Skip to main content

“நீதிமன்றமே கதவை திறந்து விட்டுள்ளது; ஆனால் அதற்கு முன்பே...” - அமைச்சர் துரைமுருகன்

Published on 26/03/2023 | Edited on 26/03/2023

 

Minister Duraimurugan has said that the governor should give approval to online rummy this time

 

“ஆன்லைன் சூதாட்ட தடை மசோதாவுக்கு இந்த முறை கண்டிப்பாக ஆளுநர் ஒப்புதல் அளித்தே ஆக வேண்டும்” அமைச்சர் துரைமுருகன் கூறியுள்ளார்.

 

வேலூர் திராவிட முன்னேற்றக் கழகத்தின் மாவட்டச் செயற்குழு கூட்டம் மாவட்டச் செயலாளர் நந்தகுமார் தலைமையில் வேலூரில் நடைபெற்றது. இதில் கலந்துகொண்ட நீர்வளத்துறை அமைச்சர் துரைமுருகன் பங்கேற்று பேசினார். இந்தக் கூட்டத்தில் தமிழக முன்னாள் முதல்வர் கலைஞரின் நூற்றாண்டு விழாவை சிறப்பாகக் கொண்டாடுவது, நாடாளுமன்றத் தேர்தலை எதிர்கொள்ள மாவட்டத்தில் உள்ள 5 சட்டப் பேரவை தொகுதிகளில் பூத் கமிட்டி பட்டியல் தயாரிப்பதுடன் நாடாளுமன்றத் தேர்தல் ஆரம்பக் கட்ட பணியைத் தொடங்குவது, திமுகவில் 2 கோடி உறுப்பினர் சேர்க்கை முகாமை வெற்றிபெறச் செய்வது, ஈரோடு கிழக்கு தொகுதியில் தேர்தல் பணியில் ஈடுபட்டு அதிக வாக்குகள் பெற்றுத் தந்த மாவட்ட நிர்வாகிகளுக்கு நன்றி தெரிவிப்பது, மகளிருக்கு ரூ.1000 உரிமைத் தொகை அறிவித்த தமிழக முதல்வருக்கு நன்றி தெரிவிப்பது உள்ளிட்ட தீர்மானங்கள் நிறைவேற்றப்பட்டன.

 

இந்த கூட்டத்தின் முடிவில், செய்தியாளர்களிடம் பேசிய அமைச்சர் துரைமுருகன், “ராகுல் காந்திக்கு எம்பி பதவி பறிப்பு என்பது குற்றத்தின் அடிப்படையில் நடந்ததாக யாரும் கருதவில்லை. நீண்ட நாள் வழக்கு  நடந்து அதற்கு பிறகு அவருக்கு தரப்பட்ட அவகாசத்தின்படி மேல் முறையீட்டுக்கு செல்லும் வாய்ப்பு இருக்கிறது. நீதிமன்றமே அப்படி போகலாம் என்ற கதவை திறந்து விட்டுள்ளது. ஆனால், அந்த வாய்ப்பை அவர் பயன்படுத்தும் முன்பாகவே, அவசர அவசரமாக அவருக்கு இப்படி ஒரு தண்டனையை வழங்கி இருப்பது ஜனநாயகத்துக்கு உகந்தது அல்ல.

 

ஒரு மாபெரும் நாட்டை ஆளும், மாபெரும் தனி மெஜாரிட்டியுடன் ஆண்டு கொண்டிருக்கும் ஒரு கட்சி ஒரு தனி மனிதனை கண்டு அஞ்சுகிறதோ என்ற கருத்து அரசியல் நோக்கர்களுக்கு ஏற்படுகிறது. அதனால் தான் ஜனநாயகத்தில் நம்பிக்கை உள்ள கட்சிகள் எல்லாம் இதனை கண்டித்துள்ளது. ஆன்லைன் சூதாட்ட தடை மசோதாவுக்கு இந்தமுறை கண்டிப்பாக ஆளுநர் ஒப்புதல் அளித்தே ஆக வேண்டும். இந்தமுறை படுக்கைக்கு அடியில் வைத்திருக்க முடியாது” என தனக்கே உரிய முறையில் விமர்சனம் செய்தார்.


