Skip to main content

"ஒருநாள் தாமதமானாலும் தூக்கிலிடுவேன்" - சுகாதார பணியாளர்களை எச்சரித்த ம.பி மாவட்ட ஆட்சியர்!

Published on 16/12/2021 | Edited on 16/12/2021

 

collector

 

இந்தியா முழுவதும் தடுப்பூசி செலுத்தும் பணிகள் நடைபெற்று வரும் நிலையில், அப்பணிகளை வேகப்படுத்த மாநில அரசுகள் பல்வேறு முயற்சிகளில் ஈடுபட்டுள்ளனர். இந்தநிலையில் மத்திய பிரதேச முதல்வர் சிவராஜ் சிங் சவுகான், இம்மாத இறுதிக்குள் தகுதியுள்ள அனைவருக்கும் இரண்டாவது டோஸ் தடுப்பூசியை செலுத்த வேண்டும் என உத்தரவிட்டுள்ளார்.

 

இதனால் மத்திய பிரதேசத்தின் மாவட்ட ஆட்சியர்கள் அழுத்தத்தில் இருப்பதாக கூறப்படுகிறது. இந்தநிலையில், மாவட்ட ஆட்சியர் ஒருவர், தடுப்பூசி இலக்கை எட்டவில்லையென்றால், உங்களை தூக்கிலிடுவேன் என என சுகாதார பணியாளர்களை எச்சரிக்கும் வீடியோ தற்போது இணையத்தில் வேகமாக பரவி வருகிறது.

 

குவாலியர் மாவட்ட ஆட்சியர் கௌஷ்லேந்திர விக்ரம் சிங் தற்போது வைரலாகி வரும் அந்த வீடியோவில், “வயல்களுக்கும், வீடுகளுக்கும் சென்று அவர்களுக்கு (மக்களுக்கு) தடுப்பூசி போடுங்கள். வற்புறுத்தி தடுப்பூசிகளை போடுங்கள். தேவைப்பட்டால் அவர்களின் வீட்டிற்கு வெளியேயே நாள் முழுவதும் காத்திருங்கள், ஆனால் அவர்களுக்கு தடுப்பூசி போடுங்கள். தடுப்பூசி போடுவதில் ஒருநாள் தாமதமானாலும் நான் உங்களை தூக்கிலிடுவேன்" என கூறுகிறார்.

 

மாவட்ட ஆட்சியர் கௌஷ்லேந்திர விக்ரம் சிங், பித்வார் பகுதியில் ஆய்வு செய்தபோது உள்ளூர் மக்களிடம் பேசியதாகவும், அப்போது அந்த பகுதியில் குறைந்தளவே தடுப்பூசி செலுத்தப்பட்டதை கண்டறிந்ததாகவும் கூறியுள்ள அதிகாரிகள், இரண்டாவது டோஸ் தடுப்பூசி செலுத்துவது குறித்து கிராம மக்களுக்கு தெரிவிக்கப்படவில்லை என அறிந்து ஆத்திரமடைந்துவிட்டதாகவும் கூறியுள்ளனர்.

 

 

சார்ந்த செய்திகள்

 

Next Story

“படித்து பட்டம் பெறுவதை விட பஞ்சர் கடை வைக்கலாம்” - பா.ஜ.க எம்.எல்.ஏவின் சர்ச்சை பேச்சு!

Published on 17/07/2024 | Edited on 17/07/2024
BJP MLA's controversial speech in madhya pradesh

நாட்டில் உயர்கல்வியை மேம்படுத்தும் வகையில் ‘பிரதமர் சிறப்புக் கல்லூரி’ என்ற திட்டம் செயல்பட்டு வருகிறது. ஒவ்வொரு மாநிலத்தில் நடைபெறும் இந்த திட்டத்தின் கீழ் நடைபெறும் நிகழ்ச்சியில் கலந்துகொண்ட பா.ஜ.க எம்.எல் ஏ ஒருவர், மாணவர்களிடம் பேசியது பெரும் சர்ச்சையை ஏற்படுத்தியுள்ளது. 

