Skip to main content

“குழந்தை திருமணம் நடைபெற்றதை ஆளுநர் ஒப்புக்கொள்வதாகத்தானே அர்த்தம்” - அமைச்சர் பொன்முடி

Published on 10/05/2023 | Edited on 10/05/2023

 

Minister Ponmudi question to the Governor rn ravi on the issue of child marriage  Dikshitars

 

“இரு விரல் சோதனை நடைபெற்றதாக ஆளுநர் கூறினால் குழந்தை திருமணம் நடைபெற்றுள்ளது என்பதை ஒப்புக் கொள்கிறார் என்று தானே அர்த்தம்” என அமைச்சர் பொன்முடி கூறியிருக்கிறார். 

 

சிதம்பரத்தில் திமுகவின் இரண்டு ஆண்டு சாதனை விளக்கப் பொதுக்கூட்டம் நடைபெற்றது. இந்த கூட்டத்திற்கு திமுக நகர செயலாளரும் நகர்மன்றத் தலைவருமான செந்தில்குமார் தலைமை தாங்கினார். இதில் சிறப்பு அழைப்பாளராக உயர்கல்வித்துறை அமைச்சர் பொன்முடி கலந்துகொண்டு திமுகவின் இரண்டு ஆண்டு சாதனைகள் குறித்துப் பேசினார்.

 

அவர் பேசும்பொழுது, “மாணவர்கள் அனைத்து துறைகளிலும் சிறந்து விளங்கக் கூடிய வகையில் ‘நான் முதல்வன்’ திட்டத்தை தமிழக முதல்வர் நடைமுறைப்படுத்தியுள்ளார். அதேபோல் திமுக தேர்தல் அறிக்கையில் அளித்த வாக்குறுதிகள் 80 சதவீதம் இரண்டு ஆண்டுகளில் நிறைவேற்றப்பட்டுள்ளது. எதிர்க்கட்சிகள் மகளிருக்கு ஆயிரம் ரூபாய் தரவில்லை என ஒரு பிரச்சனையை தொடர்ந்து எழுப்பி பெண்கள் மத்தியில் சர்ச்சையை ஏற்படுத்தி வந்தனர். அதற்கு முற்றுப்புள்ளி வைக்கும் விதமாக கடந்த சட்டமன்றக் கூட்டத்தொடரில் தமிழகத்தில் ஒரு கோடி பெண்களுக்கு மாதம் ஆயிரம் ரூபாய் வழங்கப்படும் என முதல்வர் அறிவித்தார். அது வரும் செப்டம்பர் 1-ந் தேதியிலிருந்து வழங்கப்படும். இதுபோல எண்ணற்ற திட்டங்களை தமிழக மக்களுக்கு சொன்னதையும் சொல்லாததையும் தமிழக முதல்வர் செய்து வருகிறார்.

 

தமிழக ஆளுநர் தமிழகத்தில் சட்ட ஒழுங்கு கெட்டுப் போய்விட்டது என்றும், அதற்கு உதாரணம் சிதம்பரம் நடராஜர் கோவில் தீட்சதர்ர்களின் குழந்தைகளுக்கு இரட்டை விரல் சோதனை நடைபெற்றதாகவும் கூறியுள்ளார். தமிழக ஆளுநர் இரட்டை விரல் சோதனை நடைபெற்றது என்று ஒப்புக் கொண்டுள்ளார் என்றால் குழந்தை திருமணம் நடைபெற்றுள்ளது என்று அவர் ஒப்புக் கொள்கிறார் என்று தானே அர்த்தம். தமிழக அரசு பிராமணர்களுக்கு எதிரானவர்கள் அல்ல. திமுகவிலும் அதிக பிராமணர்கள் உள்ளார்கள்.