 

சார்ந்த செய்திகள்

 

Next Story

'சண்டாளர் சர்ச்சை' - அதிரடியாக வெளியான அறிவிப்பு

Published on 15/07/2024 | Edited on 15/07/2024
'Sandalar Dispute'-Recommendation by Tribal Commission to Tamil Govt

சண்டாளர் என்ற சமூக பெயரை இழிவுபடுத்தும் நோக்கில் பயன்படுத்தினால் வன்கொடுமை தடுப்பு சட்டத்தின் கீழ் வழக்குப் பதிய பரிந்துரை அளித்து தமிழ்நாடு ஆதி திராவிடர் மற்றும் பழங்குடியினர் மாநில ஆணையம் தமிழக அரசுக்கு பரிந்துரை செய்துள்ளது.

இது தொடர்பாக தமிழ்நாடு ஆதிதிராவிடர் மற்றும் பழங்குடியினர் ஆணையம் வெளியிட்டுள்ள செய்தி குறிப்பில், 'பட்டியல் சமூகத்தினர் மற்றும் பழங்குடியினர் வன்கொடுமை தடுப்பு சட்டத்தின்படி பொதுவெளியில் பட்டியல் இனத்தவர்களின் பெயர்களை இழிவான முறையில் பயன்படுத்துவது தண்டனைக்குரிய குற்றம். தமிழ்நாட்டில் சில பகுதிகளில் மட்டுமல்லாது இந்திய அளவிலும் 'சண்டாளர்' என்ற  வகுப்பைச் சேர்ந்த பெயரில் மக்கள் இருக்கிறார்கள். தமிழ்நாட்டில் பட்டியல் சமூகத்தினர் அட்டவணையில் 48 வது இடத்தில் இந்தச் 'சண்டாளர்' என்ற சமூக பெயர் இடம் பெற்றுள்ளது.

இப்பெயரை பொதுவெளியில் நகைச்சுவையாகவோ, அரசியல் மேடைகளிலோ, ஒருவரை இழிவுபடுத்தும் நோக்கிலோ இனி அந்தச் சொல்லை பயன்படுத்தக் கூடாது. அவ்வாறு பயன்படுத்துவோர் மீது பட்டியல் சமூகத்தினர் மற்றும் பட்டியல் பழங்குடியினர் வன்கொடுமை தடுப்புச் சட்டத்தின்படி வழக்குப்பதிவு செய்து நடவடிக்கை மேற்கொள்ள வேண்டும் என அரசுக்கு ஆணையம் பரிந்துரைக்கிறது எனவும் தெரிவிக்கப்பட்டுள்ளது.

அண்மையில் விக்கிரவாண்டி இடைத்தேர்தலில் நாம் தமிழர் கட்சியைச் சேர்ந்த சாட்டை துரைமுருகன், முன்னாள் முதல்வர் கலைஞரை விமர்சித்து பாடல் ஒன்றைப் பாடி இருந்தது சர்ச்சையை ஏற்படுத்த, கைது செய்யப்பட்டு பின்னர் விடுவிக்கப்பட்டிருந்தார். இந்நிலையில் தற்போது தமிழக அரசுக்கு ஆதிதிராவிடர் பழங்குடியினர் மாநில ஆணையம் இதனைப் பரிந்துரைத்துள்ளது குறிப்பிடத்தகுந்தது.

Next Story

'நான்கு பேரின் பெயரைக் கூற இ.டி வற்புறுத்துகிறது' - நீதிபதியிடம் புகார் தெரிவித்த ஜாபர் சாதிக்

Published on 15/07/2024 | Edited on 15/07/2024
'ED insists to name four people' - Jafar Sadiq complained to the judge

