Skip to main content

12 லட்சம் ஓட்டு பதிவாகும்;அதில் 3 லட்சம் ஓட்டு பாமகவுக்கு போய்விடும்;எட்டு லட்சம் ஓட்டு நாம வாங்குவோம் :  ஐ.பி.யின்அதிரடி பேச்சு!

Published on 21/03/2019 | Edited on 21/03/2019

 


திண்டுக்கல் பாராளுமன்ற தொகுதி வேட்பாளராக ஒட்டன்சத்திரம் ஜவ்வாது பட்டியை சேர்ந்த வேலுச்சாமியை திமுக வேட்பாளராக தலைவர் ஸ்டாலின் களம் இறங்கி இருக்கிறார்.   அதன் அடிப்படையில் திண்டுக்கல் பாராளுமன்ற தொகுதிக்குட்பட்ட திண்டுக்கல், பழநி,  ஒட்டன்சத்திரம், நத்தம், ஆத்தூர்,  நிலக்கோட்டை ஆகிய  ஆறு  சட்டமன்ற தொகுதிகளிலும் செயல்வீரர்கள் கூட்டத்தை கழக துணைப் பொதுச் செயலாளரும் முன்னாள் முப்பெரும் அமைச்சருமான ஐ. பெரியசாமி தலைமையில் மேற்கு மாவட்ட செயலாளரும்  எம்எல்ஏவுமான சக்கரபாண, .கிழக்கு மாவட்ட செயலாளரும் பழனி சட்டமன்ற உறுப்பினருமான ஐ.பி. செந்தில்குமார் ஆகியோர் அதிரடியாக செயல்வீரர்கள் கூட்டத்தை கூட்டி வேட்பாளர் வேலுச்சாமியை அறிமுகப்படுத்தி தேர்தலுக்கான ஆலோசனைகளையும் வழங்கி வருகிறார்கள்.  அதுபோல் திண்டுக்கல் தொகுதியில் நகரம் ஒன்றிய கழகம் சார்பில் செயல்வீரர்கள் கூட்டம் நடைபெற்றது.

 

i

 

இக்கூட்டத்திற்கு  கட்சிக்காரர்களுடன் பொதுமக்களும் பெருந்திரளாக கலந்து கொண்டனர்.       இக்கூட்டத்தில் பேசிய வேட்பாளர் வேலுச்சாமியோ... தலைவர் என்னை இத்தொகுதி வேட்பாளராக அறிவித்து இருக்கிறார்.  அதன் மூலம் இத்தொகுதியில் திமுக மற்றும் கூட்டணிக் கட்சி மூலம் நான் அமோகமாக வெற்றி பெறுவேன்.  நான் வெற்றி பெற்றால் தொகுதி மக்களின் நலனுக்காக திண்டுக்கல்லில் அலுவலகம் போட்டு அமைத்து 24 மணி நேரமும் உங்களுக்காகவே உழைப்பேன்.

 

 எந்த நேரத்திலும் என்னை சந்தித்து உங்களுடைய குறைகளையும் கோரிக்கைகளையும் என்னிடம் சொல்லலாம்.   அதுபோல் தொகுதி வளர்ச்சிக்காகவும் மக்களின் குறைகளையும்,  கோரிக்கைகளையும் பராளுமன்றத்தில் எடுத்து கூறி பல திட்டங்களை கொண்டு வருவேன்.  எனக்கு தமிழ்,  ஹிந்தி மலையாளம்,  கன்னடம் என நான்கு மொழிகளும் தெரியும்.   எந்த மொழியிலும் பாராளுமன்றத்தில் பேசினாலும் அந்த மொழியிலேயே நானும் பேசி நமது தொகுதி மக்களுக்கு இதுவரை கொண்டு வராத பல திட்டங்களை தொகுதி மக்களுக்காக போராடி கொண்டு வருவேன் என உறுதி கொடுத்தார் . 


     அதன் பின் இறுதியாக பேசிய கழக துணை பொதுச் செயலாளரும் முன்னாள் முப்பெரும் துறை அமைச்சருமான ஐ பெரியசாமியோ..... 

