Skip to main content

வாய்ப்பை நழுவவிட்ட சீமான், கமல்...!!!

Published on 09/05/2019 | Edited on 09/05/2019

 

மக்கள் நீதி மய்யம் கட்சியை தொடங்கி ஓராண்டில் நாடாளுமன்றத் தேர்தலை சந்தித்திருக்கிறார் கமலஹாசன். மேலும் தமிழகத்தில் காலியாக உள்ள சட்டமன்றத் தொகுதியில் நடைபெற்ற இடைத்தேர்தலிலும், வரும் 19ஆம் தேதி நடைபெற உள்ள நான்கு சட்டமன்றத் தொகுதி இடைத்தேர்தலிலும் மக்கள் நீதி மய்யம் போட்டியிடுகிறது. இதற்கான பிரச்சாரத்தில் தீவிரமாக உள்ளார் கமலஹாசன். 

 

kamal



மக்கள் நீதி மய்யம் கட்சியின் வேட்பாளர்கள் அறிவிப்புக்கு முன்னர் கமலஹாசன் ராமநாதபுரம் நாடாளுமன்றத் தொகுதியில் போட்டியிடலாம் அல்லது சிவகங்கை நாடாளுமன்றத் தொகுதியில் போட்டியிடலாம் என்று செய்திகள் வெளியாகின. இதுகுறித்து அவரிடமே செய்தியாளர்கள் கேள்வி எழுப்பியபோது, பொறுத்திருங்கள் என்று பதிலளித்தார். ஆனால் வேட்பாளர்கள் அறிவிப்பில் அவரது பெயர் இடம் பெறவில்லை. 
 

கமலஹாசன் போட்டியிட்டால் அந்த ஒரு தொகுதியில்தான் கவனம் செலுத்த நேரிடும், அவர் போட்டியிடாததால் அனைத்து தொகுதிகளிலும் போட்டியிடும் கட்சி வேட்பாளர்களுக்கு கமல் பிரச்சாரம் செய்து அவர்களை ஊக்கப்படுத்தும் விதமாக இருக்கும் என்று தெரிவித்தனர். 

 

இதனால் கமலஹாசனின் ரசிகர்களைப் போலவே ''பொதுமக்களும் கமலஹாசன் போட்டியிடவில்லையா?'' என ஏமாற்றம் அடைந்தனர். ஆனால் அரசியல் கட்சியினர்களோ பெருமூச்சு விட்டனர். 
 

இதேபோல் கடந்த சட்டமன்ற தேர்தலில் பிரச்சாரத்தின் மூலம் அனைவரையும் கவர்ந்த நாம் தமிழர் கட்சியின் தலைமை ஒருங்கிணைப்பாளர் சீமான், இந்த தேர்தலிலும் தனது பிரச்சார வீயூகம் மூலம் அனைவரையும் கவர்ந்திருக்கிறார். நாம் தமிழர் கட்சியும் இந்த நாடாளுமன்றத் தேர்தலிலும், இடைத்தேர்தலிலும் வேட்பாளர்களை களமிறக்கியுள்ளது.


2016ல் கடலூர் சட்டமன்றத் தொகுதியில் போட்டியிட்ட சீமான், இந்த நாடாளுமன்றத் தேர்தலிலோ அல்லது 22 சட்டமன்றத் தொகுதி இடைத்தேர்தலிலோ போட்டியிடுவார் என்று எதிர்பார்க்கப்பட்டது. ஆனால் இந்த தேர்தல்களில் அவர் போட்டியிடவில்லை. சிவகங்கை தொகுதியில் அவர் போட்டியிடுவார் என்ற பேச்சும் இருந்து வந்தது. 
 

இந்த நிலையில் தேர்தலுக்கு பிந்தைய கருத்து கணிப்பில் சீமான் மற்றும் கமல் கட்சிக்கு புதிய வாக்காளர்கள் வாக்களித்துள்ளதாகவும், மேலும் நடுத்தரமான வயதுள்ளவர்கள் சிலரும் வாக்களித்துள்ளதாகவும் செய்திகள் வெளியாகி உள்ளன. 