மத்தியப் பிரதேசம் மாநிலம், குணா மாவட்டத்தில் இந்த புதிய கல்லூரியில் திறப்பு விழா நடைபெற்றது. இந்த நிகழ்ச்சியில், அந்த தொகுதி பா.ஜ.க எம்.எல்.ஏ பன்னாலால் ஷக்யா கலந்துகொண்டு பேசினார். அப்போது அவர், “நாம் இன்று பிரதமர் சிறப்பு கல்லூரியைத் திறக்கிறோம். இந்தக் கல்லூரிப் பட்டங்களால் எதுவும் நடக்கப் போவதில்லை என்பதை மனதில் வைத்துக்கொள்ளுமாறு அனைவரையும் கேட்டுக்கொள்கிறேன்.

அதற்குப் பதிலாக, குறைந்த பட்சம் மோட்டார் சைக்கிளுக்கு பஞ்சர் பார்க்கும் கடையை வைத்தால் உங்கள் வாழ்வாதாரத்தை மேம்படுத்த உதவும்” என்று கூறினார். பா.ஜ.க எம்.எல்.ஏவின் இந்தச் சர்ச்சை பேச்சுக்கு காங்கிரஸ் உள்ளிட்ட பலரும் கண்டனம் தெரிவித்து வருகின்றனர். 

Next Story

4 குழந்தைகளைக் கிணற்றில் வீசிய தாய்; அரங்கேறிய கொடூரம்!

Published on 15/07/2024 | Edited on 15/07/2024
Mother throws 4 children into a well in Madhya Pradesh

மத்தியப்பிரதேச மாநிலம் மாண்ட்சார் மாவட்டத்தில் உள்ள பிபல்கேடா கிராமத்தில் வசித்து வருபவர்கள் ரோட்டு சிங் - சுகுணா பாய் தம்பதியினர். இந்தத் தம்பதியினருக்கு 4 குழந்தைகள் உள்ளனர். இந்த நிலையில் ரோட்டு சிங்கிற்கும் அவரது மனைவி சுகுணா பாய்க்கும் இடையே குடும்ப பிரச்சனைத் தொடர்பாகத் தகராறு ஏற்பட்டுள்ளது.  

ஒரு கட்டத்தில் இந்தத் தகராறு முற்ற, மனைவி சுகுணா பாய் கோபித்துக்கொண்டு தனது 4 குழந்தைகளையும் கூட்டிக்கொண்டு வீட்டைவிட்டு வெளியேறியுள்ளார். இரவு நேரத்தில் அந்தப் பகுதியில் உள்ள பள்ளிக்கூடம் ஒன்றில் குழந்தைகளுடன் சுகுணா பாய் தங்கியிருந்துள்ளார். இந்த நிலையில் நேற்று அருகே உள்ள கிணற்றில் தனது 4 குழந்தைகளையும் வீசிய சுகுணா பாய், அதே கிணற்றில் தானும் விழுந்து தற்கொலைக்கு முயன்றுள்ளார்.

இதனைக் கவனித்த அப்பகுதியினர் உடனடியாக கிணற்றில் குதித்து சுகுணா பாயை காப்பாற்றினர். ஆனால் அவரது 4 குழந்தைகளும் பரிதாபமாக உயிரிழந்தது. நீண்ட நேரப் போராட்டத்திற்குப் பின்பு 4 குழந்தைகளின் உடலை சடலமாக மீட்டனர். இதனைத் தொடர்ந்து தகவலின் பேரில் சம்பவ இடத்திற்கு வந்த போலீசார் குழந்தைகளின் உடலைக் கைப்பற்றி பிரேதப்பரிசோதனைக்காக அனுப்பி வைத்தனர். பின்பு இது குறித்து வழக்குப் பதிவு செய்த போலீசார் விசாரணை நடத்தி வருகின்றனர்.