கடந்த டிசம்பர் 19ஆம் தேதி தான் பாமக நிறுவனர் ராமதாஸின் மகன் அன்புமணி ராமதாஸ் இந்த ஆட்சியின் கோடிக்கணக்கான ஊழலை பட்டியலிட்டு கவர்னரிடம் கொடுத்தார்.  அப்படி இந்த ஆட்சியின் இபிஎஸ், ஓபிஎஸ் பற்றி புகார் கொடுத்து விட்டு தற்பொழுது அந்த  கட்சியுடனேயே கூட்டணி   வைத்திருக்கும் பாமகவுக்கு தொகுதியில் ஓட்டு கேட்க என்ன தகுதி இருக்கு.      

 

i


கடந்த தலைவர் ஆட்சியின் போது தமிழகத்தில் வரி உயர்த்தப்பட்டது . அப்பொழுது நான் அமைச்சராக இருந்ததால் எனது திண்டுக்கல் மாவட்டத்தில் வீடு மற்றும் வியாபாரிகளுக்கு எந்த ஒரு வரியையும் உயர்த்தக் கூடாது என தலைவரிடம் போராடினேன் .    அதன்படி  மாவட்டத்தில் ஒரு பைசா கூட வரி உயர்த்தாமல் இருந்தேன்.   ஆனால் இன்று  500 ரூபாய் இருந்த இடத்தில் ஆயிரம் ரூபாயும் 5000 ரூபாய் இருந்த இடத்தில்  பத்தாயிரம் ரூபாய் என 100% வரியை பொதுமக்களிடமும் வியாபாரிகளிடமும் சுமத்தியிருக்கிறார்கள்.    இதையெல்லாம் இங்குள்ள 48 கவுன்சிலர்கள் பொதுமக்களுக்கு பிட் நோட்டீஸ் மூலம் பட்டியல் போட்டு அச்சடித்து வீடு வீடாக கொடுக்க வேண்டும்.   அப்படி கொடுத்தீர்கள் என்றால் வரக்கூடிய உள்ளாட்சி மன்ற தேர்தலில் ஒரு அதிமுக கவுன்சிலர் கூட இங்கு வர முடியாது.   அதுபோல் ஜிஎஸ்டி வரியை போட்டு  நாம் சாப்பிடும் சாப்பாட்டுக்கு கூட வரி கட்ட வைக்கிற அளவுக்கு மத்திய ஆட்சி இருந்துவருகிறது.    அதுபோல் 350 ரூபாய்க்கு கொடுக்கப்பட்ட கேஸ் சிலிண்டரையும் ஆயிரம் ரூபாய்க்கு ஆகிவிட்டது அதுபோல் கூடிய விரைவில் பஸ் கட்டணத்தையும் பல மடங்கு உயர்த்த இருக்கிறார்கள்  இப்படி மாநிலத்திலும் மத்தியிலும் மக்கள் விரோத ஆட்சி நடத்தும் ஆட்சிக்கு முற்றுப்புள்ளி வைக்க வேண்டும் . 


