வீரப்பன்சத்திரம் போலீசார் வழக்குப் பதிவு செய்து குமாரிடம் தொடர்ந்து விசாரணை நடத்தி வருகின்றனர்.

Next Story

ஜாஃபர் சாதிக் வழக்கு; துணை நடிகருக்கு இ.டி சம்மன்   

Published on 17/07/2024 | Edited on 17/07/2024
N

டெல்லியில் போதைப் பொருள் தடுப்பு காவல்துறை மற்றும் டெல்லி சிறப்பு காவல்துறை சார்பில் நடைபெற்ற சோதனையில் கடந்த பிப்ரவரி மாதம் 24 ஆம் தேதி 50 கிலோ ரசாயன வகை போதைப்பொருள் பறிமுதல் செய்யப்பட்டது. இந்தச் சம்பவத்தில் ஈடுபட்ட 3 பேரை போலீசார் கைது செய்திருந்தனர். அவர்களிடம் மேற்கொண்ட விசாரணையில், கடந்த 3 ஆண்டுகளில் 3 ஆயிரத்து 500 கிலோ போதைப் பொருட்கள் கடத்தப்பட்டுள்ளதாகவும் இதன் மொத்த மதிப்பு ரூ.2 ஆயிரம் கோடி எனவும் தெரிய வந்தது.

தொடர்ந்து அவர்களிடம் நடத்தப்பட்ட விசாரணையில், இந்தப் போதைப்பொருள் கடத்தலில் ஈடுபட்டது திரைப்படத் தயாரிப்பாளரும் தி.மு.கவின் சென்னை மேற்கு மாவட்ட அயலக அணி துணை அமைப்பாளராக இருந்த ஜாஃபர் சாதிக்தான் என்பது தெரியவந்தது. மேலும் கடத்தல் கும்பலுக்கு தலைவனாக ஜாஃபர் சாதிக் செயல்பட்டதும் உறுதியாகி கைது செய்யப்பட்டிருந்தார்.

இந்த வழக்கில் ஜாமீனில் வெளியே வந்த ஜாஃபர் சாதிக்கை சட்டவிரோத பணப் பரிமாற்ற தடை சட்ட வழக்கில் அமலாக்கத்துறை அதிகாரிகள் மீண்டும் கைது செய்து மூன்று நாட்கள் காவல் கஸ்டடியில் வைத்து விசாரணை செய்து வருகின்றனர். தொடர்ந்து ஜாஃபர் சாதிக்கின் பினாமி என்று கூறப்பட்ட ஆவடியைச் சேர்ந்த ஒருவர் வீட்டில் எட்டு மணி நேரமாக சோதனை நடைபெற்றது. இந்நிலையில் ஜாஃபர் சாதிக்கின் சகோதரரும், துணை நடிகருமான மைதீன் என்பவருக்கு அமலாக்கத்துறை சம்மன் அனுப்பியுள்ளது.

ஜாஃபர் சாதிக் தயாரித்து அமீர் இயக்கத்தில் உருவாகியுள்ள 'இறைவன் மிகப்பெரியவன்' படத்தில் மைதீன் துணை நடிகராக பணியாற்றியுள்ளது தெரிய வந்துள்ளது. நேற்று ஜாஃபர் சாதிக்கின் மனைவியிடம் விசாரணை நடத்தப்பட்ட நிலையில் இன்று ஜாஃபர் சாதிக்கின் சகோதரருக்கு சம்மன் அனுப்பியுள்ளது அமலாக்கத்துறை.