Skip to main content

கே.பி.முனுசாமி பேட்டியால் இ.பி.எஸ். அதிர்ச்சி..!

Published on 22/01/2021 | Edited on 22/01/2021

 

KPMunusamy-sasikala


சமீபத்தில் டெல்லி சென்ற முதலமைச்சர் எடப்பாடி பழனிசாமி, அங்கு உள்துறை அமைச்சர் அமித்ஷா, பிரதமர் நரேந்திர மோடி ஆகியோரை சந்தித்துப் பேசினார். பின்னர் அவர் செய்தியாளர்களைச் சந்தித்த போது, 'அரசியல் குறித்து எதுவும் இந்தச் சந்திப்பில் பேசவில்லை' என்றும், 'சசிகலா அதிமுகவில் இணைவதற்கான வாய்ப்பே இல்லை' என்றும் தெரிவித்தார்.

 

எடப்பாடி பழனிசாமியின் இந்த கருத்தை ஆதரித்து தமிழகத்தில் அதிமுகவைச் சேர்ந்த யாரும் பேசவில்லை. இந்தநிலையில், பெங்களூரு சிறையில் உள்ள சசிகலா உடல்நலக் குறைவு காரணமாக மருத்துவமனையில் அனுமதிக்கப்பட்டார். இதனை அறிந்த அமமுகவினர் அதிர்ச்சியடைந்தனர். சசிகலா உறவினர்கள் மற்றும் அமமுக பொதுச்செயலாளர் டிடிவி தினகரன் உள்பட பலர் சசிகலாவைப் பார்க்க பெங்களூரு சென்றனர். 

 

இந்நிலையில், கிருஷ்ணகிரி மாவட்டம் காவேரிப்பட்டினத்தில் செய்தியாளர்களிடம் பேசிய அதிமுக துணை ஒருங்கிணைப்பாளர் கே.பி.முனுசாமி, "எதிரியாக இருந்தாலும் நாங்கள் மனிதநேயத்துடன் நடந்து கொள்வோம். சிறையிலிருந்து வெளியே வரும் சசிகலா நல்ல ஆரோக்கியத்துடன் வாழட்டும். அவரது குடும்பத்தினருக்கு சேவை செய்யட்டும்" என்று தெரிவித்தார்.

 

சசிகலா தரப்பினரிடம் யாரும் செல்லக்கூடாது என்பதில் உறுதியாக உள்ள எடப்பாடி பழனிசாமிக்கு நேற்று கே.பி.முனுசாமியின் பேட்டி பெரும் அதிர்ச்சியை ஏற்படுத்தியுள்ளது. இதையடுத்து எம்எல்ஏக்கள், எம்பிக்கள், முக்கிய நிர்வாகிகள் யாராவது சசிகலா தரப்பிடம் தொடர்பு வைத்துக்கொள்கிறார்களா என்று கண்காணிக்க உத்தரவிட்டுள்ளாராம் எடப்பாடி பழனிசாமி.  

 

 

 

சார்ந்த செய்திகள்

Next Story

"தமிழகத்திற்கு இணையாக வேறு எந்த மாநிலமும் இல்லை" - கே.பி.முனுசாமி

Published on 16/03/2023 | Edited on 16/03/2023

 

admk kp munusamy talks about for against for annamalai speech

 

கிருஷ்ணகிரி கிழக்கு மாவட்ட அதிமுக அலுவலகத்தில் அதிமுகவின் துணை பொதுச்செயலாளரும் சட்டமன்ற உறுப்பினருமான கே.பி.முனுசாமி நேற்று செய்தியாளர்களைச் சந்தித்தார்.