பொள்ளாச்சி சம்பவம்  தமிழகத்தில் பெரும் அதிர்ச்சியை ஏற்படுத்தி இருக்கிறது.  இச் சம்பவத்தில் அமைச்சர் உறவினர் மற்றும் அரசியல்வாதிகள் தொடர்பு  இருக்கிறது.    இப்படிப்பட்ட குற்றவாளிகளுக்கு தூக்குத் தண்டனையை விட அதற்கு மேல் தண்டனை கொடுக்க வேண்டும் என வெளிநாட்டிலுள்ள தமிழர்கள் கூட குரல் கொடுக்கிறார்கள்.    அந்த அளவுக்கு இந்த ஆட்சியில் இளம் பெண்களுக்கும். மாணவிகளுக்கும் பாதுகாப்பு இல்லை.   இதற்கு பதிலடி கொடுக்க மக்கள் தயாராகி வருகிறார்கள்.    அதன் மூலம்  வரக்கூடிய பாராளுமன்ற தேர்தலில் 40 தொகுதிகளிலும். 18 சட்டமன்ற தொகுதிகளிலும் திமுக கூட்டணி அமோக வெற்றி பெறும்.   இங்கு நம்மை எதிர்த்து போட்டி போடும் பாமக  வேட்பாளரை 3 லட்சம் ஓட்டு வித்தியாசத்தில் வெற்றி பெற வைப்பேன் என அமைச்சர் கூறியிருக்கிறாராம் இத் தொகுதியில் பாமக மொத்தத்திற்கே மூன்று லட்சம் ஓட்டு தான் வாங்கும்.   அதைத்தான் அப்படி மாற்றி சொல்லி இருக்கிறார்.  இந்த பாராளுமன்ற தொகுதியில் 12 லட்சம் ஓட்டு பதிவாகும்.  அதில் 3 லட்சம் ஓட்டு பாமகவுக்கு போய்விடும் ஒரு லட்சம் ஓட்டு மற்ற கட்சிகளுக்கு போய்விடும் மீதி உள்ள எட்டு லட்சம் ஓட்டு நாம வாங்குவோம்.  அதில் பாமக வாங்கிய 3 லட்சம் ஓட்டை கழித்துவிட்டோம் என்றால் 5 லட்சம் ஓட்டு வித்தியாசத்தில் நமது பாராளுமன்ற உறுப்பினர் வேலுச்சாமி அமோகமாக வெற்றி பெறுவார் என  கணக்குப் போட்டு கூறியதை கேட்ட பொதுமக்கள் கைதட்டி கரவொலி எழுப்பினார்கள்.  அதோடு மேடையில் வேட்பாளர் வேலுச்சாமிக்கு கட்சிகார்களான ஆர்.ஆர்.வாசு உள்பட  சில உடன் பிறப்புகள் கேக் வெட்டி வேட்பாளருக்கு கொடுத்தனர். 

 


    இந்த செயல் வீரர்கள் கூட்டத்தில் ஒட்டன் சத்திரம் சட்டமன்ற உறுப்பினர் சக்கரபாணி. பழனி சட்டமன்ற உறுப்பினர்  ஐ பி செந்தில்குமார் மற்றும் கூட்டணிக் கட்சி பொறுப்பாளர்களுடன் ஒட்டன்சத்திரம் நகரச் செயலாளர் வெள்ளைச்சாமி. திண்டுக்கல் நகர செயலாளர் ராஜப்பா. முன்னாள் துணை சபாநாயகர் காந்திராஜன்,  முன்னாள் சேர்மன் பசீர் அகமது,  மாவட்ட துணைச் செயலாளர்கள் நாகராஜ், தண்டபாணி,  வர்த்தக அணி ஒன்றிய பொறுப்பாளரான பரமன்,  முன்னாள் ஒன்றிய தலைவரான சந்திரசேகர், முன்னாள் கவுன்சிலர் ஜானகிராமன் உள்பட நகர ஒன்றிய பொறுப்பாளர்கள் பெருந்திரளாக கலந்து கொண்டனர் இறுதியில் திண்டுக்கல் ஒன்றிய செயலாளர் நெடுஞ்செழியன் நன்றி கூறினார்.

 

சார்ந்த செய்திகள்

 

Next Story

“வைகை அணையிலிருந்து ஆத்தூர் தொகுதிக்குக் குடிதண்ணீர் கொண்டுவரப்படும்” - அமைச்சர் ஐ.பெரியசாமி

Published on 11/07/2024 | Edited on 11/07/2024
 I. Periyasamy said Drinking water will be brought from Vaigai Dam to Attur Constituency