 

சிவகங்கையில் அதிமுகவினர் வாக்காளர்களுக்கு கொடுக்க வேண்டியதை ஓரளவு சரியாகவே கொடுத்திருந்தாலும், ''இந்தப் பணத்துக்காக எங்கள் கூட்டணி சார்பில் போட்டியிடும் பாஜக வேட்பாளருக்கு வாக்களிக்காதீர்கள். அந்த கட்சி ஜெயித்தால் தொகுதி நாஸ்தியாகிவிடும். அதோடு எப்போதுமே எங்கள் அதிமுக இங்கே நிற்க முடியாமல் போய்விடும். அதனால் வேறு யாருக்கு வேண்டுமானாலும் போடுங்கள். எங்கள் பங்காளி தினகரனின் வேட்பாளருக்கு போட்டாலும் பாதகமில்லை'' என்று அதிமுகவினர் கூறியதாக தெரிவித்த மக்கள் நீதி மய்யம் கட்சியினர், திமுக கூட்டணியில் உள்ள கட்சியினர் காங்கிரஸ் வேட்பாளருக்கு வேண்டா விருப்பதாகத்தான் வேலை செய்தார்கள், ராமநாதபுரத்திலும் இதே நிலைமைதான். இரு கட்சிகளும் தீவிர பிரச்சாரத்தில் ஈடபடாத நிலையில் ராமநாதபுரத்திலோ அல்லது சிவகங்கையிலோ கமலஹாசன் போட்டியிட்டிருந்தால் நிச்சயம் வெற்றி பெற்றிருப்பார் என்றனர்.

 

seeman



கூட்டணி வைக்காமல் தேர்தலை சந்தித்த சீமானை நாங்கள் வரவேற்கிறோம். ஆனால் கடந்த சட்டமன்றத் தேர்தலில் போட்டியிட்ட அவர், இந்த இடைத்தேர்தலிலோ அல்லது நாடாளுமன்றத் தேர்தலிலோ போட்டியிட்டிருக்க வேண்டும். அப்படி போட்டியிட்டிருந்தால் கட்சியினருக்கு ஒரு உற்சாகமும், நம்பிக்கையும் பிறந்திருக்கும். சிவகங்கையில் சீமான் போட்டியிட்டிருந்தால் பாஜகவுக்கு எதிரான மனநிலையில் உள்ள மக்கள் ஒத்துழைத்திருப்பார்கள். மேலும் பிரதான கட்சிகளின் நிர்வாகிகளோ, தொண்டர்களோ அந்தக் கட்சிகளுக்காக தீவிரமாக பணியாற்றவும் இல்லை. இந்த வாய்ப்பை பயன்படுத்தி சீமான் இங்கு பிரச்சாரத்தில் தீவிர கவனம் செலுத்தியிருந்தால் வெற்றி பெற்றிருக்கலாம் என்கின்றனர் நாம் தமிழர் கட்சியினர். 

 

 

சார்ந்த செய்திகள்

 

Next Story

“அரசின் சாதனை திட்டங்களை சொன்னாலே  இடைத்தேர்தலில் மாபெரும் வெற்றி பெறலாம்” - அமைச்சர் ஐ.பெரியசாமி 

Published on 18/06/2024 | Edited on 18/06/2024
You can get a huge victory in  by-elections if you tell the govt achievements says Minister I. Periyasamy

ஆத்தூர் தொகுதியில் உள்ள கிராம ஊராட்சியைச் சேர்ந்த  பொதுமக்கள் மற்றும் உள்ளாட்சி பிரதிநிதிகள் ஆகியோர் திண்டுக்கல் மாநகரில்  உள்ள ஊரக வளர்ச்சித்துறை அமைச்சர் ஐ.பெரியசாமி அவரது இல்லத்தில் நேரில்  சந்தித்து தங்களின் பிள்ளைகள் உயர்கல்வி கற்பதற்கான கோரிக்கை மனு மற்றும்  கிராமங்களுக்கு தேவையான நலத்திட்ட உதவிகள் குறித்த கோரிக்கை  மனுக்களை கொடுத்து தீர்வு பெற்றனர். 

அதன்பின்னர் திண்டுக்கல் மாவட்ட  தி.மு.க. அலுவலகத்தில் கட்சி நிர்வாகிகளுடன் ஆலோசனை செய்து  விக்கிரவாண்டி இடைத்தேர்தலுக்காக திண்டுக்கல் மாவட்டத்தில் இருந்து களப்பணி ஆற்றும் திமுக நிர்வாகிகள் மற்றும் அவர்கள் பணியாற்றக்கூடிய  பகுதிகள் குறித்து கேட்டறிந்ததோடு வரலாறு காணாத வெற்றியை பெறும்  அளவிற்கு ஆத்தூர் தொகுதியைச் சேர்ந்த திமுக நிர்வாகிகள் மற்றும்  தொண்டர்கள் தங்களுக்கு ஒதுக்கப்பட்ட பகுதியில் தேர்தல் பிரச்சார பணியில்  ஈடுபட வேண்டும் எனக் கூறினார்.   

