Skip to main content

அதிமுக, பாமக போட்ட மாஸ்டர் ஸ்கெட்ச்..! தானாக வெளியேறிய தேமுதிக..!

Published on 09/03/2021 | Edited on 09/03/2021

 

ADMK's master sketch DMDK who left from alliance


சென்னையில் உள்ள தேமுதிக தலைமை அலுவலகத்தில் இன்று (09.03.2021) காலை 11 மணிக்கு அக்கட்சியின் மாவட்டச் செயலாளர்களுடன் கட்சித் தலைமை அவசர ஆலோசனைக் கூட்டம் நடத்தியது. ஆலோசனை முடிந்து அதிமுக கூட்டணியில் இருந்து விலகுவதாக தேமுதிக அறிக்கை வெளியிட்டது. இந்த முடிவால் வரும் தேர்தலில் தேமுதிக தனித்து நிற்குமா? அல்லது வேறு யாருடனேனும் கூட்டணி அமைக்குமா என்பது நாளை தெரியவரும் எனத் தெரிவிக்கப்பட்டுள்ளது. 

 

தமிழக சட்டமன்றத் தேர்தல் தேதி அறிவித்ததிலிருந்தே தமிழகத்தில் அரசியல் கட்சிகள் அதன் பணிகளில் வேகம் காட்டின. அதில் குறிப்பான பணி, கூட்டணி அமைப்பது. திமுகவும் அதிமுகவும் தனது தோழமை கட்சிகளுடன் கூட்டணி குறித்து பேச்சுவார்த்தை நடத்தின. இதில் அதிமுக முதலில் பாமகவுடனான தொகுதிகளை முடிவுசெய்தது. அதனைத் தொடர்ந்து பாஜகவுடனான தொகுதிப் பங்கீட்டை முடிவுசெய்தது. பாமகவின் தொகுதிப் பங்கீடு விரைவில் முடிய, பாஜகவுடனான தொகுதிப் பங்கீடு சற்று இழுபறியாகி பின் முடிவுக்குவந்தது. 

 

முன்னதாக தேர்தல் தேதி அறிவிப்புக்கு முன்பே, ‘கூட்டணி குறித்து இன்னும் அதிமுக எங்களை அழைத்து பேசவுமில்லை; அழைப்பும் விடவில்லை. விரைவில் எங்களை அழைத்து தொகுதிப் பங்கீடு குறித்து பேச்சுவார்த்தை நடத்த வேண்டும்’ என தேமுதிகவின் பொருளாளர் பிரேமலதா விஜயகாந்த் பல இடங்களில், பலமுறை தெரிவித்துவந்தார். அதனைத் தொடர்ந்து தேர்தல் தேதி அறிவிப்பு வெளியாகி அதிமுக கூட்டணி குறித்து பேச்சுக்களை ஆரம்பித்தபோதும், தேமுதிகவுடனான பேச்சில் வேகம் காட்டவில்லை. இடையில் ஒருமுறை தேமுதிக தலைவர் விஜயகாந்தை அதிமுகவின் அமைச்சர்கள் சிலர் தனியாக அவரது வீட்டில் சந்தித்து பேசினர். இந்த சந்திப்பு குறித்து பிரேமலதா விஜயகாந்த் முதலில் அறிந்திருக்கவில்லை. சந்திப்பு நடந்து முடிந்த பிறகுதான் அதுகுறித்து அவர் கவனத்திற்குச் சென்றது. அதன்பின் அதிமுக - தேமுதிக இடையே சில கட்ட பேச்சுவார்த்தைகள் அதன் பேச்சுவார்த்தை குழுவுடன் நடந்துமுடிந்தது. ஆனால், பெரும் இழுபறியிலேயே இருந்துவந்தது. 

 

ADMK's master sketch DMDK who left from alliance

 

பாமக கடந்த 5ஆம் தேதி தனது தேர்தல் அறிக்கையை வெளியிட்டது. அந்த அறிக்கையில், 2021ஆம் ஆண்டு சட்டமன்றத் தேர்தலில் வாக்களிக்க வேண்டிய சின்னங்கள் என அதிமுக, பாமக மற்றும் பாஜகவின் சின்னங்கள் பதிவிடப்பட்டிருந்தது. பேச்சுவார்த்தை அப்போது முடிவுபெறாத நிலையிலும் தேமுதிகவின் சின்னமோ, கட்சியின் கொடியோ, பெயரோ பதிவிடவில்லை. இது அப்போது அரசியல் மட்டத்தில் பெரும் விவாதமானது. ஆனால், இதுகுறித்து அதிமுக தரப்பிலிருந்தோ, பாமக தரப்பிலிருந்தோ எந்தவொரு விளக்கமும் தரப்படவில்லை. அதேவேளையில் தேமுதிகவினர், கூட்டணி கட்சிக்கான முக்கியத்துவத்தை தரவில்லை என வருத்தம் தெரிவித்திருந்தனர். 