டெல்லியில் போதைப் பொருள் தடுப்பு காவல்துறை மற்றும் டெல்லி சிறப்பு காவல்துறை சார்பில் நடைபெற்ற சோதனையில் கடந்த பிப்ரவரி மாதம் 24 ஆம் தேதி 50 கிலோ ரசாயன வகை போதைப்பொருள் பறிமுதல் செய்யப்பட்டது. இந்தச் சம்பவத்தில் ஈடுபட்ட 3 பேரை போலீசார் கைது செய்திருந்தனர். அவர்களிடம் மேற்கொண்ட விசாரணையில், கடந்த 3 ஆண்டுகளில் 3 ஆயிரத்து 500 கிலோ போதைப் பொருட்கள் கடத்தப்பட்டுள்ளதாகவும் இதன் மொத்த மதிப்பு ரூ.2 ஆயிரம் கோடி எனவும் தெரிய வந்தது. தொடர்ந்து அவர்களிடம் நடத்தப்பட்ட விசாரணையில், இந்தப் போதைப்பொருள் கடத்தலில் ஈடுபட்டது திரைப்படத் தயாரிப்பாளரும் தி.மு.கவின் சென்னை மேற்கு மாவட்ட அயலக அணி துணை அமைப்பாளராக இருந்த ஜாஃபர் சாதிக்தான் என்பது தெரியவந்தது. மேலும் கடத்தல் கும்பலுக்கு தலைவனாக ஜாஃபர் சாதிக் செயல்பட்டதும் உறுதியாகியது.

அதே சமயம் ஜாபர் சாதிக் தலைமறைவாக இருந்த நிலையில், அவரது இல்லத்தில் சோதனையில் ஈடுபட்ட மத்திய போதைப்பொருள் தடுப்புத்துறை, வீட்டை தாழிட்டு நோட்டீஸ் ஒட்டிச் சென்றிருந்தது. தொடர்ந்து ஜாபர் சாதிக் தேடப்பட்டு வந்த நிலையில், போதைப்பொருள் தடுப்பு பிரிவினரால் ஜெய்ப்பூரில் மார்ச் 8ஆம் தேதி கைது செய்யப்பட்டார். இதனையடுத்து, போதைப் பொருள் கடத்தல் தொடர்பாக கைதாகியுள்ள ஜாபர் சாதிக் மீது சட்ட விரோத பணப்பரிவர்த்தனை செய்ததாக அமலாக்கத்துறை வழக்குப்பதிவு செய்து விசாரணை நடத்தி வருகிறது.

தொடர்ந்து போதைப் பொருள் கடத்தல் வழக்கில் கைதான ஜாபர் சாதிக்கிற்கு நிபந்தனை ஜாமீன் வழங்கி டெல்லி போதைப்பொருள் தடுப்பு சிறப்பு நீதிமன்றம் உத்தரவிட்டிருந்தது. அதன்படி, இந்த வழக்கின் விசாரணை முடியும் வரை மாதத்தின் முதல் திங்கட்கிழமைகள் அன்று போதைப்பொருள் தடுப்பு சிறப்புப் பிரிவு அலுவலகத்தில் நேரில் சென்று கையெழுத்திட வேண்டும் என்றும் செல்போன் எண்ணை விசாரணை அதிகாரியிடம் ஒப்படைத்து எப்போதும் இயக்கத்தில் வைத்திருக்க வேண்டும் என்றும், பாஸ்போர்ட்டை ஒப்படைக்க வேண்டும் என்பது போன்ற பல்வேறு நிபந்தனைகள் விதித்து ஜாபர் சாதிக்கிற்கு ஜாமீன் வழங்கப்பட்டுள்ளது.

போதைப்பொருள் கடத்தலில் நடைபெற்ற சட்டவிரோத பணப்பரிமாற்ற தடை சட்ட வழக்கில் ஜாபர் சாதிக்கை விசாரிக்க 15 நாட்கள் கஸ்டடியில் எடுக்க அனுமதி கோரி அமலாக்கத்துறை மனுத்தாக்கல் செய்திருந்தது. இந்நிலையில் இன்று நடைபெற்ற அந்த மனு மீதான விசாரணையில் அதற்கான அனுமதியை கொடுத்து, ஜூலை 29ஆம் தேதி வரை நீதிமன்ற காவலில் ஜாபர் சாதிக்கை சிறையில் அடைக்க முதன்மை அமர்வு நீதிமன்றம் உத்தரவிட்டுள்ளது. அதேநேரம் நீதிமன்றத்தில், 'சமூகத்தில் முக்கியமாக உள்ள நான்கு நபர்களை இந்த வழக்கில் இணைக்க அமலாக்கத்துறை முயற்சி செய்து வருவதாகவும், அவர்கள் பெயரைக் கூற வேண்டும் என அமலாக்கத்துறை தன்னை வற்புறுத்துவதாகவும் ஜாபர் சாதிக் நீதிபதியிடம் புகார் தெரிவித்துள்ளார் என்ற தகவல்கள் வெளியாகியுள்ளது.