அப்போது அமைச்சர் ஐ.பெரியசாமி பேசும்போது, “தமிழகத்தில்  40க்கு40 பாராளுமன்ற தொகுதியில் மாபெரும் வெற்றியை பெற்றுத் தந்த தமிழக  முதல்வர் மு.க.ஸ்டாலினின் பொற்கால ஆட்சியில் அனைத்து  கிராமங்களும் தன்னிறைவு பெற்று வருகின்றன. குறிப்பாக ஊரக வளர்ச்சித்துறை  மூலம் அனைத்து கிராமங்களும் சாலை வசதி, குடிதண்ணீர், தெருவிளக்கு வசதி  நூறு சதவிகிதம் கிடைக்க நடவடிக்கை எடுக்கப்பட்டு வருகிறது.

குறிப்பாக ஒன்றை சொல்ல வேண்டும் என்றால் தமிழக முதல்வரின் கிராமப்புற சாலைகள் மேம்பாட்டுத் திட்டம் மூலம் அமைக்கப்பட்ட தார்ச்சாலைகள் மூலம்  லட்சக்கணக்கான விவசாயிகள் பயன்பெற்று தங்கள் விளை பொருட்களை  அருகில் உள்ள நகரங்களுக்கு சிரமமின்றி எடுத்துச் சென்று பயன்பெற்று  வருகின்றனர். விக்கிரவாண்டி இடைத்தேர்தலில் தமிழகம் முதல்வரின் சாதனை  திட்டங்களையும், மாணவர்கள் மற்றும் ஆதரவற்றோர் மற்றும் பெண்களின் நலனுக்காக அவர்கள் செயல்படுத்திய திட்டங்களை வீடுதோறும் சென்று  எடுத்துரைத்தாலே எளிதாக மாபெரும் வெற்றி பெறலாம்” என்று கூறினார்! 

Next Story

'எல்லாம் சமஸ்கிருதமா?'-அமித்ஷாவுக்கு பறந்த கடிதம்

Published on 18/06/2024 | Edited on 18/06/2024
'Everything is Sanskrit?'- Tamil Nadu Chief Minister's letter to Amit Shah

புதிதாக நிறைவேற்றப்பட்ட மூன்று குற்றவியல் நடைமுறை சட்டங்கள் தொடர்பாக உள்துறை அமைச்சர் அமித்ஷாவுக்கு தமிழக முதல்வர் மு.க.ஸ்டாலின் கடிதம் எழுதியுள்ளார்.

தமிழக முதல்வர் எழுதியுள்ள அந்த கடிதத்தில் மூன்று குற்றவியல் சட்டங்களுக்கும் தமிழக அரசு எதிர்ப்பு தெரிவித்துள்ளது. மேலும் அதில், 'மத்திய அரசின் மூன்று சட்டங்கள் குறித்து கருத்து தெரிவிக்க தங்களுக்கு (மாநிலங்களுக்கு) அவகாசம் தரப்படவில்லை. இந்த மூன்று சட்டங்களுக்கும் எந்த ஆலோசனையும் இல்லாமல் அவசரகதியில் நிறைவேற்றப்பட்டுள்ளன. நிறைவேற்றப்பட்ட புதிய குற்றவியல் சட்டங்களை நடைமுறைப்படுத்துவதில் மாநில அரசுகளுக்கு சில சிக்கல்கள் உள்ளது.

எதிர்க்கட்சிகளின் பங்கேற்பு இல்லாமலேயே புதிய மூன்று குற்றவியல் சட்டங்கள் நாடாளுமன்றத்தில் நிறைவேற்றப்பட்டுள்ளது. பாரதிய நியாய சன்ஹிதா, பாரதிய நாகரிக் சுரக்ஷா சன்ஹிதா என சட்டங்களின் பெயர்கள் அனைத்தும் சமஸ்கிருதத்தில் பெயரிடப்பட்டுள்ளன. சட்டங்கள் ஆங்கிலத்தில் இருப்பது கட்டாயம். சட்டங்களில் சில அடிப்படை பிழைகள், முரண்பாடுகள் உள்ளது. எனவே புதிய குற்றவியல் நடைமுறை சட்டங்களை நிறுத்தி வைக்க வேண்டும்' என தமிழக முதல்வர் கடிதம் வாயிலாக வலியுறுத்தியுள்ளார்.

மத்திய அரசால் நிறைவேற்றப்பட்ட மூன்று குற்றவியல் சட்டங்கள் ஜூலை ஒன்றாம் தேதி முதல் அமலுக்கு வரும் என மத்திய அரசு அறிவித்திருந்தது. இந்நிலையில் தமிழக முதல்வரின் இந்த கடிதம் முக்கியத்துவம் வாய்ந்ததாக உள்ளது.