 

சிதம்பரம் நடராஜர் கோவில் தீட்சிதர்கள் தொடர்ந்து குழந்தை திருமணங்களை நடத்தி வருகிறார்கள் என்ற புகார் தமிழக அரசுக்கு வந்ததையொட்டி அதனை தடுக்கும் விதமாக சில நடவடிக்கைகள் மேற்கொள்ளப்பட்டுள்ளது. இதேபோல் அனைத்து தரப்பிலும் குழந்தை திருமணம் நடைபெற்றதையொட்டி அவர்களுக்கும் இதே போல் குழந்தை திருமண சட்டத்தில் நடவடிக்கை மேற்கொள்ளப்பட்டுள்ளது. ஆனால், தீட்சிதர்களுக்கு மட்டும் நடந்தால் ஆளுநர் இதுபோன்று பேசுகிறார், கொதித்து எழுகிறார். மற்ற சமூகங்களில் குழந்தை திருமணம் நடவடிக்கைக்கு அவர் வாய் திறக்காதது ஏன்?” என்றார்.

 

 

சார்ந்த செய்திகள்

 

Next Story

ஆளுநருடன் மத்திய அமைச்சர் அமித்ஷா ஆலோசனை!

Published on 17/07/2024 | Edited on 17/07/2024
Union Minister Amit Shah consultation with the Governor

பரபரப்பான அரசியல் சூழலில் தமிழக ஆளுநர் ஆர். என். ரவி  5 நாள் பயணமாக டெல்லி சென்றுள்ளார். இந்த பயணத்தின் ஒரு பகுதியாக ஆளுநர் ஆர். என். ரவி நேற்று (16.07.2024) பிரதமர் மோடி, நாடாளுமன்ற விவகாரங்கள் மற்றும் சிறுபான்மையினர் விவகாரங்கள் துறை அமைச்சர் கிரண் ரிஜிஜு ஆகியோரை சந்தித்து பேசியிருந்தார். இதனைத் தொடர்ந்து இன்று (17.07.2024) ஆளுநர் ஆர். என். ரவி மத்திய கல்வித்துறை அமைச்சர் தர்மேந்திர பிரதானை சந்தித்து பேசியிருந்தார்.

இந்நிலையில் மத்திய அமைச்சர் தர்மேந்திர பிரதானைத் தொடர்ந்து, மத்திய உள்துறை அமைச்சர் அமித்ஷாவையும் ஆளுநர் ஆர். என். ரவி சந்தித்து பேசியுள்ளார். மத்திய அமைச்சர் அமித்ஷாவை ஆளுநர் ஆர். என். ரவி சந்தித்து ஆலோசனை நடத்தியுள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. 

Union Minister Amit Shah consultation with the Governor

இது தொடர்பாக ஆளுநர் மாளிகையின் எக்ஸ் சமூக வலைத்தளத்தில் ஆளுநர் வெளியிடப்பட்டுள்ள பதிவில், “மத்திய உள்துறை அமைச்சர் அமித்ஷாவுடன் தமிழ்நாட்டில் நிலவும் பாதுகாப்பு, அது தொடர்புடைய சூழ்நிலைகள்,  மாநில மக்களின் அமைதி, முன்னேற்றம் மற்றும் பாதுகாப்பில் அவை ஏற்படுத்தும் தாக்கங்கள் குறித்து மிகவும் ஆக்கபூர்வ  சந்திப்பை மேற்கொண்டேன்.  நமது மக்களை பாதிக்கும் பிரச்சனைகள் மீது அற்புதமான ஆழ்ந்த பார்வையும் அவர்களின் நல்வாழ்வில் மிகுந்த அக்கறையும் அவருக்கு உள்ளது” எனக் குறிப்பிடப்பட்டுள்ளது.

தமிழக அரசியல் கட்சித் தலைவர்களின் கொலை சம்பவங்கள் தொடர்பாக எதிர்க்கட்சியினர் பலரும் தமிழகத்தின் சட்ட ஒழுங்கு குறித்து கேள்விகளை எழுப்பி வரும் சூழலில் மத்திய அமைச்சர் அமித்ஷாவை ஆளுநர் ஆர். என். ரவி சந்தித்து பேசியுள்ள சம்பவம் முக்கியத்துவம் வாய்ந்ததாகவும் பார்க்கப்படுகிறது. 