 

இந்தநிலையில் இன்று தேமுதிகவின் அவசரக் கூட்டத்தில் அதிமுக கூட்டணியிலிருந்து விலகுவதாக தேமுதிக அறிவித்துள்ளது. இதுகுறித்து அரசியல் விமர்சகர்கள், அதிமுகவுடனான பேச்சுவார்த்தையில், தேமுதிக குறிப்பிட்ட சில தொகுதிகளை கேட்டுவந்தது. ஆனால், அதே தொகுதிகளை பாமகவும் கேட்டுள்ளது. பாமக பலமாக இருக்கும் தொகுதிகளில் தேமுதிகவிற்கு கொஞ்சம் செல்வாக்கு அதிகம். அதனால், அதிமுகவும் அத்தொகுதிகளைத் தேமுதிகவிற்கு விட்டுகொடுக்க முன்வரவில்லை.

 

ADMK's master sketch DMDK who left from alliance

 

அதனால்தான் அவசர ஆலோசனைக் கூட்டத்திற்குப் பின் வெளியேவந்த அக்கட்சியின் துணைப்பொதுச்செயலாளர் எல்.கே.சுதீஷ், ''கேட்டத் தொகுதிகளும், எண்ணிக்கையும் தராததால் நாங்கள் அதிமுக - பாஜக கூட்டணியில் இருந்து விலகுகிறோம். தேமுதிகவிற்கு இன்றுதான் தீபாவளி. கண்டிப்பாக இந்தத் தேர்தலில் அதிமுக தமிழகத்தில் டெபாசிட் இழப்பார்கள். முக்கியமாக அங்கு இருக்கின்ற கே.பி.முனுசாமி, பாட்டாளி மக்கள் கட்சியுடைய ஸ்லீப்பர் செல்லாக செயல்படுகிறார். அவர் அதிமுகவிற்கு செயல்படவில்லை'' என்று தெரிவித்துள்ளார். மேலும் அதிமுக, கூட்டணி குறித்து பாஜக மற்றும் பாமகவுடன் காட்டிய மும்முரத்தை தேமுதிகவிடம் காட்டவில்லை. அதனால் தேமுதிக, அதிமுக கூட்டணியிலிருந்து வெளியேறுவதாக அறிவித்துள்ளது என்கின்றனர்.  

 

 

சார்ந்த செய்திகள்

 

Next Story

''ஏன் வேக வேகமாக அதிகாலையிலேயே என்கவுன்டர்?'' - இபிஎஸ் கேள்வி

Published on 14/07/2024 | Edited on 14/07/2024
bsp

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டது தமிழகத்தில் பரபரப்பை ஏற்படுத்தியுள்ளது. தொடர்ந்து ஆம்ஸ்ட்ராங்கின் உடல் பெரம்பூர் பந்தர் கார்டன் மாநகராட்சி பள்ளியில் பொதுமக்கள் அஞ்சலிக்காக வைக்கப்பட்டு பின்னர் அடக்கம் செய்யப்பட்டது.

இது தொடர்பாக 11 பேர் சரணடைந்த நிலையில் 11 பேரும் கைது செய்யப்பட்டு போலீஸ் கஸ்டடி காவலில் விசாரணைக்காக அனுமதிக்கப்பட்டுள்ளனர். இந்த வழக்கில் கைது செய்யப்பட்டுள்ள ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்று வருகிறது.

