Skip to main content

நோய்களை எதிர்க்க புதிய சிப்... பாஜக தலைவரின் பலே ஐடியா...

Published on 13/10/2020 | Edited on 13/10/2020

 

Vallabhbhai Kathiria introduces cow dung chip

 

மாட்டுச் சாணம் அனைவரையும் பாதுகாக்கும் எனவும், அது கதிர்வீச்சு தடுப்பாற்றல் கொண்டது என்பது அறிவியல் பூர்வமாக நிரூபிக்கப்பட்ட ஒன்று எனவும் ராஷ்ட்ரிய காமதேனு ஆயோக்கின் தலைவரின் வல்லபாய் கதிரியா தெரிவித்துள்ளார். 

 

மத்திய அரசின் மீன்வள, கால்நடை பராமரிப்பு மற்றும் பால்வளத்துறை அமைச்சகத்தின் கீழ் வரும் ராஷ்ட்ரிய காமதேனு ஆயோக் அமைப்பு பசுக்களைப் பேணுதல், பாதுகாத்தல் மற்றும் மேம்படுத்துதல் உள்ளிட்ட பணிகளை மேற்கொண்டு வருகிறது. தீபாவளியை முன்னிட்டு இந்த அமைப்பு பசு மாட்டுச் சாண தயாரிப்புகளை ஊக்குவிக்கும் நோக்கில் `காம்தேனு தீபாவளி அபியான்' என்ற நாடு தழுவிய பிரச்சார நிகழ்ச்சி ஒன்றைத் தொடங்கி உள்ளது. இதன் தொடக்க விழாவில் பேசிய இவ்வமைப்பின் தலைவரும், பா.ஜ.க மூத்த தலைவருமான வல்லபாய் கதிரியா, "மாட்டுச் சாணம் அனைவரையும் பாதுகாக்கும். கதிர்வீச்சு தடுப்பாற்றல் கொண்டது. இது அறிவியல்பூர்வமாக நிரூபிக்கப்பட்டுள்ளது. இது ஒரு கதிர்வீச்சு சிப். கதிர்வீச்சைக் குறைக்க மொபைல் ஃபோன்களில் பயன்படுத்தக்கூடிய கதிர்வீச்சு சிப் இது. நோய்களை எதிர்த்துப் போராடவும் இது உதவும்" எனத் தெரிவித்துள்ளார். 

 

 

சார்ந்த செய்திகள்

 

Next Story

தீபாவளி ரயில் டிக்கெட் முன்பதிவு; தொடங்கிய 5 நிமிடத்தில் காலி

Published on 02/07/2024 | Edited on 02/07/2024
Diwali Train Ticket Booking; Empty within 5 minutes of start

தீபாவளிக்கான சிறப்பு ரயில் டிக்கெட் முன்பதிவு தொடங்கிய நிலையில் ஐந்து நிமிடத்திலேயே டிக்கெட்டுகள் காலியானது.

இந்த ஆண்டு அக்டோபர் 31ம் தேதி தீபாவளி பண்டிகை வர இருக்கும் நிலையில் சொந்த ஊர் செல்வதற்கு ஏதுவாக ரயில்களில் டிக்கெட் முன்பதிவு செய்வதற்கான சிறப்பு டிக்கெட் முன்பதிவு இன்று தொடங்கியது. டிக்கெட் விற்பனையானது தொடங்கிய ஐந்து நிமிடத்திலேயே முழுமையாக விற்று தீர்த்தது. இணையதளம் வாயிலாக டிக்கெட் புக்கிங் செய்ய காத்திருந்தவர் பெரும்பாலும் காத்திருப்பு பட்டியலுக்கு செல்லும் நிலை ஏற்பட்டுள்ளது. இதனால் பலர் ஏமாற்றம் அடைந்துள்ளனர். ஐ.ஆர்.சி.டி.சி இணையதளம் மற்றும் முன்பதிவு மையங்கள் வழியாக பயணிகள் தீபாவளி பயணத்திற்கு டிக்கெட்டுகளை வாங்கினர். குறிப்பாக கன்னியாகுமரி, திண்டுக்கல், மதுரை மாவட்டங்களுக்கு செல்லக்கூடிய ரயில்களில் ஐந்து நிமிடத்தில் டிக்கெட்டுகள் அனைத்தும் காலியானது.

Next Story

இரவில் திருட்டு; விடியும் முன்பே சந்தையில் விற்பனை; கையும் களவுமாக பிடித்த பொதுமக்கள்

Published on 11/06/2024 | Edited on 11/06/2024
 The man who stole a cow and sold it in the market was caught and tied up!

புதுக்கோட்டையில் பசு மாட்டை திருடி சந்தையில் விற்ற நபரை பிடித்து கட்டி வைத்த சம்பவம் பரபரப்பை ஏற்படுத்தியுள்ளது.

புதுக்கோட்டை மாவட்டம் அறந்தாங்கி டேவிதார் சாலையைச் சேர்ந்தவர் மகாதேவன் (23). தனது வீட்டில் பசு மாடு வளர்த்து பால் கறந்து விற்பனை செய்து வருகிறார். வழக்கம் போல ஞாயிற்றுக்கிழமை இரவு பசுமாட்டிற்கு தண்ணீர் வைத்து வீட்டு வாசலில் கட்டிவிட்டு தூங்கிவிட்டனர்.

திங்கட்கிழமை அதிகாலை எழுந்து பார்த்தபோது பசுவை காணவில்லை. அந்தப் பகுதி முழுவதும் தேடியும் கிடைக்காத நிலையில் சோகமாக அமர்ந்திருந்த மகாதேவனிடம் அதே பகுதியைச் சேர்ந்த ஒருவர், உங்கள் வீட்டில் நின்ற பசுவை சந்தையில் விற்பனை செய்ய ஒருவர் விலை பேசிக் கொண்டிருக்கிறார் என்று சொல்ல, சந்தைக்கு விரைந்தார் மகாதேவன். தனது பசுமாட்டை பார்த்ததும் பசு அவரிடம் வந்தது.

பசுவை பிடித்திருந்த நபர் அங்கிருந்து தப்பி ஓட முயன்ற போது சந்தையில் நின்ற பலரும் அந்த நபரை பிடித்து அந்த பகுதியில் நின்ற கலவை இயந்திரத்தில் கட்டி வைத்துவிட்டு போலீசாருக்கு தகவல் கொடுத்துள்ளனர். போலீசார் வந்து கட்டப்பட்டிருந்த நபரை மீட்டு காவல் நிலையம் அழைத்துச் சென்று விசாரணை செய்தபோது, பசுவை திருடி விற்க முயன்றவர் அம்மாபட்டினம் வடக்கு தெரு நூர்முகமது என்பதும் அதேபோல ஊர் ஊராகச் சென்று மாடுகளை திருடிச் சென்று பொழுது விடியும் முன்பே சந்தைகளில் விற்று பணம் வாங்கிச் சென்று வருவதும் தெரிய வந்தது. ஆனால் அறந்தாங்கிலேயே திருடி சில மணி நேரத்திலேயே அறந்தாங்கி சந்தையிலேயே விற்க முயன்ற போது சிக்கிக் கொண்டதாக கூறியுள்ளார். இது குறித்து வழக்குப்பதிவு செய்த அறந்தாங்கி போலீசார்  வழக்குப்பதிவு செய்து நூர்முகமதுவை கைது செய்துள்ளனர்.