Next Story

மத்திய கல்வி அமைச்சருடன் ஆளுநர் ஆர். என். ரவி சந்திப்பு!

Published on 17/07/2024 | Edited on 17/07/2024
TN Governor RN Ravi meeting with Union Education Minister

இளநிலை மருத்துவ படிப்பிற்காக இந்த ஆண்டு நடைபெற்ற நீட் தேர்வில் முறைகேடு நடந்ததாகப் பல புகார்கள் எழுந்தது. அந்த வகையில், நீட் தேர்வின் வினாத்தாள் கசிவு, கருணை மதிப்பெண், 67 பேருக்கு முழு மதிப்பெண்கள், நீட் தேர்வின் போது ஏற்பட்ட குளறுபடிகள், ஆள்மாறாட்டம் செய்து நீட் தேர்வு எழுதியது, ஒரே பயிற்சி மையத்தைச் சேர்ந்த பல மாணவர்கள் நிறைய மதிப்பெண்கள் எடுத்தது எனத் தொடர்ச்சியாக பல்வேறு புகார் மனுக்கள் உச்சநீதிமன்றத்தில் தாக்கல் செய்யப்பட்டு வழக்குகள் குவிந்துள்ளன. மேலும் நீட் தேர்வு முடிவுகளை ரத்து செய்ய வேண்டும் எனவும் வழக்கு தொடரப்பட்டிருந்தது.

இதற்கிடையே தமிழக சட்டப் பேரவையில், நீட் விலக்கு சட்டமுன்வடிவிற்கு மத்திய அரசு உடனடியாக ஒப்புதல் அளித்திட வலியுறுத்தி தமிழ்நாடு முதலமைச்சர் மு.க.ஸ்டாலின் கடந்த 28 ஆம் தேதி (28.06.2024) கொண்டுவரப்பட்ட தீர்மானம் ஒன்றைக் கொண்டு வந்தார். இதனையடுத்து முதலமைச்சரின் தனி தீர்மானத்தின் மீதான விவாதத்தில் சட்டமன்ற உறுப்பினர்கள் கலந்துகொண்டு பேசினர். அதனைத் தொடந்து முதலமைச்சர் மு.க.ஸ்டாலின் கொண்டு வந்த தனித் தீர்மானம் குரல் வாக்கெடுப்பு ஒருமனதாக நிறைவேற்றப்பட்டது. மேலும் தேசிய கல்விக் கொள்கைக்கு மாற்றாக தமிழக அரசு மாநில கல்விக் கொள்கையை தாயரித்திருந்தது. 

TN Governor RN Ravi meeting with Union Education Minister

இந்நிலையில் 5 நாள் பயணமாக டெல்லி சென்றுள்ள ஆளுநர் ஆர். என். ரவி மத்திய கல்வித்துறை அமைச்சர் தர்மேந்திர பிரதானை சந்தித்து பேசியுள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. இது தொடர்பாக ஆளுநர் ஆர்.என். ரவி சார்பாக ஆளுநர் மாளிகையின் எக்ஸ் சமூக வலைத்தளத்தில் வெளியிடப்பட்டுள்ள பதிவில், “நான் மத்திய கல்வித் துறை அமைச்சர் தர்மேந்திர பிரதானை சந்தித்து, தமிழ்நாட்டில் உயர் கல்வியை உயர்ந்த நிலைக்கு கொண்டு செல்வதற்கான வழிகள் மற்றும் முறைகள் பற்றி விவாதித்தேன்.

திறன் மற்றும் கல்வி மூலம் நமது மாநில இளைஞர்களின்  நலனில் ஆழ்ந்த  அக்கறை கொண்ட அவருக்கு மிகவும் நன்றி” எனத் தெரிவித்துள்ளார். முன்னதாக நேற்று பிரதமர் மோடி, நாடாளுமன்ற விவகாரங்கள் மற்றும் சிறுபான்மையினர் விவகாரங்கள் துறை அமைச்சர் கிரண் ரிஜிஜு ஆகியோரை ஆளுநர் ஆர். என். ரவி சந்தித்து பேசியது குறிப்பிடத்தக்கது.