திண்டுக்கல் மாவட்டம் ஆத்தூர் சட்டமன்றத் தொகுதிக்கு உட்பட்ட என்.பஞ்சம்பட்டி, அம்பாத்துரை, செட்டியபட்டி ஆகிய மூன்று கிராம ஊராட்சிகளை உள்ளடக்கிய ஊரக பகுதியில் மக்களுடன் முதல்வர் நிகழ்ச்சி என்.பஞ்சம்பட்டி அரசு மேல் நிலைப்பள்ளியில் நடைபெற்றது. நிகழ்ச்சிக்கு மாவட்ட ஆட்சியர் பூங்கொடி தலைமை தாங்கினார். பழனி சட்டமன்றத் தொகுதி திமுக உறுப்பினரும், திண்டுக்கல் கிழக்கு மாவட்ட திமுக செயலாளருமான ஐ.பி.செந்தில்குமார், மாவட்ட ஊராட்சிக்குழு தலைவர் எம்.பாஸ்கரன், ஒன்றிய பெருந்தலைவர் மகேஸ்வரி முருகேசன், ஒன்றிய செயலாளர் முருகேசன். ஆத்தூர் நடராஜன், ஆகியோர் வருவாய் கோட்டாட்சியர் சக்திவேல் வரவேற்று பேசினார்.

இதையடுத்து பேசிய அமைச்சர் ஐ.பெரியசாமி, “தமிழக மக்கள் நலனுக்காக ஓய்வில்லாமல் உழைக்கும் ஒப்பற்ற தலைவராக தமிழக முதல்வர் மு.க.ஸ்டாலின் உள்ளார். திமுக ஆட்சிக்கு வரும் முன்னரே உங்கள் தொகுதியில் ஸ்டாலின் என்ற தலைப்பில் நடைபெற்ற நிகழ்ச்சியில் தமிழகம் முழுவதும் வளம் வந்த மு.க.ஸ்டாலின் மக்களின் குறைகளைத் தீர்க்க புகார்பெட்டி வைத்து அதன் மூலம் தமிழக மக்களின் குறைகளை நிவர்த்தி செய்தார். ஆட்சிக்கு வருவதற்கு முன்பே மக்களுக்கான நலத்திட்டங்களை செயல்படுத்தி தலைவர் நம் முதல்வர் மு.க.ஸ்டாலின். 

தற்போது அரசு துவக்கப் பள்ளியில் மாணவர்களுக்கு காலை சிற்றுண்டி வழங்கும் திட்டத்தை விரிவாக்கம் செய்து அரசு உதவிபெறும் பள்ளிகளுக்கும் செயல்படுத்த முடிவு செய்து வரும் திங்கள் கிழமை முதல் அரசு உதவிபெறும் பள்ளிகளில் படிக்கும் மாணவர்களுக்கும சிற்றுண்டி திட்டத்தை துவக்கி வைக்க உள்ளார். காரணம் எல்லாருக்கும் எல்லாம் கிடைக்க வேண்டும் என்ற நல்ல எண்ணத்தோடு மத, ஜாதி இன வேறுபாடின்றி செயல்படக்கூடிய ஒரேதலைவர் நம் முதல்வர் மு.க.ஸ்டாலின். சொல்வதை மட்டுமின்றி சொல்லாததையும் நிறைவேற்றி மக்கள் மனதில் 100 சதவீதம் நம்பிக்கை நட்சத்திரமாக நம் முதல்வர் உள்ளார்.

ஆத்தூர் தொகுதி மட்டுமின்றி திண்டுக்கல் மாவட்டத்தில் உள்ள முக்கிய நகரங்களின் குடிதண்ணீர் பிரச்சனையைத் தீர்க்க வைகை அணையிலிருந்து ரூ.565கோடி மதிப்பில் குழாய் மூலம் குடிதண்ணீர் கொண்டுவரும் திட்டம் செயல்பட உள்ளது. பொதுமக்களுக்கான நலத்திட்டங்களை, கோரிக்கை மனுக்களை நிறைவேற்றும் போது அவர்கள் தரும் ஆதரவுதான் எங்களைப் போன்ற அரசியல்வாதிகளுக்கு மென்மேலும் நலத்திட்டங்களை செயல்படுத்த ஊக்கம் தரும். நீங்கள்  சிரித்தால்தான் நாங்கள் சிரிக்க முடியும். நீங்கள் வருத்தப்பட்டால் நாங்களும் வருத்தத்துடன் செயல்பட வேண்டிய நிலைமை ஏற்படும்.