ஆம்ஸ்ட்ராங்கை கொலை செய்தது எப்படி என்பது தொடர்பாக 11 பேரையும் அழைத்துச் சென்று போலீசார் விசாரணை செய்த பொழுது இன்று காலை 5 மணி அளவில் மாதாவரம் ஏரிக்கரை பின்புறம் அருகே சென்று கொண்டிருந்த பொழுது போலீஸ் காவலில் இருந்து திருவேங்கடம் (33 வயது) தப்பிச் செல்ல முயன்றதாகக் கூறப்படுகிறது. தப்ப முன்ற திருவேங்கடத்தை போலீசார் என்கவுன்டர் செய்ததாக தகவல்கள் வெளியாகியுள்ளது. அதிகாலையில் நிகழ்ந்த சம்பவம் இந்த கொலை வழக்கில் மீண்டும் ஒரு பரபரப்பை ஏற்படுத்தி இருக்கிறது.

இந்நிலையில் வேலூரில் செய்தியாளர்களை சந்தித்த அதிமுகவின் பொதுச்செயலாளர் எடப்பாடி பழனிசாமி,  ரவுடி என்கவுண்டரில் சந்தேகம் உள்ளதாக தெரிவித்துள்ளார்.

"Why the encounter so early in the morning?"-EPS question

செய்தியாளர்களிடம் பேசிய அவர், ''விக்கிரவாண்டி இடைத்தேர்தலை பொருத்தவரைக்கும் ஜனநாயக முறைப்படி தேர்தல் நடக்கவில்லை. அதனால் அதிமுக போட்டியிடவில்லை. தற்பொழுது பணபலம், அதிகார பலத்தில் திமுக வென்றுள்ளது. நடந்து முடிந்த நாடாளுமன்ற தேர்தலில் திருக்கோவிலூர் சட்டமன்ற தொகுதியில் பொன்முடியின் சொந்த தொகுதியில் அதிமுக அதிக வாக்கு வாங்கி உள்ளது. தமிழக விவசாயிகள், தமிழக மக்களை பற்றி திமுகவிற்கு கவலை இல்லை. கூட்டணி தான் முக்கியம் என திமுக உள்ளது. விவசாயிகளுக்காக முதல்வர் கொடுக்கவில்லை'' என்றார்.

'ஆம்ஸ்ட்ராங் கொலை வழக்கில் திருவேங்கடம் என்ற சரணடைந்த நபர் என்கவுன்டர் செய்யப்பட்டது குறித்த கேள்விக்கு, 'இப்பொழுது தான் தொலைக்காட்சியில் பார்த்தேன்.  ஆம்ஸ்ட்ராங் கொலை வழக்கில் சுட்டுக் கொல்லப்பட்ட நபர் திருவேங்கடம் என்று கருதுகிறேன். அவர் சரணடைந்திருக்கிறார் அப்படி சரணடைந்தவரை வேக வேகமாக அதிகாலையில் அழைத்துச் சென்றதாக ஊடகத்தில் பார்த்து தெரிந்து கொண்டேன். இந்த செய்தி வாயிலாக நான் அறிந்து கொண்டது ஏன் அவசர அவசரமாக அழைத்து கொண்டு செல்ல வேண்டும்.  அவர் மறைத்து வைத்திருந்த ஆயுதத்தை கைப்பற்றுவதற்காக அழைத்துச் சென்றதாக சொல்கிறார்கள். அப்படி அழைத்துச் செல்பவர்களை கை விலங்கு இட்டு தான் அழைத்துச் செல்ல வேண்டும். ஒரு கொலை குற்றவாளியை அப்படித்தான் கைது செய்யப்பட வேண்டும் என இருப்பதாக வழக்கறிஞர்கள் சொல்கிறார்கள். அப்படி இருக்கும் பொழுது பாதுகாப்போடு சென்று இருக்க வேண்டும். அவர்கள் எங்கே அந்த ஆயுதத்தை மறைத்து வைத்திருக்கிறார்களோ அந்த ஆயுதத்தை கைப்பற்றுகின்ற பொழுது இப்படிப்பட்ட சம்பவங்கள் நடைபெற்றதாக சொல்கிறார்கள்.  இதில் ஏதோ சந்தேகம் இருப்பதாக தெரிகிறது. கைது செய்யப்பட்டவர்கள் உண்மை குற்றவாளிகள் இல்லை என்று ஆம்ஸ்ட்ராங்கின் உறவினர்களும், அவர்களுடைய கட்சி நிர்வாகிகளும் தெரிவித்துக் கொண்டிருக்கிறார்கள். அந்த வேளையில் இப்படி ஒரு சம்பவம் நடைபெற்றுள்ளது சந்தேகத்தை கிளப்பி இருக்கிறது'' என்றார்.
 