 

அப்போது அவர் பேசுகையில், "சட்டவிரோதச் செயல்களில் ஈடுபட்டவர்கள் மீது தமிழக அரசு உடனடியாக நடவடிக்கை எடுக்க வேண்டும். அதிமுகவானது மத்தியில் பாஜகவுடன் கூட்டணியில் உள்ளோம். கூட்டணி தர்மம் என்ற வகையில் பாஜகவை நாங்கள் விமர்சிக்கவில்லை. அனைவரும் ஒன்று சேர்ந்து இணக்கமாகச் செயல்பட்டு ஒரே குறிக்கோளுடன் இந்தியாவை உயர் நிலைக்கு கொண்டு செல்லும் வழியில் பிரதமராக மோடியை மீண்டும் தேர்ந்தெடுக்க வேண்டும்" என்றார்.

 

பாஜக மாநிலத் தலைவர் அண்ணாமலை திராவிடக் கட்சிகளின் ஆட்சியில் தமிழகம் வளர்ச்சி பெறவில்லை என்று பேசி இருந்தார். அதற்கு பதிலளிக்கும் வகையில் பேசும்போது, "தமிழகத்தில் பாஜக ஆட்சியை பிடிக்க வேண்டும் என விரும்புவது தவறு இல்லை. ஆனால், திராவிடக் கட்சிகளின் ஆட்சியில் தமிழகம் வளர்ச்சி பெறவில்லை எனக் குற்றம் சாட்டுவது தவறு.  கடந்த 10 ஆண்டுகளில் வேளாண்மை, கல்வி, சுகாதாரம் மற்றும் உள்ளாட்சி உள்ளிட்ட பல்வேறு துறைகளில் சிறந்த மாநில விருதுகளை தமிழகம் பெற்றுள்ளது. இந்திய நாட்டில் வளர்ச்சி பாதையில் தமிழகத்திற்கு இணையாக வேறு எந்த மாநிலமும் இல்லை" எனப் பேசினார். 

 

 

 

 

Next Story

“கூட்டணி கட்சிகள் என்றால் சிறுசிறு சலசலப்பு இருக்கத்தான் செய்யும்” - கே.பி.முனுசாமி

Published on 09/03/2023 | Edited on 09/03/2023

 

kp munusamy talk about bjp

 

அதிமுகவில் நிலவி வந்த இரட்டை தலைமை விவகாரத்தில் இடைக்கால பொதுச்செயலாளராக எடப்பாடி பழனிசாமி தேர்வு செய்யப்பட்டது செல்லும் என்ற சென்னை உயர்நீதிமன்றத்தின் தீர்ப்பை உச்சநீதிமன்றம் உறுதிப்படுத்தியது. மேலும், மூன்று மாதங்களுக்குள் பொதுக்குழுவைக் கூட்டி பொதுச்செயலாளரை தேர்வு செய்ய வேண்டும் என்றும் கூறியது. 

 

இந்த நிலையில், அதிமுகவின் பொதுச்செயலாளர் தேர்தல் தொடர்பாக எடப்பாடி பழனிசாமி தலைமையில் கட்சியின் மூத்த நிர்வாகிகள் மற்றும் மாவட்டச் செயலாளர்களுடன் ராயப்பேட்டையில் உள்ள அதிமுக தலைமை அலுவலகத்தில் ஆலோசனை நடத்தினர். அந்தக் கூட்டதில், அதிமுக பொதுச்செயலாளர் தேர்தலை விரைவில் நடத்த வேண்டும் என்று முடிவு செய்யப்பட்டுள்ளதாகவும், நாடாளுமன்றத் தேர்தலுக்கு பூத் கமிட்டி அமைக்கும் பணிகளை தொடங்க மாவட்டச் செயலாளர்களுக்கு இபிஎஸ் உத்தரவிட்டுள்ளதாகவும் கே.பி.முனுசாமி செய்தியாளர்களிடம் தெரிவித்துள்ளார். மேலும், கூட்டணிக் கட்சிகள் என்றால் சிறுசிறு சலசலப்பு இருக்கத்தான் செய்யும் என்றும், இந்தக் கூட்டத்தில் பாஜகவுடனான மோதல் போக்கு குறித்து விவாதிக்கவில்லை என்றும் தெரிவித்தார்.