நான் பஞ்சம்பட்டிக்கு எப்போது வந்தாலும் பொதுமக்கள் விடுக்கும் கோரிக்கையை உடனுக்குடன் நிறைவேற்றி வருகிறேன். காரணம் எனக்கு என்றும் ஆதரவு தரும் கிராமங்களில் பஞ்சம்பட்டி ஊராட்சியும் ஒன்றும் இப்போது இந்தப் பள்ளிக்கு புதிய கட்டிடம் வேண்டுமென கோரிக்கை மனு கொடுத்துள்ளார்கள். இன்று இரவே அதற்கான பணிகள் தொடங்கும் இது உறுதி. மேலும் மாணவர்கள் நலன் கருதி கூடுதலாக கழிப்பறை வசதியும் செய்துகொடுக்க உத்தரவிட்டுள்ளேன். அந்தப் பணியும் விரைவில் தொடங்கும். இ-சேவை மையங்கள் மூலம் பொதுமக்கள் அனுப்பும் மனுக்கள் முறையாக தாலுகா அலுவலகங்களுக்கு வருவதில்லை. இதை மாவட்ட ஆட்சியர் கண்கானிக்க வேண்டும்.

காரணம் 7தொகுதிக்கும் கண்கானிக்க கூடியவர் நம்முடைய மாவட்ட ஆட்சியர். இனிமேல் இ-சேவை மையங்கள் மூலம் அனுப்பப்படும் மனுக்களுக்கு உரிய நடவடிக்கை எடுக்க அந்தந்தப் பகுதி வட்டாட்சியர்களுக்கு மாவட்ட ஆட்சியர் உத்தரவிட வேண்டும். இம்மாதிரி முகாம்கள் மூலம் தமிழகத்தில் ஒரே நாளில் லட்சகணக்கான மக்கள் பயன்பெருகிறார்கள். இந்தத் திட்டத்தை தொடர்ந்து வெற்றிகரமாக செயல்படுத்தி வரும் தமிழக முதல்வருக்கு எனது மனமார்ந்த நன்றியைத் தெரிவித்துக் கொள்கிறேன். அதன்பின்னர் பொதுமக்களின் கோரிக்கை மனுக்களை பதிவு செய்யும் இடங்களுக்கு சென்று அவர்களின் குறைகளை கேட்டறிந்ததோடு பதிவு செய்ய வேண்டும்’’ எனக் கூறினார்.

Next Story

“கிராமங்கள்தோறும் அடிப்படை வசதிகளும் நிறைவேற்றிக் கொடுக்கப்படும்” - அமைச்சர் ஐ.பெரியசாமி

Published on 06/07/2024 | Edited on 06/07/2024
Basic facilities will be provided in every village in Vikravandi  says Minister I. Periyasamy

விக்கிரவாண்டி தொகுதியில் நடைபெறும் இடைத்தேர்தலை முன்னிட்டு தொகுதிக்குட்பட்ட சோழாம்பூண்டி, சோழனூர் ஆகிய ஊராட்சி பகுதிகளுக்கு உட்பட்ட அயினாம்பாளையம், பெரியார்நகர், முத்தியால்பேட்டை, தென்னம்மாதேவி, பூத்தமேடு மாரியம்மன் கோவில் தெரு, நடுத்தெரு, காட்டு நாயக்கன் தெரு, ஆதிதிராவிடர் காலனி உட்பட பல கிராமங்களுக்கு நடந்து சென்று பொதுமக்களிடம் தமிழக அரசின் சாதனை திட்டங்கள் மற்றும் மகளிர் மேம்பாட்டிற்காக தமிழக அரசு செயல்படுத்தி வரும் நலத்திட்டங்கள் குறித்து  ஊரக வளர்ச்சித்துறை அமைச்சர் ஐ.பெரியசாமியும், உணவு மற்றும்  உணவுப்பொருள் வழங்கல்துறை அமைச்சர் அர.சக்கரபாணியும் ஆகியோர்  பொதுமக்களிடம் பேசியும் துண்டு பிரசுரங்களை வழங்கியும் திமுக வேட்பாளர் அன்னியூர் சிவாவிற்கு உதயசூரியன் சின்னத்திற்கு வாக்கு சேகரித்தனர். 