Next Story

காவிரி விவகாரம்; கர்நாடக காங்கிரஸ் அரசுக்கு எடப்பாடி பழனிசாமி கண்டனம்!

Published on 12/07/2024 | Edited on 12/07/2024
Edappadi Palaniswami condemns Karnataka Congress government!

தமிழகத்திற்கு நாள் ஒன்றுக்கு 1 டிஎம்சி தண்ணீர் திறக்க வேண்டும் என்று காவிரி ஒழுங்காற்று குழு பரிந்துரை செய்திருந்தது. இந்த நிலையில் கர்நாடக முதல்வர் சித்தராமையா மற்றும் துணை முதல்வர் டி.கே.சிவக்குமார் தலைமையில் தமிழகத்திற்குத் தண்ணீர் திறப்பது குறித்து அதிகாரிகளுடன் ஆலோசனை நடத்தப்பட்டது. இதையடுத்து, தமிழகத்திற்குத் தண்ணீர் தரவே முடியாது என்று கர்நாடக முதல்வர் சித்தராமையா திட்டவட்டமாகத் தெரிவித்துள்ளார்.

இது தொடர்பாகச் செய்தியாளர்களைச் சந்தித்த கர்நாடக முதல்வர் சித்தராமையா, “காவிரி பாசனப் பகுதியில் 28 சதவீதம் தண்ணீர் பற்றாக்குறை உள்ளது. கர்நாடகாவின் வலியுறுத்தலை மீறி தண்ணீர் திறக்க காவிரி ஒழுங்காற்று குழு உத்தரவிட்டுள்ளது. கர்நாடகாவில் பற்றாக்குறை இருப்பதால் தற்போதைக்கு தமிழகத்திற்கு தண்ணீர் திறந்துவிட  முடியாது” என்று தெரிவித்தார். மேலும் இது குறித்து ஆலோசனை நடத்தக் கர்நாடக மாநிலத்தில் உள்ள அனைத்து கட்சியினருக்கும் முதல்வர் சித்தராமையா அழைப்பு விடுத்துள்ளார். 

தமிழகத்திற்குத் தண்ணீர் தர மறுக்கும் கர்நாடக காங்கிரஸ் அரசுக்கு தமிழக எதிர்க்கட்சி தலைவர் எடப்பாடி பழனிசாமி கண்டனம் தெரிவித்துள்ளார். இது தொடர்பாக அவர் வெளியிட்ட பதிவில், “கர்நாடக அணைகளில் இருந்து தமிழகத்திற்கு காவிரியில் நாளொன்றுக்கு ஒரு டி.எம்.சி வீதம் ஜூலை 31 வரை தண்ணீர் திறந்துவிடவேண்டும் என்ற காவிரி ஒழுங்காற்றுக் குழுவின் உத்தரவை ஏற்க மறுக்கும் கர்நாடக காங்கிரஸ் அரசின் போக்கு கடும் கண்டனத்திற்குரியது. காவிரி ஆறு பாயும் மாநிலங்களின் எண்ணங்களை கருத்திற்கொண்டு பிறப்பிக்கப்பட்டுள்ள உத்தரவை கர்நாடக அரசு ஏற்காமல் முரண்டு பிடிப்பது ஏற்கத்தக்கதல்ல.

விளம்பர போட்டோ ஷூட்டில் மட்டுமே கவனம் செலுத்தும் திமுக முதல்வர், காங்கிரசின் தயவிற்காக தமிழ்நாட்டின் ஜீவாதார உரிமையை விட்டுக்கொடுப்பது அவரின் தொடர் செயலற்றத்தன்மை மூலம் தெளிவாகத் தெரிகிறது. மேடையில் மட்டும் மாநில உரிமை பற்றி வாய் கிழிய பேசும் திமுக அரசின் முதல்வர் தன்னுடைய செயலற்ற தன்மையால், தமிழக மக்களின் வாழ்வோடு விளையாடி வருவது கடும் கண்டனத்திற்குரியது.

டெல்டா விவசாயிகள் நலனைக் கருத்திற்கொண்டு உடனடியாக காவிரி விவகாரத்தில் தீர்க்கமான நடவடிக்கைகளை மேற்கொண்டு தமிழ்நாட்டிற்கு உரித்தான நீரைப் பெறுமாறு திமுக முதல்வரை வலியுறுத்துகிறேன்” எனத் தெரிவித்துள்ளார்.