அப்போது பொதுமக்கள் மத்தியில் அமைச்சர் ஐ.பெரியசாமி பேசும்போது, “திமுக தலைவர் கலைஞர் வழியில் வந்த  மக்களின் முதல்வர் மு.க.ஸ்டாலின் நல்லாட்சியில் ஜாதிமத இன வேறுபாடின்றி அனைத்து  நலத்திட்டங்களும் அனைவருக்கும் கிடைத்து வருகிறது. குறிப்பாக தமிழகத்தில் உள்ள அனைத்து கிராமங்களும் வளர்ச்சி அடைந்து வருகிறது. முதல்வரின்  கிராமப்புற சாலைகள் மேம்பாட்டுத் திட்டம் மூலம் கிராமப்புறங்களை நகரங்களுடன் இணைக்கும் சாலைகள் அமைக்கப்பட்டதால் கிராமப்புற மக்கள் எளிதாக அருகில் உள்ள நகரங்களுக்கு செல்ல முடிகிறது. போக்குவரத்து வசதி கிராமப்புறங்களுக்கு கிடைப்பதோடு கிராமப்புறங்களில் விளைவிக்கப்படும் விவசாயிகளின் விளைபொருட்கள் எளிதாக நகரங்களுக்கு கொண்டு சென்று  விற்பனை செய்ய முடிகிறது.

Basic facilities will be provided in every village in Vikravandi  says Minister I. Periyasamy

இங்கு என்னுடன் பிரச்சாரத்திற்கு அமைச்சர் அர.சக்கரபாணியும் வந்துள்ளார். நீங்கள் தேர்தல் பிரச்சாரத்தின்போது எங்களிடம் கோரிக்கை வைத்த பேருந்து நிறுத்த வசதி, பொதுக்கழிப்பறை வசதி, சாலை வசதிகள் தங்கு தடையின்றி குடிதண்ணீர் வசதி கிடைக்க உட்பட அனைத்தும் தேர்தல் முடிந்தபின்பு படிப்படியாக நிறைவேற்றப்படும். பொதுமக்களின் முக்கியமான கோரிக்கையான பகுதிநேர நியாயவிலைக்கடை உடனடியாக அமைத்துக் கொடுக்கப்படும். இந்த தொகுதியில் போட்டியிடும் வேட்பாளர் அன்னியூர் சிவா தொகுதி மக்களின் பிரச்சனைகளை நன்கு அறிந்தவர். அவருக்கு வாக்களித்து வெற்றி பெற செய்வதின் மூலம் உங்கள் கிராமங்களுக்கு எண்ணற்ற நலத்திட்டங்கள் எளிதாக வந்தடையும்.” என்று கூறினார். 

தேர்தல் பிரச்சாரத்தில் திண்டுக்கல் கிழக்கு மாவட்ட திமுக செயலாளர் ஐ.பி.செந்தில்குமார், மாவட்ட துணைச் செயலாளர் ஆ.நாகராஜன், மார்கிரேட்மேரி, பிலால் உசேன், பொருளாளர் சத்தியமூர்த்தி, திண்டுக்கல் மேற்கு மாவட்ட திமுக பொருளாளர் சாணார்பட்டி விஜயன், கோலியனூர் மேற்கு ஒன்றிய செயலாளர் க.மும்மூர்த்தி, சோழாம்பூண்டி ஒன்றிய செயலாளர்கள் முருகேசன், தெய்வசிகாமணி, திண்டுக்கல் மாநகர செயலாளரும், துணை மேயருமான ராஜப்பா, திண்டுக்கல் கிழக்கு மாவட்டத்தைச் சேர்ந்த ஒன்றிய திமுக செயலாளர்கள் நெடுஞ்செழியன், வெள்ளிமலை, ஆத்தூர் முருகேசன், நத்தம் பேரூராட்சி மன்றதலைவர் சிக்கந்தர் பாட்சா அகரம் பேரூராட்சி மன்றதலைவர் நந்தகோபால் உட்பட கட்சிபொறுப்பாளர்கள் பலரும் கலந்து கொண்டனர்.